الموضوع: عاجل ارجو المساعدة احترت

السلام عليكم
انا حقيقة احترت من الفنادق اللي راح اختارها وارجو مساعدتي
انا قررت اخذ فندق على البحر ووقع اختياري
Ezdan Hotels & Suites Doha
Retaj Al Rayyan
W Doha Hotel & Residences
Les Roses Residence by BridgeStreet Worldwide

والله ياجماعة احترت وبعدين هل ممكن اخذ جناح من غرفة واحدة انا وزوجتي و4 اولاد 10 , 8 , 7 , 1 يسمح نظام الفنادق بذلك ويعطيك اسره وفرش لهم بليز ارجوا المساعده عاجلا اخاف احجز واتوهق وشكرا

مواضيع عشوائيه ممكن تكون تعجبك اخترناها لك:

• اخيراً بزور قطر بس ماعرف شي
• تكفى تهز الرجاجيل ؟
• عاجل بكره بروح قطر وأرجوا إفادتي عن فيلاجيو جدول فعاليات عيد الفطر ترشيح ملاهي
• استفسار عن فندق
• الفزعة ياجماعة مسافر لقطر ايام
• ترانزيت صباح الجمعة في الدوحة وين ممكن اروح ؟
• برج بفرلي هيلز الدوحة
• مطار حمد الدولي يبدأ العمل مطلع ابريل
• ارقام معارض السيارات في دولة قطر
• ملاحظة وارجو تقبلها مع الشكر الجزيل لكل من ساعدني في الوصول الى قطر
• استفسارات عامة
• عملة قطر
• لــؤلــؤة قطــــر
• تقريري عن كافي
• عاجل ما رايكم بفندق
• قبل الاستفسار خطط زيارتك لقطر
• مطاعم المندي والمظبي في الدوحة
• استفسار سريع بخصوص الشقق
• اختكم من السعودية وارجو مساعدتي
• سؤال ضروري عن سوق واقف بسرعة يا ذئاب قطر ؟

باحيرك زيادة

هالفنادق ماتطل على البحر

بس اعتقد افضلهم هو فندق w

مع اني متحفظه أشد التحفظ عليه

بس لما نقارنه مع الفنادق الباقيه نشوفه الافضل

ولو تقعد لك في الماريوت بيكون أفضل

لانه فندق معروف وأحسن من w ويطل على البحر واعتقد السعر بيكون نفس الشي

حياك الله في بلادك قطر


ايذا تبي فندق مميز ويستاهل


اخيرك في هاذا الفندق


http://www.arabtravelersforum.com/travel109279/


وممكن تاخذ شاليه يكفيك انت والعائله الكريمه


وهاذا الفندق قريب من مكار الدوحه جدا


واي خدمه احنا حاضرين

اختي النوري شكرا لك وقايلك اني غشيم اشوى اني ما استعجلت وخذت فندق
والله انا جتني فكره جهنمية وحاب استشيرك انا افكر اجي لقطر ثالث العيد والف الفنادق واختار ايش رايك

اخي qatar3333 يعطيك الف عافية

اخوي انا من رايي كافصل شي من الي حطيتهم دبليو وهو يعنببر من افخم الفنادق في قطر
وبعده رتاج الريان

اهلين اخوي the ro0ok
ممكن تعطيني موقع الحجز على النت لنفس الفندق غرفتين ولك جزيل الشكر

المشاركة الأصلية كتبت بواسطة هامور ازرق
http://www.arabtravelersforum.com/tr...3/#post4186373

اختي النوري شكرا لك وقايلك اني غشيم اشوى اني ما استعجلت وخذت فندق
والله انا جتني فكره جهنمية وحاب استشيرك انا افكر اجي لقطر ثالث العيد والف الفنادق واختار ايش رايك



