الموضوع: استفسار عن جزيرة اللؤلؤه

السلام عليكم اعزائي الكرام

عندي استفسار بخصوص جزيرة اللؤلؤه

ماهي اخر التطورات في الجزيره لاني صراحه ناوي ازور الدوحه الثلاثاء القادم وحتى السبت فهل الجزيره تم افتتاح معظم اماكنها وماهي الاماكن المفتتحه فيها من ناحية اسواق ومطاعم وغيره


واذا فيه برنامج سياحي لمدة اربعه ايام ياليت الاعضاء يفيدوني فيه بالاسامي وتوزيع الايام
ولكم جزير الشكر

مواضيع عشوائيه ممكن تكون تعجبك اخترناها لك:

• عقد عمل
• ♓♓  ΔṢỐŇ ΉƠŤĒĿ ♓ فــورســيــزون الــدوحـــه ♓♓
• انا موجود فالدوحه ابا اسافر البحرين بطريق البر
• استفسار عن أستاذ جاسم بن حمد
• قررت اسافر لأول مره وابي فزعتكم
• مطلوب خريطة الدوحه
• حريق مجمع فيلاجيو في الدوحة بقطر
• تطبيق دليل قطر السياحي لأجهزة الأيفون حالياً على متجر آبل
• الانترنت مجانا في سوق واقف
• عيد الاضحى بالدوحة شرايكم ؟؟
• اسعار فندق الشيراتون الدوحه
• الخطوط التركية تخفض أسعار التذاكر بين الدوحة واسطنبول
• سؤال للقادمين من السعودية جواز او بطاقة ؟
• فقط سؤالين لا هنتوا
• استفسار مهم جدا جدا
• مطاعم كتارااااا منقول
• اهل قطر؟
• عندي سؤال عن فندق
• صور دورة الالعاب العربيةقطر
• للى يحبون الكوره في اطار تسويق الدوحة لملفها المونديالي

انصحك تروح لها الليل الساعه 9 وطالع خبرك تعرف الحر

في صوب كل كافيهات .. ومفتوح على البحر

شكرا جزيلا اخوي رايق وفايق وش نسوي عاد هذي اجواءنا متعودين عليها بس انا ماعندي اجازه الا اربع ايام وقلت امر على الدوحه انا من الرياض وقلت اغير جو بالسياره

وبانتظار افادة بقية الاعضاء

حياك الله في بلادك قطر


جزيرة اللؤلؤة اغلم الاماكن مفتوحه من اسواق ومطاعم وكوفيهات وفيها جلسات حلوه ونصحك فيها


مثل ماقال اخوي رايق وفايق احلى وقت للجزيرة بليل


وبخصوص الاماكن السياحه ممكن تاخذ فكره من هاذي التقارير الي بتسهل عليك الاماكن الي تختارها


http://www.arabtravelersforum.com/travel283370/


واي خدمه احنا حاضريلك

اذا جي تقدر تروح غراند حياة لانه صج صج يستانس قمة في الفخامه بس الي سمعته في الصيف مايتأجر الا لاربع ايام على الاقل وهو جمب الؤلؤه بالظبط وقريب من السيتي سنتر الي هو اضخ مجمع في قطر وجمب قاعة المعارض الي مسوين فيها مهرجان صيف قطر هل قاعه فيها كل شي مثل العاب للكبار والاطفال والمسابقات والاسواق القاععه جدا كبيره جنها مجمع .
ــــــــــــ
الحين راح اقولك شو تسوي بالاربع ايام

اليوم الاول : من 10 صباحا الى 4 عصرا روحو سيتي سنتر مول في سينما وفي مدينة ترفيهيه مناسبه للاطفال وعقب روحو ريحوا في الفندق ساعه او نص ساعه وبعدين من 5 لين 9 روحو جزيرة الؤلؤه تمشوا في الاسواق وفي قهاوي وبعدين ريحو في الندق شوي وفليل روحو الكورنيش تمشوا شوي لانه كل هل اماكن جمب مطقة الابراج ومكان سكنكم اي بيكون بيكون في منطقة الابراج
،،،،،،،،،،،،،،،،،،،،،،،،،،،،،،،،،،،،
اليوم الثاني : من 10 صباحا الى 4 عرا مالكم في هل وقت غير المولات طبعا روحو فيلاجيو مول تغدو وتمشوا وفي مدينة ترفيهيه جدا كبيره وتحتوي على قطار الموت ولعبه كبيره تتشغلب والبيت المسكون وفيها فورميلا للكبار وفيها سكيتنج ثلج مساحه ضخمه ومطاعم كثيره في المجمع وبعدين جمب المجمع بالضبط في حديقه اسمها سباير زون والقطريين يسمونها هايد بارك قطر لانها صج حلوه يوم زرتها تستاهل ولاتخافون قريبه يمكن 20 متر فرق بينها وبين فيلاجيو
:::::::::::::::::::::::::::::::::::::
اليوم الثالث : من 10 صباحا الى 4 عصرا روحو مجمع الاند مارك في سينما والعاب للاطفال تمشوا استانسو وعقب من الساعه 5 ونص وطالع روحو سوق واقف الي صج صج صج روعه وعقب روحو الفندق ريحوا وفليل روحو الكورنيش اشربوا عصير وتأملو عند البحر
::::::::::::::::::::::::::::::::::::::
اليوم الرابع :
من 10 صباحا قوموا روحو تريقوا في اي كافيه في سيتي سنتر بعدي روحو المتحف الاسلامي الي هو صج تحفه معماريه
وبعدين امممم ماعندي مكان اقولكم لانه هاي الي زرتهم بس وعقب كيفكم هههه

وانشالله ماقصرت واي شي انا حاضر
:::::::::::::::::::::::::::::::::::::

يابعدي حيي والله يارووك تسلم والله وماقصرت اشكرك جدا جدا على البرنامج وانا حاليا قاعد اتبع برنامجك بشكل رائع
لك مني جزيل الشكر والتقدير