الموضوع: جوانزو وشنزن بقلم رحال الشارجة

هلا اخوي

انا حاليا في شنزن ممكن تعطيني الاماكن اللي فيها ماتتفوت ؟

ومطاعم اسلاميه ؟ واسواق رخيصه؟

بليييييييييييييز لا تتاخر بالرد
ويعطيك العافيه مقدما

اخوي رحال الشارجه ...
قبل فترة معرض كانتون وبعدها فيه تشديد شوي على الاسواق ...
اقصد الي يبيعوون كوبي ماركات ...ساعات شنط ملابس الخ ...
عشان كذا ماشفت شي بالاسواق ...لكن من بعد المعرض راح تلقى كل شي قدامك وبدون خش ودس هههههه

يعطيك الف عافيه على نقل تجربتكم ...والله يكتب لكم الاجر ..

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...6/#post5152266

بيض الله وجهك

في اتظارك

ولك خالص التحيات






الله يسلمك ومشكور

المشاركة الأصلية كتبت بواسطة جاسمريه
http://www.arabtravelersforum.com/tr...4/#post5152464

هلا اخوي

انا حاليا في شنزن ممكن تعطيني الاماكن اللي فيها ماتتفوت ؟

ومطاعم اسلاميه ؟ واسواق رخيصه؟

بليييييييييييييز لا تتاخر بالرد
ويعطيك العافيه مقدما





هلا اختي
انا الصراحة كنت في شنزن ثلاث ايام كل يوم كنت اروح مكان
اول يوم حديقة نافذة العالم the window of the world تذاكر الدخول 160 للكبار و80 يوان للاطفال
ثاني يوم مدينة الالعاب happy vally تذاكر الدخول 180 يوان للكبار و90 للاطفال
ثالث يوم حديقة الاستغراضات الحيوية splendid of china التذاكر للكبار 120 شامل كل العروض ماعدا عرض واحد ب 30 يوان


وبالنسبة للمطاعم والاسواق الصراحة ماعرف لاني مارحت داخل المدينة وكنت اكزرها بالاندومي والخبز والجبن من الجمعية اللي عدال الفندق اللي ساكم فيه

المشاركة الأصلية كتبت بواسطة سارووونه
http://www.arabtravelersforum.com/tr...0/#post5152490

اخوي رحال الشارجه ...
قبل فترة معرض كانتون وبعدها فيه تشديد شوي على الاسواق ...
اقصد الي يبيعوون كوبي ماركات ...ساعات شنط ملابس الخ ...
عشان كذا ماشفت شي بالاسواق ...لكن من بعد المعرض راح تلقى كل شي قدامك وبدون خش ودس هههههه

يعطيك الف عافيه على نقل تجربتكم ...والله يكتب لكم الاجر ..





امين ومشكورة
بس انا سفرتي كانت قبل المعرض على اخر شهر مارس 25/ 3 الى 2 / 4 مادري والله من عقبها بيبيعون والا

انا اتفق مع ساورنه
بالرغم اني رحت هالمعرض 3 مرات
و الامور طيبه ، ممكن الحين شددو على الامور الله اعلم ..

و جوانزو اختربت مره
اول لما كنت اسير تسالهم عن السعر
ماشي غير الاله الحاسبه بيدينهم ، ما يعرفون يقولون الارقام
يراويك اي من رقم بالحاسبه ..

اخر مره من سرت ويا اخوي
وهو اول مره يسافر الصين
يسقولي قالت البضاعه بـ 100 شريك
قلت له ماعليك قولها 30 و بترضى
جان تقول
( مافي 30 ، 100 بس )
يالله تعال شوف ويهي
بعد صارو يفهمونا

المشاركة الأصلية كتبت بواسطة emirates air
http://www.arabtravelersforum.com/tr...6/#post5155246

انا اتفق مع ساورنه
بالرغم اني رحت هالمعرض 3 مرات
و الامور طيبه ، ممكن الحين شددو على الامور الله اعلم ..

و جوانزو اختربت مره
اول لما كنت اسير تسالهم عن السعر
ماشي غير الاله الحاسبه بيدينهم ، ما يعرفون يقولون الارقام
يراويك اي من رقم بالحاسبه ..

اخر مره من سرت ويا اخوي
وهو اول مره يسافر الصين
يسقولي قالت البضاعه بـ 100 شريك
قلت له ماعليك قولها 30 و بترضى
جان تقول
( مافي 30 ، 100 بس )
يالله تعال شوف ويهي
بعد صارو يفهمونا







هههههه صج ماهينين حتى بالعربي

يالله الله المستعان

مستر ميمو


الاوراق المتساقطة


هذا كرت المحل اللي يبيع الاكسسوارات بالجملة وهي مثل ماقلت لكم صبغة ذهب مايتغير لونه ضمان سنه على قولتهم
والفصوص زيركون لمعتها نفس الالماس واشكالها حلوة انا خذت درزنين خواتم حسيولي على 40 يوان للواحد وفيه ارخص وفيع اغلى
بس على فكرة المحل صغير وزحمة ويبالك اتدور عدل مدل
واسمحولي على التاخير






واعتقد ان هالسوق مب موجود في دليل الاسواق لاني يوم سالت التاكسي قال هذا غير والله اعلم

[SIZE="4"]سوق الكمبيوترات جالكسي بلازا




هالسوق جريب من فندقي وريال ميديتريان 5 قايق مشي

حبيت هالسوق وايد لان صغير ومب زحمة ويبيع شغلات حلوة من كمبيوترات وطابعات و الفلاش ميموري باشكال غريبة











