الموضوع: رحلة سريعة لـ قطر

السلام عليكم ورحمه الله وبركاته,

عيدكم مبارك جميعاً

قررنا مع الاصحاب زيارة دولة قطر الحبيبة لمدة يوم واحد, يعني من البحرين من الصباح 7 الصبح الى 12 الليل

وراح تكون الزيارة في 16 ديسمبر ان شاء الله ,

اي اقتراحات للسفرة ؟ و يا ريت الله يجزيكم كل الخير تسعفونا بالمسافات والزمن يعني مثلاً من المطار إلى الوجهة المختارة

وطبعاً مابنأجر سيارة راح نعتمد على التكاسي , اذا احد بيكون عنده رقم خط ساخن نطلب فيه تكسي نكون لكم من الشاكرين

طبعاً هاي تصور بسيط للرحلة, ويا ريت لو تفيدونا ونكون من الشاكرين لكم ,,

وتسلمون



--

سوق واقف
متحف الفن الاسلامي
وجزيرة اللؤلؤة الصبح
خور العديد عشان نشوف الغروب الـ Sunset

Lunch at the Italian Job in Ramada or Chingari
Dinner @ وتسوق خفيف في فيلاجيو

مواضيع عشوائيه ممكن تكون تعجبك اخترناها لك:

• ஜ¦‗ـ−Ξ فـعـالـيـات رمـضـانـيـة Ξ−ـ‗¦ஜ
• شنو آخذ صوغات من قطر؟
• مساعدة في خريطة الذهاب لقطر من الامارات
• إستفسار بسييط لأهل قطر
• كم سعر فندق سوق واقف غرفه لشخصين
• أستفسار عن مطعم بوفية بحري
• ممكن احد يسوي لي برنامج
• اريد المساعده فى شوية اسئلة
• فزعتكم يالقطريين
• اذا تآمرون على اي شي من قطر
• الدوحة غدا بمشيئة الله على موعد مع مهرجان الدوحة الثقافي
• فندق واقف
• عيدكم مبارك فيديو من قطر
• فطوري اليوم في مطعم زعتر وزيت بسوق واقف
• مادو كافيه
• شاليهات بمسبح خاص في قطر
• هل تم افتتاح المتحف الاسلامي؟
• قطر ترشح نفسها رسميا لاستضافة اولمبياد
• مواصلات عامة في قطر
• وين سكن افضل قرب سوق واقف او منطقة ثانية قريبة من سيتي سنتر او فيلاجيوا

حياكم الله في بلادك قطر


هاذي مجموعة تقارير من الاماكن السياحيه والفنادق والمطاعم


http://www.arabtravelersforum.com/travel283370/


وهاذا التقرير بخصوص المطاعم والمقاهي في قطر


http://www.arabtravelersforum.com/travel235965/


وبخصوص السياره انصحكم تأجرون سياره عشان ماضيعون وقت في انتضار التكاسي وحتى لو اتصلتو فيهم


راح اكيد يكون في زحمه ولا مايتوفرلكم تاكسي عشان هاذا موسم العيد وفي ضغط على التكاسي


بس لو عندكم سياره راح ترتاكون اكثر وتستمتعون في زيارتكم وتستغلون الوقت في زياره اماكن اكثر ورأي لكم


واي خدمه احنا حاضريلكم

تسلم اخوي راح اشوف الرابط ماقصرت , ماعليك قصور

احنا ناويين نزور الدوحة في 16 ديسمبر يعني بيكون عندنا اليوم الوطني وانتو بعد بـ تاريخ 17 ديسمبر

اول شي نرحب باخواننا من اهل البحرين

شوف اخوي مدام انك جاي 7 الصبح
انصحك اول شي من بعد المطار تروح الكورنيش تشرب لك عصير او كرك وتتامل في هل ابراج وعقب من الساعه 9 ونص روح فيلاجيو مول تريق اهناك وتمشى وعقب اطلع من فيلاجيو مول وتوجه الى الؤلؤه اهناك الجو بيكون اول شي رهيييب والمنظر حلو جنك في دوله اوروبيه وعقب لين ماتمللتو تقدرون تروحون سوق واقف وتمون لين 10 فليل لانه سوق واقف قريب من المطار


طبعا رقم التكاسي : 44588888
قتح الخط : 00974

التكاسي موجودين عن المطار بكثره وفي كل المولات في تكاسي
اما في الشارع اذا جفته ووقفته مستحييل يركبك انا يوم زرت قطر كلها نظام مايصير يا توقف في محطاتهم ياتطلب بالتفون اما اتيي سوالف الهمج وتركب مافي هع هع

