الموضوع: وصلنا قطر والحمدلله

مساء الورد


كل عام وانتم بخير




طلعا الاخوان ما قصرو خدموني خدمة سهلو علينا البحث والتحري قبل ما نجي





طبعا اليوم وصلنا ديرة الخير



وسكنا في ريتاج رزينديس



بصراحة شقة في قمة الروعة





التقرير بعد ما ارجع



المهم انا حجزتها من قبل اسبوعين برمضان كان سعرها 650ريال


والحين السعر وصل 900ريال




الحمدلله السعر حلو



المهم الحين ابقى اروح



اي مكان نغير جو للعيال

شنو رايكم باحلى مكان فيه اجواء العيد
لانهم يدوب جالسين من النوم تعرفون اثار رمضان


نبقى نروح فلاجيو شرايكم وين تصير بالنسبه لشقق ريتاج


اختكم


شجن

مواضيع عشوائيه ممكن تكون تعجبك اخترناها لك:

• استفسار عن أسعار الشاليهات بدولة قطر ؟
• اوت لت في الدوحة
• تفاصيل التذاكر والترانزيت على الخطوط القطرية طلب مساعدة
• السفر الى قطر بالبطاقة
• ابغى شقه فندقيه راااااقيه
• فندق دبليو الدوحة يقدم عروضًا خاصًا للقطريين والمقيمين
• مشاركة مميزه لطيران القطريه بمعرض دبي للطيران
• جـــدولي ســـيـــاحـــي في الــــدوحـــه
• الخطوط القطريه الرياض الدوحه a321 فيرست كلاس
• ساعات ترانزيت في قطر أين أقضيها
• سؤال الى بنات قطر
• قطر
• سعوديه وابي مساعده قطريه الله يعافيكم
• مراحب افيدوني في موضوعي ترانزيت
• الهند – جزء هام من استراتيجية القطرية التوسعية
• ارجو المساعدة
• ســـــــــــــــــــــؤالي هــــــــــــو ؟
• حبايبي ياهل الدوحة أرجو إفادتي للضرورة عن فندق رتاج رويال وبعض الإستفسارات
• مجموعة استفسارات الله لا يهينكم
• تـقـرير زيــارتي الــى الــدوحة فــي عــيـد الـفطـر الـمـبارك اكثر من صورة

مساء الانوار
وكل عام وانتي بخير
والف الحمد لله على السلامة

وبالنسبة لفيلاجيو توني راد منه .. ماكو فعاليات فيه

والفعاليات او الاحتفال اليوم بيكون بسوق واقف .. اعتقد حفلة غنائية ومجان

فيلاجيو ترجعون للخلف من الاشارات القريبة منكم باتجاه دوار مستفى الولاده ( مستشفى حمد )

بيكون على يساركم

تاخذون الشارع سيدة على طول ؛ اتركوا جميع الاشارات الى ان تشاهدون فيلاجيو على اليمين

بعد اسباير واستاد خليفة الاولمبي

فالكم طيب

أول شي الحمدلله على السلامه

وزين انكم توفقتوا في السعر وعجبتكم الشقق لان ماكان عندي فكره عنها

بس وين مكانها بالضبط ؟ لان آخبر رتاج الريان في الدفنه جمب السيتي سنتر

لو هذي هي نفسها فأنا انصحكم تروحون سيتي سنتر لانه قريب حذاكم

وعموما الدوحه صغيره يعني حتى لو تبين تروحين فيلاجيو تقدرين توصلين له

بس حطي في بالج ان المجمعات الحين زحمه موووووووت يالله يالله الواحد يقدر يدشها

وتقدرون تروحون في الليل سوق واقف تتمشون فيه والا تتعشون

مشكور اخوي الله يعطيك العافيه

بس الحين وين سوق واقف بالنسبه


لريتاج


ممكن توصف لنا

ما انحرم منكم يااهل الطيبه

اختكم


شجن

والا تقدرون تروحون بعد مهرجان الصيف اللي مسويينه في أرض المعارض

أعتقد للحين مفتوح

بالنسبة لسوق واقف

من عند دوار الولادة تاخذون يسار وعلى طول سيدة

لحد ماتدخلون مواقف سوق واقف

الاخت النوري هالشقق الفندقية تعتبر بمنطقة بن عمران

خلف الموارد البشرية للصحه ( بالقرب من مستشفى الولادة )

