الموضوع: أريد مساعدتكم الله يخليكم لكل عين تحبكم رجيكم

السلام عليكم

مساكم الله بالخير أخواني & أخواتي..

أتمنى الجميع في أتم الصحه والعافيه.

أعزائي .. انا قبل رمضان بأربع أيام وانتم بخير راح أقوم بزياره لبيتي الثاني ( دولة قطر الشقيقه )

تقدرون تقولون رحله استجماميه ^ _ ^

صحيح وقت متأخر بس ظروف عملي أجبرني :*_*:

بس بصراحه انا رحلاتي وسفراتي كلها داخل المملكه ... يعني هذه أول مره أسافر فيها لخارج دولتي الغاليه ويشرفني انها تكون لدولتي الشقيه وبيتي الثاني ( قطر )

انا حجزت بفندق الفورسيزون وخلصت كل شي ... وممكن أجي سياره أو طياره للآن ماقررت بصراحه ..

المهم اني ودي أعرف إذا في برنامج معين او اماكن سياحيه حلوه ممكن أزورها و المولات الراقيه وأفضل سينما ممكن أروح له

شاكر ومقدر لكم .. وربي يعطيكم الصحه والعافيه

أخوكم ومحبكم

صالح ^ _ ^

مواضيع عشوائيه ممكن تكون تعجبك اخترناها لك:

• احتاج مساعده انا في قطر
• مدينة الذخيرة دولة قطر
• ماهو ارخص فندق في قطر
• للخبيرين في اسواق الدوحه فقط؟؟؟؟؟
• فندق رتاج الريان وبعض الاستفسارات
• إلى أهل قطر الاعزاء
• يا اهل قطر تعالوا
• اسئلة عن الدخول لقطر
• المسافه الرياض الدوحه
• جدول سياحي لقطر جاهز للتحميل
• شروط موسم التخييم في قطر
• دائمآ مانسمع المعيشه في قطر غاليه نبغى جواب منكم
• السراج دوحة إن او السراج للشقق المفروشة؟
• تجديد المبني في مسيعيد قطر
• ممكن خدمه ياهل قطر الكرمااااااااء
• لــؤلــؤة قطــــر
• شقه عائليه
• كيف اوصل الي مجمع او سوق غرناطة
• صور من قطر
• المخالفات المروريه تحسب ع السعودين

ماشاء الله
حياكم الله وتنور قطر فيكم
عن جد اختيار موفق الفورسيزن
من حيث الموقع والفخامة
طبعا سفير قطر ماقصر حط لك برنامج متمييز
واي خدمة او استفسار ابشر به
وانصحك بجولة في موضوع التقارير المثبته بفيدك

أخوي ( sukhoi )

الف الف الف شكر لك اخوي

ولو ان شكري لك قليله بحقك وربي ..

لأنك ماقصرت والله بردكـ ولا هانوا اخواني وأفدتني بردك كثير ....

وراح أقوم بزيارة هالأماكن ان شاء الله

وراح أسوي لي جدول كالعاده عشان أمشي عليه .. عشان ماتضيع اجازتي عالفاضي ^ _ ^

والف الف الف شكر لكل من رد علي اخوي ( قطر2007 ) و (سحيم السليطي )



تقديري وإحترامي للجميع

شوف رويال بلازا المجمع جدا هادي للي يحب الهدوه بس عيبه انه اكثره الكوفبي شوبات والطاعم جدا قليله بس ثلاث مطاعم واحد للبيتزا وواحد اكلات الايرانيه مثل المشويات وغيرها
لاكن الكوفي شوبات لا يعلي عليها بس من ناحيتي افضل فيلاجيو مول او لاند مارك

ماقصر مشرفنا وانا اختك

واي استفسار ابشر به

والله انكم ماقصرتوا كلكم ..

كفيتوا ووفيتوا ... عسى ربي يحفظكم

ورتبت كل شي والحمدلله بس عندي سؤالين يالغاليين...