انا خذت لي مجموعة من القلاش ميموري من هالمحل



حسبلي الوحدة البلاستيكية ب 50 يوان وذاكرة 8 جيجا


والكرسيتالات الوحدة ب 70 يوان ذاكرة 8 جيجا

عندهم الايفون 4 والايباد والجالكسي تاب
قيل لا اسافر الصين رحت سوق التنين اللي في دبي وشفت عندهم تقليد الايفون 4 والايباد
واليهال عيبهم الايفون عسب الالعاب ويبيعونهم على 330 درهم تقريبا بس مب كواليتي يعني الشكل ايفون لكن السوفت وير كله غير حتى اللمس بالظفر والصور مب واضحة

فقلت دامني بروح الصين بمر على اسوافهم وبشوف الايفون 4 يمكن احصل نوعية افضل
رحت هالمجمع جالسكي بلازا وحصلت عندهم الايفون وعطاني من الاخر 700 يوان قلت ادور عليه مكان ثاني
رحت سوق الجوالات اللي في دليل الاسواق وتصدعت من الزحمة والريحة
وقعدت يوم كامل بهالسوق ادور على الايفون لقيت عندهم 7 انواع للايفون 4 وافضلها 3 انواع اللي فيها واير لس وبلوتوث والصور تتكبر شرات الايفون وبلمس الاصبع مب بالظفر نفس النوعيات اللي شفتها بالتنين
1. واحد بو بطاقيتن وبطاريتبن واذا اختربت البطارية تقدر تركب له بطارية نوكيا ويدعم العربية ويفتح المسن سعره 600 يوان
2. فيه ايدد عنه وهذا الافضل منه بو بطاقة واحدة لكن البطارية نفس الاوريجنال اذا اختربت يخترب وياها التلفون مع ان عندهم ضمان سنة وبيصلحونه لك بس المشكلة انا في الامارات شو يوديني الصين اصلح التلفون وسعره 800 يوان والصورة تتكبر بشكل اسرع وايضا يدعم اللغة العربية
3. اخر واحد وايددهم واسرعهم بو بطاقة وحدة بس الفرق ان البطارية تقدر تغيرها لكن مشكلته مايدعم العربي وسعره 1000 يوان
بس بعد الاصلي فرق وااايد في السوفت وير بس لليهال والمبتدئين ينفع خصوصا شكله اصلي وفيه العاب حلوة



بعد هاللفات يالاسواق رجعت لمجمع جالكسي بلازا






خذت لي ثلاث ايفون 4 من اول نوع بوبطاقين لان يفتح المسن والعابه حلوة خذته من من محل جيف ب 600 يوان مع 3 كفرات مجانا


بطاقة المحل



دورت على الايباد كوبي ماحصلت نوعية ممتازة بس حصلت الجالكسي تاب والصراحة وتوفقت فيه كواليتي جيدة والعابه حلوة خذت بعد منه 3 لليهال ب 1110 يوان للواحد من محل جيف وعطاني معاهم 3 شنط مجانا



خذت بعد 2 سوني بي اس بي كوبي ون 250 يوان للواحد مع الشنط


فيه مجمع عدال الجالكسي بلازا يبيع شغلات بعد حلوة
مثل كاميرات الفيديو اللي ب القلم واللي بالساعة




ونظارة شمسية فيها ام بي ثري للمشي


وللتجسس على المكالمات



واقلام ليزر ووصله لفتح جميع القنوات الفضائية بس لازم تشبك بالنت




يعني مجمع منوع


هي تذكرت عندهم هالمحل





تعرفون شو يبيع هذا يبيع كل انواع البطاريات الخاصة بالموبايلات والكاميرات والشراشات والوصلات وهذه شركتهم اصليه واسعارهم حلوة

[/SIZE]

ان شاء الله تقرير المجمع عيبكم وانتظروني في تقرير سوق الشنط

مواصلين ويااك شيخي تشكر عل الجهود

وسوق الشنط وعلى احر من الجمر ^__*

حمستني وايد للسوق الاكتروني
انا ما روحته ابدا ، مدري بس ما اتحمس حق اي شي الكتروني
بس هالمره حبيت الفلاش ميموري و ينفع حق الهدايا ...
و حسيت انهم بالغو بالسعر وياك
او انت ما تكاسر عدل وياهم
هذول من يطالعون واحد عيونه مب شراتهم ، على طول السعر 300% فوووووق

حبيت القسم و بانتظار الجديد

تسلم ايدك على هذا التقرير المفيد عن هالمجمع ...

بصراحه فيه اشياء واايد حلوة ...

منتظرين الباقي

تقرير مفيد ...نشكرك أخونا رحال الشارجه.

يسلمووووووووووووو اخي رحال

ومشكور على العنوان


ومشكور على التقرير الرااااااااااااااااااائع

تحياتي

..*.. السلام عليكم ورحمه الله ..*..