فعلاً فكره جهنمية لانك مب لاقي حجز وبتقعد برا في الجو الحار اللي جنه جهنم

لازم قبل لاتطلع من بلادك يكون عندك حجز خاصه انك بتجي في العيد

وأصلا حاول تلقى من الحين لانه أغلب الحجوزات فُل

إذا انت على قولتك ماتعرف إسألنا احنا وبنجاوبك إن شاء الله

انا أقول لك فكر في الماريوت لانه ترى وايد حلو وأنا سكنت فيه الصيف اللي طاف ومسويين فيه تجديدات لايفوتك

وقول لهم ابي القسم القديم اللي يطل على البحر

على العموم أنا الحين رفعت السماعه وكلمت فندق الماريوت وقالوا لي انه سعر الغرفة بـ 870 تقريبا والسعر ثابت لين العيد

وكلمت فندق w وقالوا لي الغرفه بـ 950 ريال والسعر يزيد كل يوم وبيوصل في ثالث يوم العيد اللي انت بتجي فيه 1008 ريال

وماادري على شنو ماعطينه هالسعر .. من يوم ماسكن بيكهام فيه والاسعار مرتفعه

طبعا دبليو مايستاهل لانه مب حلو وثاني شي لانه صغير ويلوع الجبد ومايطل على البحر

والماريوت أرخص مثل ماتشوف وهو شركه معروفه غير عن هالدبليو اللي مادري من وين طلع لنا

نسيت اقول لك اني سألت الماريوت عن السويت وقالوا لي انه بـ 1700 ريال والسويت حق شخص واحد او شخصين بالكثير

وكل مايزيد عدد الاشخاص تدفع 100 ريال زياده

بس ماعليك منهم جذابين لو تروح لهم وتكلمهم مب قايلين شي

اصلا الغرفه العاديه حق ثلاثة اشخاص فمابالك بالسويت ؟

اهلين اختي النوري
ابكلف عليك شوي
انا + زوجتي + ولدين 8 سنوان + بنتين 10 وسنة
اعتبري الحجز تبعك
عطيني الان موقع حجز لشقة او جناح او غرفة تقبل هالعائلة وانا بحجز الان
بس لا يتجاوز السعر 800
والله غالية حيل عندكم الاسعار
تحياتي وساعديني لاني مجهز الفيزا وما ودي اطب الا على شيء حلو والمدام تبغى شيء على البحر
والله يجزاك خير انتي والاخوان حقيقة انكم ماقصرتوا بس العيب فيني تحياتي
تكرار
( عطيني الان موقع حجز لشقة او جناح او غرفة تقبل هالعائلة وانا بحجز الان )

النوري دبليوووووووووووووووو احلى والماريوت قديم خلاص راحت عليه ومعروف انه دبليو هو يعتبر من افخم فنادق قطر

مرحبا فيك اخوي .

بسم الله نبدأ على بركة الله , الفنادق Retaj Al Rayyan
W Doha Hotel & Residences قريبين نسبياً من البحر , بس من شروطهم طفلين فقط في الغرفة مع الوالدين , يعني مجبور انك تاخذ غرفتين وطبعاً هذا معناه تكلفة اضافية .
والفنادق الباقية Ezdan Hotels & Suites Doha قريب من الكورنيش ( وهو الي عليه العين) وسعر الغرفتين وصالة 1100ريال مع الفطور وهذا موقعهم للحجز http://www.booking.com/hotel/qa/ezda...ml?aid=1329869
Les Roses Residence by BridgeStreet Worldwide وهذا الفندق موقعه بين شارع السد والنصر (المرقاب) , يعني وسط البلد وسعره مناسب جداً وهذا موقعه للحجز http://www.booking.com/hotel/qa/le-r...17&aid=1329869 (غرفتين وصاله ب540ريال , بس ماعندي فكره عن نظافته وفخامته (اتمنى احد يفيدك عنه) .

والأختيار النهائي لك .

