السلام عليكم ورحمة الله
اخواني واخواتي مثل مافهمتوا من العنوان هذي اول تجربة سفر مع بناتي من دون زوجي..اخترت لندن لان سبق ورحت لها مرة واحدة فقط فحسيت انها سهله وواضحة نوعا ما وامان باذن الله..
طبعا سفرة واحدة ابد ماتكفي تخلي عندي خبرة عن هالبلد لذلك باستعين فيكم بعدالله بايضاح بعض الامور..
سفرتنا بتكون بعد الاختبارات باسبوع بشهر رجب او تكون بداية شعبان1433هـ .. يعني لسا ماحددنا بالضبط..
طلبي او بالاصح طلباتي باختصار الله يجزاكم الجنه:
1- ابي ارخص خطوط طيران ل4 اشخاص..اصغر شي12 سنه..هل اخذ ترانزيت ارخص او علطول من الرياض الى لندن دايركت ؟
2- اسكن في فندق او في شقق فندقيه ..؟ ايهم اوفر ؟ واقترحوا اسم للفندق او الشقق الفندقيه..وكم غرفه ناخذ افضل ؟
3- في اي منطقة افضل يكون سكنا ؟ يعني منطقة تكون فيها كل شي من اسواق..مطاعم.. قهاوي.. فعاليات وسعة صدر..حدايق او حديقة كبيرة ومعروفه..؟
يعني منطقة تكون امنه وونيسه اذا حبينا نجلس فيها ونتمشى يكون مو خسارة وقت..
احنا سكنا اول في فندق قمبرلاند في اكسفورد ستريت والصراحة كان رائـــــــــــــــــــــــــع ولكن قلت اذا فيه مكان ثاني بلندن يتمتع بنفس المميزات نروحله ونغير افضل من التكرار.
4- حسب علمي اوفر وسيلة نقل الاندر جراوند والباص الاحمر حقهم المعروف..هل فيه اشتراكات او مكاتب ناخذ منها اشتراك لهالوسائل توفر علينا التنقل؟
5- ودي بالريف الانجليزي ايش خبرتكم فيه ؟ يحتاج لمبيت او روحة من اول الصبح ورجعه بالليل؟
ايش خبرتكم فيه..احب اروووحله وللاسف مانكتبلي الروحه له.
6- هذي عاد اتركها لكم ياللي شربتوا لندن شرب من زود الخبرة فيها وفي كل شبر من ارضها واسواقها وبضايعها المميزة ومطاعمها وقهاويها وتنقلاتها .. ابيكم تقدمون لي انا اخيتكم نصيحة او معلومة او فكرة استفيد منها وتريحني وتسهل علي.
وجعل كل من يساعدني باخلاص بأي معلومة قيمة عنده ان ربي ييسرله كل امر عسر و يفتحله خزاين السماء والارض ويرزقه راحة بال مع صحة وعافيه يــــــــــــــــــــــــــــــــــــاكريم
انتظركم ..مواضيع عشوائيه ممكن تكون تعجبك اخترناها لك:
- مارايكم في فندق شيراتون بارك لين او شيراتون بارك تاور
- استفسار بخصوص استخراج الفيزا المره الثانية
- بخصوص تأمين الغرف في لندن ؟؟
- عندي ترانزيت طويل ساعة في مطار هيثرو
- تنظيم رحله الى بريطانيا
- في ليفربول ؟
- ممكن مساعده بالفيزا
- دعوة صادقة في ظهر الغيب لمن يجيب على سؤالي
- برمنجهام
- كم سعر شريحة الجوال بلندن ؟
- سؤال عن مدينة باث البريطانية
- من الكويت الى لندن في شهر عائلي
- عااجل
- ابي مساعدة بخصوص ايجار الشقق في لندن و اسعار ممتازه
- ريف لندن طبيعة وجمال غاية وخيال
- صور للندن وكامبرديج
- استفسار عن الليك دستريك
- عند حجز فندق يرسل رساله البطاقه الائتمان غير صالح
- اللي باله طويل ويقدر يساعدني ياليت يتفضل
- حجزي ع الخطوط البريطانيه صورة الحجز ارجوا افادتي
المفضلات