*

رحــال الشارجة

الحمد لله على السلامة وماقصرت بصراحة ننتظر تقرير سوق الشنط.؟

عندي سؤال الحين كم فرق العملة من الريال السعودي الي الين الصيني مدري وش عملاتهم أصلاً؟

وأبي اعرف كيف اكتب اسم جوانزو في موقع بوكنق لنو ابي احجز وكل ماحطيت المدينة يقول لي غلط ؟؟
كيف انت حجزت
وشاكرة لك ومقدرة تعاونك

رذاذ
يسمح لي رحال الشارجه افيدك
انا كثير استخدم موقع
http://www.xe.com/ucc/
لمعرفة الصرافه

و جوانزو بالانجليزية
Guangzhou

المشاركة الأصلية كتبت بواسطة Emirates Air
http://www.arabtravelersforum.com/tr...8/#post5173258

حمستني وايد للسوق الاكتروني
انا ما روحته ابدا ، مدري بس ما اتحمس حق اي شي الكتروني
بس هالمره حبيت الفلاش ميموري و ينفع حق الهدايا ...
و حسيت انهم بالغو بالسعر وياك
او انت ما تكاسر عدل وياهم
هذول من يطالعون واحد عيونه مب شراتهم ، على طول السعر 300% فوووووق

حبيت القسم و بانتظار الجديد



لا والله
الصراحة المجمع حلو ونظيف وفيه شغلات اصليه من كمبوترات وطابعات
لازم تزوره المرة الياية

المشاركة الأصلية كتبت بواسطة alhana.kullah
http://www.arabtravelersforum.com/tr...0/#post5173710

تسلم ايدك على هذا التقرير المفيد عن هالمجمع ...

بصراحه فيه اشياء واايد حلوة ...

منتظرين الباقي





العفو وا نشاء الله يعبكم التقرير الياي

المشاركة الأصلية كتبت بواسطة طائر بلا حدود
http://www.arabtravelersforum.com/tr...8/#post5175868

تقرير مفيد ...نشكرك أخونا رحال الشارجه.



العفو اخوي وان شاءالله صج افيد غيري مثل مانا استفدت

المشاركة الأصلية كتبت بواسطة رذاذ العلي
http://www.arabtravelersforum.com/tr...8/#post5179328

..*.. السلام عليكم ورحمه الله ..*..

*

رحــال الشارجة

الحمد لله على السلامة وماقصرت بصراحة ننتظر تقرير سوق الشنط.؟

عندي سؤال الحين كم فرق العملة من الريال السعودي الي الين الصيني مدري وش عملاتهم أصلاً؟

وأبي اعرف كيف اكتب اسم جوانزو في موقع بوكنق لنو ابي احجز وكل ماحطيت المدينة يقول لي غلط ؟؟
كيف انت حجزت
وشاكرة لك ومقدرة تعاونك

هلا اختي
ما شاء الله الاخ Emirates Air ماقصر ورد عليج

اما بخصوص صرف العملة وتحويلها 1000 ريال يعادل 1720 الى 1780 يوان او ريمبي في هالوقت

واذا كنت بالصين وتبين تعرفين سعر شنطة مثلا 400 يوان *0.65=224 ريال تقريبا



وللبحث في بوكينغ عن فنادق جوانزو
اعتقد اول شي تدخلين اسم المقاطعة
البحث عن فنادق في Guangdong


ولعدين ببتطلع لج فنادق جوانزو وشنزن

المشاركة الأصلية كتبت بواسطة emirates air
http://www.arabtravelersforum.com/tr...4/#post5187744

رذاذ
يسمح لي رحال الشارجه افيدك
انا كثير استخدم موقع
http://www.xe.com/ucc/
لمعرفة الصرافه

و جوانزو بالانجليزية
guangzhou



تسلم اخوي وماقصرت

ما شاء الله عليك

تفرير راااااااااائع وشامل

متابعين

ما شاء الله
تقرير حلو مميز

تسلم ياخووووي وماقصرت

التقارير تراها تفرق من سنة لي سنة ةمن وقت لوقت ثاني

ويستحق التثبيت

ومواصلين وياااااك

الغالي شفت في سفرتك ملابس داخلية للرجال ووين...؟

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...4/#post5195164

ما شاء الله عليك

تفرير راااااااااائع وشامل

متابعين



الله يسلمك اخوي وهذا من ذوقك الطيب

المشاركة الأصلية كتبت بواسطة kenken
http://www.arabtravelersforum.com/tr...6/#post5195316

ما شاء الله
تقرير حلو مميز



انتم اهل الابداع والتميز
ومشكورين على تثبيت الموضوع

المشاركة الأصلية كتبت بواسطة emirates77
http://www.arabtravelersforum.com/tr...6/#post5196526

تسلم ياخووووي وماقصرت

التقارير تراها تفرق من سنة لي سنة ةمن وقت لوقت ثاني

ويستحق التثبيت

ومواصلين وياااااك

الغالي شفت في سفرتك ملابس داخلية للرجال ووين...؟





الله يسلمك الغالي ومشكور
بس انا ماذكرت في تقريري عن الملابس الرجالية اصلا كل السفرة وكل السوق هدية لزوجتي ومن كثر ان الواحد مايلحق يلف الاسواق ماتذكر اني مريت على الملابس الرجالية

هلا والله بالمتابعين لتقريري
دخلت اليوم وتفاجات الصراحة بتثبيت الموضوع وان شاء الله اكون عند حسن ظن الجميع وان شاء الله الاخوة والخوات المسافرين للصين يستفادون ولو بجزئية صغيرة من تقريري
وعشان تثبيت الموضوع
عازمنكم اليوم على العشاء

حياكم الله في مطعم البيت الشامي بجوانزو


هالصورة نسخته من تقرير اختنا ام عيسى

طبعا المطعم يقع في منطقة المطاعم العربية
بس ضيعت بطاقة المطعم للاسف وهو موجود في دليل الاسواق
وهذه صور لبطاقة المحل يبتها من النت


المهم المطعم بنظام البوفيه 99 يوان للشخص الواحد والمطعم الصراحة نظيف وراقي واكله يم يم لذيذ وتاكل صوابعك وراه على قولة اخوانا المصريين
وحياكم الله