فالج طيب

المشاركة الأصلية كتبت بواسطة الراايق
http://www.arabtravelersforum.com/tr...8/#post4220888

بالنسبة لسوق واقف

من عند دوار الولادة تاخذون يسار وعلى طول سيدة

لحد ماتدخلون مواقف سوق واقف

الاخت النوري هالشقق الفندقية تعتبر بمنطقة بن عمران

خلف الموارد البشرية للصحه ( بالقرب من مستشفى الولادة )

فالج طيب



آها اوكي على بالي اللي في الدفنه

المشاركة الأصلية كتبت بواسطة shgan14
http://www.arabtravelersforum.com/tr...1/#post4220891

كل عام وانتي بخير


بصراحة الشقق


موقعها خلف مستشفى حمد



بس انا اللي اشوفه واحنا جايين م مطعم مرمرة استبطول غند الدوار


بيكون ريتاج مقابلج من بعيد

بصراحة قمة في الروعة


بجنب المورد البشريه وحمد الطبيه

اختج

شجن



وانتي بخير وصحه وسلامه

ينعاد عليج كل سنه يارب

اي عرفت الحين وين موقعها

غير عن رتاج اللي في الدفنه

بس حتى هالشقق موقعها زين ترى

تسلمين يالغاليه

بس ممكن سؤال

الحين سوق واقف كم ساعةتكفيه
مجمع اللولو وين يصير بالنسبه لي وانا اروح سوق واقف اخليه يميني لو على يساري



ومتى تنصحوني اروح فيلاجيو



وبكرة وين تنصحوني اروح فيه من الصباح

بصراحة ما ابقى اخلي مكان ما اروحه



اختج


ام جنى شجن

المشاركة الأصلية كتبت بواسطة shgan14
http://www.arabtravelersforum.com/tr...2/#post4220902

تسلمين يالغاليه

بس ممكن سؤال

الحين سوق واقف كم ساعةتكفيه
مجمع اللولو وين يصير بالنسبه لي وانا اروح سوق واقف اخليه يميني لو على يساري



ومتى تنصحوني اروح فيلاجيو



وبكرة وين تنصحوني اروح فيه من الصباح

بصراحة ما ابقى اخلي مكان ما اروحه



اختج


ام جنى شجن



ماأقدر أدليج من سوق واقف لاني ماادري من وين بتطلعين بالضبط

بس انتي اسألي اللي يشتغلون في المواقف وهم بيقولون لج

أو حتى لو تسألين اي حد بيدليج

لان الدوحه صغيره وماتضيّع

وهو على العموم موجود على طريج المطار عقب مجمع المول

وبالنسبه لسوق واقف ماادري شكثر يحتاج بس بتاخذين وقت لانه كبير وفيه وايد اشياء حلوه

بس اللي بيخرب عليكم الجو الحار

وبكره تقدرون تروحون الصبح مجمع اللاند مارك وايد حلو الصبح .. وعقبها في الليل تروحون فيلاجيو

بس مثل ماقلت لج هالاماكن تكون زحمه حزة العيد

ولاتنسين تمرين على الكورنيش اليوم عقب ماتخلصين من سوق واقف

بس أبي أقول لج ان مجمع اللولو عباره عن سوبر ماركت مب مجمع تجاري مثل ماتتوقعين

يعني اذا بتروحين حطي في بالج انج رايحه جمعيه مب مجمع

وعندج كارفور اذا تبين

عندنا منها ثلاث فروع في الدوحه

فرع في السيتي سنتر وفرع في فيلاجيو وفرع في اللاند مارك

المشاركة الأصلية كتبت بواسطة النوريq
http://www.arabtravelersforum.com/tr...2/#post4220942

