الموضوع: اللي يبخصـون لندن تعالوا ساعدوا اوخيتكم بتروح من دون زوجهاداخلة على الله ثم عليكم

السلام عليكم ورحمة الله

اخواني واخواتي مثل مافهمتوا من العنوان هذي اول تجربة سفر مع بناتي من دون زوجي..اخترت لندن لان سبق ورحت لها مرة واحدة فقط فحسيت انها سهله وواضحة نوعا ما وامان باذن الله..
طبعا سفرة واحدة ابد ماتكفي تخلي عندي خبرة عن هالبلد لذلك باستعين فيكم بعدالله بايضاح بعض الامور..
سفرتنا بتكون بعد الاختبارات باسبوع بشهر رجب او تكون بداية شعبان1433هـ .. يعني لسا ماحددنا بالضبط..
طلبي او بالاصح طلباتي باختصار الله يجزاكم الجنه:
1- ابي ارخص خطوط طيران ل4 اشخاص..اصغر شي12 سنه..هل اخذ ترانزيت ارخص او علطول من الرياض الى لندن دايركت ؟
2- اسكن في فندق او في شقق فندقيه ..؟ ايهم اوفر ؟ واقترحوا اسم للفندق او الشقق الفندقيه..وكم غرفه ناخذ افضل ؟
3- في اي منطقة افضل يكون سكنا ؟ يعني منطقة تكون فيها كل شي من اسواق..مطاعم.. قهاوي.. فعاليات وسعة صدر..حدايق او حديقة كبيرة ومعروفه..؟
يعني منطقة تكون امنه وونيسه اذا حبينا نجلس فيها ونتمشى يكون مو خسارة وقت..
احنا سكنا اول في فندق قمبرلاند في اكسفورد ستريت والصراحة كان رائـــــــــــــــــــــــــع ولكن قلت اذا فيه مكان ثاني بلندن يتمتع بنفس المميزات نروحله ونغير افضل من التكرار.
4- حسب علمي اوفر وسيلة نقل الاندر جراوند والباص الاحمر حقهم المعروف..هل فيه اشتراكات او مكاتب ناخذ منها اشتراك لهالوسائل توفر علينا التنقل؟
5- ودي بالريف الانجليزي ايش خبرتكم فيه ؟ يحتاج لمبيت او روحة من اول الصبح ورجعه بالليل؟
ايش خبرتكم فيه..احب اروووحله وللاسف مانكتبلي الروحه له.

6- هذي عاد اتركها لكم ياللي شربتوا لندن شرب من زود الخبرة فيها وفي كل شبر من ارضها واسواقها وبضايعها المميزة ومطاعمها وقهاويها وتنقلاتها .. ابيكم تقدمون لي انا اخيتكم نصيحة او معلومة او فكرة استفيد منها وتريحني وتسهل علي.
وجعل كل من يساعدني باخلاص بأي معلومة قيمة عنده ان ربي ييسرله كل امر عسر و يفتحله خزاين السماء والارض ويرزقه راحة بال مع صحة وعافيه يــــــــــــــــــــــــــــــــــــاكريم
انتظركم ..

مواضيع عشوائيه ممكن تكون تعجبك اخترناها لك:

• وش أفضل وأكبرملاهي في مانشيستر
• اخواني أرجوكم مساعده سريعه مافي وقت جزاكم الله خير
• للي موجودين في لندن الان ، حالة الطقس
• مصنع كادبوري للشوكلاته
• بالنسبة لمواعيد ال هل الرسوم للجواز أم للعائلة كلها
• شقق الـوست أن كــي
• محتارة بين ثلاثة فنادق في لندن
• فزعتوا معي العام واطمع بالمزيد
• استفسااارات مهمه للجميع
• افيدوني الله يعطيكم العافيه بليييييييييييييييييييييييييييييييييز
• تعبأة أبلكيشن فيزا بريطانيا اونلاين احتاج مساعدتكم
• صلاة العيد في السفارة السعودية و القطرية
• بس للبنات شنو مشترياتكم من بريطانية ما لقيتو ها أو أحسن من مشترياتكم فى الخليج
• شقق قريبة من شارع ادجوير بلندن
• أفضل فيزا بنكية للإستخدام في السفر
• اخذ جوالي علشان النت ولا شريحة بريطانية ارخص
• ارجو مساعدتي الاسبوع القادم مسافر
• فندق قريب لشارع اكسفورد
• الى اكسفورد اريد بعض المساعده
• حضور مباراة في الدوري الانجليزي

مساء الخير

الجواب

1- افضل الخطوط برايي الدايركت حتى ولو كان في فرق واء على السعوديه او البريطانيه

2 و 3

اسكني بالكمبرلاند مره اخرى

4- نعم افضل كارت هو اوستر الاسبوعي



5- الارياف بعيده عن لندن وخصوصا ليك دستريك لكن ممكن تتطلعين اماكن قريبه مثل برايتون لكن مو ريف بمعنى الريف مدينه على البحر

