الموضوع: جوانزو وشنزن بقلم رحال الشارجة

بداية تحية شكر وتقدير لهذا الصرح الرائع اللي بصدق دايما يفيدني بسفراتي
واخص بالشكر كل من بنت بلادي الهنا كله على سرعة تجاوبها وردها لاسئلتي واستفساراتي المتعلقة بجوانزو فيرجع تقريبا الفضل الاول والاخير من بعد الله رب العالمين لها لان تقريرها وايد نفعني وافادني خصوصا فندق نيومينلند وقربه من الاسواق

واشكر كذلك الاستاذ جمال جيم جيم بخصوص خارطة المترو وايد نفعتني في تنقلاتي
واشكر كل من اسير الدوحة وسارونة وهداوة على تقاريرهم لانها وايد نفعتني بعد
واشكر كل الاعضاء وان شاء الله محد يزعل

تقريري بيكون كالتالي :

التخطيط والترتيب

فنادق الرحلة وانطباعاتي

جوانزو وصدمة اسواقها

شنزن حكابة عشق لاتنتهي

مواقف وحكايات في بلاد التشنغ تشانغ تشونغ

مواضيع عشوائيه ممكن تكون تعجبك اخترناها لك:

• ملاهي هابي لاند عطالله في اليوم الوطني صور
• مطلوب حليب خلفات لمريضة بجدة أو مكة ؟؟
• برج ساعة مكة الملكي
• الفزعه ياخبراء جدة موعدنا الخميس
• شقه شهر ايجار تكفون طلبتكم ساعدوني
• مطاعم الــطــائـــف
• مدينة ابو عبيدة بن القاسم العماني
• تقرير شامل عن حملة ركب الجزيرة الصور مقطع فيديو لحج عام هـ
• منطقة البلد التاريخية جولتي المصورة
• سكن قريب من الحرم المكي
• مطاعم جده الرومنسيه
• برنامج لخمسة ايام
• هل يوجد بالطائف مطاعم عالمية ؟
• الطائف وسياحة تسديد الرسوم
• زيارة الى بلاد الحرمين الشريفين
• بارك حياة جدة متى الافتتاح ؟
• مطلوب شقة لعزوبي للإيجار شمال جدة
• الى رحلة الايمان مع التحية
• طلبتكمـ في ميزان حسناتكمـ
• المهيدب للأجنحة الفندقيةجولة سريعه

التخطيط والترتيب

الصين كانت في بالي تقريبا من 3 سنين بس الخوف من المجهول وقلة العرب المسافرين لها يخليني اغير قراراتي بخصوص السفر الها
وسبحان الله الله يسر لنا هالسنة نسافرلها
كان التخطيط والترتيب قبل 5 شهور تقريبا
اعضاء الرحلة انا والمدام
مدة الرحلة 9 ليالي 10 ايام
الهدف من الرحلة سياحة وتسوق


تم حجز التذاكر على الطيران الصيني الجنوبي 1900 درهم للمسافر من مكتب الطيران الجنوب الصيني بدبي شارع المكتوم بس قال لي ان هالسعر يعطيني 30 كيلو وحصلت بسعر 2500 درهم يعطيني 40 كيلو
اتوكلت على الله وخذت اللي ب 30 كيلو وقلت فرق 600 درهم عن كل تذكرة اجمالي 1200 درهم اوفرها احسن بدل 20 كيلو زيادة
المهم حجزت التذاكر في شهر ديسمبر 2010 والرحلة ب 25/3/2011 من دبي لجوانزو مباشرة مع حجز المقاعد والوجبة طبعا seafood

تم حجز الفنادق عن طريق النت (موقع بوكينغ – مراسلة الفندق نفسه )
تم الصرف من الامارات 1000 درهم =1780 يوان

حمدلله على سلامتك ونورة دولة الامارات الشقيقه

بداية موفقه لتقرير جميل وفهرسه رائعه

حمدلله على سلامتك

الحمدلله على السلامة وسفرة سعيدة.

أكيد التقرر راح يكون مشوق.

الحمدلله على السلامه

وفي انتظار التقرير لان خاطري اسير الصين

الحمد لله. ع. سلامه

الغالي ذكرت لنا شيء يخوف

جوانزو وصدمة اسواقها

انا مخطط اروح نجرب سوقها....عسى المانع خير...!

الحمد لله على السلامة....

