الموضوع: حزروا شو صار بدكون أكل طيب

السلام عليكم يا أحلى أعضاء بأحلى منتدى ....

اجتمعنا أنا والعيلة على فكرة أنو نروح شي مشوار .... وقررنا نطلع برات الشام .... مطاعم طريق المطار ماصرنا شي رايحن عليها ... قررنا نغير....
م م م ... عين الخضرة ... لأ ... طيب بحيرة زرزر ..... وهون قال صهري إيه والله .... مطعم الحدائق المعلقة واللي بيطل على بحيرة زرزر :24:.... وكان الرحيل

اتجهنا على مطعم الحدائق المعلقة ودخلنا من القوس الحجر الخاص بالمطعم ... نطلع وننزل ، وننزل ونطلع ... هاهاها ، والطريق حجري حلو ومميز ...:108: لغاية ما وصلنا لساحة حجرية حلوة فيها أشكال وألون من اللوحات الحجرية المميزة والجرات القديمة المعتقة ....

[IMG][/IMG]

بعدين شفنا صالة القنطرة ... بس كانت مسكرة ، الظاهر مو شغالة
بعدين وصلنا للممر اللي بيوصل على المطعم الصيني .... وشفنا لافتة بتدل على الكهف .... وهون قلي صهري روحوا باتجاه الكهف ... واتجهنا ...

[IMG][/IMG]

ونحنا باتجاه الكهف .... قلي صهري رح نروح على الصالة الصيفية ... اندهشت ... لأنو الجو برد ( مع أنو الساعة كانت 4.30 والشمس طالعة .... بس المكان بارد وجبلي ) المهم عرفت أنو طريقنا كان للصالة الشتوية والصالة الصيفية والتراس مسكرين .... وهادا اللي شفتو بطريقي للصالة الشتوية ...


[IMG][/IMG]



[IMG][/IMG]

[IMG][/IMG]

خضرة ماشاء الله تفتح النفس والقابلية :106:.....

وفتنا للصالة الشتوية لغاية ما وصلنا لصالة البانوراما .... طبعا الصالة الشتوية كانت مليانة بالعيل وماقدرت صور للأسف .... وفات بهل اللحظة كروب لبنانية .... وبعدين لاحظت أنو نص الطاولات لبنانية ... وتذكرت أنو اليوم الأحد وأكتر الرحلات من بيروت بتكون للشام بهل اليوم ... وهادا وقت رجعتون عبيروت ... بيتغدوا غدا متأخر وبيرجعوا عبيروت ....

المهم وصلنا لصالة البانوراما وهيه صالة شبه خاصة ... مدورة وحلوة بتطل على بحيرة زرزر....

[IMG][/IMG]

وهي المدخل اللي بيوصل للصالة الشتوية

[IMG][/IMG]

وهي اطلالة من البانوراما للمطعم الصيفي

[IMG][/IMG]

[IMG][/IMG]

بس مسكر للأسف التراس الصيفي ... بركي الصيفية الجايه ... هاهاه :109::109:

وهي صورة للبحيرة ...

[IMG][/IMG]

وطلبنا الأكل ... مارح قلكون شو طلبنا لأني صورت الأكل :109: .... واستنوا لتشوفوا شو طلبنا ... واشتهوا يا حراااام ... هاهاها .... استنوني بالجزء التاني :114:

مواضيع عشوائيه ممكن تكون تعجبك اخترناها لك:

• مشتاق الى سوريا
• تخطيط صيني لمعرض سياحي دولي في دمشق
• استفسار الحدود عاجل
• أبـــــــــواب دمـــــشـــق الـــقـــد يــمــة
• عاجل ياشباب الفزعة ناوين سوريا هدايا للمعلقين والمعقبين
• عاجـــــــــــــــــــل الى رواد سوريا الحبيبه
• دليل حضارة ديرمارجرجيس من الآثار السورية المهمة ويشتهر بكنيسته القديمة ومخطوطاته
• سؤال عن مكان في سوريا دمشق
• استفسار عن شقق في منطقة السيدة زينب
• تقرير لسوريا بالصوررررررررررررر
• احذروا من سوريا
• أين الخبير إلى بوابة الشام
• محلات أثاث أرابسك
• أكثر من ألف زائر إلى قلعة الحصن بحمص خلال الشهر الماضي
• سؤال لخبراء صلنفة
• هل صحيح اللي يقال
• هل من خطر للسفر بسوريا بسياره مرسيدس جديده وخاصة الأرياف ؟؟
• عروس الصحراء تدمر
• هل تريد من الشام خدمه مجانية؟
• الحافلات من مطار دمشق إلى البرامكة

مشكور ويعطيك العافية

بارك الله فيك أخي الكريم الرائع شامي مبندق

شوقتنا نشوف الأكل ..


