المشاركة الأصلية كتبت بواسطة سارووونه
http://www.arabtravelersforum.com/tr...4/#post5356724
روووعه روووعه اخوي رحال الشارجه ...
شنزن تااخذ العقل من جد ...نافذه على العالم وهابي فالي ..
اما مدينة العرووض فهذي جديده علي ..ياليت تقدر تفيدنا عن موقعها
ووش بالضبط يقدمون من عروووض ..ودي ازورها بالويكند ..
هلا بالخبيرة
اسمحيلي اتاخرت عليج
مادري رحتي والا
بس صج بتستانسين وبتكيفين في عروضهم
مدينة العروض جريبية من نافذة العالم
مال 5 دقايق بالتاكسي
حتى بشوفين لوحات ارشادية بالانجليزي بالشوارع
وبالفندق بتحصلين بروشور عنها
هي صراحة تفتح 9 الصبح الى 9 بالليل وطول اليوم عروض
بس اهم 3 عروض تيدأ من س 2 -4 و5-7 ومن 7 الى 9 هذه اقوى عروض وماتتفوت
حاليا مضيع الاوراق اللي كاتب فيها معلومات الحديقة وان شاء الله الاقيها واحط لكم التفاصيل
المشاركة الأصلية كتبت بواسطة cutegirl
http://www.arabtravelersforum.com/tr...0/#post5377080
بلييز لا تطول علينا
شكلي بسير شنزن وايد حلوه!
بس بغيت اسال كيف تعامل الصينيين ؟
اشوف الصين بشكل عام تغيرت عن قبل وايد صح ولا انا بس الي افكر جي؟
هلا هلا
شنزن صراحة روعة وراقية وان شاء الله سفرتي الياية بطول فيها
والله الصينين على نياتهم
انا صراحة كنت اكتب كل الاماكن اللي ابا اروح لها بدفتر خاص فيني واخلي موظف الاستقبال في الفندق يكتب لي بالصيني وكنت اكلم اي حد في الشارع واعطيهم الورقة وياشرون لي عن المكان
هم شعب حبوب وسمايلي وخدوم بس مب عارفين كيف يخدمونك واذا تكلموا ماراح يسكتون الا يوصلون لك المعلومة لا وبالصيني
المشاركة الأصلية كتبت بواسطة funyyy
http://www.arabtravelersforum.com/tr...6/#post5447526
تقرير رائع بكل المقاااييييييييييس
الله يعطيك الف عافيه
ولعلمك كلنا مترددين بروحتنا للصين لكن عقب تقريرك لاتردد بنسير لها زنقه زنقه دار دار من غير شر : )
بيت بيت دار دار سكة سكة زنقة زنقة ونمشي ونمشي هههههههههه
يعطيك العافية
الصراحة صج الصين حلوة بس نصيحة اذا بتروح لها اتاكد شو الجو ادا كان حر ورطوبة ماراح تستانس بالحدايق
المشاركة الأصلية كتبت بواسطة عـــالے مسـتوأإهـ
http://www.arabtravelersforum.com/tr...4/#post5377604
روعه ماشاءالله بتوفيق
متابعين
الله يسلمك ومشكور اخوي
المشاركة الأصلية كتبت بواسطة الوفية
http://www.arabtravelersforum.com/tr...2/#post5458092
رحلتي دبي هونكونج ثم جوانزور دبي
بس عندك علم كم يستغرق الوقت بالانتقال من هونكونج الي الصين والانتقال الافضل قطار والا سيارة
تستطيع الوصول من هونج كونج إلى كوانزو بالطائرة أو بالقطار أو بالباص أو بالبحر ،،
ولكن دائما نبحث عن الأسهل والأقل تكلفة
من واقع تجربتي أيسرها وأحلاها واقلها تكلفة القطار ... واليكم خط السير خطوة خطوة :
وصلت مطار هونج كونج بالسلامة ختمت جوازك.. تجاوزت التفتيش .. خرجت من أول بوابة بعد التفتيش .. تلاقي نفسك بما يشبه السوق ،،،
اوكي ..