المقبلات
شوربة الفطر


شوربة العدس



الحين اضربو بالخمس هع









وعليكم بالعافية


ولاتسالوني عن السويت من كثر ماهي طيبة نسيت اصورها لكم

يالله المرة الياية ان شاء الله

الله يوفقك يارررب استفدنا منك الله يكرمك ويرزقك يارب

وينك يا ريال تاخرت

المشاركة الأصلية كتبت بواسطة Emirates Air
http://www.arabtravelersforum.com/tr...4/#post5203654

مبروك التثبيت
و رائع سوق الشنط ، ذكرتني فيه والله
ذكريات



الله يبارك فيك اخوي واتصدق وانا اكتب التقرير واشوف الصور مشتاق ارد له مره ثانية والف اكثر

المشاركة الأصلية كتبت بواسطة Emirates Air
http://www.arabtravelersforum.com/tr...2/#post5220762

وينك يا ريال تاخرت



اسمحلي اخوي هالكم يوم طايح مريض بس ادخل المنتدى من الموبايل اشيك واطلع ان شاء الله بكمل لكم التقرير جريب

المشاركة الأصلية كتبت بواسطة صعب الحب
http://www.arabtravelersforum.com/tr...0/#post5205140

الله يوفقك يارررب استفدنا منك الله يكرمك ويرزقك يارب




مشكور اخوي والبركة فيكم

سوق الساعات

للامانة انا هالسوق مارحت له الا مرة وحدة وصراحة انصدمت فيه مثل ماقلت لكم قبل مااااافي ساعات كوبي لان البلدية واااايد مشددة عليهم
بس عندهم شغلات حلوة يعني صناعة الساعات حلوة نفس اشكال الماركات العالمية بس ماركاتهم هم والاسعار متفاوتة اللي صناعتها جيدة تبدى الاسعار 150-600 يوان


وهو موقعه جريب من فندق نيومينلاند 10 دقايق مشي و9 يوان بالتاكسي وبعد موجود عنوانه في دليل الاسواق
وهذه بطاقة محل من المحلات عنده ساعات كوبي



بس مب في المحل لانه ممنوع واذا تبون لازم تروحون وياه الاوفيس وهو عبارة عن شقة في الدور الثاني يمكن
وعنده ساعات حلوة











السوق كبير وحلو وفيه اكثر من سوق للساعات عدال بعض بس المنطقة زحمة وريحة والواحد يكره عمره انه يروح للسوق وخصوصا ان مثل هالساعات ماتتباع الا بالدس في الاوفيسات وانت اقعد لف بالسوق واسال يالله جان حصلت حد يقولك تبي كوبي

بس لاحظت ان في هالسوق تقدر تفاصل وياهم بالسعر
اما المحلات اللي في سوق الشنط واللي تبيع ساعات بالاوفيسات كلمتهم وحدة عيبك السعر اوكي ماعيبك برايك


واسمحولي على التقرير وان شاء الله عيبكم

الله يعطيك العافيه على هذا التقرير تقريرك رائع ومفيد

هاذا يوم طلعت من سوق الشنط اكلت منه 3 سندويشات رغم اني كنت متخوف ان
نظافته اول ماجيته
جابني الحوع طلبت وحده اعجبتني وبعدها طلبت الثانيه
وخربتها في الاخير وطلبت الثالثه

الله يعطيك العافيه على هذا التقريررررررر

انشاء الله تقوم بالسلامه

المشاركة الأصلية كتبت بواسطة ليالي نجديه
http://www.arabtravelersforum.com/tr...0/#post5222030

الله يعطيك العافيه على هذا التقرير تقريرك رائع ومفيد

هاذا يوم طلعت من سوق الشنط اكلت منه 3 سندويشات رغم اني كنت متخوف ان
نظافته اول ماجيته
جابني الحوع طلبت وحده اعجبتني وبعدها طلبت الثانيه
وخربتها في الاخير وطلبت الثالثه





اسكت ياريال انا اخس عنك اطلب وحدة بداية واخربها بالخامسة يم يم لذيذ

المشاركة الأصلية كتبت بواسطة احمد777
http://www.arabtravelersforum.com/tr...0/#post5222230

الله يعطيك العافيه على هذا التقريررررررر

انشاء الله تقوم بالسلامه






الله يسلمك اخوي احمد والحمدالله اليوم ذيب

سوق الاندرجراوند + سوق الملابس الداخلية النسائية

من عنوان الموضوع راح اتكلم باختصار عن هالسوقين بحكم انهم قريبين لبعض وقريبين من فندق نيومينلاند ومايحتاج تاكسي

اولا سوق الملابس الداخلية النسائية
هالسوق يقع في الجهة المقابلة لفندق نيومينلاند مجرد عبورك للشارع الا وانت في السوق وبتعرفه من البوسترات المعلفة فيه
الصراحة انا بس لفيت الطابق الارضي فيه وعندهم شغلات نسائية حلوة بس كل ماتاخد بالجملة راح يحسبون لك ارخص
وفيه عندهم بيجام وتي شيرات راقية واسعارها مب رخيصة يعني على 200 يوان تقريبا
وفيه النوعيات العادية
بس نصيحتي لاتستعيلون بالمشترى لفوا وقارنوا بالاسعار يمكن تحصلون اسعار تعجبكم
هذه بطاقة محل من المحلات

ثانيا سوق الاندرجرواند

بطاقة محل من المحلات

هالبطاقات احطيها لكم للي بيسكنون بعيد عن فندق نيومينلاند وبحتاجون للتاكسي
سوق الانرجراوند الصراحة كبير وايد وله اكثر من مدخل ولازم تحفظون رقم المدخل اللي دخلتم منه عشان تتطلعون من نفس المدخل ولاتضيعون مثل ما ضعنا
احنا دخلنا من المدخل 3 اللي عند باب الفندف ولفينا بالطابق الاول وحصلنا فيه شغلان نسائية بس مثل ماقلت لكم اسعارها مب رخيصة للحبه يعني بحدود 100 يوان للقطعة واكثر
ومايرضون ينزلون بالسعر

