الموضوع: فنادق ميزانية نصائح لأول زيارة لـلندن

السلام عليكم ..

حبيت استفسر عن فنادق جيدة وقريبة من الاماكن السياحية والأمن يعني مناطق مافيها وايد حياة ليلة وسكارى وازعاج بالليل..

حسب بحثي في المنتدى الثلاث المناطق التالية اهي الافضل :
ماي فير
اجودرود
باركلين
اوكسفورد

فأتمنى تساعدوني في اختيار فندق مناسب ل 3 اشخاص بالغين ل 8 ليالي .. في حدود 10,000 ريال لثمان ليالي واذا كان اقل بيكون افضل..

بخصوص الاويستر كارد من وين اقدر احصلها؟ شنو طريقتها وبكم؟

استفسار اخر ميزانية تقريبية كم؟ للتسوق وصرف اليومي من اكل واماكن سياحية؟

يعني 1500 باوند كفاية للتسوق؟

واخيرا شنو نصايح لاول زيارة ..

متى اقدم للفيزا بعد ماحجز او قبل؟

ومشكورين مقدما وجزاكم الله كل خير ..

مواضيع عشوائيه ممكن تكون تعجبك اخترناها لك:

• فندق تسلسل ماربل ارش ؟
• برنامج سياحي من 6 أيام في لندن
• مصنع كادبوري للشوكلاته
• ارجوو المساعده ارجوكم
• الفزعة ياللي باجور رود
• افضــل واجمــل واحلــى واروع صــور لـ برايتون
• مكاتب سياحية تأخذني لسكوتلندا ؟
• اهم الاسواق في لندن
• استفسار عن افضل وسيله نقل من مطار هيثرو الا البيستر فيليج
• رحلة طويلة للملكة المتحدة في أغسطس كيف الأجواء
• اغلاط في الابلكشين بعد طباعتو والدفع وحجز الموعد ؟ مالحل موعدي بعد كم يوم
• مسافر إلى لندن استفسارات
• رحلة لندن نوفمبر
• رحلتي الميمونة إلى بريطانيا صيف تقرير كامل
• تحويل الفيزا ممكن ؟؟؟؟؟؟
• بخصوص طلبات الفبزا
• سؤالين عن لندن الله يعافيكم اخواني بسيطه عندكم مهمة بالنسبه لي
• استفسار بخصوص استخراج فيزا من الرياض خدمة
• بيرمنجهام و جيرانها
• استفسار سريع

اشدعوة محد يساعد؟

هذا ثاني موضوع انزلة ومحد يجاوب ؟؟

هلا اختي
بالنسبة للفنادق اسعارها حسب وقت حجزك لان السعر مو ثابت طول السنة
حطي تواريخ الوصول والمغادرة واشوف لك
ومناطق السكن مثل ما ذكرتي وحسب انتي تبين هدوء او زحمة
الاويستر كارد من محطات الاندر قراوند تلاقينها ب23 باوند للشخص مدة اسبوع
وتشمل الباصات والاندرقراوند
اسعار الصرف اليومي بالنسبة للاكل حسب المطاعم عندك الوجبات السريعة الوجبة خمسة باوند تقريبا
والاماكن السياحية لو تاخذين بكج كامل بيكون ارخص لك والبكج تلاقينه في نفس الاماكن السياحية
يعني في لندن اي يعرضون عليك تبين لندن اي مع الاكواريوم مع متحف الشمع
او تروحين متحف الشمع ونفس الشي يعطونك البكج
طبعا التسوق محد يقدر يحدد لك انتي و مشترياتك ناس ما تصرف حتى 100 باوند وناس فوق الالفين ثلاثة
الفيزا ما تطول شغلتها اسبوع بس احتمال يطلبون منك حجز السكن والطيران فيكون عندك الحجز جاهز افضل

يزاج الله كل خير اختي ويسر لج امورج

ان شاء الله من 20 اغسطس الى 28 اغسطس

نبي منطقة هادئة مافيها حياة ليل بس جريبة من الاكسفورد وباقي الاماكن السياحية

شفت في تقرير احد الاخوه عن فندق رويال ليستر هل تنصحيني فيه؟

وايد زين البكج تبع الاماكن السياحية علشان اتفادى الزحمة بعد ..

بالنسبة للتسوق كنت اقصد 1500 باوند للشخص الواحد.

مشكوررة مره ثانية اختي

اختي بما انكم ثلاثة اشخاص اذا حجزتوا فندق بتحتاجون غرفتين فبيطلع عليكم سعر غالي
الفندق اللي ذكرتيه رويال لانكستر حلو وموقعه ممتاز وقريب من كل شي
بس غرفتين بيطلع لكم مبلغ كبير والافضل في هالحالة تتستاجرون شقة
ماادري اذا مسموح احط لكم ارقام سماسرة بلندن
فيه وحدة يمدحونها من طرف اخوي ابو عبدالله اسمها مريم عندها شقق واسعارها كويسة بس يفضل من بدري تكلمونها عشان تضبط اموركم
فيه بعد هذا الفندق يوفر غرف ثلاثية ومطبخ بس صراحة مااعرف مستواها كيف بس سعره في البوكينق كويس بالنسبة ان الوقت موسم وموقعا بعد حلو
Grand Plaza Serviced Apartments
http://www.booking.com/hotel/gb/gran...X1&aid=1329869

اتمنى قدرت افيدك

مشكورة اختي ماقصرتي

حصلت مانتكالم ب 14000 ريال

غرفة سبيرير مع سرير اضافي

السرير الاضافي ب 65 باوند لليلة

شرايج؟ كمبرلاند عندهم غرف ثلاثية؟ اي فنادق عندهم غرف ثلاثية؟

كمبرلاند شيكت لك مافيه ثلاثية والغرف ما تكفي سرير اضافي الا سرير طفل
مانتكالم مالقيته بنفس التواريخ اللي ذكرتيها
بحثت لك ع البوكينق بحط لك الرابط وشوفي اللي تبين تسالين عنه انا حاضرة اذا اعرف ماراح اقصر انشالله بشوف لك بعد وبرد عليك انشالله

معليش انحذف الرابط صبري علي شوي

جزاج الله كل خير اختي ماقصرتي والله .. الحين بجوف الفنادق الي اقترحتيهم ..

شرايج في athenaeumhotel and apartments في بيكاديللي شلون المنطقة هادئة وامنة وقريبه من اكسفورد وباقي الاماكن السياحية؟

البكاديللي منطقة سهر وشرب وسكارى
ما تصلح يعني

ما أنصح في الرويال لانكستر، قديم وغرفه حدها قديمه وشوي بعيد، انصح في المونتكالم، ثيسل ماربل ارتش، ملينيوم ميفير. لا تروح بعيد عن منطقة الميرفير او ماربل ارتش او ماريلبورن.

اختي مسافرة عبر الزمن
جزاج الله كل خير .. صراحة فدتيني وايد .. راسلت رويال لانكستر دايركت وحصلت سعر زين
بس لازم ارسل لهم تاكيد بالايميل ورقم الفيزا وتاريخ انتهائها .. هل اكمل معاهم؟

لان بعد ماقريت الي كتبة الاخ ترافل ستار احترت ؟ اكمل او ابحث عن فندق اخر

اخ ترافل ستار مشكور اخوي بس الفنادق الي اقترحتهم مافيهم غرف ثلاثية
بحاول ابحث في المناطق الي ذكرتها
شكرا جزيلا ماقصرت