1. الحين أنا عندي الرخصه السعوديه .. وبأستأجر سياره لمدة 3 أيام ...
هل لازم يكون عندي الرخصه الدوليه ولا لا ؟؟؟؟

2. بما ان هذه أول سفره لي للخارج ... فسؤالي ..
هل مطلوب أي شي بخصوص إجاراءات السفر ( غير بطاقة الأحوال الشخصيه أو جواز السفر ) ؟؟

وشاكر ومقدر لكم تفاعلكم ...

تقديري وجل إحترامي للجميع

أخوكم صالح الغامدي

المشاركة الأصلية كتبت بواسطة saloooh
http://www.arabtravelersforum.com/tr...0/#post4000900

والله انكم ماقصرتوا كلكم ..

كفيتوا ووفيتوا ... عسى ربي يحفظكم

ورتبت كل شي والحمدلله بس عندي سؤالين يالغاليين...

1. الحين أنا عندي الرخصه السعوديه .. وبأستأجر سياره لمدة 3 أيام ...
هل لازم يكون عندي الرخصه الدوليه ولا لا ؟؟؟؟

عادي ماهنا مشاكل الله يسهل عليكم
وارفق لكم بعض اسماء مكاتب تاجيير السيارات في الدوحة
إيفيس

avis

4394444
بدجت




budget

4391001
هيرتز




hertz

4391427
يوروب كار




europcar

4392012


وهذا الرابط بفيدك
http://www.arabtravelersforum.com/travel288842/

2. بما ان هذه أول سفره لي للخارج ... فسؤالي ..
هل مطلوب أي شي بخصوص إجاراءات السفر ( غير بطاقة الأحوال الشخصيه أو جواز السفر ) ؟؟

هذا الرابط بفيدك
http://www.arabtravelersforum.com/travel260774/

لا ياخوي ودربك خضر باذن الله

وشاكر ومقدر لكم تفاعلكم ...

تقديري وجل إحترامي للجميع

أخوكم صالح الغامدي




واي استفسار ابشر به وانا اختك

عسى ربي يحفظك

شاكر ومقدر لك ردك اختي الغاليه .. ولاخلا ولاعدم ماتقصرين والله

ولك مني وللجميع خالص التقدير والإحترام

السلام عليكم ....

رجعنا لكم وقبل سفري بإذن الله لدولتي الحبيبه الثانيه ( قطر ) ^_^

انا مقرر أول ما أوصل بإذن وـآحد أحد للدوحه ... ناوي أمر لسوبرماركت بس يكون قريب من الفورسيزون أو المطار ..
هل يوجد ؟؟؟


وبس ^_^ مشكورين يالغاليين

اي اخوي جمب الفورسيزون مجمع السيتي سنتر داخله فيه كارفور جدا ضخم

حبيت أذكرك
القارمن مهم
فلاتنسى القارمن حتى لو ماعندك
كلم الشركه الي أستأجرت منها
وحياك الله في بلدك الثاني قطر
وأي سؤال انا حاضر

أخوي من هل ناحيه لاتاخذ لوميزون لانه اغلى مجمع السيتي سنتر جمبك تقريبا مسافة دقيقتين مشي وتقدر تشوفه من فندقك اهناك تكاسي الي هم كروه خذلك سياره وروح فيها المكان الي تبيه وعلى فكره كل مجمعات قطر فيها تكاسي بس كم مجمع لاء

كويس والله ...

تسلم .. الله يخليك أخوي ..

وبإذن الله راح يكون لي تقرير .. مع إنه مالي بالتقارير .. بس نقول إن شاء الله ^_^

تقديري وإحترامي للجميع

..................
صحيح سينمات فيلاجيو يديده بس مب مثل سينمات السيتي سنتر

السيتي سنتر أكبر واشرح وأنظف غير عن فيلاجيو محد مهتم فيها واللي ينظفون مايجون الا اخر اليوم

واذا بتدش سينمات السيتي دش الفيلم اللي موجود في السينما الاولى لانها كبيره وايد جنها مسرح

أو اختار الفيلم اللي في سينما الـ vip لانه هالسينما مب موجود منها الا وحده ووايد راقيه وتذكرة الدخول 100 ريال

لازم تجربها

و السيتي سنتر قريب من فندقك حذفة حصاة وبتلقى نفسك فيه

الله يجزاك خير أخوي ...