والحين ان شاء الله ماقصرت وياك

تسلم الشيخ ماقصرت,
بس ماقلت لنا شرايك نروح خور العديد نشوف الغروب هناك ؟
اللي اعرفها انها تبعد جذي 70 كيلو وازيد عن الدوحة, كم المسافة بالوقت بين الدوحة وخور العديد ؟
وبغيت اعرف المسافة بين سوق واقف و متحف الفن الإسلامي, ولا مثلاً نقدر نكنسل المتحف لمرات ياية ؟

وفندق رامادا هل يكون قريب من هالمناطق ولا شوي بعيد ..

لا اكيد من جذي سألت عن رقم التكاسي من احين ههههههههههه
ومشكور ماقصرت ,

ماعليكم قصور






المشاركة الأصلية كتبت بواسطة the ro0ok
http://www.arabtravelersforum.com/tr...5/#post4221709

اول شي نرحب باخواننا من اهل البحرين

شوف اخوي مدام انك جاي 7 الصبح
انصحك اول شي من بعد المطار تروح الكورنيش تشرب لك عصير او كرك وتتامل في هل ابراج وعقب من الساعه 9 ونص روح فيلاجيو مول تريق اهناك وتمشى وعقب اطلع من فيلاجيو مول وتوجه الى الؤلؤه اهناك الجو بيكون اول شي رهيييب والمنظر حلو جنك في دوله اوروبيه وعقب لين ماتمللتو تقدرون تروحون سوق واقف وتمون لين 10 فليل لانه سوق واقف قريب من المطار


طبعا رقم التكاسي : 44588888
قتح الخط : 00974

التكاسي موجودين عن المطار بكثره وفي كل المولات في تكاسي
اما في الشارع اذا جفته ووقفته مستحييل يركبك انا يوم زرت قطر كلها نظام مايصير يا توقف في محطاتهم ياتطلب بالتفون اما اتيي سوالف الهمج وتركب مافي هع هع

والحين ان شاء الله ماقصرت وياك

لا المتحف خله مره ثانيه بس علىفكره المتحف جمب سوق واقف بس انا كنت افضل انه تروح المتحف الصبح وسوق واقف فليل يعني ماتقدر تروح اهنا وهناك في يوم واحد ,,

وناحية رمادا تره في فندقين جمب بعض رمادا ورمادا وكلهم نفس الشي بس الي على اليسار هذا الجديد والي على اليمين قديم المنطقه حلوه الي جمب رمادا بس شوي بعيد عن هل اماكن

المسافة بينهم اعتقد ماتجي نص كيلو لانه اذا رحت المتحف بس تشقح شارع وتكمل شوي سيده بتلاقي سوق واقف

شوف اذا انت خاطرك تروح متحف فـ روحه الصبح عن خاطرك ساعه وحده لانه تكفي وعقب من المتحف روح فيلاجيو مول
اما سيلين فـ ما انصحك كلش لانه الجو مو جو سيلين

بع





المشاركة الأصلية كتبت بواسطة the ro0ok
http://www.arabtravelersforum.com/tr...5/#post4222349

لا المتحف خله مره ثانيه بس علىفكره المتحف جمب سوق واقف بس انا كنت افضل انه تروح المتحف الصبح وسوق واقف فليل يعني ماتقدر تروح اهنا وهناك في يوم واحد ,,

وناحية رمادا تره في فندقين جمب بعض رمادا ورمادا وكلهم نفس الشي بس الي على اليسار هذا الجديد والي على اليمين قديم المنطقه حلوه الي جمب رمادا بس شوي بعيد عن هل اماكن

المسافة بينهم اعتقد ماتجي نص كيلو لانه اذا رحت المتحف بس تشقح شارع وتكمل شوي سيده بتلاقي سوق واقف

شوف اذا انت خاطرك تروح متحف فـ روحه الصبح عن خاطرك ساعه وحده لانه تكفي وعقب من المتحف روح فيلاجيو مول
اما سيلين فـ ما انصحك كلش لانه الجو مو جو سيلين




تسلم والله ماقصرت مرة ثانية وآسفيين على الازعاج ,

الله يسلمك خاطرنا نروح خور العديد للتصوير , احنا ججماعة نعشق التصوير و المناظر الطبيعية :d

وصج اهو الجو بيكون شوي بارد في ديسمبر لأن عندنا البحرين يكون موسم بر وجو بارد

وتسلم مرة ثانية ماعليك قصور