بس أبي أقول لج ان مجمع اللولو عباره عن سوبر ماركت مب مجمع تجاري مثل ماتتوقعين

يعني اذا بتروحين حطي في بالج انج رايحه جمعيه مب مجمع

وعندج كارفور اذا تبين

عندنا منها ثلاث فروع في الدوحه

فرع في السيتي سنتر وفرع في فيلاجيو وفرع في اللاند مارك





تسلمين يالغاليه بصراحة توني جايه من سوق واقف


بصراحة شيء عجيب مو طبيعي




بكرة الصباح بنشوف وين نروح

شرايج بحديقة سباير

زينه تصلح نروحها

وبالنسبه الى االاكوبارك شنو

مهرجان الصيف اللي مسويينه في أرض المعارض

وين بالضبط وتتوقعون العيال هنا بينبسطون

تعرفون العيال يبون الوناسه


ومشكورين يالغوالي


شجن

طيبب النسبه للمتحف اللي عندكم متى اروحه

وهل تنصحوني بزيارته


شجن

حديقة اسبايزر حلوه بس المشكله الجو ومفتوحه
فيلاجيو حلو ومرتب

بيستانسون عيالج في أرض المعارض أكيد

المشاركة الأصلية كتبت بواسطة روح المسك
http://www.arabtravelersforum.com/tr...8/#post4221368

بيستانسون عيالج في أرض المعارض أكيد




كل عام وانت بخير


ما قلتو لي بالنسبه للمتحف شنو



حلو اروحه لو لا




وبالنسبه مجمع اللاند مارك شنو فيه من اشياء

وهل يستاهل اروحه ..و فيلاجيو طبعا اكيد بروحة لان خاطري فيه من قبل ما اجي


وبعدين بسئلكم وين احسن مكان يسوي حلوى وشنو الشيء الوحيد من المشهورة فيها قطر

مثل عمان والبحرين الحلوى

والكويت الدرابيل

وقطر شنو

تسلمون ما تقصرون لو ساعدتوني


اختكم

شجن

[size="5"][color="darkorchid"]بالنسبه للمتحف الفن الاسلامي شي اكييييد لازم تزورينها

تسلم اخوي وصباحك ورد


بس ما قلت لي وين المتحف من شقق ريتاج





وكم الساعة يفتح وكم من الوقت يكفيه


اختك


شجن

هلا والله اختي شوفي المتحف يفتح الساعه 9 ونص الى كم مادري بس اعتقد لين 9 او 8 فء الليل

وهو جمب ريتاج تقريبا شوفي شفتي الكورنيش اذا رحتي على الكورنيش راح يبين المتحف الاسلامي لونه بيج جي وتصميمه كانها مربعات فوق بعض هو ينعرف اذا رحتي الكورنيش سالي اي احد بدليج

اسمه بالانجليزي museum of islamic art [العربي متحف الفن الاسلامي
والمتحف في ساعه او ساعه ونص هذا بالنسبه لي اما اذا تحبين تفصفصين الاشياء فص ولا باجر بتخلصين هههه

أختي سألتي عن احسن مكان يسوي حلوى ( في محلات وايد في سوق واقف )
بس أحلى وأحسن حلوى تنباع في قطر موجودة عند محل ( حكيم ) وهي حلوى عمانية أصليه
حتى راعي المحل عماني ، عندهم السلطانية الكيلو ب100 ريال وعندهم العادية اللي بالزعفران
وبالنسبة لي أشوف اللي بالزعفران حلوة وخفيفة ، ويبيعونها في ملال أحجامها مختلفة او ممكن انتي تودين
لهم وهم يعبونها لج ، وبعد يبيعونها في علب صغيرة إرتفاعها نفس فنجان القهوة حلوة حق التقديم .
والمحل بتلقينة في شارع السد عند سنتر بوينت ، يعني خلوا سنتر بوينت على يساركم ودخلوا الشارع الفرعي اللي
جدامه بالضبط وبيصير ماكدونالدز وسنتر بوينت على يساركم ، كمل سيده وبتلقين المحل على يدج اليمين بعد 400 متر تقريباً .