في كاونتر دائري بوسط السوق مخصص لقطع تذاكر القطار
اقطع تذكرة ب 90 دولار هونج كونكي (دولار أمريكي = 7.2 دولار هونج كونج تقريبا )
وأنت واقف عند مكتب التذاكر .. على يمينك البوابة اللي خرجت منها وعلى يسارك محطة القطار
اركب القطار .. أول محطة لا تنزل فيها.. انزل في الثانية اسمها ( كولون )
تنزل مع الناس الين تشوف لوحة تشير إن التكاسي يسار
أنساها ولا تروح للتكاسي
محطة التكاسي اتجاه يسار .. انت اتجه يمين
يقابلك مصعد .. اطلع المصعد اضغط رقم 2
تطلع منه ،، يمين في يسار ... تلاقي نفسك عند محطة باصات
k1 اركب في باص
اجرة الباص داخله بقيمة تذكرة القطار .. يعني ما تدفع اجرة الباص .. لا تنزل في أول محطة للباص ،، انزل في الثانية
من يوقف الباص تشوف على اليمين محطة قطار ضخمه اقطع الشارع وروح لها
من تدخلها اتجه يمين .. أول ممر على اليمين لا تدخله.. ادخل الثاني ..
ثالث محل على اليسار مكتب التذاكر اقطع تذكرة لكوانزو ب 190 دولار هونج كونكي
( ما معك عملتهم مقابل مكتب التذاكر محل صرف عمله .. اصرف 100 دولار أمريكي وبزياده .. تلزمك في الرجعه )
من تاخذ التذكرة وأنت واقف عند مكتب التذاكر على يمينك بوابة الدخول (20 متر تقريبا ) ادخل منها .. حط شنطك على السير للتفتيش ..
خلصت .. واصل اختم جوازك.. خروج من هونج كونج.. واصل وانزل سلم كهربائي
اركب القطار .. وبالسلامة ما يوقف بك إلا بكوانزو
في محطة كوانزو تختم دخول الصين
مدة الرحلة بالقطار من هونج كونج لكوانزو ساعتين و10 دقايق
اجمالي تكلفة الرحلة 280 دولار هونج كونكي
مع تمنياتي لكم بالسلامة والتوفيق برحلتكم
______________________________________
منقوله من احد الاعضاء ....
ورحله موفقه ...
المشاركة الأصلية كتبت بواسطة الوفية
http://www.arabtravelersforum.com/tr...0/#post5465670
شكرا جزيلا على الرد السريع
واسفة بسال سوال ثاني
وين تنصحني اسكن في هونكونج ؟
افضل السكن ايكون مكان قريب لتمشة لانى عايلة مكونه من7 اشخاص
وهل يوجد شقق فندقية ام لا
هلا اختي واسمحيلي على التاخير
ماعندي خلفية عن هونغ كونغ لاني صراحة مارحت لها ويقولون حلوة ووناسة خصوصا ديزني لاند لليهال بيرتبشون
وان شاء الله تلقين جوابج في تقارير الاعضاء
المشاركة الأصلية كتبت بواسطة البحرين 999
http://www.arabtravelersforum.com/tr...0/#post5489480
الصراحة متعة التقرير
اهي رمستكم يا اهل الامارات
عموما ساعة ونص اقرء فقط ردودك
اللي الواحد صراحةً لايكل ويمل من هكذا تقرير
تميز .. تشويق .. اثارة .. دراما .. احداث .. ترقب
واكثر فقط كان في تقريرك حقيقة ً وليس مجامله
يزاك الله خير اخوي رحال الشارقة
ومعاك الى نهاية التقرير
هلا هلا باهل البحرين كلهم لافرق الله شملهم
مشكورين ويزاكم الله خير وهذا من طيب اصلكم
المشاركة الأصلية كتبت بواسطة ابو عفراء
http://www.arabtravelersforum.com/tr...8/#post5502278
الله يعطيك العافيه رحال بصراحه تقرير مميز جدا
مدري تنصح في الفندق وايش احسن الحجز من البلاد
او من نفس الفندق وكم تستغرق المسافه وقت من جوانزو الى شنزن والقطار متى يقلع
تقبل تحياتي
هلا باهوي ابوعفراء
نصيحتي لك تحجز السكن بالبلاد لان يوم كنت في جوانزو وابي امدد في نفس الفندق قال لي فل فالافضل يكون عندك حجز مسبق
والقطار ياخذ له تقريبا ساعة و10 دقايق من جوانز لشنزن والفطار كبير ومريح
وبيمر عليك الوقت وانت مب حاس
ولاتحاتي القطار تقريبا كل ربع ساعة يتحرك
آلسلآم عليكم آخووي رحــــآل شحـــآآلك
تقرير ممتع مآشآء الله آستفدت منه كثييير ربي يسعدك ..
عندي آستفسآرآت يآليت تفيدني لآهنت ..
نـــــــآوية بأذن آلله آشتري هدآيـــآ من كوآنزوآ آيبآد وآيبود وآيفون ..
