الموضوع: تجربتي السيئة مع مطعم يمني في سوق واقف

[size="4"][color="Navy"]السلام عليكم ...

في الحقيقة واجهت موقف سيء مع مطعم يمني في سوق واقف بالدوحة ... خلال زيارتي لها قبل اسبوعين وأحببت الحديث عنه والتحذير منه حتى لاتتورطوا فيه مثلي .

القصة :

إشتهت نفسي ونفس رفيق سفري إلى وجبة ( رز ولحم ) فبدأنا بالسؤال عن طريق الفندق Ezdan Tower 4 حتى نصحنا موظف الفندق عندما شعر بتشديدي عن وجبة رز ولحم ( طازة ) فنصح بالتوجه إلى ( سوق واقف ) فهناك مجموعة مطاعم .

عندما وصلنا بدأن نبحث عن أي مطعم يقدم هذه الوجبة .. ومن مطعم إلى مطعم نتتقل ونبحث عن مرادنا ..

حتى وصلنابالصدفة إلى مركز شرطة حيث إتضح لاحقاً أنه ( مركز مرور ) ... دخلنا عليهم وسألونا عن مشكلتنا فأحبت لهم بأننا نبحث عن مطعم يقدم وجبة رز باللحم الطازة ...

في الحقيقة كان هناك مبادرة من أحدهم وهو يلبس ثوب والبقية لباس عسكري بالمبادرة أن يوصلنا بنفسه ..

وفعلا تقدمنا هذا الشباب البشوش وسرنا معه ثم دخلنا في كلام ودي معه ونحن متجهين للمطعم ... بعد أن خيرنا بعدد من المطاعم إلا أنه إرتأى وإقترح على واحد بحكم أنه الأقرب .

[color="SeaGreen"]

مواضيع عشوائيه ممكن تكون تعجبك اخترناها لك:

• شاليهات الدوحة
• رقم تلفون؟؟
• ضيفكم يا أهل قطر الطيبين
• موقع خاص بالسياحة بدولـة قطـر
• معرض مال لول
• قررنا زيارتكم لكن
• تكاسي الدوحة
• اللي عنده علم يرد علي؟؟؟
• ممكن تحديد الأماكن التالية على الخريطة عشان أحفظها كنقاط على الخريطة في الآيفون
• اول مرة ازور قطر استفسارات هاااامة
• ساعـدوني يالقطريين والقطرياااات؟؟
• العيد في قطر
• جميع الاستراحات والشاليهات في قطر
• هل تنصحوني يااهل الخبره
• ترانزليت ساعات في مطار الدوحه ؟ استفسار
• سؤال
• وين احصل رقم هالفندق جزاكم الله خير
• رحلة عشاء على متن باخرة
• الى اهلنا في دوحة الخير هل اجد لديكم اجابات ؟؟
• مبارك عليكم العيد

اصفهان وين مكانه بالضبط ؟

أصفهان الي في سوق واقف الي جمب باسكن روبنز وهاي الي في ارقى شارع في سوق واقف اسئل عنه اذا رحت

سويتها قضية , انا كنت انتظر منك انك اكتشفت ان اللحلم لحم حمار او كلاب!!!!


اذا كنت سعودي رح لأرقى مطعم في شمال الرياض وشف اللحم !!!!!
لا وشف محلات البخاري و ش يقدمون !!!

هههه يمكن ما عجبك يمكن لان المطاعم اليمينه عندكم توب
احنا مجرد تقليد

عموما المطاعم اليمنية ما لها ذويقيين عندنا يمكن في السعودية تنتشر المطاعم اليمنية ولها زباين بس عندنا نفضل المطاعم الهندية والايرانية أو الشعبية للأرز واللحم والأكلات الشعبية وأشهرها مطابخ الدوحة الشعبية .