متابع.... ولا تطول عنا

حمدا لله على السلامة

بداية مشوقة

سجلني من المتابعين

تحياتي

المشاركة الأصلية كتبت بواسطة nasrrmtr
http://www.arabtravelersforum.com/tr...4/#post5113364

حمدلله على سلامتك



الله يسلمكم وانتظروني

المشاركة الأصلية كتبت بواسطة busharaf
http://www.arabtravelersforum.com/tr...6/#post5113606

الحمدلله على السلامة وسفرة سعيدة.

أكيد التقرر راح يكون مشوق.





الله يسلمكم ويسعدكم واكيد مانوصل لمستوى التشويق مثلكم

المشاركة الأصلية كتبت بواسطة كول بيبي
http://www.arabtravelersforum.com/tr...0/#post5113940

الحمدلله على السلامه

وفي انتظار التقرير لان خاطري اسير الصين





الله يسلمج وان شاء الله تسيرين وتستنانسين

المشاركة الأصلية كتبت بواسطة Emirates Air
http://www.arabtravelersforum.com/tr...0/#post5114100

الف حمد الله على السلامة
بانتظار باقي التقرير
و شو انطباعك على هاي الطياره ؟



الله يسلمك وان شاء الله الله يقدرني واخلص التقرير
والطيارة الصراحة ماعليها كلام نفس مستوى الطيران التايلندي وارقى بعد ولا عندهم شغلة حلوة كل الكراشي عليها شنطة فيها فرشاة ومعجون ومشط وغطاء للعين وللادن وجوارب للارجل
من غير انها واسعة
يعني شي مرتب الصراحة
حتى الاكل مكتوب عليه حلال سواء اللحم او الدجاج
يعني صراحة انا عجبتني

المشاركة الأصلية كتبت بواسطة nigger rule
http://www.arabtravelersforum.com/tr...0/#post5115430

الحمد لله على السلامة....

متابع.... ولا تطول عنا



الله يسلمكم
اسمحولي على التاخير بس الصور تاخذ مني اشويه وقت وان شاءالله فاااااااالكم طيب

المشاركة الأصلية كتبت بواسطة coffee-999
http://www.arabtravelersforum.com/tr...0/#post5115970

يعطيك العافية اخونا رحال الشارقة والحمدلله على السلامة
بس ممكن تعطيني عنوان وتليفون مكتب الطيران الصيني الجنوبي اللي حجزت منهم التذكرة واكون شاكرا لكم



الله يسلمك اخوي

رقم الطيران الصيني 042218888

بس اهم شي تحجز من وقت كل ماحجزت من وقت تحصل سعر اوكي

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...8/#post5116028

حمدا لله على السلامة

بداية مشوقة

سجلني من المتابعين

تحياتي



الله يسلمك اخوي وان شاء الله اكون عند حسن ظن الجميع

بداية رائعة ونتوقع المزيد اخوى رحال الشارقة
بالتوفيع وضمنى كاحد متابعيك

ان شاء الله اكون عند حسن ظن الجميع

نكمل وياكم التقرير




فنادق الرحلة وانطباعاتي


اول ليلتين جوانزو فندق Royal Mediterranean Hotel الليلية تقريبا 600 يوان تم الحجز عن طريق موقع بوكينغ


رابط الحجز
http://www.booking.com/hotel/cn/yan-...69&aid=1329869

من خلال الاطلاع على مواضيع الاعضاء حسيت ان الفندق حلو فقلنا نقعد قيه ليلتين

صور الفندق

المدخل


الفندق من الداخل










/vb/picture.php?albumid=6630&pictureid=257920[/IMG]

كنت طابع فوشير الحجز وعطيتهم ودفعت 400 يوان تامين

استقبال الفندق






السطح المودي الى المصعد



اول ماتفتح المصعد



الطريق الى الغرفة


الغرفة


حياكم



منظر من بلكونة الغرفة



نكمل باقي الغرفة




الحمام اعزكم الله

طبعا حطينا اغراضنا وريحنا
والصبح قمنا على الفطور

واليوعااان حياه

انطباعي
الفندق راقي وفخم بس الغرفة صغيرة وبعيد عن الاسواق لكن قريب من التي مول وجالكسي بلازا
واحسن مافيه ان التكاسي متوفره عند الفندق يعني توقف خمس دقايق وايي لك تاكسي وبالعداد
هو بعيد عن الاسواق المعروفة يعني 25 يوان بالتاكسي وبعيد عن سليمان الصراف
بس قريب وااايد من جالكسي بلازا ومجمع الالكترونيات
انا حجزت فيه لاني كنت ادور على الكترونيات مثل الايفون والايباد وبعض الشغلات الحلوة الخفيفة وانشاء الله راح اوضح لكم اكثر في تقرير الاسواق