بالتوفيق ان شاء الله

المشاركة الأصلية كتبت بواسطة هامور ازرق
http://www.arabtravelersforum.com/tr...6/#post4186436

اهلين اختي النوري
ابكلف عليك شوي
انا + زوجتي + ولدين 8 سنوان + بنتين 10 وسنة
اعتبري الحجز تبعك
عطيني الان موقع حجز لشقة او جناح او غرفة تقبل هالعائلة وانا بحجز الان
بس لا يتجاوز السعر 800
والله غالية حيل عندكم الاسعار
تحياتي وساعديني لاني مجهز الفيزا وما ودي اطب الا على شيء حلو والمدام تبغى شيء على البحر
والله يجزاك خير انتي والاخوان حقيقة انكم ماقصرتوا بس العيب فيني تحياتي
تكرار
( عطيني الان موقع حجز لشقة او جناح او غرفة تقبل هالعائلة وانا بحجز الان )



شوف أخوي

ماأعتقد في شقق تطل على البحر

هذا اللي أعرفه أنا

وأنا بالنسبة لي ماأعرف في موضوع الشقق

وانتوا الحين ليش ماتحجزون غرفتين في الماريوت بتطلع عليكم بـ 1600

الفندق فخم ويطل على البحر وماعليه كلام

أحسن من إنك تقعد في دبليو وتآخذ غرفتين

وبالعكس أنا أشوف الأسعار وايد رخيصه مقارنه بالماضي وخصوصاً انك بتجي في موسم

إذا تبي تجي وتستمع وتآخذ لك منظر على البحر لازم بتضطر تدفع أكثر من 800

وانا قلت باشوف لك فندق الانتر كونتينتال لانه بعد يطل على البحر وأذكر انه رخيص

بس الحين يوم اتصلت لهم الليلة طلعت بـ 936

عاد أنا أذكر من كم سنه الليلة كانت بـ 250

لو جيتوا ذاك الوقت جان فتحتوا الأجنحه الملكية كلها على بعضها

وترى انت مب لاقي شقه أو فندق يطلون على البحر بـ 800

يعني الحين ماأقدر أعطيك رابط وأقول لك احجز من هالرابط لانه هالطلب مب متوفر

انت بس عطني الميزانيه وياليت تكون فوق الألف علشان أدور لكم فندق ممتاز ويناسب العائلة

اخوي عيد ماقصر الصراحه معلوماته حلوه وواضحه اذا تبي اي شي قول احنا حاظرين

المشاركة الأصلية كتبت بواسطة هامور ازرق
http://www.arabtravelersforum.com/tr...9/#post4186409

اهلين اخوي the ro0ok
ممكن تعطيني موقع الحجز على النت لنفس الفندق غرفتين ولك جزيل الشكر





هلا والله اخوي واسمحلي مانتبهت على ردك الا الحين تفضل هاي كل تفاصيل دبليو والحجز والاسعار من موقع بوكينج تفضل
http://www.booking.com/hotel/qa/w-do...ml?aid=1329869

المشاركة الأصلية كتبت بواسطة النوريq
http://www.arabtravelersforum.com/tr...4/#post4186524

ذا روك أشوفك تكلمني عادي جنه احنا أمس متسحرين مع بعض

أمس تهاوشني ماخليت شي ماقلته عني واليوم تكلمني عادي !!!





متى ماذكر طرشيلي الرابط الي تهاوشنا فيه
وبعدين انا في هل موضوع لاكلمتج ولاشي


واذا انت زعلانه اني كلمتج فانا مستانس لانج حسيتي شوي

المشاركة الأصلية كتبت بواسطة the ro0ok
http://www.arabtravelersforum.com/tr...1/#post4186981

متى ماذكر طرشيلي الرابط الي تهاوشنا فيه
وبعدين انا في هل موضوع لاكلمتج ولاشي


واذا انت زعلانه اني كلمتج فانا مستانس لانج حسيتي شوي



مب زعلانه

بس مستغربه

لاني ماقلت شي وانت هديت علي بدون سبب

والحين عادي تكلمني كأن حد ثاني اللي كان يهاوش ذاك اليوم

مشكورين الجميع ويعطيكم العافية وبلاش زعل ترانا برمضان وبعد رمضان بكيفكم ههههه
اختي النوري ماعندك مشكلة فوق الالف 1000 كلها ثلاث ايام خذي راحتك ويعطيك العافية