الله يرضى عليك لا تتأخر علينا.

يعطيك العافية واصل فنحن متابعين

والله متابعين بقوووة بس حرام عليك مانبغا تشويق اكثر يكفي احنا هنا بالسعودية ومتشوقين للغاية لزيارة الشام
الله يسلم ايديك يارب صور روعة

بارك الله فيك أخي الغالي شامي مبندق
ولابد من زيارتها مستقبلا انشالله وبصحبتك كمان

يعطيك العافيه علي هذه الصور الجميله الرائعه

فعلآ مطعم يستحق الزياره

مطعم ممتاز
بس عجل علينا بصورة الاكل ... لا تحرق اعصابنا

المشاركة الأصلية كتبت بواسطة (أبو الياسر)
http://www.arabtravelersforum.com/tr...4/#post1675514

مشكور أخي العزيز
أخذتنا خطوة بخطوة وحنا معاك لا تتركنا ننتظر كثير



على راسي والله ... يالله مستعد للخطوة الجايه ... اربط حزام الأمان :109::109::109:

المشاركة الأصلية كتبت بواسطة نبض الحرف
http://www.arabtravelersforum.com/tr...7/#post1675667

بارك الله فيك أخي الكريم الرائع شامي مبندق



على راسي أخي الحبيب :24:

بس وين المطعم عن بحيرة زرزر؟ أنا لما رحت على بحيرة زرزر تقريبا سنة 2000 ماشفت المطعم .. الظاهر إنه جديد

ألف شكر لك ومتابعينك

المشاركة الأصلية كتبت بواسطة alkokab
http://www.arabtravelersforum.com/tr...0/#post1675670






شوقتنا نشوف الأكل ..


الله يرضى عليك لا تتأخر علينا.







خلص لعيونك .. مارح اتأخر ... الأكل عالناررررر :115:

المشاركة الأصلية كتبت بواسطة أشرفـ
http://www.arabtravelersforum.com/tr...1/#post1675781

والله متابعين بقوووة بس حرام عليك مانبغا تشويق اكثر يكفي احنا هنا بالسعودية ومتشوقين للغاية لزيارة الشام
الله يسلم ايديك يارب صور روعة



طيب عملك خطفة زيارة عالشام ... نحنا مستنينك :113:

المشاركة الأصلية كتبت بواسطة ترانيم الولاء
http://www.arabtravelersforum.com/tr...4/#post1675644

مشكور ويعطيك العافية



الله يعافيك يا رب :106:

شكرا ... والموضوع لألكون قبل ما يكون لألي :24:

المشاركة الأصلية كتبت بواسطة صـــقـــر
http://www.arabtravelersforum.com/tr...3/#post1675733

يعطيك العافية واصل فنحن متابعين



الله يعافيك ... وأنا مواصل معكون

واضل أخي واصل ....... نحنا سوا عالهوا .... آكشن ... :109::109::109:

المشاركة الأصلية كتبت بواسطة تورا بورا
http://www.arabtravelersforum.com/tr...1/#post1675811

بارك الله فيك أخي الغالي شامي مبندق
ولابد من زيارتها مستقبلا انشالله وبصحبتك كمان



تسلم يارب ... وألي الشرف .... والعزيمة على ..... حسابك .... هاهاها ... أكيد على حسابي ... بتحضر وبيحضر واجبك أخي :101:

المشاركة الأصلية كتبت بواسطة ابوالشهيدين
http://www.arabtravelersforum.com/tr...6/#post1675916

يعطيك العافيه علي هذه الصور الجميله الرائعه

فعلآ مطعم يستحق الزياره



صراحة الصور ما عطت المطعم حقو ... المطعم عالحقيقة أحلى .... بتمنى تزوروه وتحبو وتحبو أكلو :24:

المشاركة الأصلية كتبت بواسطة beebo2007
http://www.arabtravelersforum.com/tr...4/#post1676134

بس وين المطعم عن بحيرة زرزر؟ أنا لما رحت على بحيرة زرزر تقريبا سنة 2000 ماشفت المطعم .. الظاهر إنه جديد

ألف شكر لك ومتابعينك

بالحقيقة هو قبل ما توصل لبحيرة زرزر ... يعني مفرق بيروت بتفوت منو واللي هو عاليسار ( ومفرق بلودان عاليمين ) بعد المفرق بشوي بتشوف على ايدك اليمين طلعة وقوس مكتوب عليه الحدائق المعلقة .... بتكون وصلت ...

