المشاركة الأصلية كتبت بواسطة 33yazeed
http://www.arabtravelersforum.com/tr...8/#post5975088
انا برد قبل الفطور بس علشان اعلمك اني اب راعي نوووم
تخطيطك لذيذ صراحة الله يعافيك يالمزيون
بس وش الفرق بين لنكاوي وجنتنق
والي اسمها الكاميرون وشي هذي شكلها أدغال اذا زينه علمني اروح اصور مع ماوكلي ههههههه
بعدين انت الله يسلمك ياحبيبي واضح انك ناوي تمغط فيني الديره فإذا تبيني ازيد المدة زتها انت قولي بس
بالنسبة للسكن في كوالا مو كانه احسن شي شارع العرب
بعدين تعال تعال تعال
انا عندي شكوى
في واحد ناوي يرقيني اثل
حاسب لي اليومية مصروف 200 ريال
ليه يبي يوهقني هو
تراني اصدق بسرعه
وبعدين فية ناس تقرى الموضوع وتسوي حسبتها على 200 ريال حرام تتوهق هههههههههه
بس الله يعطيه العافيه الرجال ماقصر يكفي انه تعب حالة ورد علي اب مثل بعض الناس فوق 200 شخص قاري الموضوع مارد الا اربعة
ياجماعة الربع ترى باقي على السفرة 14 يوم بس يالله يمدي الواحد يرتب حجوزاته تعرفون لا وفوقها عليمي يوووووووووه
صباحك ورد
قبل كل شيء ...
بالنسبة لل 200 ... أو أكثر اللي قرأوا موضوعك ... ولا رد على كلامك إلا 4 ...
ترى وانا أخوك ... اللي يتصفحون المنتدى كثير ... واللي جالس يستفيد من كلامك والنقاش اللي يصير أكثر ...
فلا تعتقد أن كل من دخل على موضوعك ... هو أصلا يعرف أو عنده خبره ...
ويمكن فيه كم واحد من الإخوان شاف الموضوع وحس إنه ماله داعي يدخل دام اللي ردوا فيهم الخير والبركة
شخصيا أفعل الشيء ذاته ... لو وجدت خبير واحد إستلم الموضوع
يعني من حظك أنّك شفت ( خشتي ) في موضوعك
( وش رأيك في النرجسية ) ... ؟
على العموم يا غالي ...
لي الشرف أرد عليك وعلى بقية الإخوان والإخوات ...
لكن ترى الوقت يحكمنا والمشاغل اللي ما تنتهي ...
نعود لموضوعنا ...
لنكاوي ... عبارة عن جزيرة ... بكر ... طبيعة ... ناس طيبة ... مسالمين ... هادئة جدا ..
وفيها مناظر تفتح النفس والروح ... وفوق هذا ... تملك شواطيء ممتعة للغاية ...
أهمها شاطيء سينانق الشهير ...
وعشان تنبسط فيها ... يا تآخذ دباب ... أو سيارة ...
الدباب ب 30 أو 40 ريال في اليوم فقط لا غير
والسيارة ... ب 60 -80 رنقت يا حلو ...
وهي جزيرة صغيرة تلفها كلها بسرعة ...
وصدقني .... هي 3 أرباع المتعة ... وخاصة أنك عزوبي ولا أحد داري عنك إذا نشبت لك في شجرة
بالنسبة للكروز في لنكاوي ...
فيه شيء من هذا القبيل ...
وهو يكلفك ... من 200 - 250 ريال ...
تجده عنا طال عمرك ...
http://www.arabtravelersforum.com/travel444048/
بالنسبة لجنتنق ...
هي عبارة عن مرتفعات جميلة جدا ... تتميز بالسحاب ... وقريبة جدا من كوالا ... يعني ساعة فقط ...
عشان كذا ومن أجل ما أشحططك بالتنقلات ... قلت لك تطلع لها يوم من كوالا ب 47 رنقت ...
وتستمتع بركوب التلفريك والألعاب الخارجية طال عمرك
http://www.arabtravelersforum.com/travel548096/
http://www.arabtravelersforum.com/travel446126/
أما الكاميرون ....
في كذلك مرتفعات ... لكنها ذات مساحة أكبر ... وهي أكثر من منطقة ...
وتبعد عن كوالا قرابة ال 4 ساعات ...
عشان كذا ما نصحتك تروح لها ... لو كنت راح تقضي فيها يوم أو 2 بس ...
فيها مزارع الشاي ... والفرالة ... والطبيعة الجميلة جدا ... مع جو يفتح القلب والعقل والنفس والروح والمخيخ الأسفل
http://www.arabtravelersforum.com/travel439820/
بالنسبة لكوالا ... فعلا ... أرشح لك السكن في الفندق الجديد والإقتصادي ... أمباسادور ...
جيد .. وسعره خرافي ... وموقعه مميز للغاية ... بجانب بيتزا هت ... ومقابله مطعم عنده كبسة
بالنسبة لليومية ....
100 ممكن تكفيك ...
و200 ممكن تكفيك ...
و1000 ممكن ما تكفيك ....
يعني يا غالي ...
هي تعتمد على أهدافك وشنو تبي بالظبط ... ؟
عن جد يا غالي ... صعب جدا أحد يحدد لك الميزانية ...
عادة الإخوان يقولون ... أنه 400 متوسط مناسب لشخصين ...
وبما إنك لحالك ... ف 200 راح تكفيك ...
شخصيا أعتقد أن المبلغ أعلى بعض الشيء ...
بحكم إنك راح تنفرد بالصرف على كل شيء وحيدا ...
يعني المشوار ... راح تدفعه لوحدك ... والأكل كذلك ... وكل ما يتعلق بالتمشيات ...
300 رنقت ... مناسبة جدا ... لو ما كان عندك أي برامج تخرب الميزانية ...
فيه ناس ... تحب تآكل في مطاعم فخمة جدا ... وتركب تكاسي بمبلغ وقدره ...
ولا عندها إستعداد تركب باصات وتستخدم مواصلات عامة ... بحكم إن البرستيج ما يسمح ...
بينما لما كنا في رحلة عمل في هولندا ... رئيس الشركة ... بزاته ... لما طلع ... ما طلب تاكسي ...
لما كانت سيارته في الورشة ...
مشى له مسافة 400 متر ...
وركب القطار ... بكل بساطة ... وسهولة .. وتواضع
يعني يا قلبو ... ما أحد نوا يرقيك الأثل ... أو يزرعك فجل
ال 200 ممكن تمشيك ... وال 1000 ممكن ما تكفيك !!!
بقي شيء يا عم ...
أحس أني طولت عليك ...
بس حرام ( تاصل ) ماليزيا ... ولا تشوف لنكاوي ... وتريح أول يومين في سيلانقور .... وتختم في كوالا ...
بمان الكريم
وتصبح ع خير
المفضلات