سؤآلي كيف آميز آنه آصلي ؟
وهل تنصحني بمحل معين آجيب منه ؟؟
وهل رآح تشتغل معي عربي بالسعووديه ؟
وآخيرآ آبغى فندق رآقي بـ شنزن آذآ آمكن كرته وكيف آحجزه هل آروح لهم مبآشره آو عن طريق مكتب ؟؟
ومآهي آقرب محطه للآنتقآل لـ شنزن من كوآنزوآ ؟؟
وآلف شكر مقدمـــــــآآ ..
المشاركة الأصلية كتبت بواسطة شووقـ
http://www.arabtravelersforum.com/tr...0/#post5544210
آلسلآم عليكم آخووي رحــــآل شحـــآآلك
تقرير ممتع مآشآء الله آستفدت منه كثييير ربي يسعدك ..
عندي آستفسآرآت يآليت تفيدني لآهنت ..
نـــــــآوية بأذن آلله آشتري هدآيـــآ من كوآنزوآ آيبآد وآيبود وآيفون ..
سؤآلي كيف آميز آنه آصلي ؟
وهل تنصحني بمحل معين آجيب منه ؟؟
وهل رآح تشتغل معي عربي بالسعووديه ؟
وآخيرآ آبغى فندق رآقي بـ شنزن آذآ آمكن كرته وكيف آحجزه هل آروح لهم مبآشره آو عن طريق مكتب ؟؟
ومآهي آقرب محطه للآنتقآل لـ شنزن من كوآنزوآ ؟؟
وآلف شكر مقدمـــــــآآ ..
هلا اختي شوق ومشكورة على الاطراء
بالنسبة للابقون صراحة مافي ايفون واي باد نفس الاصلي فنصيحتي لو حابة تشترين هدايا اشتري سامسونج جالاكسي تاب 1200 ريمبي صج غالي اشوي يس الصراحة كواليتي نفس الاصلي بس ياخسارة العربي مب شغال فيه
وبعدين بقولج شغلة الالكترونيات اللي عندهم وتكون غود كواليتي العربي فيها مب لذاك الزود
يعني انا خذت 3 ايفون الواحد تقريبا 600 ريمبي وخذت جالاكسي تاب ب 1200 ريمبي للواحد
وندمت على الايفون ولو كثرت من الجالاكسي تاب وايد احسن صراحة مووول مايفرق عن الاصلي وينزل برامج والعاب وكاميرا واليهال والكبار كلهم متخبلين عليه
وانصحج تسكنين في فندق sunshine بشنزن صراحة حلو وانا كنت ابي احجز فيه بس ماحصلت حجز
والعفوووو
هذا رابط لموقع الفندق نفسة
http://www.sunshinehotelshenzhen.cn/
هذا الرابط لموقع بوكينغ
http://www.booking.com/hotel/cn/suns...FUQOfAodn2jaKA
تقرير رحلتي لحديقة نافذة العالم شنزنطلعنا من الفندق الصبح بعد الافطار وتوجهنا لسوبر ماركت بالقرب من الفندق وخذنا لنا ماجلة الرحلة من شبسات وعصاير وماي وخبز وجبن
خذنا تاكسي وشغل العداد ب 10 يوان تقريبا و3 دقايق واحنا واصلين الحديقة
بس طبعا لازم ندفع 12 يوان ال 2 زيادة بعد مايوقف التاكسي هذا قانونهم
المهم
وصلنا الحديقة وهاي الللقطات لمدخل الحديقة
المدخل
اخناتون
مهرج
النافورة
صورة جماعية للشعب الصيني
هالدري لازم تصعدونه لدخول الحديقة
الشلال
بعد ماصعدنا الدري
رحنا عند كشك التذاكر للدخول للحديقة ب 140ريمبي تقريبا لا تشمل رسوم القطار او طلوع برج ايفل وبعض الالعاب الخفيفة
والاطفال 70 ريمبي
وهاي الصور اول مادخلنا الجديقة بتشوفون هالمسرح للاستعراضات
طبعا عند الدخول الى الحديقه ستجد وسائل مختلفه تنقلك للتنزه في المدينه وهي القطار المعلق والقطار الارضي و عربات الجولف والاحصنه مع ملاحظة ان التكلفه ستكون اقل اذا تم الدفع منذ البداية رسوم شيئين مع بعضهما فمثلا لو دفعت رسوم القطار والمعلق والقطار الارضي سويا سيكون هناك تخفيض افضل
ونصيحه للعوائل او ممن لا يحبون المشي لمسافات كبيره ان يصعدوا القطار المعلق وان يستاجروا بعدها سيارة الجولف بالساعه تقريبا 280 ريمبي لانه كان يوم الاحد وسوف يقوم سائق الجولف بالانتظار والوقوف مع العائله على حسب رغبتهم
واحنا خذنا لنا دراجة لشخصين وهذه اسعارها
