السلام عليكم .... أخوكم الشامي معكم بالموضوع الثاني في هذه البوابة الراقية المميزة ... أوصل هذا الموضوع لمحبي الشام لما يحمله من صور وجولة لذيذة مشوقة .... أعجبتني أنا أبن الشام ... فما بال عشاق الشام .... أما بالنسبة للذين لايعرفون الشام أتمنى أن يعطهم هذا الموضوع بعض الشرح البسيط ... وننتظر زيارتكم لتشاهدوا الشام على وجهها الحقيقي ... أما الذين لايحبون الشام فلا تعليق :114:
المهم ... سأتكلم الآن بالعامية لأنها أريح لي وأقرب لقلبي ....
الموضوع بيحكي عن ساعة ونص قضيتها يوم الوقفة بسوق الميدان ( سوق شعبي شهير بالشام ) وكانت يوم الجمعة بوقت متأخر يعني شي الساعة 11.30 المسا ... وكان في عالم كتيرررررر .. وكأنالدنية نهار ..... المهم فات صهري بالسيارة لجوات الشارع مشان يفرجي ولاد أختي الزينة ومحلات الحلو والألعاب ... وكانت العجقة مو طبيعية لدرجة أني اضطريت أنزل من أول السوق وقضي مشواري مشي وأنا عمبصور ... ومبسووووط كتير ... الجو حلو .... الناس محترمة .... حسيت حالي بباب الحارة .... أهل الشام الأصيلين .... وصورت مشاهد عن الحلو والمحلات اللي بالميدان .... والشوكولا اللي كانت معروضة .... والزينة اللي مزينة المحلات ... وكمان محلات الأكل الطيب اللي بتشتهر فيها الميدان ...
يالله نسمي بالله ونشوف بالصور مع التعليقات المناسبة ... وبتمنى تعيشوا الجو ... ولو ما عشتوه ممكن تعيشوه بالعيد الجاي ( العيد الكبير / عيد الأضحى ) ..... يالله بدينااااااا :
صورة من أول الشارع ... شارع الحلو والأكل الطيب :24:
[IMG]http://www.m5zn.com[/IMG]
هي الصورة لمحلات داوود الشهيرة وهي صورة للعلبة اللي بيبيعوا فيها الحلو ... وصورة تانية للمحل
[IMG]http://www.m5zn.com[/IMG]
[IMG]http://www.m5zn.com[/IMG]
[IMG]http://www.m5zn.com[/IMG]
بعدين انتقلت لمحل تاني ... بس للأسف ما أقدرت حط التقرير بأسرع وقت لهيك في محلات ما قدرت اتذكر أسمائها ... واللي متذكروا رح خبركون عنو أكيد :110:
هي محل تاني واجهتو عجبتني ....
[IMG]http://www.m5zn.com[/IMG]
طبعا المحلات بتحاول تعرض الحلو بطريقة مميزة مشان تغريك لتشتري .... بس مو كل الحلو بيتاكل .. يعني مو كل اللي حط صواني بيقول أنا حلواني :109:
[IMG]http://www.m5zn.com[/IMG]
بس وللحق في محلات بتعرض عليك قطعة للدواقة ... يعني واثقة من حالها
[IMG]http://www.m5zn.com[/IMG]
وهي الناطف ... وهو ... صراحة مابعرف شو ... هاهاها .... بس مخفوق أبيض حلو وخفيف بينضاف للمعمول ... يعني متل القطر مع القطايف
[IMG]http://www.m5zn.com[/IMG]
معليش بكتفي لليوم بهل التقرير لأني واعد بيت حماي نروح نتعشا بمطعم قرطاج ... ولازم روح .... بشوفكم بالعدد القادم ... هاهاه
سلام يا كرام :106:مواضيع عشوائيه ممكن تكون تعجبك اخترناها لك:
- مشكلتي مع سوريا
- رسائل مشبوهة عبر الانترنت تحذر الخليجيين من القدوم الى سورية
- العنصرية في سوريا
- رحلتي القصيره المفيده لدمشق
- الشركس فرسان الاسلام القادمون من اقاصي الشرق
- سلامٌ عليكمما أحب وصالكموغايةُ مجهود المقل سلامُ
- فنادق حلب
- الشغالةمصممة على الروحة
- تأسيس جامعة الوادي السورية ـ الألمانية الخاصة
- كيف رمضان في سوريا
- الاجراءات المتعبة في الحدود الاردنية مع سوريا
- أنوي السفر بالسيارة من المدينة المنورة الى دمشق الرجاء المساعدة
- طلب استفسار عن قضاء اسبوع عائلي في سوريا
- رحله عايليه
- الشام وما أدراكَ مالشام؟؟
- كيف تحجز موقع مجاني لتحميل الصور على لايكوس ووضعها في المنتدىشرح مصور
- من الخبير في سوريا ويقدر يفيدني عن السيارات الأجار
- من وسط البلد
- كيف يمكن الذهاب الى مشتى الحلو من دمشق
- ياملك الرواد اذا كنت هنا فأنا معك
المفضلات