اليوم راح اتكلم عن زيارتي لمطعم فينيسيا الرااااائع ...
Venezia Restaurant
موقعه ... بشارع دونق فنق سي لو ...(Dong Feng Xi Road )
مقابل مطاعم الباشا ...
كان عندي كرت المطعم بس ضيعته للاسف ...ان مريت عليهم جبت لكم اياه ان شاء الله ..
.
.
المطعم مفتوح 24 ساعه ..ويقدم البوفيه المفتوح من الساعه 6 مساء ...
قيمة البوفيه...
98 ايوان للشخص الواحد شامل الشروبات ( ماء + عصير برتقال ) ...
( هالسعر قبل معرض كانتون) ماادري اذا غيرو سعره بهالفتره !!
.
.
ايضا يقدم المطعم المشاوي البرازيليه ..بس للاسف وقت زيارتي له( قبل المعرض) ماكانت موجوده ..
والحيين مثل ماسمعت انها متوفره ...
.
.
مااطول عليكم ...
هذي صورة المطعم من الخارج ..
مثل ماتلاحظون موقعه داخل عماره .. بالدور الثاني ..
اول ماراح يستقبلكم هالجندول ..وهو اهم معالم فينسيا ..
وصلنا المطعم ..
اول ماتدخلون راح تشوفون البوفيه على يمينكم ...
وهذي بوجههكم ...
بصراحه المطعم كان مزدحم عالاخر ..واستحيت اصور ..
فطلبت من الويتر انه ياخذلي كم صوره للمطعم ...عشان أنزلها لكم بالمنتدى ..
وهذي الصور من الداخل ..
بصراحه لهم موقف معاي ماراح انساه ...يوم شافوني متنقبه والمطعم مزدحم ..
دخلوني بقسم ثاني تابع للمطعم ..كان فاضي ..وافتحووه عشاااني ...الله يجزاهم خير ..
وكان راااائع بالفعل احلى من القسم الاول ...شوفو ...
اخترنا هالطااااوله ...
بعدها توجهنا للبوفيه ...وكان متنوع للغايه ..سلطات ومقبلات ..رز ومكرونه ..لحم ودجاج وسمك ..
هنا الويتر صورلي جزء من البوفيه ...صورته منعكسه بالمرايا ..
من داخل فيه تكملة للبوفيه ماصورها ,,,
هنا قسم المقبلات والحلى ..صورها من ورى ..مرره مبدع
وهذي اطباقنا ...نبدأ بالسلطات والمقبلات ..
هنا الشغل الثقييييييييييييل
اكثر ماعجبني هاللزانيا الي عاليميين كانت بالربياااان فضيييييييعه انصحكم فيها ..
.
بعد عندهم شاورما ...كانت باللحم ..مااعجبتني ابد ( الله يكرم النعمه )
هالمشروبات قدموها لنا مجانا ...
وطبعا بعد هالعشوه مانسينا التحليـــه ...
عندهم لقيمات ...ذكروني برمضااان ..
.
.
اللهم دمهــا نعمـــه وأحفظهــا من الزواااااااااااااااااااال ...
.
.
بعدها طلعنا وشفت هالفندق قبال هالمطعم ..وصورته قلت يمكن احد يستفيد منه ..
هذا اسم الفندق عن قرب ..
انطباااعي عن المطعم ..بصراحه جدا ممتاز من جميع النواحي ...
الفخامه+جودة الاكل+الخدمه الممتازه+السعر الجيد ...
انصح الكل بزيااارته ...ولا تنسوون تدعون لي ...
تحياتي للجميييييييييييع ..
.
.
مواضيع عشوائيه ممكن تكون تعجبك اخترناها لك:
- تفضلوا اهل هونج كونج سؤال مهم
- شراء منتجات من الصين
- سوال عن بعض الاماكن في هونغ كونغ
- رشحوا لي وش افضل الصين او ماليزيا
- استفسار للخبرااااااااء
- سؤال عن شراء البضاعة من جوانزو
- بداية سأوزر كوانز ، لدي عدّة أسئلة ، هل تتكرمون بالإجابه ؟
- الله يسعدكم اشيروني
- استفسار عن ساعه في هونغ كونغ
- هل ينفع اوكل شخص يروح للسفارة يستخرج لي الفيزا الصين
- استفسار الرجاء الرد بسرعة
- كيف استخرج تاشيرة سفر
- الة طباعة التي شيرتات؟؟؟
- نانجنق الصين أفيدوني
- ساعدني في البحث عن مصنع لهذا المنتج
- ممكن مساعده من اعضاء المنتدى
- اول مره الى الصين ارجوا المساعده
- افضل انواع الشحن البحري من الصين
- تحذير من البنوك والعملة المزورة
- مالفرق بين فيزا الصين وهونغ كونغ
المفضلات