الموضوع: ترانزيت في قطر بس الصباح

السلام عليكم...

مسافرين ثالث يوم للعيد لاسطنبول عن طريق الخطوط القطريه و رحلتنا من الدمام الساعة 5:30 الفجر و الوصول الساعة 6:30 الصباح و الرحلة لأسطنبول الساعة 2:00 الظهر بس وين نروح هالوقت ؟؟
ودي بمكان نروحه نفطر ونرجع المطار...

مواضيع عشوائيه ممكن تكون تعجبك اخترناها لك:

• منطقة العديد صور جديدة لايفوتكم
• مدينة الدوحة الترفيهية الأفضل بالمنطقة
• افضل شاليهات
• السماح للاردنين بالعمل في قطر
• وطني الحبيبصباح الخيـر
• سؤال
• ساااعدونا كلها أسبوع وجايين إن شاء الله
• إضافة الدوحة لشبكة طيران رأس الخيمة
• في خطوة رائدة لأحد فنادق الدوحة
• فضلاً لأمراً طلبتكم ياهل قطر
• هل انااا حاسبها صح
• جاي لقطر لأول مره لاتخلوني
• القطرية تصل إلى تشونغتشينغ الصينية
• ما هي أفخم فنادق قطر الحديثة ؟
• ♣♣ احتفالات سوق واقف بعيد الاضحى ♣♣
• افيدوني
• فندق فريزر
• شغاله فلبينيه لازم تاشيره لدخول قطر؟؟
• الشقق الشاليهات بقطر
• استفسار عن محلات بيع الدراجات الناريه

حياك الله في بلادك


ممكن اخوي تروح مجمع المول فيه احلى المطاعم والمحلات التجاريه وفيه سينما ايذا حبيت تدخل فلم من بعد الفطور


وهو قريب المطار 10 دقايق با السياره من المطار الى مجمع المول


واي خدمه احنا حاضرين الغالي

لا المول شوي صغير حجمه لاكن حلو في الصباح
لاكن انا انصحك تروح فيلاجيو مول تفطر اهناك
او تروح جزيرة الؤلؤه تفطر اهناك والشوارع مو لذاك الزود الزحمه في هل وقت بس شوف بين 6 ونص و 8 لاتطلع ومن 1 لين 2 لاتطلع لان هل اوقات زحمه الشوارع بس لاتخاف شوارع قطر تعدلت وصار في هاي واي من الدوحه الى الهلال يعني مافي خوف

ماقصر مشرفنا قطر , وعندك بعد سوق واقف , في الصباح جداً رائع والفطور فيه عجيب , بس ان شاء الله الجو يكون مناسب , وبالتوفيق ان شاء الله .

بس هالمحلات متى تفتح؟؟ ودي بمكنا يفتح بدري عشان ما نتأخر على رحلة العودة

المشاركة الأصلية كتبت بواسطة etam
http://www.arabtravelersforum.com/tr...9/#post4159489

بس هالمحلات متى تفتح؟؟ ودي بمكنا يفتح بدري عشان ما نتأخر على رحلة العودة

اخوي انا قتلك على مجمع المول عشان قريب من المطار واسف نسيت اقولك وقت المجمع


جميع المجمعات في قطر تفتح الساعه 9 صباح ونت طيارتك الضهر وحط في بالك لازم اتكون متواجد


في المطار قبل اقلاع الطياره با ساعتين يعني مافي وقت تروح مكان بعيد


عشان ماتأخر على رحلتك


واي خدمه احنا حاضرين

لا مب لازم يروح المطار قبلها بساعتين

لأن هو أصلا ياي ترانزيت وعنده الـ boarding pass جاهز

يعني يقدر ايي في اخر ربع ساعه ويودونه على طول الطياره

غير لما واحد توه ياي يسافر

طيب كيف مجمع المول؟؟ يعني فيه أماكن فطور حلوة ولا ما يسوى أطلع من المطار و اتعب نفسي؟؟

وراح يكون ان شاءالله ثالث أيام العيد.. يعني يفتحون الصباح؟؟

أخوي الوقت اللي بتوصل فيه بتكون المجمعات مصكره
ومراح يفتحون قبل ال9 أو ال10 ، انت خل برنامج تروح تتفطر
في واحد من الفنادق القريبة من المطار او تتفطر في سوق واقف
( بس للأسف ماعرف متى يفتحون في سوق واقف ومانصح بهذا
الاقتراح لان الجو بيكووون حار وشمس ومايحتاج اوصف لك شلون شمس الخليج )
فيه اقتراحين :
تتفطر في فندق والأغلبيه قيمة الشخص 120-150 ريال قطري ( الشيراتون ، الإنتر كونتيننتال ) وبعدها تطلع منهم وتروح مجمع السيتي سنتر أو اللاند مارك لأنهم الأقرب وبتكون المحلات توها بادية تفتح ، تاخذ جولة فيه وبعدين عالمطار .
او تتفطر في فندق فريج شرق ( قريب من المطار ) وتطلع منه وتروح مجمع فيلاجيوو ونفس الموضوع بتكون المحلات توها بادية تفتح ، تاخذ جولة فيه وبعدين عالمطار .

----------------

المول ( مجمع صغير طابق واحد بس تحس فيه براحه وعلى صغره تحسه شرح ، لكن روحتك له من غير فايده لانه بيكون للحين مافتح )

مشكورين على ردودكم.. وتراني أخت مو اخو .. بس ما في مشكلة تمونون كلكم

ممكن نروح المول على الساعة 9:30 نفطر و نرجع على الساعة12 .. شرايكم

المشاركة الأصلية كتبت بواسطة etam
http://www.arabtravelersforum.com/tr...3/#post4165933

مشكورين على ردودكم.. وتراني أخت مو اخو .. بس ما في مشكلة تمونون كلكم

ممكن نروح المول على الساعة 9:30 نفطر و نرجع على الساعة12 .. شرايكم




من الاسم باين انه اخت

على العموم بحكم اكثر من زيارة لي لقطر ارشح سوق واقف

المشاركة الأصلية كتبت بواسطة حياة_التميز
http://www.arabtravelersforum.com/tr...3/#post4166023


على العموم بحكم اكثر من زيارة لي لقطر ارشح سوق واقف




طيب و الجو؟؟ وإذا كويس ياليت تعطيني أسماء مطاعم حلوة و أسعارها زينه

المشاركة الأصلية كتبت بواسطة etam
http://www.arabtravelersforum.com/tr...1/#post4169121

طيب و الجو؟؟ وإذا كويس ياليت تعطيني أسماء مطاعم حلوة و أسعارها زينه



الجو بيكون حاااااار موت

بس المطاعم بتكون مكيفه

لكن المشكله عقب اذا بغيتوا تتسوقون

هني عاد بتفطسون من الحر