شوفي سلمكي الله يامدمنة ماليزا
واضح إن الروحه يبيلها دراسه وإعادة نضر في الجدول ( كلام كبير صح ؟ .. لاتقولين لي بعد اربكتني وما اربكتني)
اول شي لو قلنا إن محطة التسوق بتكون هي الأولى وحسب علمي إنه رايح يكون فيه هلع واندفاع بقوه على التسوق خصوصاً من قبلكم يالحريم وراح تخرجون بعفش من غير عفشكم المصون .. فهنا راح يكون عندكم خيارين إما أن تشحنوا مشترياتكم الى بلدكم في أخر يوم لكم في قوانزوه او إنها راح تكون عبء عليكم لا يطاق مصاحبته .. مع العلم إنكم لو زرتو هونق كونق راح تشترون ومن بكين راح تشترون ومن شنقهاي كذلك ... حوسه صح
طيب نجي لسانيا ... طبعاً سانيا تعتبر الجزيره الصغرى من بين جزر الصين من ناحية العمران والمساحه حينما نحسب جزيرتي هونق كونق وتيوان ... لكن لا تتصورين إنها راح تصل الى مستوى لنكاوي بالهداوه ولكن تقدرين تحسبينها مثل بينانق تقريباً
في نضري هي جميله ولكن ليس في فترة الويك إند او الاجازات الرسميه فلا تتوقعين من شواطيها ان تكون محافضه خصوصا في اللي هي يعتبرونها جهة العزاب وربع الهني مون في منطقه يسمونها Tianya Haijiao
عندهم شاطي بامتداد طويل ورمال بيضا مطل على جبال يغطيها اللون الأخضر بشكل جميل وعلى امتداد نضره بعيده من الشاطي .. اسم هذه المنطقه هو Asian Dragon Bay
سامحيني على ضيق وقتي ولكن لسانيا راح يكون نصيب في تقريري انشاء الله " انت في الصين" شوفيه بالعامه يمكن يفيدك وصلت لحد بكين وراح اضيف جزء جديد خلال هذه الايام انشاء الله
اما من ناحية الدبارتمنت ستور فهو زي المجمعات ولكن يغلب عليه طابع الكشكات اكثر من الشوبز يوجد به جميع انواع البضائع مصنفه وموزعه داخل طوابق المبنى يوجد منها الكثير في بكين وشنقهاي عاد قوانزوه بتخصص
تحياتي
صمت مداوي
يا خوفي اتوهق
رد مع اقتباس
المفضلات