وفيه طابق يبيع ملابس رجالية بس الصراحة في هالسوق انا ماشفت كوبي الماراكات لا من بناطلين ولا من تي شيرتات مادري يمكن ممنوع اهني بعد
وللي يبي ملابس اطفال عليه بالمدخل 1 واحنا للاسف مادخلنا هالمدخل الا اخر يوم واحنا خلاص مرتبين اغراض سفرنا
الصراحة عندهم اشياء حلوة وراقية بس تقريبا اسعار اطقم الاطفال الحلوة من 200 يوان واكثر
بس في رأي السخصي ملابس الاطفال اللي في بانكوك احلى وارقى

ومكان يستحق الزيارة ويبالكم تخلون له يوم كامل

المشاركة الأصلية كتبت بواسطة alhana.kullah
http://www.arabtravelersforum.com/tr...6/#post5243046

السلام عليكم ورحمة الله وبركاته

اولا : الحمدلله على السلامه .... واجر عافية ياخويه

ثانيا : والله انك ذكرتني بأيام الاسواق الحلوة... تولهنا عليها .... حتى الوالد دوم يلعي بها ... يقول بسير اسبوعين حق المساج ...

ثالثا : بصراحه تقريرك وايد حلوة

تسلم ايدك





الله يسلمج والشر مااييج
صج اسواق الصين ماتنمل من كثرها وعندهم شغلات غريبة عجيبة بس يباله الواحد
يدورها عدل وسلامي للوالد

بحاول اليوم اختم وياكم الجزء الخاص باسواق جوانزو
عشان ادخل في تقرير زيارتي لشنزن
وبحط لكم في التقرير باجي الاسواق اللي رحتها لها في جوانزو

السوق الليلي (شارع بيجن لو )

طبعا هالشارع طويل وماتدخله السيارات وفيه محلات على اليمين وعلى اليسار وفيه بالنص مثل مقابر زجاجيه وشفافة واشوف الناس يطالعون ويصورون ويقولون ان بعد يمكن كان تحت سوق شعبي كبير تحت الارض والله اعلم

السوق مرتب بس اسعارهم بالمقارنة من اسواق الصين الثانية اضعاف السعر

بس ميزة هالسوق انك تلاقي كل شي عندهم ويبيعون لك بالمفرد وطبعا كل ماتشتري كمية اكثر بينقصون لك بالسعر بس مب وااايد

حلو انكم تروحون له بداية زيارتكم للصين وتاخذون فكرة عن الاغراض الموجودة وعقبها تشترونها من الاسواق الثانية
انا شفت عندهم حصالة نقود للاطفال كنت شايف صورتها من النت وشفتها في المحل عندهم
ويوم سالت عن السعر قالو لي 200 يوان تقريبا حسيت ان السعر مبالغ فيه ويمكن احصلها ارخص في سوق الهدايا

والميزة الثانية انه يفتح لين الساعة 11 بالليل
رحت له في اول يوم لي لاني اتفاجئت ببرودة الجو في جوانزو حزتها وماكنت مودي وياي ملابس شتوية
والوقت متاخر ومافيه اسواق فقلنا نروح السوق الليلي واضطريت اخذ لي جاكيت قيمته 2000 يوان وبضرابة ومكاسر خذته على 500 يوان تقريبا بس نوعيته اوكي وشكله راقي ومن البرد لبتسه على طول وانتبهت ان الجيب الداخلي مقطوع وبدلته واقول في خاطري اشوى اني لبسته والا ماراح انتبه لهالنقطة
وبشكل عام ملابس الصين خياطتتها مب هذاك الزو ول ان قطعتهم حلوة بس مادري بلاهم مستعيلين وهم يخيطون

هي صح انتبهوا من الشحاتين اللي في السوق
لان صار لي موقف يتني وحدة شالة ياهل وتشحت للياهل واشوي الياهل الصغير يمسكني وانا قلت في خاطري حرام ياهل واشوي واحد افريقي يأشر علي انتبه الياهل متعلم على النشل
انصدمت بس لازم تتحملون

بس بعد بصراحة السوق حلو ويستحق الزيارة

سوق الهدايا

هذه بطاقة واحد من المحلات عطوها لسواق التاكسي بيوديكم





هذا المحل يبيع شباصات واكسسورات الشعر للبنوتات الحلوة واشكالها حلوة بس لازم بالدرزن

وفي هالسوق انواع مختلفة من الهدايا للاطفال ومن الالعاب وسوق حلو بس يبيلكم وزن
عندهم شغلات سبونج بون وبن تن وسوالف حلوة

غراند فيو مول

هالمول جريب من فندق رويال ميدتريان

وهو مول كبير وفيه ماراكات عالمية واعتقد انه ملاصق له فندق خمس نجوم

وهذه الصور من خارج المجمع

واحلى شي في هالمول فيه مخبز يبيع كيك وفطاير مرة لذيذة حاول اصور لكم مارضت اللي تبيع

سوق الهواتف والالكترونيات





السوق موجود في دليل الاسواق وهذه بطاقة احد المحلات




المجمع كبير وفيه كل انواع المويايلات واكسسوراتها من سماعات وشراشات و كفرات وشاشات

عيبتني سماعة بلوتوث قال لي 180 يوان
وشفتهم يبيعونها لتاجر هندي ب 70 يوان بس هو طالب 500 حبة فهني سعر الجملة يفرق


