الموضوع: متخوفه من لندن

يسعد صباحـــــــــكم
كيف الحال جميعا ..
عندي مشكله واارق من شي معين بلندن رغم اني قطعت التذاكر وسويت الفيزا وحجزت الفندق ولكن فيه مشكلة النشل والنشالين والسرقات اللي تحصل بلندن بصراحه موضوع مؤرقني وقالقني جدا مااحب اروح مكان مااشعر فيه بالامان وهذا عيبها بناء على اغلب المواضيع اللي اطلعت عليها ..

اتمنى تتطمنوني من هالناحيه لاني جد بديت اكرهه الرحله وانا مارحتلها ...

مواضيع عشوائيه ممكن تكون تعجبك اخترناها لك:

• مساعده ضروري
• محتاجة مساعدة
• كتاب و كوبونات اين يمكن شرائه؟
• تذاكر الاماكن السياحيه ،،، بليز ساعدوني
• استفسار عن محطات الوقوف للباصات
• لدي سفرة عمل الى واحتاج فزعتكم ومشورتكم
• الوان خطوط الاندر قراوند
• اول مره مع اسرتي الى لندنممكن مساعده ؟
• شوكلاته هارودز
• ساعدوني للندن اسعفوني
• ابي مطاعم للريوق ، وبنفس الوقت قولولي رأيكم بمطاعمي؟
• انا مضافة علي جواز زوجي هل لازم استخرج جواز منفصل
• ارجو المساعده استفسار عن
• رحلة لمدة ايام
• انا في حيره من امري هل من حل
• لمن تأخرت تأشيراتهم الفيزا البريطانية
• محتاج رايكم قبل ما يتأكد حجزي لهذا الفندق
• ارررررجوا الدخول ضروري
• فسرو لي معنى هالكلام بخصوص الفيزا
• سؤال بخصوص تفعيل خدمه بلاك بيري بلندن

توكلي على الله وقولي الاذكار على الدوام وأطمئني في جميع الاحوال
وركزي على نصائح المسافرين واحذري الخروج ليلا او الذهاب الى الاماكن المشبوهه
موفقين ان شاء الله

مافي من هذا الكلام بالعكس لندن وايد امان
الا مــانــدر
توكلي على الله وماكو الا العافيه

وين هالالكلام

اختي لندن في كل 500 متر كاميرا فوق الشوارع

بوكل مكان سياحي كذالك والاندرقرواند والقطار والخ

مافي شي ابداااا الا النوادر وما عاد موجوده

خصوصا هذي السنه الامن كبير بسبب الاولمبياد

أختي الفاضله بكل مكان في نشالين بس الحذر لا تحطين مبالغ كثيره بالشنطة اليد او الكتف او تطلعين امام الناس

للامانه انا كنت بشهر فبراير في جنيف توني داخل الفندق خمس نجووووم واللوبي فاضي شخص سرق شنطة زوجتي امام الاستقبال الفندق

فندق كمبنسكي

مشكورين ربي يريح بالكم جميعا وعلينا بالاذكار ربي الحافظ انشالله ..

وارجع بالسلامه وابشركم كيف كانت السفره والاوضاع ..

تحياتي لكم جميعا ..

صح نسيت اذكرلكم موقف مره بلبنان كنت واقفه ابي اقطع الشارع وماسكه الشنطه بيدي وجو من جنبي اثنين راكبين متروسكل وحاولو يسحبون الشنطه من يدي وسبحان الله كيف كنت ماسكتها بقوه المشكله كان فيها مبلغ كبير لاني كنت بالصرافه قلت سبحاااان ربي الحافظ هذا وانا بدوله عربيه يله الامان بيده رب العالمين بس ورغم ذلك ماقدرت اكرهه لبــــــنان معشوقتي

توكلي على الله جميع الاماكن التي بها سواح تكون الشرطه المدنيه وكامرات المراقبه بكثره بس الابتعاد عن الشوارع الفرعيه ليلا

لندن اكثر بلد اوربي امان من وجهه نظري وشعبها خلوق
النشل وارد لكن لاتخليه هاجس لانو مو منتشر بكثره لكن الحذر واجب
توكلي ع الله واستودعي الله نفسك ومالك وحلالك وربك الحافظ

اتكلي على الله و امسكي امتعتك وراقبيها بحذر, فالحذر واجب بكل مكان