والمتحف الإسلامي حسب معلوماتي انه مايكون فاتح بعد الساعه 5 او 6 المغرب .

متحف الفن الاسلامي لازم تروحينه على الاقل لو تدورون فيه نص ساعه

ولازم تروحونه الصبح لانه مايفتح المغرب على ماأعتقد

بتلقونه على جزيرة خاصه حذا الكورنيش

روحوا وتفرجوا على المتحف من برا ومن داخل

والمتحف ترى في نص البحر يعني كأنكم قاعدين في باخرة

حتى الدريشة لما تطلين منها تلقين البحر تحتج

الحمدالله على السلامه اخت شجن , وما شاء الله عليهم مميزينا كفو ووفو , الله يجزيهم خير .

وأتمنى لكم طيب الاقامة .

يعطيكم العافيه يا الغوالي


رحت اليوم الصباح

جزيرة اللؤلؤ


ومن ثم رجعنا ارض المعارض شربنا كوفي


وبعدين رجعنا للمتحف


عقب


رحنا تغدينا


ورجعنا للسكن العصرر بروح فيلاجيو

بس ابقى اسئل عن حديقة الحيوان متى تفتح والى الساعة كم








وبعدين ابقى اروح ارض المعارض لان وقت ما رحنا ما بفتحون الا الساعة 12ونص



وان اشاء الله اوافيكم بتقرير مفصل عن مسار رحلتي بعد ما ارجع



اختكم


شجن

المشاركة الأصلية كتبت بواسطة the ro0ok
http://www.arabtravelersforum.com/tr...7/#post4222357

هلا والله اختي شوفي المتحف يفتح الساعه 9 ونص الى كم مادري بس اعتقد لين 9 او 8 فء الليل

وهو جمب ريتاج تقريبا شوفي شفتي الكورنيش اذا رحتي على الكورنيش راح يبين المتحف الاسلامي لونه بيج جي وتصميمه كانها مربعات فوق بعض هو ينعرف اذا رحتي الكورنيش سالي اي احد بدليج

اسمه بالانجليزي museum of islamic art [العربي متحف الفن الاسلامي
والمتحف في ساعه او ساعه ونص هذا بالنسبه لي اما اذا تحبين تفصفصين الاشياء فص ولا باجر بتخلصين هههه





مشكوووووووووووووور اخوي رحت اخذت الوصف من هنا وصرت اكتب الوصف وسرنا حسب ما وصفته لاحد الاخوان هنا


والحمدلله بصير مرشدة سياحيه في قطر


اما بالنسبه للمتحف 3كاميرات تصور ما ظل شيء ما صورناه


وان شاء الله افيدكم بعد ما ارجع


اختك


شجن

وبعدين نبي نعرف رايج في الاماكن اللي زرتيها اذا كتبتي التقرير

اكيد يالغاليه


واحب اخبرج عن المواقف الظريفة

من فرحة بنتي انها جايه قطر


جابت معها الزي حق الروضه



حقتها


ولونها يمثل علم قطر القميص ابيض+والفستان عنابي


وتبقى تلبسه شرايج البسها يجوز تاخذ جائزة


هههههههههههههههههههههههههه



من ارض المعارض
صج ما قلتي لي الحديقة الحين مفتوحة لو لا وين تقع بالنسبه للسكن حقنا

اختج شجون

اي حديقه
اذا تقصدين اسباير زون فهذي اشهر حديقه وهي جمب مجمع فيلاجيو مول و حياة بلازا مول

المشاركة الأصلية كتبت بواسطة the ro0ok
http://www.arabtravelersforum.com/tr...2/#post4222842

اي حديقه
اذا تقصدين اسباير زون فهذي اشهر حديقه وهي جمب مجمع فيلاجيو مول و حياة بلازا مول




يعطيك العافيه اخوي
بس ممكن توصف لي وين فيلاجيو من ريتاج ممكن توصفه عشان وصفك روعة ودقيق