ولفينا فيها الحديقة وبعد ساعة رجعناها المهم خذنا فكرة عن الحديقة واهم الاماكن اللي بنرجع لها
طبعا الحديقه تنقسم الى اقسام حسب بلدان العالم والمجسمات مختلفة الاحجام فمنها الكبير ومنها الصغير
بخليكم الحين مع الصور وتعيشون وياي الرحلة الحقيقة في نافذة العالم
هندسة الاشجار
استراليا
الهند
سنتوسا سانغفورة
لعبة عجيبة ب20 يوان
افريقيا
ااااه شلالات نياجرا روعة
هولندا مدينة الورورد
الصرااااحة الحديقة روعة والصور كثيرة وانا ودي مافوت عليكم ولا صورة فاسمحولي لو كثرت من الصور بس صج صج الحديقة حلوة وما تتقوت
اكمل وياكم باجي الصور
قسم الرماية ب 20 يوان
البيبي الصيني ياعمري عليه
قسم الالعاب الثلجية والتزلج على الجليد ب 20يوان
مصارعة الثيران الاسباني
قسم الديناصورات
هذا استديو للتصوير بملابس صينية للنساء والرجال والاطفال ب 20 يوان مع الصورة
هذه محلات موزعة بالحديقة لشراء هدايا صينية الا تدخلها بياذونك اللي واقفات عدال المحلات
صعود برج ايفل ب 20 يوان
وهذه الصور من فوق قمة البرج
اوووووف تعبت ويت الساعة 7 المغرب لازم ارد الفندف ارتاح وادور لي عشا لان في الحديقة ماشي غير مطاعم صينية
وداعية اطفال المدارس
اسمحولي على الاطالة وانتظروني في تقرير هابي فالي للالعاب الخطيرررررة
اخوكم رحال الشارجة
المشاركة الأصلية كتبت بواسطة شووقـ
http://www.arabtravelersforum.com/tr...6/#post5563236
آلسلآم عليكم ..
آذيتك آدري بس تحملني شوي *_*
حجزنـــــــآ بفندق ذآ جآآردن آلحمدلله ..
سؤالي ممكن توصف لي بالضبط آلمحلآت آللي آشتريتوآ منهـــآ شنط تقليد آلمآركآت من آي سووق آنآ معي آلبطآقآت هل تكفي آرآويهآ آلتآكسي وبيعرفهآ ؟؟
هلا اختي شوق
لا افا عليج عادي انا كنت مثلج واكثر احاتي واسال خاصة لبلد مثل الصين نادر مالواحد يقرر يروح لها
وماشاء الله عليهم الاخوان في القسم دايما يردون على استفساراتي واسئلتي وماقصروا
ولازم ايي دورنا ان انرد على استفساراتكم
بالنسبة للشنط بتلاقينها بسوق الشنط
هذا كرت محل من المحلات عطيه للتاكسي وهو بيوديج للسوق مب للمحل وعقب انت بتدخلين الطابق الارضي مافيه كوبي كله ديزاينات الماركات بس بماركتهم هم
انزلي الطابق اللي تحت الارض بتلاقين محلات تبيع تقليد الماركات
ونصيحتي لج لا تعتمدين على بطاقة محل واتدورين على المحل بيضيع وقتج فالاحسن لج اتلفين بروحج على المحلات وتسالين عن الكوبي اذا عندهم بيورونج الديزياينات والخامات وسوي طلب للشنطة اللي تبينها وبيوبنها لج بعد كم ساعة استلميها
افتحيها جدامهم ودققي عليها اذا اوكي اخذيها واذا ماعجبتج بدليها والا رجعيها وبيردون لج فلوسج
وبعض المحلات عندها مكاتب بنفس البناية عشان التفتيش بيطلعونكم وياهم الاوفيس وشوفي الديزاينات وبعد لازم طلبية
المشاركة الأصلية كتبت بواسطة nabbash
http://www.arabtravelersforum.com/tr...6/#post5574496
يعطيك العافية اخونا رحال الشارقة والحمدلله على السلامة
هلا هلا باخوي
هذا من طيب اصلك وخلك متابع وياي وان شاء الله تقريري بيفيدك
تقرير زيارتي لمدينه الالعاب هابي فالي
مثل ماوعدتكم اني اكتب بهالتقرير عن زيارتي لمدينة الالعاب والاكشن والاثارة والتحدي هابي فالي اللي بيستانس فيها الكبار قبل الصغار من زود الالعاب اللي فيها بعد مرة ماتحتاي تروح ديزني لان الالعاب موجودة حتى الخطيرة منها بتعطيك المتعة الحقيقية في التحدي
