الموضوع: استفسارت من الخبراء

[SIZE="6"]بسم الله الرحمن الرحيم
احنا بنجي لقطر بإذن الله بعد اسبوعين وحبين نستفسر عن بعض الأمور
أولا احنا بنجي بالسياره من الرياض وحابين نعرف الطريق زين لأن هذي الزياره الأولى لدولة قطر فياليت أحد يفيدنا بخطة السير من الرياض الى الدوحه
ثانيا نبغى نستفسر عن سعر الريال القطري هو نفس سعر الريال السعودي؟؟؟؟
وهل لازم أصرف العمله القطريه من السعوديه والا عادي من قطر؟؟؟
واذا كنت ما أملك بطاقة فيزا هل أقدر أصرف عادي من الصرافالآلي ببطاقة الصراف العاديه (الراجحي)؟؟؟؟
والأسعار بشكل عام في قطر (سكن .مطاعم .تسوق)هل هي غاليه والا عاديه؟؟؟؟
وياليت اذا أحد يعطينا خطه سياحيه لمدة 6إلى 8 أيام لأن الديره جديده علينا ولا نعرف شي نهائي فيها (احنا عائله 6 أشخاص)
والشكر كل الشكر لكل من يفيدني ويرد على موضوعي[/SIZE]

مواضيع عشوائيه ممكن تكون تعجبك اخترناها لك:

• أرخص 5 فنادق في قطر
• أفخم فندق في قطـــر
• اسعار ايجار الشقق بقطر
• استفسار عن لؤلؤة قطر وخليج لاغوم
• خارطة لبعض الاماكن في الدوحة
• تقرير رحلتي إلى دولة قطـــــر بالصور
• الف الف مليون مبروك للحبيبة قطر
• رجاء المساعدة بخصوص الدخول لقطر وحجز الفندق
• ناوي ازور قطر ﻷول مرة ومحتار
• استفسارات عن الدوحة
• استفسار ل عن قطر اشياء بسيطة
• هل هالماركة موجوده بقطر ؟؟؟؟
• فودافون تستعد لإطلاق عروضها المتميزة للجمهور
• فندق سوق واقف
• لا تبخلون علينا طلبتكم يالغالين
• جبــت الع ـيد بقــطرهع هع
• هيئة السياحة تدشن موقعها الالكتروني الجديد
• شاليه الحويلة دولة قطر
• استفسار عن جنة الخليج
• تكفون ابي جدول لسفرتي

حياك الله أخوي

والله يوصلكم بالسلامه ويرجعكم بالسلامه

ونبدأ حبه حبه بأسئلتك


أولا احنا بنجي بالسياره من الرياض وحابين نعرف الطريق زين لأن هذي الزياره الأولى لدولة قطر فياليت أحد يفيدنا بخطة السير من الرياض الى الدوحه

الخط زي الفل أنا جاي معه قبل فتره قصيرة

أول شيء تمسك خط الشرقيه من الرياض إلين توصل سعد فيجيك مخرج مكتوب عليه خريص

روح معاه ودوس وتجيك عاد لوحات تقول قطر وأبد أمسك اللوحات الي تقول قطر وفيه لوحات

تقول منفذ سلوى روح معاها وبإذن الله 600 كيلو وأنت واصل تقريباً

والخط حلو ولا فيه أي مشاكل بس فاضي مره ولازم توصل منفذ سلوى بالنهار

لأن فيه منظر رائع لازم تشوفه يجيك البحر يسار صراحه جميل ما شاء الله


ثانيا نبغى نستفسر عن سعر الريال القطري هو نفس سعر الريال السعودي؟؟؟؟

ما فيه فرق واجد يعني الـ 100 ريال سعودي فيها 102 ريال قطري أو تزيد شوي


وهل لازم أصرف العمله القطريه من السعوديه والا عادي من قطر؟؟؟

على حسب كم بتصرف وأحس لو تصرفها من هناك أحسن وتقدر تحول هناك فيه محلات واجد تحويل


واذا كنت ما أملك بطاقة فيزا هل أقدر أصرف عادي من الصرافالآلي ببطاقة الصراف العاديه (الراجحي)؟؟؟؟

تصرف من الصراف بس على كل عمليه الظاهر 12 ريال أو حولها وأبد أصرف مره وحده أو مرتين