المشاركة الأصلية كتبت بواسطة هامور ازرق
http://www.arabtravelersforum.com/tr...8/#post4187008

مشكورين الجميع ويعطيكم العافية وبلاش زعل ترانا برمضان وبعد رمضان بكيفكم ههههه
اختي النوري ماعندك مشكلة فوق الالف 1000 كلها ثلاث ايام خذي راحتك ويعطيك العافية



انزين عيل ليش ماتاخذ في الماريوت مثل ماقلت لك الليله بتكون 1600 للغرفتين

ولو جربت موقع booking بيطلع أرخص وكل السعوديين يحجزون منه

لو تروح الحين وتشوف اخر الحجوزات للفنادق القطريه كانت من السعوديه

وهذا السعر على فكره وايد حلو لو قارنته بالفنادق الثانيه الخمس نجوم واللي في نفس الوقت تطل على البحر

وعلى فكرة الفندق لاصق في في فريج شرق يعني تقدرون تروحون هناك وتدشون وتتمشون والا تقعدون في قهوه بس تحملوا تجربون الكيك مالهم لانه عتيج من اسبوع مسويينه

ها ؟ شقلت ؟ نقول مبروك ؟

لا وين مبروك 1600 وايد غالي
الا اذا وافقوا اخذ غرفة ومعي الاولاد بس ثلاث وبنت رضيع ظنك يوافقون
احس انك مليتي من طلباتي الله يعطيك العافية

المشاركة الأصلية كتبت بواسطة هامور ازرق
http://www.arabtravelersforum.com/tr...1/#post4187091

لا وين مبروك 1600 وايد غالي
الا اذا وافقوا اخذ غرفة ومعي الاولاد بس ثلاث وبنت رضيع ظنك يوافقون
احس انك مليتي من طلباتي الله يعطيك العافية



ماشاء الله توك فاتح الموضوع اليوم ووصل ثلاث صفحات

علشان تعرف إني هذارة

شوف دام انك بتسكن في غرفة وحده لازم تدور لك غرفة واسعه

وهالغرفة بتلقاها في فندق الريتز

بس قول لهم انك تبي غرفة كبيره مع إن أغلب غرفهم كبيره وفيها بلكونه يعني حتى لو تبون تخلون حد فيكم يرقد في البلكونه عادي

أمزح طبعا الجو بيكون حار لو الشتا جان بنقول معليه

على العموم أنا الحين اتصلت للريتز بس طلعوا روحي وتهاوشت معاهم وطلبت المدير لانه اللي كلمني مايفهم شي

وقالوا الغرفة بـ 850 ريال

يعني في حدود ميزانيتك

وقال لي المسؤول ان الغرف كلها واسعه وحلوه واذا تبين غرفة واسعه قولي لهم في الاستقبال اول ماتوصلين يعطونج غرفه فيها كنبه والضمان علي طبعا هذا كلام الريال اللي كلمته

وعلى فكرة السعر اللي قلت لك عنه احتمال يتغير هالايام وأكيد بيكون مرتفع في العيد بس الريال قال لي لو حجزتي الحين من الموقع بيكون السعر 850 مثل ماهو .. يعني حتى لو ارتفع السعر وصار ألف وأكثر في العيد بيظل السعر مثل مااخذته انت من البدايه

يعني يستحسن تسارعون بالحجز لو ناويين تسكنون فيه


وترى المنظر من الغرفه خراااافي يطل على البحر مباشرة وأنا سكنت فيه مرتين

وقالوا لي مافي مشكله انه يكون عندك 4 أطفال إذا إنت مرتاح

وإذا وصلتوا عطوني رقم الغرفة علشان أرسل لكم فواتير الاتصالات اللي أجريتها لانها كانت عن طريق الموبايل عيزانه أروح للتلفون الأرضي . . أمزح معااااااك طبعا

