الموضوع: بنعيد في قطر ومحتاجه انكم تساعدوني

مرحبا بالجميع
و مبروك عليكم شهر رمضان
وترى ماسجلت في المنتدى الا علشان تساعدوني
ومثل ما انتم شايفين في العنوان
ان شاءالله بنعيد في قطر

انا من السعوديه من اهل الشرقيه
متزوجه وعندي ولد عمره 6 شهور ربي يحفظه لي ان شاءالله هو وابوه قولوا آمين

أنا اقترحت على زوجي وقلت له شرايك نروح قطر يمدحوها واجد
ومشوارها 4 ساعات عادي لو رحنا بسيارتنا
قال لي اوكي

فهو قال لي خلاص انتي سوي لنا برنامج بحيث يكون على قد ميزانيتنا و في حدود ال 3ايام يعني ليلتين فقط
لانه مايعطوه اجازه اكثر من 5 ايام فهو يبغى بعد يرتاح شوي من الدوام
مايبي نرجع من السفر وعلى طول ع الدوام
و3 ايام خير ونعمه هي تغيير جو
المهم
انا بحثت في ال booking
وناسبني فندق هوليدي فيلا وريزدنس سيتي سنتر
وهو 4 نجوم
المبلغ الى ليلتين 528 ريال سعودي
http://www.booking.com/hotel/qa/holi...01&aid=1329869
انتوا شرايكم فيه
وموقعه اوكي ولا لا
وممكن بعد تساعدوني
بأماكن ممكن نزورها وننبسط فيها
فتكفون اختكم وطالبتكم لاتردوني

فلا تبخلون علي بأي شي
انتظركم
لانه زوجي معتمد علي في البرنامج ويبي يدرسه من جميع النواحي ههههه
وما ابي اتفشل قدامه تكفون

مواضيع عشوائيه ممكن تكون تعجبك اخترناها لك:

• أنا جاي قطر الاثنين القادم إلى الجمعة، لدي أسئلة يا أهل قطر الكراما
• الشقق المفروشة في قطر ؟ وين ؟ وبكم؟
• مهرجان الصيف يبدأ فعالياته اليوم
• زياره ثقافيه لقطر
• سوال فيزا قطر للمقيمين فى السعودية
• مبروك كتكات
• الشيخ تميم من أبرز «» شخصيات آسيوية
• تذاكر مباراة البرازيل و الأرجنتين
• استفسار عن الشقق ؟
• سؤال عن وضعكم الإسبوع القادم ميلادي
• مصحف قطر
• جاوبوا على استفسارات ابو هيا يا اهل قطرلو سمحتوا
• الأمير والشيخة موزة وحمد بن جاسم يدعمون ملف قطر بمقر الفيفا اليوم
• تقاريري عن مطاعم ومقاهي قطر
• استفسار عاااجل
• الهيئة العامة للسياحة تستعدّ لاستضافة مهرجان الدوحة السنوي الثاني للأغذية
• مكاتب ايجار سيارات فالدوحه
• اول زيارة لقطر بعض الأسئلة
• مخابز البتيل
• مدينة الألعاب المائية اكوا بارك قريباً جداً في قطر

أول مره الصراحه أسمع بإسم هالفندق

أتمنى الإخوان يفيدونج

وبالنسبة للأماكن الترفيهية عندج فيلاجيو وسيتي سنتر ولاند مارك

هذي أفضل المجمعات التجارية

وعندج جزيرة اللؤلؤة بعد بس تحملي إذا رحتوا في الليل وبرد الجو من هوا البحر يلفح ولدج الله يحفظه لج

ذيج المره وأنا أمشي في الشتا والهواء كان بارد مررررررره لقيت إمرأه وزوجها قاعدين على كرسي مجابل البحر على طول والياهل صغير عمره شهور ويصرخ من قمة راسه

إظاهر ضربه هوا

وبعد عندج سوق واقف حلو بيعجبكم إن شاء الله

والكورنيش والمتحف الاسلامي هالاماكن كلها جمب بعض

أختي الكريمة,

حياك الله في قطر وتأكدي ان شاء الله انكم راح تنبسطون في العيد بين أهلكم في قطر.

بشكل عام مستوى الفنادق في قطر من جيد إلى ممتاز لأن فيه رقابه على الفنادق والخدمه والنظافه الخ.. يعني لا تشيلين هم, والموقع مادامه في حدود العاصمة الدوحة فبيكون قريب من المجمعات والأماكن السياحية.

أول أيام العيد بيكون في أرض المعارض ( قريبه من الكورنيش ) مهرجان العيد وبتكون كل الدول العربية فيه مشاركه ان شاء الله وبيستمر لمدة 3 أيام إذا حبيتي تمرين وتنبسطين وتاخذين فكرة عن المشغولات اليدوية وغيرها ونصيحة قبل لا تشترين شيء تأكدي من السعر لأن البعض يحاول يستغل فرحة العيد ويضرب في السعر لذلك وجب التنبية .