والأسعار بشكل عام في قطر (سكن .مطاعم .تسوق)هل هي غاليه والا عاديه؟؟؟؟

الأسعار عامه حلوة وتقريباً مثلنا وبعض الأشياء أرخص بس السكن هذا غالي بصراحه

وعلى حسب الفندق أو الشقه وأنصحك تستأجر من مكاتب السياحه الي عندنا أرخص لك بكثييير



وياليت اذا أحد يعطينا خطه سياحيه لمدة 6إلى 8 أيام لأن الديره جديده علينا ولا نعرف شي نهائي فيها (احنا عائله 6 أشخاص)

شف فيه موضوع مثبت لأختي قطر موضوع مميز فيه أغلب الأشياء الي بقطر

والموضوع هو من هنا : http://www.arabtravelersforum.com/travel283370/

وأنت أختر الي تجتاجه والي ودك فيه

والله يوصلكم بالسلامه ويرجعكم بالسلامه

وربي يوفقكم وييسر أمركم

ماشاء الله ...حياكم الله
طبعا اخونا ماقصر وفى وكفى ...
اما بخصوص السكن ارشح لك

شقق فلامنجو


من الشقق التي ينصح بها للعائلات
عنوانها بمنطقة السد
هاتف رقم -
4375880 / 00974
4375686/ 00974

عبارة عن شقق كل شقة
عدد 2 غرفة نوم
2 حمام
صاله - ومطبخ
وانترنت مجانا
بدون فطور مع مواقف مجانا ومسبح
بسعر الليلة 500 ريال قطري



القيروان للـشقق الفندقيـة - بشارع حمد الكبير
يضم اكثر من 20 جناح وشقق سكنية فخمة
وخدمة التنقل بين المطار


تبدء الاسعار من 450 لليوم

9474275687 +pon
9744025000 +pon
9474275687 +fax



شقق السراج للأجنـحـه المـفـروشـه هو
4440230 (فتح الخط 00974 )
الموقع ام غويلينة قرب الكورنيش
السعر لليلة 375ريال
مع فطور لشخصين مجانا
خدمة الانترنت متوفرة وبالمجان
والتظيف يومي

السراج للشقق - طريق سلوى
رقم تلفونهم (009744582811 )
والمتوفر استوديو والسعر 250ريال قطري
استديو (غرفة نوم ومطبخ تحضير بسيط وحمام الله يعزكم )
انترنت مجاني في اللوبي فقط


رتاج الشرق


مستوى خمس نجوم
منطقة اسلطة القديمة بالقرب من الكورنيش
هاتف 4528888
فاكس 4528880

شقه 850 (غرفتين نوم مطبخ وصالة وحمامين ) بدون فطور وبدون ضريب
شقة 1250 (عدد اسرة 3 في كل غرفة ومطبخ وصالة وحمامين ) بدون فطور بدون ضريبة



واي استفسار ابشروا به

الله يسعدك

تفضل هالرابط بفيدك بخصوص الطريق

http://www.arabtravelersforum.com/travel231462/

طريق سعد سايدين صار أقرب وأحسن

بخصوص البطاقة ...وافق مجلس الوزراء القطري على مشروع قرار سعادة وزير الداخلية بالسماح لمواطنى المملكة العربية السعودية بالدخول الى الدولة او الخروج منها عبر المنافذ الرسمية باستخدام البطاقة الشخصية /بطاقة الهوية الوطنية/0

http://www.moi.gov.qa/site/Arabic/index.html


بخصوص الطيران

ممكن تتاكد من موقع الخطوط القطرية

http://www.qatarairways.com

او تقارن مع الخطوط السعودية وطيران الخليج يعني الانسب لك حسب السعر والوقت

بخصوص شحن السيارة للسعودية للاسف ماعندي فكرة بس

لان حسب علمي لمن شحنا الى البحرين 3000 ريال ذهاب وعودة

اما الامارات كان 5000 ريال ذهاب وعودة
فاتوقع الاسعار قريبة من كذا او ممكن تكون اقل لام الشحن بهذا السعر كان خاص في سطحة مستغلة
للسياة واحدة فقط .

