الموضوع: استفسار عن اسواق

السلام عليكم .

بغيت أسال عن أماكن الاقي فيها مستلزمات جامعة يعني دفاتر ومقلمات وحركات كذا يعني . يعني تقريبا مكتبات ..

ووين ألاقي شنط مدرسية راقية ..

وايش المولات اللي الاقي فيها الماركات العالمية مثل ديور وهيرمس .. غير اللؤلؤة وفيلاجيو ..


ومشكورين ..

مواضيع عشوائيه ممكن تكون تعجبك اخترناها لك:

• ممكن مساعدة الله لا يهينكم
• استفسار عن فندق غوكولام بارك الدوحة
• أستفسار بشأن مواعيد ومواقف الحافلات في الدوحة التي تنقل إلى مدينة لوسيل
• توقعات بارتفاع مستويات إشغال فنادق الدوحة في
• قطر تشهد انتعاشاً قوياً مدعوماً بسياحة المؤتمرات والأعمال
• قطر الجميله في رحله لمده يومان
• الدوحة بعدسة
• فندق فنيسيا نظيف ؟ حلو؟
• منتجع مغمور بالمياه جزئيا بنصف مليار دولار في قطر
• تالق وتميز مهندس قطري
• ابي معلومات
• فزعتكم ياأهل قطر
• كورنيش الدوحة في الليل
• لا هنتو إستفسار
• حجزت على طيران الاتحاد أبو ظبي الدوحةأبو ظبي أيام
• انطلاق الاحتفالات باليوم الوطني في درب الساعي
• فندق الجسرة قطر
• ما هي افضل حديقة حيوانات في قطر
• نار نار وقطر مولعه نار
• فندق المرقاب سوق وقف

اممم غير الؤلؤه وفيلاجيو
عندج الصالون الازرق وبعد فيه ثلاث اشياء جمبه بعد كل هاي في شارع حمد الكبير واذا مادليتو الشارع اسئلو عن شركة الردان لسيارات البي ام دبليو لانه كلهم جمب بعض

بالنسبه للمستلزمات المدرسيه عندج مكتبة جرير ليست مجرد مكتبه مثل مايقولون

ميرسام :
حبيبتي بخصوص الماركات كتبناها لج في موضوع منفصل
وغير هالأماكن اللي كتبناها مراح تلقين أماكن ثانية تبيع الماركات
وراح أدرج لج الرد مره ثانية .
* اللؤلؤة : وفيها ماركات وايد منها ( روبيرتو كافالي ، جاست كافالي ، هيرمس )
* فيلاجيو وفيه نفس الشي ماركات وايد منها ( ديور )
* الرويال بلازا : فيه كارتير وجيفنشي ( بس مادري اذا جفنشي للحين مفتوح ولا )
* الصالون الأزرق : فيه ماركة إجنر ( بس قسم صغير ) بالإضافة إلى ماركات ثانيه وهو شامل من ملابس لكل افراد الأسره ، مفارش سرير وفوط وادوات منزليه وعطورات ساعات مكياج أحذيه شناط سفر بس كل شي كشخه وغالي .
* أبراج الفردان اللي عالكورنيش ( مقابلين فندق الشيراتون ) وبتعرفين الأبراج من وكالة السيارات اللي تحت ( عندهم بوتيك * اسمه بوتيك عايده بس انصحج تروحين له وقت الخصومات وحالياً مافي خصومات )
* المول : فيه محل ( ميرش + السلام ) يبيعون ماركات من ملابس شناط عطورات مكياج ملابس رجالية ، وبعد فيه بوتيك جفنشي
* وفرع السلام الكبير موجود خلف السيتي سنتر ( هذا فيه خيارات أكثر )
* امبوريوم : هذا يصير عند إشارات رماادا بالتحديد جنب تشيليز ( فيه كينزو + ماكس مارا + كم ماركه مايخطرون على بالي ) بس تراه صغير ودورين والمحلات صغيره .
* زاااي ( هذا محل يصير على طريق سلوى وفيه ماركات كثير بس مش الماركات اللي تدورين عليها ، فمانصحج بزيارته لأنه غالي عالفاضي واللي بيشوف القطه مايقول ان مدفوع فيهم المبلغ الفلاني ) .

بخصوص الأدوات المدرسية :
اذا رحتي مجمع سيتي سنتر أو مجمع سنتر بوينت روحي محل بيبي شوب ( ينزلون عندهم أدوات مدرسية )
عندج مكتبة جرير .
عندج سوق المرخية وهو قريب من دوار التلفزيون ( سألوا ومراح تضيعون ) هالسوق فيه مكتبتين أو 3 على ماعتقد .
وعندج تويز آر أص يصير بين إشارات السد وإشارات رمادا ( امس كنت هناك ومنزلين أطقم روعه ودج ترجعين لأيام الدراسة من حلاتها )

بعد عندكم فيرجن اللي في فيلاجيو عندهم مسلتزمات مدرسيه

مشكووووووووووووووورات تعبتكم حبيباتي والله ما قصرتوا ..

دمتم بود