تسلم حبوب على الرد الطيب

شيخي البركه فييك يوم بتخبرنا

عشان مانروح ونتفاجأ مثلك

لانه احنا مب تجار مال جملة

هدف الرحلة تسوق للحرمه من شنط حلوة

وملابس للبنت

اما انا موصيني على ادوات الصيد

واكتشاف البلاد

ولاتنسى تخبرنا عن احسن مكان للساعات

مواصلين ويااااك....ونحس فيك

انا ماصار ليه شهرين من نزلت موضوع

ترا اصعب شي رفع الصور

المشاركة الأصلية كتبت بواسطة emirates77
http://www.arabtravelersforum.com/tr...8/#post5118868

تسلم حبوب على الرد الطيب

شيخي البركه فييك يوم بتخبرنا

عشان مانروح ونتفاجأ مثلك

لانه احنا مب تجار مال جملة

هدف الرحلة تسوق للحرمه من شنط حلوة

وملابس للبنت

اما انا موصيني على ادوات الصيد

واكتشاف البلاد

ولاتنسى تخبرنا عن احسن مكان للساعات

مواصلين ويااااك....ونحس فيك

انا ماصار ليه شهرين من نزلت موضوع

ترا اصعب شي رفع الصور

ترا اهني كانت الصدمة اخوي ان الحرمة قالت بتاخذ لها كم شنطة على كم ساعة ماركة بس مثل ماقلت لكم احنا تعبنا الصراحة واااايد في هالمشتريات
لان البلدية عندهم وااايد مشددين ومخلي المحلات اللي تبيع ماركات رافعة اسعارها
يعني يمكن اللي سافر على السنة اللي طافت حصل شغلات حلوة ومعروضة بسهالة للبيع من شنط وملابس اما هالسنة الصراحة تلعوزنا
معظم المحلات يقولون ماعندهم او يخلونك تشوف الصور ويقولون لك ادفع عربون عشان نيب لك الشنطة اللي تبيها وبعد ساعة او اكثر اييبون لك ولكن يوم تشوفها مب كواليتي يعني فيها كم عيب بالخياطة ومادري شو فتضطر اترجعها
هم للامانة يرجعون لكم بيزاتك بس المشكلة تضيع وقتك بين هي ولا
يعني على بال مااييبونها من البيت وتشوفها
وفي بعضه عنده مكاتب وشقق بالدسه بس يباله تعب اشوي يالله اتحصل اللي تباه


وان شاء الله افيدكم اكثر في تقرير الاسواق
بس مثل ماقلت سالفة الصور اشوي اتطول عندي
والسموحة

المشاركة الأصلية كتبت بواسطة coffee-999
http://www.arabtravelersforum.com/tr...6/#post5119556

مشكور وماقصرت اخونا الغالي رحالة الشارجة والله يوفقكم



مشكووور اخوي ماقصرت

اهداء للي يسألون عن الطيران الصيني
طبعا قلت قبل ان الطيارة الصراحة ماعليها كلام نفس مستوى الطيران التايلندي وارقى بعد ولا عندهم شغلة حلوة كل الكراسي عليها شنطة فيها فرشاة ومعجون ومشط وغطاء للعين وللادن وجوارب للارجل
من غير انها واسعة
يعني شي مرتب الصراحة
حتى الاكل مكتوب عليه حلال سواء اللحم او الدجاج
يعني صراحة انا عجبتني

وهذه صورة الطيارة من داخل





وطبعا كل كرسي عليه تلفزيون فيه مجموعة منوعة من الالعاب والافلام


وانا اخترت هالفلم



وفيه وجبتنين وجبه بعد ساعة من الاقلاع ووجبه قبل ساعة من الهبوط






وهذه الشنطة الصغيرة عى كل كرسي
ي


وهذه محتوياتها هديه لكل مسافر

يعني الصراحة الطيارة اوكي والطيارين بعد ماعليهم كلام

وهذه الصورة قبل الهبوط

راااااااااااااااااااااااااائع

ما زال الابداع مستمر

تحياتي

ننتظر مزيد يالغااااااااالى الصور رووووعه
تسسسسسسسسسسلم على الموضوع الحلوو

ما شاء الله باين ان التقرير حلووو

ياليت لو توضح عن الاسواق إلي تبيع بالمفرق

متابعه للموضوع .....