واي استفسار ابشر به

حياك الله أخوي


بس سمعت عن طريق سعد انه سايد واحد وفيه شاحنات

لا مهب صحيح أنا توي جاي معه

والكلام هذا يمكن قبل 3 سنين أو أكثر



وفيه سؤال ثاني اذا ممكن بالنسبه لي ولإبني عمره 18 سنه هل تكفي بطاقة الأحوال في دخول قطر؟؟؟؟

ما يحتاج أختي قطر قالت ووفت



طيب بالنسبة لسعر تذكرة الطيران من الرياض للدوحه ذهاب وعوده؟؟؟؟؟

والله أنا أقول رح بالسياره والله الطريق حلو وأنا ماشي بآخر الليل والله ما شفت شيء

وكلها 600 كيلو مهيب واجد وأما الطيران لو تمر مكتب تسأله أحسن

وتشوف وش أسعارهم



وماهي أرخص خطوط ؟؟؟؟

لا أعلم والله أبداً



وشحن السياره من الدوحه للرياض كم سعره؟؟؟؟؟

للأسف لا أعلم أيضاً كان ودي أعاونك بس مرات جايه إن شاء الله وأغدي الأعضاء يفيدونك



ومعليش كثرت عليكم الأسئله

أبد خذ راحتك وحنا تحت أمرك

المشاركة الأصلية كتبت بواسطة @tnt@
http://www.arabtravelersforum.com/tr...9/#post3996659

[SIZE="6"]بسم الله الرحمن الرحيم
احنا بنجي لقطر بإذن الله بعد اسبوعين وحبين نستفسر عن بعض الأمور
اي اخوي حياك والبلاد بلادك

أولا احنا بنجي بالسياره من الرياض وحابين نعرف الطريق زين لأن هذي الزياره الأولى لدولة قطر فياليت أحد يفيدنا بخطة السير من الرياض الى الدوحه

شوف عن الطرق في الرياض ماعرف عنها بس الطريق من بداية سلوى الين الدوحه جدا جدا راقي وكبير ووسيع
ثانيا نبغى نستفسر عن سعر الريال القطري هو نفس سعر الريال السعودي؟؟؟؟

لاه في فرق بسيط العمله القطريه اغلى شوي يعني 10 ريال سعودي تقريبا يوم جيت قطر احسبوها لي 8 ريال قطري
وهل لازم أصرف العمله القطريه من السعوديه والا عادي من قطر؟؟؟

لا ماتفرق نفس الشي
واذا كنت ما أملك بطاقة فيزا هل أقدر أصرف عادي من الصرافالآلي ببطاقة الصراف العاديه (الراجحي)؟؟؟؟
والله مادري انا لين الحين ماشتغل الوالد الله يخليه هو الي يسوي كل شي
والأسعار بشكل عام في قطر (سكن .مطاعم .تسوق)هل هي غاليه والا عاديه؟؟؟؟

السكن غالي والمطاعم متوسط الى غالي لاكن التسوق فيه الرخيص والغالي والمتوسط وتقريبا التسوق نفس اسعار السعوديه انه اقصد المولات يعني
وياليت اذا أحد يعطينا خطه سياحيه لمدة 6إلى 8 أيام لأن الديره جديده علينا ولا نعرف شي نهائي فيها (احنا عائله 6 أشخاص)
[color="purple"]شوف راح اكتبلك اسماء المجمعات والاسواق الشعبيه والمشاريع الجزر الي افتتحت للزوار والمتاحف وانت كيفيك قسم وقتك على راحتك وعقب راح اكتبلك الاماكن الي جمب بعض بس ركز معاي

**** المجمعات راح اكتبلك اياهم من اكبر الى اصغر
1 - سيتي سنتر
2 - فيلاجيو
3- لاند مارك
4 - حياة بلازا
5 - المول
6 - رويال بلازا
ـــــــــــــــــــــــــــــــــ
الاسواق الشعبيه
1 - سوق واقف



ـــــــــــــــــــــ
[color="Red"]الحين راح اكتبلك الاماكن المقربه من بعض يعيني الي ذكرتها فوق
1 - سيتي سنتر
2 - جزيرة الؤلؤه + قاعة المعارض
3 - المتحف الاسلامي + سوق واقف + كورنيش قطر

الله يجمل حالنا ....وحالك
وربي يحفظكم وتنور قطر فيكم
وبانتظار تقريرك ...واي استفسار ابشر به