السلام عليكم ورحمة الله
اخواني واخواتي مثل مافهمتوا من العنوان هذي اول تجربة سفر مع بناتي من دون زوجي..اخترت لندن لان سبق ورحت لها مرة واحدة فقط فحسيت انها سهله وواضحة نوعا ما وامان باذن الله..
طبعا سفرة واحدة ابد ماتكفي تخلي عندي خبرة عن هالبلد لذلك باستعين فيكم بعدالله بايضاح بعض الامور..
سفرتنا بتكون بعد الاختبارات باسبوع بشهر رجب او تكون بداية شعبان1433هـ .. يعني لسا ماحددنا بالضبط..
طلبي او بالاصح طلباتي باختصار الله يجزاكم الجنه:
1- ابي ارخص خطوط طيران ل4 اشخاص..اصغر شي12 سنه..هل اخذ ترانزيت ارخص او علطول من الرياض الى لندن دايركت ؟
2- اسكن في فندق او في شقق فندقيه ..؟ ايهم اوفر ؟ واقترحوا اسم للفندق او الشقق الفندقيه..وكم غرفه ناخذ افضل ؟
3- في اي منطقة افضل يكون سكنا ؟ يعني منطقة تكون فيها كل شي من اسواق..مطاعم.. قهاوي.. فعاليات وسعة صدر..حدايق او حديقة كبيرة ومعروفه..؟
يعني منطقة تكون امنه وونيسه اذا حبينا نجلس فيها ونتمشى يكون مو خسارة وقت..
احنا سكنا اول في فندق قمبرلاند في اكسفورد ستريت والصراحة كان رائـــــــــــــــــــــــــع ولكن قلت اذا فيه مكان ثاني بلندن يتمتع بنفس المميزات نروحله ونغير افضل من التكرار.
4- حسب علمي اوفر وسيلة نقل الاندر جراوند والباص الاحمر حقهم المعروف..هل فيه اشتراكات او مكاتب ناخذ منها اشتراك لهالوسائل توفر علينا التنقل؟
5- ودي بالريف الانجليزي ايش خبرتكم فيه ؟ يحتاج لمبيت او روحة من اول الصبح ورجعه بالليل؟
ايش خبرتكم فيه..احب اروووحله وللاسف مانكتبلي الروحه له.
6- هذي عاد اتركها لكم ياللي شربتوا لندن شرب من زود الخبرة فيها وفي كل شبر من ارضها واسواقها وبضايعها المميزة ومطاعمها وقهاويها وتنقلاتها .. ابيكم تقدمون لي انا اخيتكم نصيحة او معلومة او فكرة استفيد منها وتريحني وتسهل علي.
وجعل كل من يساعدني باخلاص بأي معلومة قيمة عنده ان ربي ييسرله كل امر عسر و يفتحله خزاين السماء والارض ويرزقه راحة بال مع صحة وعافيه يــــــــــــــــــــــــــــــــــــاكريم
انتظركم ..مواضيع عشوائيه ممكن تكون تعجبك اخترناها لك:
- مشكلة في ورقة التعريف
- لخبراء استخراج فيزا لندن
- ابريل مايو في لندن اريد جدول سياحي
- استفسار عن قرية ويندرمير
- أسعار تذاكر دخول فلامنجو لاند ؟؟
- مدينة الضباب بعدستي
- الشمال ام الغرب؟
- اسبوع رحله عمل واسبوع سياحة محتاج مساعدتكم
- فنادق قريبة من
- استفسار عن منطقة اكسفورد وليس شارع اكسفورد
- استفسار عن مطارات لندن
- افضل شريحة انترنت
- دورة لغة في مدينة بورنموث
- ماركة للساعات اين اجدها في لندن
- أرجو مساعدتي في أختيار منتجع في أحد المدن البرطانيه
- ساعدوني الله يخليكم
- بالنسبة للشحن والتاكس
- اخذ جوالي علشان النت ولا شريحة بريطانية ارخص
- في بريطانيا اشهر
- انتظاار في مطاار هيثروو
المفضلات