حمد الله عالسلامه

لو سمحت اخوي ممكن تفيدني بالنسبه للفلوس اخذ معي كاش دولار امريكي او عملتهم ؟

او استخدم البطاقه فيزا؟

وانا سفرتي سياحه و شوبنق شخصي !!

بليييييييز لا تتاخر بالرد انا سفرتي يوم الخميس

المشاركة الأصلية كتبت بواسطة kenken
http://www.arabtravelersforum.com/tr...4/#post5124574

ما شاء الله
صور جميله و معلومات مفيده
ننتظر منك المزيد



الله يسلمك والعين ماتعلى على الحاجب انتم اصحاب الخبرة

المشاركة الأصلية كتبت بواسطة كول بيبي
http://www.arabtravelersforum.com/tr...6/#post5127756

ما شاء الله باين ان التقرير حلووو

ياليت لو توضح عن الاسواق إلي تبيع بالمفرق

متابعه للموضوع .....



هلا اختي
سوق الشنط والساعات والاندرجراوند وشارع بيجن لو يبيعون بالمفرد حتى سوق الملابس الداخلية

بس سوق الاحذية والاكسسوارات النسائية واكسسورات المويابلات صراحة يبيعون بالجملة

المشاركة الأصلية كتبت بواسطة جاسمريه
http://www.arabtravelersforum.com/tr...8/#post5129498

حمد الله عالسلامه

لو سمحت اخوي ممكن تفيدني بالنسبه للفلوس اخذ معي كاش دولار امريكي او عملتهم ؟

او استخدم البطاقه فيزا؟

وانا سفرتي سياحه و شوبنق شخصي !!

بليييييييز لا تتاخر بالرد انا سفرتي يوم الخميس



انا صراحة كنت مصرف 10 الاف درهم لعملتهم
وكنت شال وياي 20 الف درهم وصرفتهم من عند سليمان الصراف اللي عدال فندق بارك فيو سكوير لاني اتصلت له قبل ما اسافر قال انه يصرف الدراهم

المشاركة الأصلية كتبت بواسطة صعب الحب
http://www.arabtravelersforum.com/tr...0/#post5125040

ننتظر مزيد يالغااااااااالى الصور رووووعه
تسسسسسسسسسسلم على الموضوع الحلوو



الله يسلمك وان شاءالله اكون عند حسن ظن الجميع

نكمل لكم باقي التقرير
فندق نيو مينلاند هوتيل

ثاني ليلتين نيومينلاند (الهناء كله تنصح فيه وبقوة ) حجزت فيه عن طريق مراسلتهم الليلية 562 يوان تقريبا غرفة ديلوكس وطبعا الفندق قريب من عدة اسواق
ايميل الفندق
mailto:[email protected]



صور الفندق

طبعا للامانة هذه صور الفندق يبتهم من المنتدى لاني نسيت اصور الفندق




انطباعي
الفندق نظيف جدا ومثل ماقالت الهنا كله ريحة الاستقبال شي مو طبيعي وقريب من معظم الاسواق مثل سوق الملابس الداخلية ولي خو وسوق الساعات والملابس
وقريب من سوق الشنط والاكسسوارات والهدايا وشارع بيجن لو ب 12 ريمبي تقريبا

والريوق بعد زوين وفيه عرب واجانب يعني الريوق زحمة خصوصا على س 9 الصبح

بس صار لي موقف استغلالي من السيكيورتي اللي واقف عند مدخل الفندق عقب باخبركم

ثلاث ليالي في شنزن وما ادراك ماشنزن فندق city in تم الحجز عن طريق موقع بوكينغ الليلة 300 يوان تقريبا
http://www.booking.com/hotel/cn/city...69&aid=1329869
صور الفندق




انطباعي
الفندق زوين ونظيف وقريب من الاماكن السياحية في شنزن بس يبيله اشويه صيانة والريوق مب شي لاتفكر تنزل تتريق لانه يمكن 5 طاولات بس و3 وجبات صينية وبس

الحلو فيه عداله سوبرماركت كبيرة تقدر تشتري من عندهم عصاير وخبز ومكسرات
وعداله محطة المترو
يعني 10 دقايق مشي
مافيه سيكيورتي بالغرفة
مايتكلمون انجليزي واااايد

اخر 3 ليالي في نيومينلاند حجزت فيه عن طريق مراسلتهم الليلية 488 يوان تقريبا وانصدمت ان الغرفة بسريرين منفصلين
وريحة الغرفه مب حلوة
ونزلت وقلت لهم ابي سرير كبير قالوا لازم تدفع الفرق وبنغير لك الغرفة عشان الريحة والحمدالله الامور اتيسرت

بعد نصيحة
انا مب ويا اللي يروح الصين بدون حجز مسبق للفنادق
يمكن ماتعيبك الغرف والا يمكن ماتحصل حجوزات
انا كنت بمدد بنيويمنلاند قالوالي فل ماعندنا
فالافضل تحجزون من بلادكم
خصوصا لو عوايل
لو شباب عزابية الامور طيبه لكن العائلة فالافضل الحجز المسبق والامور المتيسرة

لا طول علينا بالتقريرك الممتع وكلمنا بالذات عن شنزن

السلام عليكم ورحمة الله وبركاته ...