اوقات الدخول بالحديقة من ساعة 9 ونص صباحا الى 7 مساء
اسعار تذاكر الدخول 180 يوان للكبار والصغار ب 90 يوان شاملة كل الالعاب بالحديقة تقريبا واذا حاب تركب المترو تدفع 20 يوان
وعلى بعض الالعاب الخطيرة فيه كاميرات تصوير تصورك بكشتك وانت في قمة صراخك وخوفك بالالعاب
يعني عقب ماتنزل من اللعبة متدوخ وحالتك حالة بتلاقي محل عدال بعض الالعاب مثل الاستديو وفيها صورتك اذا تبيها بيطبعها لك ب 20 يوان
وبتضطر للاسف تاخذها مب عشان شي بس صج تجسيد للحظات حلوة لاتنسى في هابي فالي
نصيحتي لازم تاخذ الماء والعصير والخبز والسناك وياك للتصبيرة
فيه اكشاك تبيع الماي ب6 يوان و العصاير ابتداء ن 10 يوان جربوا عصير البرتقال بالحبيبات مرة منعش
فيه بالحديقة مسرح لل 4D عجيب صراحة لايقوتكم وبعد مجانا
طبعا انا من الصبح عند باب الحديقة واتفاجات ان الحديقة مسكرة بسبب سقوط امطار خفيفة ومايقدون يشغلون الالعاب لين يتوقف المطر وقعدت اتريا مع الناس
وهاي الصورة امام مدخل الباب
اسعار تذاكر الدخول
المترو
طبعا الحديقة مسكرة
قعدت اصور المناظر من امام الحديقة
والحين اخليكم مع صور الالعاب عقب مافتحت الحديقة
هاي اللعبة حلوة وناسة بس حط في بالك بتخيس ملابس من الماي
MG]
وهاي صور منوعة للحديقة
وعيبني هالقسم الخاص بورش الاشغال اليدوية للاطفال ب 20 يوان للطفل
يعلمون الاطفال الرسم والتلوين وصناعة الاكسسورات والشموع ووسوالف حلوة ومفيدة
واسمحولي على الاطالة وان شاء الله استانستوا بتقرير الحديقة وخلكم متابعين وياي في التقرير القادم لمدينة الاستعراضات سبليندد اوف شاينا
سمحولي على تاخير الموضوع ولكن لظروف انشغالي لم اتمكن من زيارة الموقع الا موخرا
يمكن اكون ناسي تفاصيل الزيارة لكن الله يعيني ويكمل لكم التقرير
اليوم بكمل لكم زيارتي
مدينة الاستعراضات سبليندد اوف شاينا
Shenzhen Splendid China
Folk Culture Village
https://www.otlaat.com/arabtravelers...5&d=1302813481
هي حــديقـة أو قريـة جميلـة ... تعكس الثراث و الحضارة و التـاريـخ الصينـي بشكـل جميل من عـروض و بضائــع جميلـة ومنـاظـر جدا جميلـة
التذاكر للكبار 120 شامل كل العروض ماعدا عرض واحد ب 30 يوان وهو بالفترة المسائي س 7 ولازم لازم تحضرونه مرة روعة على قولة اخوانا السعوديين
اترككم مع الصور
[IMG]http://www.arabtravelersforum.com/at...2813481%5b/IMG]
اترككم مع الصور
[IMG]http://www.arabtravelersforum.com/at...2813481%5b/IMG]
[IMG]http://www.arabtravelersforum.com/at...2813481%5b/IMG]
[IMG]http://www.arabtravelersforum.com/at...2813481%5b/IMG]
[IMG]http://www.arabtravelersforum.com/at...2813481%5b/IMG]
[IMG]http://www.arabtravelersforum.com/at...2813312%5b/IMG]
[IMG]http://www.arabtravelersforum.com/at...2813312%5b/IMG]
[IMG]http://www.arabtravelersforum.com/at...2813312%5b/IMG]
[IMG]http://www.arabtravelersforum.com/at...2813312%5b/IMG]
[IMG]http://www.arabtravelersforum.com/at...2813312%5b/IMG]
[IMG]http://www.arabtravelersforum.com/at...2813312%5b/IMG]
[IMG]http://www.arabtravelersforum.com/at...2813312%5b/IMG]
[IMG]http://www.arabtravelersforum.com/at...2813312%5b/IMG]
[IMG]http://www.arabtravelersforum.com/at...2813312%5b/IMG]
المفضلات