6- الكثير ممن كتبو الاخوان والاخوات

وهذا ما كتبته انا

اولا

خريطة اندرقراوند لندن مع الشرح الكامل بالعربي واهم الاماكن السياحيه بلندن

http://www.arabtravelersforum.com/travel652314/


هنا اهم الاماكن السياحيه واسمها وطرق الوصول بالاندرقراوند او بالباص


http://www.arabtravelersforum.com/travel645656/

هنا اهم اماكن التسوق مع الشرح الكامل

http://www.arabtravelersforum.com/tr...2/#post6271220

هنا اهم المطاعم والمقاهي مع الشرح

http://www.arabtravelersforum.com/travel647162/


هنا الرحلات خارج لندن مع الشرح

http://www.arabtravelersforum.com/travel649340/

هنا البيج باص والهايد بارك مع الشرح

http://www.arabtravelersforum.com/travel652826/


اتمنى لكم رحله موفقه

http://www.arabtravelersforum.com/user261127/

السعودية والبريطانية غالية ياخوي .. انا ابي طيران اقتصادي
مشكوووووووووور اخوي ربي يسعدك وييسرلك كل امر عسر.

يالله يا الاخوان والاخوات ..
انتظر تفاعلكم بما عندكم من خبرات ومعلومات عن هالبلد
وياكثر عشاق لندن ومرتاديها سنوياااااا الي باخصينها عدل

ايش رايكم بالخطوط المصرية....؟ طبعا راح تنزل ببلدها وتقلع بعدها للندن
هالخطوط تذاكرها للندن رخيصة 2300 ريال او 2400بس مدري ليه متخووفين
ايش افضل نشترك بتذاكر الاندرجراوند او الباص الاحمر المعروف ؟
ردوالي ربي يسعدكم

الاسبوع اللي فات شحنت كرت الاندر جراوند بزون 2 و 3 مع الباص لجميع مناطق لندن بسعر 22 باوند
اعتقد زون 1 اغلى شوي
وتقدري تصعدي الباص لكل مناطق لندن طوال الاسبوع

مساء الخير .. يوجد طيران اقتصادي من الاردن مباشر الى لندن وهو في هذه الفتره يعتبر الارخص لان اولمبياد لندن جعلت كل الاسعار ترتفع ... ولو السفره تكون مطوله ومتعبه بس الفرق بالسعر وخاصه اذا تكون عائله 4 اشخاص واكثر الفرق سيصبح كبير

الله يسعدلي هالوجيه الي مرت على موضوعي و ردت ياكريم
الخطوط المصرية على حظي ارتفع سعرها الى4000
شرايكم بالميدال ايست..؟اللبنانية......موظفة الخطوط قالت وصل سعرها 3400 كويس او في احسن؟
عطوني سعر يعتبر لؤطه للتذكرة

بالنسبة للخطوط الاردنية مومشكله النزول بالاردن اذا فرق السعر يستاهل
شرايك بكم يعني التذكرة ربي يسعدك؟

اشكر اشكر كل من رد علي الله يجزاهم الجنه ووالديهم

وانتظر البقية من الخبراء

صباح الخير ...
طيران المصريه وطيران المديل ايست طيران جيد والسعر في الوقت الحاضر جيد وكل تاخير في الحجز يكون زياده في سعر التذاكر (( فاذا عزمتوا فتوكلوا ))
بالنسبه الى طيران المديل ايست اعتقد فيه تراسيت 7 ساعات بالذهاب و9 بالعوده يرجى التاكد قبل الحجز .. المصريه فيها عدد سفرات يوميه الى لندن تاكدي من وقت الترانسيت لان في ترانسيت بالذهاب 3 ساعات وفي 6 ساعات وفي 9 ساعات وبالعوده ساعتين ونصف تاكدي من وقت الترانسيت وبالنسبه الى الطيران من الاردن اصبح سعره مقارب الى المدل ايست يعني مايستاهل التعب اذا كانت ميزانيه السفر تتحمل فالافضل طيران السعوديه او البريطانيا مباش وبدون تعب ... ولو كان لدي مكتب طيران لحجزت لجميع الاعضاء في المنتدى بسعر التكلفه بدون ارباح ....
وبالخدمه لجميع الاعضاء

احلا مابلندن الشوبينج بالهارودز والهارفي بالنايتسبريدج والصلون ان والبوند ستريت والاكسفورد فيه 3مولات دبنهامز وسيلفرج ولويس جون والريجنت ستريت كلها محلات
البيكاديلي استعرضات ومحلات هدايا تذكاريه والترافلجار لايطوفك
ومدام توسو ولندن اي ولندن ديجون اذا تحبي الرعب
في تقارير كثير ممكن تفيدك
بس لو تحبي الشوبينج مثلي خخخخ بتستانسي بلندن *

اي سؤال انا حاضره

barrak64

فعلا كلامك صحيح باستعجال الحجز
اشكر ردك واهتمامك

لندنيه
مشكوووووووورة على تفاعلك بذكر الاماكن الهامة للنساء
ولا استغنا ابداااا عن خبرتك بلندن دام اسمك لندنيه فانتي خبراتك قووويه فيها لاتحرميني تكفيييييييييييييييين

كل الشكر لكم ربي يسعدلي وجيهكم

انتظر بقية الردود الله يجزاكم خير