حيا الله ولد بلادي .... راعي الشارجه ...

الحمدلله على السلامه اخويه ...

تسلم والله على التقرير الحلو والمرتب ... والصور الاحلى ... والمعلومات المفيدة ...

سجلني من المتابعين لتقريرك ...

المشاركة الأصلية كتبت بواسطة جاسمريه
http://www.arabtravelersforum.com/tr...8/#post5131668

لا طول علينا بالتقريرك الممتع وكلمنا بالذات عن شنزن



انشاء الله تستانسون بتقرير شنزن لاني صج كيفت فيها وخصوصا الجو كان وااايد روعة

المشاركة الأصلية كتبت بواسطة alhana.kullah
http://www.arabtravelersforum.com/tr...4/#post5132084

السلام عليكم ورحمة الله وبركاته ...

حيا الله ولد بلادي .... راعي الشارجه ...

الحمدلله على السلامه اخويه ...

تسلم والله على التقرير الحلو والمرتب ... والصور الاحلى ... والمعلومات المفيدة ...

سجلني من المتابعين لتقريرك ...





هلا هلا بالهنا كله
اخبارج واخبار الوالد
صدقيني تقريرج وااااايد نفعني كنت طابع مجلد واالحرمة كل مابنروح مكان تقول اصبر بشوف الهنا كله شو كاتبه عن هالسوق

وان شاء الله يعجبكم التقرير

ألف الحمد لله على سلامتك اخوي ..
ولا شكر على واجب ...وهالتقرير راح نعتبره رد للجميل ...
ان شاء الله استمتعتو بسفرتكم انتم وحرمكم المصوون ..
متاابعيين معاك ..

مرحبا الساع اخويه ..
تدري قبل ما تفتح الاماراتيه خط لـ جوانزو
كنت اسير عبر الكاثي باسفيك عن طريق هونج كونج و مره وحده جربت الساوثرن
بس من الصور الي حطيتا انت
مبين ان الطياره مغيرنها
اقصد الكراسي اشكالها تغيرت
مدري اذا كلهم غيروهم ، و لا بس عدد معين
عن تجربتي انا ويا الساوثرن
ماحبيتها بالمره
هي مره و خلاص
تدري حنا العرب من نتعقد من شي موليه ما نجربه مره ثانيه
انا من اشد المحبين للاماراتيه ( الطيران )
و دايما اسافر عبرها

المشاركة الأصلية كتبت بواسطة سارووونه
http://www.arabtravelersforum.com/tr...8/#post5132778

ألف الحمد لله على سلامتك اخوي ..
ولا شكر على واجب ...وهالتقرير راح نعتبره رد للجميل ...
ان شاء الله استمتعتو بسفرتكم انتم وحرمكم المصوون ..
متاابعيين معاك ..



اهلا بالخبراء
والله ثم والله لو ماتقاريركم جان اترددت الف مرة اسير الصين بس الواحد يستفاد من خبرات الاخرين
والسفرة كانت حلوة وومتعة
وشكرا على المرور

المشاركة الأصلية كتبت بواسطة emirates air
http://www.arabtravelersforum.com/tr...0/#post5139150

مرحبا الساع اخويه ..
تدري قبل ما تفتح الاماراتيه خط لـ جوانزو
كنت اسير عبر الكاثي باسفيك عن طريق هونج كونج و مره وحده جربت الساوثرن
بس من الصور الي حطيتا انت
مبين ان الطياره مغيرنها
اقصد الكراسي اشكالها تغيرت
مدري اذا كلهم غيروهم ، و لا بس عدد معين
عن تجربتي انا ويا الساوثرن
ماحبيتها بالمره
هي مره و خلاص
تدري حنا العرب من نتعقد من شي موليه ما نجربه مره ثانيه
انا من اشد المحبين للاماراتيه ( الطيران )
و دايما اسافر عبرها