لا.. المطعم فعلاً شفت عليه علامة أو ملصق البلدية كتوب (مغلق لمخالفته الشروط الصحية!!) هالكلام من سنة تقريباً يقولون فتوحوا مطعم اسمه (بندر عدن) بس مثل هالمطاعم يتحاشاها أغلب القطريين لأنها تعتبر شي جديد عليهم!.. وأغلب زباينها من الجالية اليمنية في قطر وبعض المقيمين من الدول العربية القريبة من اليمن.. هذا ما لاحظته .. أذكر واحد من الزملاء في العمل(من جنسية عربية -غير خليجي) الله رزقه ببنت وجاب الفطور كله من هالمطعم (بندر عدن) كان الأكل طيب ولذيذ .. كان عبارة عن (بيض شكشوكة) و ( تونة مع حمسة بصل وفاصوليا) و خبز كبير يشبه المشلتت المصري بس بنسبة دسم أقل!.

تجربة سيئة للمطعم و الله يستر عليك بعد الاكلة البايخة و الجووع كافر

دائما المطاعم الخالية من الزبائن مانفضل الاكل فيها
لان اكيد الاكل فيها بايت عكس المطاعم اللي فيها حركة

عموما للشكوى

إدارة شات سوق واقف
chatmadter - المدير العام
للشكاوي والإستفسار : 77123217
chatmaster - العنيد
للشكاوي والإستفسار :33331045

بخصوص مطعم صنعاء ...انا ماادافع عنه لاني يمني ...ولكن مشكلة هالمطعم انه مكانه جداً سيء وتلقاه بين حواري السوق ..او بما يسمى باللهجه القطريه الدواعيس ..انا تميت ربع ساعه او اكثر وانا افتر عشان القاه ...والله العظيم اني طلبت مندي من عندهم ...مالقيت ألذ منه ...سواء الرز او اللحم ..الرز حار واللحم طري وحار ايضاً وهالكلام بحدود الساعه 10 تقريباً بالليل ... وجربت اكلة المدفون ..وجيده ولكن اللي بمطعم بندر عدن حسيتها افضل ... ولكن عموماً مطعم صنعاء مشكلته بموقعه ..اللي مايساعد انه يكسب له زباين ...عكس بندر عدن محقق نجاح كبير بسبب موقعه التجاري الممتاز ..فهو يعتبر واجهة السوق ..ولكن رح وشف موقع صنعاء ..وراح تعرفون سبب عدم وجود زبائن كثر له ...وعلى فكره بمطعم صنعاء يقدمون لك سلطه ورز اكثر من بندر عدن ..واسعارهم معقوله ... عكس بندر عدن صحن رز مندي قليل ولحم ودقوس "سحاوق" فقط اما السلطه تدفع لهم 5 ريال .. ولكن بمطعم صنعاء رز اكثر ولحم اكثر ودقوس وسلطه مجانا ..مشكلة المطعم مثل ماذكرت مسبقا هو موقعه السيء واللي يجهله الكثيرين ويصعب على اي حد انه يعرف مكانه ...وانه اللي يقدم لك الاكل غير يمني عكس بندر عدن اللي يقدمون لك الوجبه يمنيين ..بلباسهم المتميز ...واللي يقول ووع على الاكل اليمني ...والله ياعزيزي رح وشف مطعم بندر عدن او اخوان الافغاني ..وشف ضرب النعل اللي عندهم من الزحمه على وجبة المندي ... واحيانا اروح والقى المندي عندهم مخلص ...من كثر الطلب عليه ..واكلة المندي اصبحت من الوجبات المفضله لدى اهل قطر ..بعد ماكان شبه مجهول بالنسبه لهم ..ومكان يعرفون غير البخاري والبرياني والمجبوس "الكبسه"

اخ سعد اتوقع انك الحين قطري مش يمني بما انك انولدت وعشت وكلت وشربت ودرست في قطر مادري ليش لحد الان خصوصا اليمنين فيهم عنصريه وتعصب ومايعدون نفسهم انهم قطرين ويقولون يمنين مايقولون قطرين