شفت كفرات الايفون والايباد باشكال حلوة واسعارها رخيصة على 40 يوان بس لازم تاخذ اقل شي 50 حبة



فصج هالسوق للي عنده محل تلفونات بيستفيد لانه تقريبا اربع مجماعات عدال بعض كلها الكترونيات



فحلو الواحد يروح ياخذ فكرة ويشوف الاسعار ويشوف الفرق انا شفت عندهم يمكن 20 نوع لتقليد الايفون بس مثل ماقلت لكم مايوصلون لمستوى الايفون الاوريجنال




بس من عيوب المجمع الزحمة وريحة الدخان
يخلي الواحد ما يعرف شو يشتري

الله يعطيك العافيه اخوي رحال الشارجه ..في نقل تجربتك بااسواق كوانزو ..
ومن جد الى الان مالقيت ذيك الملابس الحلوه اللي تستاهل اني اشتريها ..
وسالفة الدخاخيين بالاسواق من جد تلووع الكبد ..لا واذا جات حزة الغداء تكمل الحفله ..
مازلنا متابعيين ..

تسلم ايدك اخويه ...

عيبتني الحصاله ... شكلها راقي ...

السلام عليكم ورحمه الله وبركاته
انا مصرى انوى انشاء الله عمل مكتب استرات بمصر لاستيرات موبيلات فى الاول وسوف اتجه الى مدينه شيزن ولكينى متخوف لانها اول مرة اسافر فيها الى الصين ولا اعلم شى عنها
كيف اتعامل معهم كيف استعين بمترجم الفندق الاكل الموصلات الاسعار مكاتب الشحن اسعارها ايه
للعلم الميزنيه الى معى ليست كبيرة هل حد ممكن يساعدنى فى الاجوبه ديه احد
نفعكم الله

ننتظر تقريرك عن شنزن

متابعيين

الله يعطيك العافية وماقصرت

بصراحة أحلى موضوع قريته في بوابة الصين مفيد جداااااا


وفوق هذا اسلوبك حلو يم يم

تحياتي...

المشاركة الأصلية كتبت بواسطة سارووونه
http://www.arabtravelersforum.com/tr...4/#post5252424

الله يعطيك العافيه اخوي رحال الشارجه ..في نقل تجربتك بااسواق كوانزو ..
ومن جد الى الان مالقيت ذيك الملابس الحلوه اللي تستاهل اني اشتريها ..
وسالفة الدخاخيين بالاسواق من جد تلووع الكبد ..لا واذا جات حزة الغداء تكمل الحفله ..
مازلنا متابعيين ..






حيا الله بسارونة
ما شاء الله عليج مستوية بنت بطوطة لافة البلدان
اتصدقين من اشوف تعليقاتج وعلى طول اروح عند المواضيع الموجودة في توقيعج واقعد لي بالساعة وبالساعتين
بس اقرا مواضيعج
مع اني سرت اندونيسيا قبل بس سبحان الله بتقريرج انت غير ودي اروحها مرة ثانبة
تسلم ايدج على مواضيعج الحلوة والمشوقة
وتستاهلين الجمهور الغفير المتابع لج صراحة

ومشكور على متابعتج

المشاركة الأصلية كتبت بواسطة alhana.kullah
http://www.arabtravelersforum.com/tr...6/#post5255736

تسلم ايدك اخويه ...

عيبتني الحصاله ... شكلها راقي ...




الله يسلمج الهناء كله
اقولج شو الحصالة سوت مشاكل ويا اليهال كل حد يبا منها اعيال اخوي واعيال اختي واعيال الفريج كلهم يبون
فكرت ارد الصين بس اخذ لي كميات منها واتاجر فيها وبستوي تاجر الحصالات

المشاركة الأصلية كتبت بواسطة مندى العرب المسافرين
http://www.arabtravelersforum.com/tr...8/#post5259888

السلام عليكم ورحمه الله وبركاته
انا مصرى انوى انشاء الله عمل مكتب استرات بمصر لاستيرات موبيلات فى الاول وسوف اتجه الى مدينه شيزن ولكينى متخوف لانها اول مرة اسافر فيها الى الصين ولا اعلم شى عنها
كيف اتعامل معهم كيف استعين بمترجم الفندق الاكل الموصلات الاسعار مكاتب الشحن اسعارها ايه
للعلم الميزنيه الى معى ليست كبيرة هل حد ممكن يساعدنى فى الاجوبه ديه احد
نفعكم الله





وعليكم السلام ورحمة الله وبركاته
اسمحلي اخوي على التاخير وبالنسبة لشنزن انا في زيارتي القصيرة لها ما رحت الا الاماكن السياحية فيها وللاسف ماعندي خلفية عن الاسواق فيها وان شاء الله الاخوان بيفيدونك
وانا سفرتي بدون مترجم والحمدالله
بس اذا انت رايح تجارة لازم لك مترجم وارقامهم موجودة في المواضيع المثبتة

المشاركة الأصلية كتبت بواسطة oncontrol
http://www.arabtravelersforum.com/tr...8/#post5299608

ننتظر تقريرك عن شنزن

متابعيين




ان شاء الله اخوي ومشكور على مرورك

المشاركة الأصلية كتبت بواسطة أبو أحمد
http://www.arabtravelersforum.com/tr...2/#post5301932

الله يعطيك العافية وماقصرت

بصراحة أحلى موضوع قريته في بوابة الصين مفيد جداااااا


وفوق هذا اسلوبك حلو يم يم

تحياتي...