هلا هلا براعي طيران الامارات
تبي الصراحة ماشي يعلى على الاماراتية خصوصا لوعندك سكاي ورد وترقي على البزنس امورك طيبة
بس كسعر وخدمة الساوث تشاينا اقتصادي
ومثل ماقلت يمكن قبل كانت غير والكل يسعى يقدم خدمة افضل
واعتقد ان الكل غيروهم لان الطيارة بالروحة كانت من نوع الاير باص وبالردة كانت بوينغ777 والكراسي متغيرة بس يسلفة الشنطة كانت بالطيارة الكبيرة

بكمل اليوم ان شاء الله وياكم تقريري عن

جوانزو وصدمة الاسواق

لاتستغربون من العنوان
لاني صج انصدمت بالاسواق ماكنت متخيل ان الامور صعبة ومتعبة
اتحريت من تقارير الاعضاء ان الاسواق تعال واختار
وكل شي سهل لكن الظاهر جوانزو هالسنة مشددين فالصدمة كانت في عدة نقاط منها :

معظم الاسواق اللي في دليل الاسواق كانت بالجملة ماعدا سوق الشنط والملابس الداخلية والاندرجرواند وحتى هذيلا الاسواق كل ماتشتري اكثر بتحصل خصم معقول بس مب وااااايد


الماركات مب موجودة الا بالدس يعني مثل سوق الشنط اول مادخلنا معظم المحلات اللي بالطابق الارضي يقولون لك no copy
وتدخل على المحلات اللي بالطابق الاندجراوند يقولون لك فيه بس بالدس وعلى حسب المحل اذا عنده مكتب يوديك مكتبهم عبارة عن شفة يعني 5 دقايق مشي والمصيبة يوم تروح ماتحصل الا كم شنطة كوبي وغود كواليتي والباجيات مب كوبي 1 يعني كخام اوكي بس الالوان غير والخياطة مب مرتبة
وسالفة الشقق مب واااايد واغلب المحلات اللي تبيع الكوبي ماعندهم اوفيسات بس يخلونك اتشوف صور الشنطة في الكتالوج وتدفع عربون و بعد ساعة او ساعتين اييبون لك الشنطة لكن وين المشكلة لو ماتعيبك الشنطة لان فيها عيوب اللون والا بالخياطة وتبا تبدلها يتضايجون ومايرضون يبدلون لكم ويرجعون لك بيزاتك يعني مانبي نبيعك ياتاخذ اللي يبناها لك والا برايك
مالومهم تدرون ليش لان الشنط تكون مب في المحل في البيت يباله مشوار ساعة عشان يبيبها ومب متفيج يرد البيت لان حضرتك ماعيبتك الشنطة


الاندرجرواند اسعاره مب رخيصة يعني اطقم بدل الاطفال تبدأ من 200 الى 400 يوان ونفس الشي بخصوص ملابس النساء والرجال وطبعا نو كوبي لان البلدية وااااايد مشددة عليهم



صدمة سوق الساعات تروح وتلف واتدور بالزحمة وماتحصل لك ساعة كوبي ويوم خلاص فقدت الامل وروحت اشوف واحد يزكرني يقول يو ونت كوبي اقوله هي يقول تعال الاوفيس واروح واطلع من سوق الساعات وامشي وامشي واصعد المصعد واروح الشقة الصغيرة وبالاخر ماحصل سوع وااايد لا بعد ماينقصونك اقل شي 200 يوان للساعة وهي طبعا مب الكوبي ون بس موديلاتها حلوة

وارجع الف بالسوق يمكن احصل واحد ثاني عنده ساعات احلى وبسعر احلى واحصل لي واحد والا وحدة تاشر لي بالدس كوبي كوبي
اقول اي وبعد اطلع من السوق وامشي واروح الاوفيس واحصل تشكيله ثانية غير الاوليات ونفس الشي ماينقصون
المشكلة ان وقتي يضيع بين اوفيس واوفيس واتيي الساعة 6 وسكر السوق وماكون بعدني خذت شي ويروح علي اليوم


سوق الاكسسوارت عندهم محل يبيع شغلات نفس الذهب بالضبط وكريستالاتهم مثل الالماس بس اقل شي تاخذ درزن سواء الختوم والا الاساور والحلو منها ان لون الذهب مايتغير عليه ضمان 3 سنين

تجار الماركات من شنط وساعات مايرضون ينقصون بالسعر يعني لاينفع معاهم لاتوتي توتي ولا نوني نوني كلمتهم وحدة ويقولون لكم هذا سعر الهول برايس يعني خلاص وان نقصوا بينقصونك 10 يوان وبضرابة بعد