ماادري اذا قلت لك هالشي من قبل والا لا بس ترى الريتز أفخم فندق عندنا

وعلى العموم القرار في النهايه قرارك انت والمدام

بس انتوا شكلكم تبون شقه صح والا لا ؟

على فكرة الفنادق الراقيه ماتركز وايد على عدد الاشخاص في الغرفه

وانا وضحت لهم وقلت لهم عندنا أربع أطفال ومن ضمنهم رضيع عمره شهور قالوا لي عادي

وقالوا لي اذا بتطلبون سرير زياده بنخصم منكم 100 ريال

وانت لاتنسى انك قلت ان ميزانيتك للغرف فوق الالف فما فيها شي لو حطيتوا لكم سرير اضافي في الغرفه

طبعا لكم القرار في النهايه

بيض الله وجهك اختي النوري دنيا واخره
لا السعر معقول بس هل شامل الضريبة والخدمة والا بدون
عطيني موقعهم بليز تراي غشيم وعلميني طريقة الحجز لان فيه اكثر من اختيار وشكرا
وراح ادعي لك في هالعشر الاواخر بان تكوني من المعتوقين من النار انتي ووالديك اللهم امين
وفاتورة موبايلك هالشهر على حسابي تستاهلين موقفك ينم عن بنت اصيلة الله يوفقك

آمين ومشكور على هالدعوات الحلوه

عاد الموقع خله بكره انا انهد حيلي الحين

خلني أروح أتسحر قبل لايأذن علي

المشاركة الأصلية كتبت بواسطة هامور ازرق
http://www.arabtravelersforum.com/tr...2/#post4187262

بيض الله وجهك اختي النوري دنيا واخره
لا السعر معقول بس هل شامل الضريبة والخدمة والا بدون
عطيني موقعهم بليز تراي غشيم وعلميني طريقة الحجز لان فيه اكثر من اختيار وشكرا
وراح ادعي لك في هالعشر الاواخر بان تكوني من المعتوقين من النار انتي ووالديك اللهم امين
وفاتورة موبايلك هالشهر على حسابي تستاهلين موقفك ينم عن بنت اصيلة الله يوفقك



اعتقد شامل الضريبه

على العموم بنشوف بكره شبيطلع لنا اذا جربنا نحجز في الموقع

اخوي حاولت أبحث لك عن فندق الريتز في موقع booking بس مالقيت لاني ماأعرف حق هذاك الموقع

ياليت من الاخوان اللي يعرفون يساعدونك لاني سمعت ان الحجز عن طريقه يطلع أرخص

المهم انت في الوقت الحالي جرب موقعهم الرئيسي وادخل على هالرابط

https://www.ritzcarlton.com/en/Prope...2&co=9:15:2010

بتلقى عندك أسعار الغرف والسويتات

طبعا كل الاسعار فوق الألف ماعدا أول نوع من الغرف بـ 749

هذي الغرفه فيها سرير كبير أو سريرين

انت اختارها وعقب ادخل بيانات الفيزا

وعقب المفروض يجيك تأكيد الحجز عن طريق الايميل

اطبع الورقه واحتفظ فيها علشان اذا صار ماصار وقالوا لك ماعندنا لك غرفه تطلع لهم ورقة الحجز وتتذابح معاهم

وأنا انصحك وبشده أنك عقب ماتخلص الحجز تتصل حق الفندق وتتأكد منهم وتطلب منهم ان حجزك يكون بغرفه فيها سرير كبير أو سريرين مثل ماانت تبي

علشان ماتروح عقب وتلقى الغرفه غير عن اللي انت تبيها

لانهم دايما في مواقع الحجز يقولون لك الغرفه فيها سرير او سريرين بس مايخلونك تحدد اذا تبي سرير او سريرين