اخجلتني بصراحة

ومشكور على التشجيع هذا من طيب اصلك
وانا ودي والله اخلص لكم التقرير خصوصا للي بيسافر بالصيف بس مشكلة ضيق الوقت
خلصت اجازتي ولاهي بالدوام
وان شاء الله الحق اكمل التقرير في اقرب فرصة

بكمل اليوم لكم تقريري عن شنزن

بداية عملت شيك اوت من فندق نيومينلاند وقلت لهم يكتبولي محطة القطار اللي تودي شنزن والجماعة في الريسبيشن ما قصروا كتبولنا اسم المحطة بالصيني وقلنا الهم بعد يكتوب عنوان فندقنا سيتي ان في شنزن
طلبنا التاكسي من الفندق على اساس بالعداد ويوم ركبنا ومشينا اشوي قال لنا 80يوان للمحطة طلبنا منه يشغل العداد مارضى ويالله بضرابة رضى على 40 يوان وقلنا اوكيه

اول ماوصلنا المحطة استقبنا ريال يشتغل في المحطة وعرض علينا مساعدتنا قلنا اوكيه شل الشنط
ووصلنا للكاونتر لحجز التذاكر
خذينا تذكرة ال vip ب 100 يوان للشخص
وكانت هذه اول تجربة لنا في القطارات والمشكلة صعب تتفاهم وياهم بالانجليزي
وعقب قعدنا نسال الجماعة اللي يالسين ينريون القطار عن موعد القطار فقعدو اياشرون لنا ان بعد 10 دقايق لازم نتريا وياهم
يحليلهم متعاونين بس كله بالاوراق وبالاشارة

ركبنا القطار كبينة 1 كرسي 22 و كرسي 23
وكل المعلومات موضحة بالتذكرة بس يبالكم تنتبهون اشوي

نزلنا محطة شنزن الرئيسية طبعا اخر محطة من جوانزو

ونزلنا اندور على تاكسي يودينا الفندق اللي حاجزين فيه واهني كانت الصدمة الحقيقية

ان المنطقة اللي احنا حاجزين فيها بالقرب من نافذة العالم والمشوار بالتاكسي يباله ساعة واكثر
فالافضل نستخدم محطة القطار الاندر جراوند
فنزلنا للمحطة الداخلية والموظيفين هناك ماقصروا خولنا تذكرة ب 5 يوان للشخص واشرولنا على مكان نزولنا
وكانت تجربة بداية صعبة بس استانسنا فيها
ونزلنا محطة نافذة العالم

وكملت ويانا الماساة
شفنا الفندق اللي احنا حاجزين فيه سيتي ان وعيبنا ان ملاصق لنافذة العالم ودخلنا انسوي شيك ان
واتفاجئنا في الريسبشن ان نب هو واحد ثاني بعيد اشوي
وخينا تاكسي العدا في شنزن يبدا ب 10 يوان وودانا لفندقنا
وهذه بطاقته


وطبعا هذه صور الفندق





الفندق بسيط بس يباله تجديد اشوي

وعيبه ان المطعم تقول مطعم هندي بس ثلاث طاولات وريوق صيني بحت

بس الحلو فيه ان عداله سوبر ماركت كبيرة وفيها كل شي
عندهم خبز حلو حار مثل البراتا يحطونه ويا جبن حار لذيذ يميم

طبعا احنا كنا واصيت متاخر فرقدنا وفي اليوم الثاني بدات مسلسل العشق لشنزن
واكمل وياكم بوقت ثاني ان شاء الله

مدينه شنزن الساحرة

قلت قبل لا ابدا تقرير زيارتي لشنزن جمعت لكم اشوية معلومات عنها وبعض الصور من النت
حتى تكتمل الصورة

شينزين أو شنتشن (https://travel.maktoob.com/wiki/%D8%...86%D9%8A%D8%A9: 深圳 = Shēnzhèn) ,وبلهجة هونغ كونغ Sham chun,هي مدينة في جنوبي https://travel.maktoob.com/wiki/%D8%B5%D9%8A%D9%86، تتبع إدرايا مقاطعة "https://travel.maktoob.com/wiki/%D9%...88%D9%86%D8%BA"، وتعد من أكبر المناطق الاقتصادية الخاصة في الصين.عدد السكان فيها يبلغ 6.05 ملايين نسمة تعداد سنة 2009

قبل https://travel.maktoob.com/wiki/1980 م كانت المدينة تسمي "باو آن"، لم يتجاور عدد سكانها الـ20 ألفا وكان نشاطها مقتصرا على الصيد. تحولت المدينة بعدها وشكلت امتدادا لجزيرة "https://travel.maktoob.com/wiki/%D9%...88%D9%86%D8%BA". منذ أن أصبحت منطقة اقتصادية خاصية أخذت في التوسع كل يوم. تحظى بموقع استراتيجي، في الوسط الجغرافي بين "https://travel.maktoob.com/wiki/%D9%...88%D9%86%D8%BA" و"https://travel.maktoob.com/wiki/%D9%...AA%D8%B4%D9%88" (عاصمة المقاطعة)، المكان الأمثل لإنشاء صناعات حديثة. تزدهر فيها الصناعات الخفيفة كإنتاج التحف الفنية والصناعات التقليدية، المنسوجات، الأدوية ومواد لبناء. كما تمد "شينتشين" "https://travel.maktoob.com/wiki/%D9%...88%D9%86%D8%BA" بحاجياتها من مياه الشرب والمواد الغذائية ويعود الفضل في تأسيسها إلى دنغ شياو بينغ توفي سنة 1997.