يعني خلاصة الموضوع فيه عندهم شغلات حلوة بس يبيلها تعب ووقت عشان تحصل اللي تبيه

يعني انا كنت رايح على اساس بنشتري 20 شنطة ماركة للاهل وانصدمنا وبالاخر رجعنا ب 4 شنط و 6 سوع مع ان الساعات طايحات صج انها مب رقم 1 بس بعد حلوات نفس ساعات فريدة وجاكي اللي في بانكوك بس الاسعارا رخص وكل ماخذت كمية بيعطونك ارخص بس اقل شي 50 حبه عشان ينقصون لكم بالسعر والا ماراح ينقصونكم الا 20 يوان عن كل ساعة وهذا من بعد ضرابة (من واقع تجربتي )

المرة الياية قلت باخذ لي 100 ساعة يمكن احصل اسعار حلوة


يعني بداية الاسواق انا انصدمت والحين يوم رجعت البلاد اشتقت ارد الصين بس قلت المرة الياية ماراح الف وادور على الاوفيسات على امل احصل اسعار اقل اي ساعة بتعيبني ولا شنطة باخذها على طول





انتظروني اكمل لكم تقارير الاسواق مع الصور بطاقات المحلات

سوق الاكسسوارت عندهم محل يبيع شغلات نفس الذهب بالضبط وكريستالاتهم مثل الالماس بس اقل شي تاخذ درزن سواء الختوم والا الاساور والحلو منها ان لون الذهب مايتغير عليه ضمان 3 سنين

اخوي لاهنت ولا هانت يمينك
ممكن تعطيني عنوان المعرض المذكور سابقا اذا كان موجود عندك

تحياي

نصيحه لك
لا تشتري شي إلا من المحل
هذا يلي في المنازل أو الشقق ما هو جيد لك
عدا أنه الكوبي بيكون لحد معين شبيه بالأصلي لآنه في حال تم التشابه 90% ما رح يبعك على أساس كوبي
رح يبيعك أنه أصلي , و أنته أمشي معه على أساس أصلي و كسر بالسعر حتى تحصل سعر مناسب لك
كذلك أحيانا بيكون هناك مراقبة من شرطة مكافحة الكوبي لذلك ما حد يرضى يقدم لك كوبي بشكل علني

المشاركة الأصلية كتبت بواسطة رحال الشارجة
http://www.arabtravelersforum.com/tr...8/#post5132698

هلا هلا بالهنا كله
اخبارج واخبار الوالد
صدقيني تقريرج وااااايد نفعني كنت طابع مجلد واالحرمة كل مابنروح مكان تقول اصبر بشوف الهنا كله شو كاتبه عن هالسوق

وان شاء الله يعجبكم التقرير




السلام عليكم ورحمة الله وبركاته ...

هلا اخويه ...

جمعه مباركة على الجميع....

الحمدلله احنا بخير وسهاله ....

واشكر الله ان تقريري نفعكم ...

بس الظاهر ان الصين مب الأولية الكل يقول انها غالية ....

يعني من الاسعار اللي اقراها من النقارير اليديدة ...

اشوف ان اسعار الكوبي في الصين ...نفس اسعار الكوبي في الامارات ... وتقريبا نفس الجودة ...

الله يعين الجميع .... ما شيء بلاد ارخيصة... الواحد يستانس فيها ويشتري على كيفه ...

الله المستعان

ابغى معلومات عن سوق الاكسسوارت لاني بجيب بضاعه بحدود 10 الالف ممكن تفيدوني

مرحبا الساع برحال الشارقة

الظاهر ان كوانزو بنسوي عليه اكس اكبيييير

من كلامك السووووق صار مب هوه الاولي

وانا اشوف عمري ان اضيف لها سيؤول احس ليه

ان شاء الله اذا رحنا لها..اذا خبرونا تعالو شقة

بنقولهم لا.....بنطمش على البلاد

وبنشتري لي بنحصله زيين

واذا شفنا السوق ماعيبنا بنسير شنزن

المشاركة الأصلية كتبت بواسطة مـستـر مـيـمـو
http://www.arabtravelersforum.com/tr...6/#post5141896

سوق الاكسسوارت عندهم محل يبيع شغلات نفس الذهب بالضبط وكريستالاتهم مثل الالماس بس اقل شي تاخذ درزن سواء الختوم والا الاساور والحلو منها ان لون الذهب مايتغير عليه ضمان 3 سنين

اخوي لاهنت ولا هانت يمينك
ممكن تعطيني عنوان المعرض المذكور سابقا اذا كان موجود عندك

تحياي



ان شاء الله اخوي بطاقة المحل عندي بس اسويلها سكان واحطها في المنتدى بس اتريا علي اشوي لان السكانر معطلة عندي

المشاركة الأصلية كتبت بواسطة alhana.kullah
http://www.arabtravelersforum.com/tr...2/#post5142242

السلام عليكم ورحمة الله وبركاته ...