وثاني شي تأكد منهم إنه يسمحون لأطفالك الصغار يقعدون معاكم في نفس الغرفة

لانه يوم سألتهم أمس وافقوا بس مايندرى شيصير عقب

أبي أبرئ ذمتي من هالموضوع

يعطيك العافية اختي نوري
تم حجز الاتي والاول خبط لزق الله يستر ( هذا اللي مايخذ الشور )
يومين من 12/9 الى 14/9 في
BridgeStreet Najma Downtown Doha بسعر 1080 اليومين
وفندقك الريتز ب750 يوم 14/9
وش رايك في الاختيار الاول ترى ماادري وين موقعه اخاف يكون سيء الله يستر

المشاركة الأصلية كتبت بواسطة هامور ازرق
http://www.arabtravelersforum.com/tr...8/#post4190108

يعطيك العافية اختي نوري
تم حجز الاتي والاول خبط لزق الله يستر ( هذا اللي مايخذ الشور )
يومين من 12/9 الى 14/9 في
bridgestreet najma downtown doha بسعر 1080 اليومين
وفندقك الريتز ب750 يوم 14/9
وش رايك في الاختيار الاول ترى ماادري وين موقعه اخاف يكون سيء الله يستر



اكيد بيطلع سيء لانه مب معروف

من اسمه "نجمه" مبين عليه فاشل

والحين أنا عطيتك فندق الريتز أفضل فندق في الدوحه وسعره 750 مناسب جداً بالنسبة لميزانيتك وانت تروح تدور فندق ثاني مب معروف !!

الحين حد يخلي الريتز المنتجع واللي غرفه واسعه ويروح يسكن في هالفندق اللي مب معروف !!

وأكيد طبعا بتكون غرفه ضيقه وماأتوقع أصلا ان هالفندق يجي نص نجمه

خاصه ان منطقة نجمه اللي حجزت فيها تلوع الجبد وماتصلح ابداً حق السكن

افا شو هالخبريه
هذا نظام شقق شفت عائلة في البوكينق حاجزة قلت احجز وبعدين قلت شقة خل ام العيال كان تبي تصلح قهوة والا بتغسل ملابس الاولاد وهالشيء مااحصله بالفندق
لا جد كان منطقته مو حلوة نلغي الحجز بس شفت حسب موقعهم انه قريب من المولات
شو رايك نلغي

اللي اعرفه ان منطقة نجمه تعبااااانه وكلها تصليحات وخرابيط

بس انتوا كيفكم اذا جايين قطر وتبون تطبخون وتغسلون وتشوفون ان بتكون هناك اريحيه اكثر في الشقق

وانا رشحت لك فندق الريتز لانك ماجبت من البدايه طاري الشقق وانت اصلا كنت فاتح هالموضوع علشان نرشح لك فندق من الفنادق اللي كنت حاطها في البدايه

يعني ماجبت طاري الشقق

علشان جذي انا ساعدتك وجبت لك افضل فندق في قطر وبسعر معقول

على فكرة تصليح القهوه تقدرون تسوونه في الريتز بعد

وبتلقى كل شي مجهز لك هناك

راح الغي الحجز مادام المنطقة مو حلوة شكرا اختي النوري واسف لازعاجك

مب علشان المنطقه حلوه والا لا

بس علشان أنا كنت أبيكم تستانسون وتخلون اليهال يستمتعون بهالتجربة معاكم

لانه فندق الريتز فريد من نوعه وكأنه قرية مصغرة تمشوا فيه

الحين انت قول لي بتسكن فيه والا ندور لك فندق ثاني ؟؟؟

تم الغاء الحجز على نجمة

لا انا حجزت ليلة بالريتز والان باخذ كل الليالي فيه وشكرا لك

حجزت كل الليالي بالريتز
عن طريق تعديل حجزي بس كيف طريقة خصمهم للمبلغ من الفيزا اخاف يخصمون علي مرتين
وهذي معلومات الغرفة حتى كلمت واحد مصري قال ماعندك مشكلة مع الاولاد

تبلغ مساحة الغرف الديلوكس 540 قدماً مربعاً وتقدم للضيف مساحة معيشة فسيحة ومفتوحة. تمتاز كل غرفة بشرفة خاصة تقدم إطلالة على البحر أو على ملعب الغولف. تتوفر الغرف من فئة د 4a;لوكس مع سرير كينغ واحد أو سريرين توأمين.