وكذلك وصف الحديقة اي سباير وهل هي مفتوحة الحين لو لا يعني اقدر اسير الحين


الى الحديقة


وربي ما يحرمنا منك ولا من خدماتك يارب

اختك

شجن

ياشجن الحديقة بجوار فيلاجيو بس الوصف ماعرف هههههه

انصحكم بزيارة المتحف فعلا متحف راقي واعتقد يسكرون الساعه 5

بس كيف الجو هالأيام ؟

يحليلهم عيالكم

الله يخليهم لكم

وبالنسبة للحديقة هي جمب فيلاجيو بس أنا ترى ولا مره زرتها

تسلمون يا غوالي


ما قصرتووووووووووووووووووووووووووووووو


تعبت من كثرة المشي


غير كذا بعد ما اقدر امشي


قررنا نرجع غدا صباحا الى السعوديه


وان شاء الله اوافيكم بتقريرمفصل عن رحلتي



الله يعطيكم العافيه وكل عام وانتم بخير

رحتوا فيلاجيو والا لا ؟؟

المشاركة الأصلية كتبت بواسطة shgan14
http://www.arabtravelersforum.com/tr...9/#post4222859

يعطيك العافيه اخوي
بس ممكن توصف لي وين فيلاجيو من ريتاج ممكن توصفه عشان وصفك روعة ودقيق


وكذلك وصف الحديقة اي سباير وهل هي مفتوحة الحين لو لا يعني اقدر اسير الحين


الى الحديقة


وربي ما يحرمنا منك ولا من خدماتك يارب

اختك

شجن




أسمحيلي اختي على التاخير جدا على الرد عليج
لاني اليوم كله نوم ههههههه

والله في هل شي هذي نقطة ظعفي ما اعرف اوصف هههههه

وهي مثل ماقالو لج بجوار فيلاجيو مول.... انا من النوع اذا رحت مكان كله اسئل الناس اسئلو مافيها شي امشي واسئلي وين المكان الفلاني والفلاني وانشالله مابتضيعون


والحين اتمنا تسوين لنا احلى تقرير في البوابه وقولي لنا رايج في السفره وفي الدوحه والتغيرات الي فيها

المشاركة الأصلية كتبت بواسطة the ro0ok
http://www.arabtravelersforum.com/tr...5/#post4223505

أسمحيلي اختي على التاخير جدا على الرد عليج
لاني اليوم كله نوم ههههههه

والله في هل شي هذي نقطة ظعفي ما اعرف اوصف هههههه

وهي مثل ماقالو لج بجوار فيلاجيو مول.... انا من النوع اذا رحت مكان كله اسئل الناس اسئلو مافيها شي امشي واسئلي وين المكان الفلاني والفلاني وانشالله مابتضيعون


والحين اتمنا تسوين لنا احلى تقرير في البوابه وقولي لنا رايج في السفره وفي الدوحه والتغيرات الي فيها





مساء الخير


وصلنا البيت في تمام الساعة 12ونصف يعني من اشوي يدوب صليت وفتحت عشان اطمنكم


ربي يسلمك اخوي وما قصرتوبصراحة كل الاماكن تقريبا رحتها


وما خليت ولا بقيت حد ما سويت لقاء معاه

ان شاء الله اوافيكم باتقرير مدعوم بالصور بس انتظروني لما ارتاح


المخدة مشتاقة لي نفس اناااااااااااااااااااااااااام اوعوض عن قلة النوم في هاليومين اللي راحو وبعد رمضان خلاص تعب في تعب


انشاء الله التقرير يبض الوجة

وعلى فكرة بعد تقرير لازم احصل علىهديه تذكرة سفر الى قطر والسكن على حسابك اخوي قطري

كلكم اهل خير



اختك


ام

جنى

شجن

الحمدلله على سلامتج ام جنى

يلا ارقدي لين بكره عاد علشان يطلع منج تعب رمضان والسفر

وعقبها ننتظر تقريرج

الحمدلله على سلامتك ام جنا وبإنتظار التقرير