هلا اخويه ...

جمعه مباركة على الجميع....

الحمدلله احنا بخير وسهاله ....

واشكر الله ان تقريري نفعكم ...

بس الظاهر ان الصين مب الأولية الكل يقول انها غالية ....

يعني من الاسعار اللي اقراها من النقارير اليديدة ...

اشوف ان اسعار الكوبي في الصين ...نفس اسعار الكوبي في الامارات ... وتقريبا نفس الجودة ...

الله يعين الجميع .... ما شيء بلاد ارخيصة... الواحد يستانس فيها ويشتري على كيفه ...

الله المستعان





ترا هذه هي بس يالله حلو الواحد ياخذ فكره ويغير جو ترا والله شنزن حلوة وجوانز يعد اكيد فيها اسواق غير اللي في دليل الاسواق الواحد يقدر يشتري منها بس لازم الواحد يسال وين هالاسواق ومايكتفي بالاسواق اللي في دليل الاسواق

المشاركة الأصلية كتبت بواسطة الاوراق المتساقطه
http://www.arabtravelersforum.com/tr...8/#post5142568

ابغى معلومات عن سوق الاكسسوارت لاني بجيب بضاعه بحدود 10 الالف ممكن تفيدوني




ان شاء الله اقدر افيدك وانا اللي اعرفه ان في سوقين للاكسسورات بس انا رحت واحد وعيبني محل يبيع شغلات حلوة انا خذت درزنين خواتم حسبولي الواحد على 40 يوان بس شغلاتهم حلوة كتجارة بتستفيد لوعندك محل للاكسسورات
لان الواحد من هالخواتم ينباع عندنا في دبي مول على 200 درهم تقريبا

والبطاقة بنزلها عن جريب بس اشوف مشكلة السكانر عندي وافيدكم

المشاركة الأصلية كتبت بواسطة emirates77
http://www.arabtravelersforum.com/tr...2/#post5142632

مرحبا الساع برحال الشارقة

الظاهر ان كوانزو بنسوي عليه اكس اكبيييير

من كلامك السووووق صار مب هوه الاولي

وانا اشوف عمري ان اضيف لها سيؤول احس ليه

ان شاء الله اذا رحنا لها..اذا خبرونا تعالو شقة

بنقولهم لا.....بنطمش على البلاد

وبنشتري لي بنحصله زيين

واذا شفنا السوق ماعيبنا بنسير شنزن

سوق الشنط بالعكس حلو وفيه شنط ونظارات وبزم ماركات بس مثل ماقلت لكم بالدس ويبيله وقت وصبر
وانا لوكان عندي وقت كبير جان لفيت اكثر واكثر على الاسواق
لان الصين ماشاء الله كبيرة وفيها اسوااااق حلوة بس لازم نسال وين هالاسواق الحلوة
انا ربيعي عربي و مقيم في بكين وشجعني ايي بكين كسياحة وشوبينغ وقال لي عندهم شغلات حلوة وحذرني وايد من جوانزو وقل لي بس للتجار انت ماراح تصلح لك
بس توكلت على الله ورحت جوانزو صح في البداية انصدمت بس لو بيدي ارجع الصين برجع بس بطول مدة الاقامة فيها عل وعسى احصل اشياء احلى


وشنزن صراحة ساحرة ووناسة خصوصالو يصادفك الجو الربيعي تقول جو اوربا سبحان الله

شو هالاخبار يا رحال الشارجه
انا سرت كوانزو اخر مره بشهر 7 السنه الي طافت
بس ما كملت سنه على السفره

و كانت الامور طيبه
بس من كلامك الله يستر

مادرري والله
انا بروحي مستغرب شكلي يا انا مضيع او الامور اتغيرت
مادري والله انا مابي احبطكم مثل ما انا اتحبطت
بس انا صج ماخذت الا كم شغلة خفيفة
وبامانة سوق الملابس اللي عدال سوق الساعات مارحت له يمكن اتحصلون اشياء حلوة مادري

بيض الله وجهك

في اتظارك

ولك خالص التحيات