شو رايك وشكرا

لو الغرفة طلعت واسعه إن شاء الله وإذا انتوا مرتاحين انكم تقعدون فيها كلكم

فراح تكون تجربة ممتعه وبتشكرني

خصوصاً إنكم أصلا بتكونون برا معظم الوقت لانه عندكم أماكن كثيرة تزورنها ويمكن تكررونها

وحاولوا تتمشون في الريتز وروحوا طلوا على ملاعب التنس الداخليه

والريتز فيه مسابح كثيره داخلية والخارجية لو حد من اليهال يبي يتسبح

وإذا زوجتك تبي تروح الصالون فيه صالون هناك التسريحه بألف ريال

وبالتوفيق في رحلتكم إن شاء الله

تحملوا يعطونكم منظر على ملعب الغولف

خل يحطونكم على البحر

والوصف اللي ذكرته فوق هل هو للغرفة اللي سعرها بـ 850 والا أغلى ؟

والله ماادري بس كلمتهم اليوم قالوا ماعندك حجز لازم مرور 24 ساعة على حجزك
اكلمهم بكرة والله يجزاك خير

المشكلة الى الان اختي النوري ماوصل حجزي للفندق رغم تأكيدي للحجز عن طريق بوكينق
عكس الشقق اللي الغيت حجزها على طول قبلوا حجزي وسحبوا المبلغ من الفيزا
بس متى يردون مبلغي اخاف يسحبون علي تحياتي

والله ماادري ياهامور

انا مااحب الحجز عن طريق النت بس انت اللي طلبته

على العموم اتصل حق الفندقين وتأكد منهم

واقعد على راسهم لين مايعطونك رقم الحجز وخلهم يرسلون لك ايميل وفيه كامل بيانات الحجز

والمفروض اصلا هالايميل يوصلك اول ماتحجز

واذا ماوصلك اعرف ان في حجزك شي غلط

والله يااختي النوري انا راسلت موقع بوكينق وشرحت لهم المشكلة هالكلام قبل يومين
وبالامس جاني اتصال من امريكا من الاخ نديم واستغربت حقيقة ان تجد موقع او شركة تهتم بعملائها
ودام الاتصال بيني وبينه تقريبا الساعة وحل لي مشكلتي وكرش فندق ميدج ستار علشانهم خصموا قيمة الفيزا
وانحلت المشكلة وارسلوا لي عبر الايميل تاكيد حجزي
والله يجزاك خير
بس حنا ضيوفكم جهزي لي حلوه قطرية تحياتي

المشاركة الأصلية كتبت بواسطة هامور ازرق
http://www.arabtravelersforum.com/tr...5/#post4199625

والله يااختي النوري انا راسلت موقع بوكينق وشرحت لهم المشكلة هالكلام قبل يومين
وبالامس جاني اتصال من امريكا من الاخ نديم واستغربت حقيقة ان تجد موقع او شركة تهتم بعملائها
ودام الاتصال بيني وبينه تقريبا الساعة وحل لي مشكلتي وكرش فندق ميدج ستار علشانهم خصموا قيمة الفيزا
وانحلت المشكلة وارسلوا لي عبر الايميل تاكيد حجزي
والله يجزاك خير
بس حنا ضيوفكم جهزي لي حلوه قطرية تحياتي



الحمدلله انه المشكله انحلت

أنا خفت تتورطون وترقدون في الكورنيش وتلوموني

المهم إذا رحتوا هناك واستانستوا إن شاء الله تعال وقول لنا شصار