السلام عليكم ورحمة الله
اخواني واخواتي مثل مافهمتوا من العنوان هذي اول تجربة سفر مع بناتي من دون زوجي..اخترت لندن لان سبق ورحت لها مرة واحدة فقط فحسيت انها سهله وواضحة نوعا ما وامان باذن الله..
طبعا سفرة واحدة ابد ماتكفي تخلي عندي خبرة عن هالبلد لذلك باستعين فيكم بعدالله بايضاح بعض الامور..
سفرتنا بتكون بعد الاختبارات باسبوع بشهر رجب او تكون بداية شعبان1433هـ .. يعني لسا ماحددنا بالضبط..
طلبي او بالاصح طلباتي باختصار الله يجزاكم الجنه:
1- ابي ارخص خطوط طيران ل4 اشخاص..اصغر شي12 سنه..هل اخذ ترانزيت ارخص او علطول من الرياض الى لندن دايركت ؟
2- اسكن في فندق او في شقق فندقيه ..؟ ايهم اوفر ؟ واقترحوا اسم للفندق او الشقق الفندقيه..وكم غرفه ناخذ افضل ؟
3- في اي منطقة افضل يكون سكنا ؟ يعني منطقة تكون فيها كل شي من اسواق..مطاعم.. قهاوي.. فعاليات وسعة صدر..حدايق او حديقة كبيرة ومعروفه..؟
يعني منطقة تكون امنه وونيسه اذا حبينا نجلس فيها ونتمشى يكون مو خسارة وقت..
احنا سكنا اول في فندق قمبرلاند في اكسفورد ستريت والصراحة كان رائـــــــــــــــــــــــــع ولكن قلت اذا فيه مكان ثاني بلندن يتمتع بنفس المميزات نروحله ونغير افضل من التكرار.
4- حسب علمي اوفر وسيلة نقل الاندر جراوند والباص الاحمر حقهم المعروف..هل فيه اشتراكات او مكاتب ناخذ منها اشتراك لهالوسائل توفر علينا التنقل؟
5- ودي بالريف الانجليزي ايش خبرتكم فيه ؟ يحتاج لمبيت او روحة من اول الصبح ورجعه بالليل؟
ايش خبرتكم فيه..احب اروووحله وللاسف مانكتبلي الروحه له.
6- هذي عاد اتركها لكم ياللي شربتوا لندن شرب من زود الخبرة فيها وفي كل شبر من ارضها واسواقها وبضايعها المميزة ومطاعمها وقهاويها وتنقلاتها .. ابيكم تقدمون لي انا اخيتكم نصيحة او معلومة او فكرة استفيد منها وتريحني وتسهل علي.
وجعل كل من يساعدني باخلاص بأي معلومة قيمة عنده ان ربي ييسرله كل امر عسر و يفتحله خزاين السماء والارض ويرزقه راحة بال مع صحة وعافيه يــــــــــــــــــــــــــــــــــــاكريم
انتظركم ..مواضيع عشوائيه ممكن تكون تعجبك اخترناها لك:
- سؤال عن البحيرات ضروري
- صور من ويلز
- استفسار عن الفيزا البــــــــــــــريطانية
- ساعدوني اعرف درجه الحراره جزاكم الله خير
- ردوا تكفوووون على تساؤلاتي
- مطلوب شقق مكيفة وقريبه من اكسفورد والهايد بارك
- أرجوا مساعدتي
- في لندن لمدة يوم وملابس الأطفال
- رحلتي الى لندن الصيفية وما جاورها من القرى البريطانية
- سوال عن الميزانيه الكافيه مساعده
- أرجو الإفاده عن فنادق لندن
- القطرية للعطلات
- استفسار عن إحضار الاطفال في المقابلة
- تكفوووووون ساعدوني توهقت وبكره رحلتي
- تقريري المتكامل عن مدينة بورمث
- ذاهب للعلاج مطلوب مترجم في لندن لمده يوم او يومين
- حاب استفسر من الخبرة ايت احلى بريطانيا او امريكا ؟
- سؤال مهم يرحو الرد عليه قيل سفري يوم الاتنين اللي جاى
- استفسارات عاشق الشواطي ترتيب الرحلة الى لندن
- استفسار عن السفاره البريطانية في الخبر
المفضلات