وهذه معلومات تفيدني كثير .... لأني فعلا ناوي أروح للسينما ... بس لعدم خبرتي وتوقعت انها كلهم وتتشابه ... فماسألت عنها

وتمام انك ذكرت لي هالمعلومات يالغالي ... لاخلا ولاعدم

وسؤال .... ( سينما الـ vip وش تفرق عن غيرها من الموجودات بالسيتي سنتر والسينما الأولى ؟؟ )


لكم كل التقدير والإحترام

ألفي اي بي تفرق من سينما الى اخرا
عندك الستي ماتفرق الى في الكراسي والديكور

ـــــ
اما في اي بي الي في فيلاجيو مول
تفرق في الكراسي والكفتيريا تكون خاصه ومشاهدة الشاشه تكون اريح بس فيلاجيو مافي سينما خاصه للفي اي بي في سينمات خلط بس المدرجات الثانيه الي في الطابق الثانب هذي في اي بي انشالله اوصلت لك المعلومه

المشاركة الأصلية كتبت بواسطة Saloooh
http://www.arabtravelersforum.com/tr...6/#post4112566

الله يجزاك خير أخوي ...

وهذه معلومات تفيدني كثير .... لأني فعلا ناوي أروح للسينما ... بس لعدم خبرتي وتوقعت انها كلهم وتتشابه ... فماسألت عنها

وتمام انك ذكرت لي هالمعلومات يالغالي ... لاخلا ولاعدم

وسؤال .... ( سينما الـ vip وش تفرق عن غيرها من الموجودات بالسيتي سنتر والسينما الأولى ؟؟ )


لكم كل التقدير والإحترام



وجزاك بالمثل

أولاً فيلاجيو فيه ثلاث سينمات على مااظن تكون عامه حق الناس كلها بس يحطون فيها طابق ثاني ويسمونه vip

لكن مافي أي فرق بينهم والدليل انك تدفع بس عشر ريالات زياده

وحتى الكراسي اللي المفروض تتحرك وترجع على ورا او تروح لجدام خربانه من اول مافتحوا السينما

والكراسي كلها تلقاها مليانه وازعاج يعني ماتحس انك في vip

يعني مافي أي مميزات

بس سينما السيتي سنتر الـ vip أرقى بوايد مقارنة مع سينمات السيتي فمابالك في فيلاجيو

السينما فيها كراسي وسيعه وجلديه حمرا كأنك رايح لندن درجة أولى والكرسي يتحرك بعد

وحذاك طاولات خشبيه كبيره تحط عليها المشروبات او الذره

ومافيها الا كراسي قليله

يعني في بعض الصفوف تلقى فيها بس 3 كراسي

وبالنسبه للخدمه في ناس يجونك لين مكانك وياخذون طلباتك وانت قاعد على الكرسي ويجيبونها لك لين مكانك

وبالاضافه ان السينما بروحها فيها الله يعزك حمام رجالي وحمام نسائي وتكون طبعا نظيفه غير عن الحمامات العامه الموجوده في بهو السينمات

والسعر بيكون 100 ريال بس لاتستخسره لانك صج بتستانس

وبالتوفيق

ولاتنسى بعد تدخل السينما الأولى في سيتي سنتر لانها كبيره ماتشوف نهايتها وشاشتها من الحائط لين الحائط

ودايما اقعد فوق لاتحجز تحت لانه مايبين شي

وحاول تتجنب سينمات المول ولاندمارك و رويال بلازا

لانه هالسينمات قديمة وكراسيها ضيقه وكلهم ينتهمون لنفس الشركه . . والشركه بروحها تعبانه

بس السيتي سنتر فيه 14 سينما وكل وحده مختلفه عن الثانيه