الاعضاء قالوا وع على الاكل اليمني وفعلا احنا مالنا خبره في الاكلات اليمنيه ولانعرفها وانا عن نفسي مستحيل اجازف وادخل مطعم يمني والله يعينك ياصاحب الموضوع واسمحلنا لان صار لك هالموقف في بلادنا

ونصيحه قبل لاتروح خذ لسته المطاعم الحلوه والمجربه علشان ماتنصدم في مطاعم مش ولابد

وشكرا للطرح

اختي العزيزه مدري على اي اساس اتهمتي اليمنيين بالعنصريه ... اذا الواحد افتخر بااصله وفصله دون انه يجحد ببلد معين او يقلل من قيمتها شالمشكله ..والحمدلله اهل اليمن الكل يعرف طبايعهم واخلاقهم ..ويكفينا شرف مدح الرسول عليه الصلاة والسلام ..لااهل اليمن ووصفهم باانهم اهل ايمان وحكمه ..واعتقد شفتي فيديو العريفي وذكره لفضائل اهل اليمن بالاسلام ...مدعم بالاحاديث القدسيه .. هذا اولا وثانياً انا صحيح يمني مهب قطري وليش اكذب وادعي بشي ماهو لي ..وانا كلي فخر اني يمني وكلي فخر اني مولود بقطر وعشت فيها وكليت من خيرها وتربيت فيها ودرست وتوظفت والى اخره ولم اتنكر لهالشي وافضال قطر علي وعلى كل يمني عايش على ارضها الطيبه كثيره ومانجحد هالشي ...فاان قلت اني يمني او قطري كله واحد وكلنا عرب بالنهايه ..وجعل ديار ابن ثاني ديار خير وامن وامان دووم يارب ويحفظها من كل شر ... وعلى فكره لي نك نيم بااحد المنتديات القطريه بااسم " يمني مخاوي قطري " وهاي دليل على حبي لقطر ..والواحد ماينكر اصله وفصله ...فديتج .. وبخصوص كلمة ووع ..اولاً تكرم النعمه عن مثل هالوصف ..وعلى الاقل الواحد يقول الله يعز النعمه اذا ماكان يحب الاكل اليمني ..مهب ووع ..!! والاكل اليمني مفضل لدى الكثير من اهل قطر والخليج عامه ...وانتي شكلج مب مال هالمطاعم الشعبيه ..شكلج مال فرايديز وابل بيز وبندروزا وغيرها من المطاعم الراقيه بالدوله ..ونصيحه اللي يبي ياكل من المطاعم اليمنيه الشعبيه او الخليجيه عامه لاياكل منهم الا حزة الغدى او بالمساء لين الساعه تسع بالليل .. بعد الساعه تسع ..وبعد هالوقت احتمال بيكون بارد ويتسخن بالفرن ... رغم انه البلديه مب مقصره من هالناحيه مشدده على المطاعم بالدوله بدليل انه كل فتره نلقى احد المطاعم المعروفه تم اغلاقها لمخالفتها الشروط الصحيه ..ونشكر جهودهم في فرض النظافه والجوده بالمطاعم ..
واعيد واكرر بخصوص عدم وجود زبائن كثر بمطعم صنعاء ... هو بسبب موقعه السيء والمنزوي بين دواعيس سوق واقف ..عكس اكثر المطاعم اللي تلقاها بالواجهه وكلن يعرفها ويدلها ...وبخصوص اللي صار له ..للاخ كاتب الموضوع وهالكلام كان بصيف 2010 ..خله يروح الحين ويجرب ^_^ ..واذا مايضمنه يروح له بندر عدن ..والاكل اليمني ماعليه كلام ^_^

تسلم على التنويه

كفو وبيض الله وجهك يـ أبو عبدالكريم على الإخطار والتوضيح لإخوانك الأعضاء والزوار
والله يحفظك ويوفقك في حلك وترحالك