عندك أختي الكريمة مجمع فيلاجو ولا أروع وبيكون هناك عروض للعيد وفيه مطاعم وألعاب ولكن عشان الزحمة أنصح أن يكون فيلاجو لليوم الثاني .

اليوم الثالث عندك متحف الفن الأسلامي ومتحف قطر الوطني والسيتي سنتر كلهم قراب من بعض .. حديقة الحيوان أيضاً جميلة ولكن راح تكون فل هنود وانتوا معاكم ولد الله يحفظه ف ما أنصح فيها في العيد بالذات .

لا تنسين سوق واقف ( مقابل الكورنيش ) وقت العيد يكون فيه احتفالات ومسابقات وعروض ولا أروع من جميع دول آسيا وأروبا .

وهذا تقرير بخصوص الشقق والفنادق في قطر
http://www.arabtravelersforum.com/travel178232/

دمتي بحفظ الله

ولا تزعلين يا النوري .. مسحنا البندقيه من الموضوع

وهذا الموقع الألكتروني للفندق

http://www.holidayvillahotel-doha.com‏http://www.holidayvillahotel-doha.com‏

وهذا البرنامج اللي سويته طبعا من عندكم هو بس الترتيب مضبوط ولا لا

اليوم الأول :جزيرة اللؤلؤه + سوق واقف مقابل الكورنيش + السيتي سنتر

اليوم الثاني: متحف الفن الأسلامي ومتحف قطر الوطني كلهم قراب من بعض + حديقة الحيوان

اليوم الثالث: فيلاجيو مول +المدينة المائيه اكوا بارك

المشاركة الأصلية كتبت بواسطة الحلم الساحر
http://www.arabtravelersforum.com/tr...4/#post4141034

وهذا الموقع الألكتروني للفندق

http://www.holidayvillahotel-doha.com‏http://www.holidayvillahotel-doha.com‏

وهذا البرنامج اللي سويته طبعا من عندكم هو بس الترتيب مضبوط ولا لا

اليوم الأول :جزيرة اللؤلؤه + سوق واقف مقابل الكورنيش + السيتي سنتر

اليوم الثاني: متحف الفن الأسلامي ومتحف قطر الوطني كلهم قراب من بعض + حديقة الحيوان

اليوم الثالث: فيلاجيو مول +المدينة المائيه اكوا بارك



اليوم الأول لازم تمشين فيه بالعكس

يعني تروحين سيتي سنتر اول شي قبل الزحمه في الليل وسوق واقف تروحينه العصر بيكون الوقت حلو ولازم تمرين على الكورنيش .. وعقب في الليل اذا برد الجو تروحين اللؤلؤة لان صعب تروحينها في النهار بتموتين من الحر والرطوبه

متحف قطر مسكر مثل ماقلت لج وعلى العموم مايستاهل انج تخلين يوم كامل حق المتاحف وحديقة الحيوان

يعني الحديقه يمكن تشوفين فيها شي بس المتحف الاسلامي يلوع الجبد ومايصلح حق هل الخليج لان كله تحف يعني ماراح تاخذين أكثر من ساعه وانتي تلفين فيه

أنا يوم رحت مشيت في الدور الاول ولاعت جبدي وطلعت

ولو تشطبينه من جدولج يكون أحسن بعد

لان ماعندج الا ثلاث ايام لاتضيعينها في أشياء تافهه

أنا من رايي تروحين حديقة الحيوان الصبح لو يفتحون وفي الليل تروحين فيلاجيو

ومافيها شي لو رحتي اليوم الثالث سيتي سنتر او فيلاجيو او حتى اللاند مارك لان هالمجمعات كبيره والواحد يبي يحوس فيها أكثر من مره

على فكرة حديقة الحيوان مااعتقد بتكون زينه حق ولدج يمكن يتأثر بالريحه او بجو الحديقه هناك

في قفص حاطين فيه أسد مع غزال

لاتنسين تشوفينه لو رحتي

عاد هالكلام قاريته من كم سنه

ماادري اذا للحين موجودين والا الاسد أكل الغزاله

أخواني وأخواتي , أتمنى عدم العصبية وتهدئة النفوس , فنحن في شهر فضيل وأحترامه واجب وكلنا أخوان ووجودنا هنا لهدف نبيل وهو الأستمتاع الراقي بسياحة نظيفة راقية , أعتذر منكم لحذفي بعض الردود , وأتمنى منكم بدأ صفحة جديدة بعيداً عن التجريح .

دمتم بود ...