المنطقة الاقتصادية

تقع على الحدود مع "https://travel.maktoob.com/wiki/%D9%...88%D9%86%D8%BA"، يمر عبرها خط السكة الحديدية الواصل بين "https://travel.maktoob.com/wiki/%D9%...AA%D8%B4%D9%88" و"https://travel.maktoob.com/wiki/%D9%...88%D9%86%D8%BA". أصبحت المدينة وضواحيها عام https://travel.maktoob.com/wiki/1981 م أول منطقة اقتصادية خاصة في https://travel.maktoob.com/wiki/%D8%...A8%D9%8A%D8%A9. قامت الحكومة الصينية بإنشاء هذه المناطق لفتح اقتصاد البلاد على الاستثمارات الخارجية. تقترح هذ المناطق على المستثمرين مزايا ضريبية هامة، والضرائب فيها أقل من تلك المعمول فيها في باقي أرجاء https://travel.maktoob.com/wiki/%D8%B5%D9%8A%D9%86، كما تتوافد إليها اليد العاملة الرخيصة.

المواصلات

مدينة شنجن حديثة وبها شبكة مواصلات حديثة تتالف من سيارات التاكسي ولها ثلاث الوان الاحمر وهو في عموم المدينة والاصفر والاخضر ضمن مناطق خاصة والحافلات الكبيرة والحافلات الصغيرة وشبكة المترو التي بداء إنشاء الشبكة عام 2006 والعمل مستمر لكي يشمل المدينة كلها

بشكل عام

مدينة شنزنتقع في جنوب الصين وعلى الحدود تماما للرائعة أيضا هونج كونج . وأيضا مدينة شنزن هيمن ضمن مقاطعة الجنوب جوان دونج GUANG DONG .
تشتهر هذه المدينة بصفاء جوها وكأيمدينة صينية تحترم نفسها فلابد من وجود عدد هائل من المصانع طبعا في شتى المجالات .
مدينة شنزن كسياحة أفضل بكثير من جوانزوا وبها عدد رهيب من المنتزهات التي لنتملها إذا ماذهبت إلى أحدها مرة واحدة .
أشهرها حديقة و منتزه تسمى نافذة العالم WORLD WINDOW وبها مجسمات رائعة لمعالم العالم المعروفة مثل برج إيفل في باريسوالأهرامات المصرية وبرج بيزا الإيطالي وساعة بيج بن اللندنية وتمثال الحريةالأمريكي ومبنى لوس أنجلس العملاق .

الحكومةالصينية تولي هذه المدينة إهتماما وعناية خاصة جدا ,وطورتها بشكل رهيب جدا فأصبحتتنافس هونج كونج . وكما تقول الحكومة الصينية فإنه وبحلول عام 2012 ستصبح شنزن هونجكونج أخرى وربما أفضل بكثير .

مدينة شنزن يبلغ سكانها حوالي 7 مليون نسمة ومساحتها صعبة القياس لأنها في تطور وتمدد مستمر .

تتميز هذهالمدينة بشكل خاص بصناعة الكمبيوتر وإكسسوارته وملحقاته .
كما توجد مصانعللملابس والأحذية . وذكر تقرير إخباري أن مدينة شنزن الصينية الواقعة على الحدود معهونج كونج تملك أعلى معدل لاجهزة الكمبيوتر بين مدن العالم حيث يبلغ المعدل 74,5جهاز كمبيوتر لكل 100 شخص.
وقالت وكالة أنباء الصين الجديدة (شينخوا) ان مكتبالعلوم في المدينة وصل إلى هذه النتيجة بعد إحصاءات قدمت لمؤتمر عقد فيتايلاند.


طرق وشوارع هذه المدينة منظمة بشكل أفضل من مدينة جوانزوا وتتزين الشوارع بغطاء رائع منالورود الجميلة الأنيقة . وتقص الورود على شكل عبارات ترحيبية لزوار المدينةباللغتين الإنجليزية والصينية .
يوجد في المدينة أكبر سوق في العالم مختص فيالالكترونيات و الكمبيوتر و لواحق الأجهزة الالكترونية.
منطقة اللوخو بالأنكليزي Louhou District : تعتبر المنطقة الأكثر شعبية و اقبالا من طرف الأجانب و العربخصوصا و هذا لقربها من الأسواق و محطة القطار تكثر بها الفنادق المشهورة و توجد بهاالمطاعم .
هناك المطعم المصري(الحاج علاء) - المطعم التركي - المطعم الجزائري (تي تي أس) تقريبا أمام بعضها .

شنزن حكاية عشق لاتنتهي

قضيت في شنزن ثلاث ايام من اروع ايام حياتي عشقت فيها شنزن وابو شنزن
عشقت جوها البارد
عشقت نظامها وترتيبها
عشقت شوارعها وهدوءها
عشقت حدائقها والعابها
عشقت العروض والاستعراضات
بصراحة عشقت كل شي فيها

كانت ايام زيارتي لها مقسمة في البرنامج التالي

حديقة نافذة العالم

وفيها العالم كله مجتمع في هالمكان من اهرامات الجيزة في مصر الى شلالات نياجرا

مدينه الالعاب الترفيهية هابي فالي


اهداء للمغامرين والاكشن

مدينة الثقافة الصينية والعروض
splended of china


للي يحبون العروض مثلي يبكيفون اهني في هالمكان

خلكم متابعين وياي وانتظروني مع باقي التفاصيل والصور

روووعه روووعه اخوي رحال الشارجه ...

شنزن تااخذ العقل من جد ...نافذه على العالم وهابي فالي ..

اما مدينة العرووض فهذي جديده علي ..ياليت تقدر تفيدنا عن موقعها

ووش بالضبط يقدمون من عروووض ..ودي ازورها بالويكند ..