بس بتصور المطعم صرلو 5 سنين يعني من 2002 .... يعني حقك ما تكون شفتو بال 2000

ودمتم :114:

المشاركة الأصلية كتبت بواسطة شامي مبندق
http://www.arabtravelersforum.com/tr...9/#post1676139

طيب عملك خطفة زيارة عالشام ... نحنا مستنينك :113:



الله عليك يا شامي:101: والله كلمتك تغسل القلب ربي يسعدك وين ماتكون:113::113: والله تبشر بس كيف اتواصل معك ولك تقديري

المشاركة الأصلية كتبت بواسطة target1
http://www.arabtravelersforum.com/tr...5/#post1676155

...فقله زوجي انا مابدي الرحلة نحن ملتزمين ...وما بتعجبني هالاماكن يلي هيك...وحيجن الموظف وبده يقنعه فيها بصعوبة وزوجي مو راضي خخخخ وبعدها ما كملنا ولا رحنا ولا جينا


...



والله أنه رجال عرف لهم صح :113::113::113::113:

قريتوا ... وان شاء الله استمتعتوا بالجزء الأول من حكايتي ... رح نحكي اليوم الجزء التاني ... تفضلوا ...

من بعد ما طلبت الأكل ... تذكرت هون أني مالي مصلي العصر :108:... رحت وتوضيت وصليت ... والجامع فيه قسم نسائي منفصل عن القسم الرجالي والموضأ ضمن الجامع ..

[IMG]http://www.nua3m.net/vb/[/IMG]

وهي اللافتة البنية هي اللي بتدل على الجامع والموضأ .... والطريق للجامع حلو وكلو حجر وخضرة كمان

شوفوا ماشاء الله

[IMG]http://www.nua3m.net/vb/[/IMG]

وهي صورة لثريا خشبية بالسقف عجبتني :101:

[IMG]http://www.nua3m.net/vb/[/IMG]

وانا راجع من الجامع شفت منظر للمقصف الصيفي عجبتني زاويتو فصورتوه

[IMG]http://www.nua3m.net/vb/[/IMG]

يعني شو بدي قلكون شي بيشهي عن جد ....شي بيفتح القابلية وبيريح الأعصاب ... ولا الهوا ... منعش وبارد وحلوووووو

وهي صورة لكراج السيارات

[IMG]http://www.nua3m.net/vb/[/IMG]

وهي الدرج بيوصل للكراج وللمطعم الصيفي

[IMG]http://www.nua3m.net/vb/[/IMG]

ولما وصلت للطاولة لقيت المقبلات وصلت :
1- برك بجبنة .
2- فتوش .
3- مسبحة .
4- متبل .
5- بطاطا مقلية .
6- كولا وخبز طازج صغير وطيب .

[IMG]http://www.nua3m.net/vb/[/IMG]

أكلنا ونقرشنا وتهيأنا نفسيا للدسم اللي جاي .... هاهاه... مستعدين
ووصل الأكل .... هاااااااام م م م

1- رز برياني .
2- كباب حلبي لحمة .
3- كباب حلبي دجاج .
4- اسكالوب ميلانيز .
5- اسكالوب عادي .
6- لحم جيكو مع بطاطا بيريه وصوص المايونيز ..... أوووووف على هالأكلة شي بيجنن .....

وشوفوا يا حلوين :24:

[IMG]http://www.nua3m.net/vb/[/IMG]


وهيك بنكون انتهينا من الجزء التاني وماقبل الأخير

بدكون تشوفوا الجزء الأخير.... تابعووووووني :106:

اشكرك أخي شامي
متابعينك يالحبيب
شهيتنا الله يحفظك

صور رائعة للمطعم لكن للاسف عند زيارتي الاخيرة لم انتبه للمطعم وبانتظاااااار الاكل !!!!!!! مشكور اخي شامي مبندق

ماشالله عليك شامي مبندق
وصف دقيق ومتميز
صور قمة بالدقة ماشالله
تشويق لحد الموت
الله يسعدك ياشيخ وين ماتكون
انا معك متابع

يعطيك العافية اخوي شامي مبندق

مواضيعك جميلة جدا وخصوصا انها تتحدث عن المطاعم ههههههههههههه

صور روعة و تعليقات اروع الله يسعدك

يا سلام خوش مطعم

ياليت تذكر لنا العنوان بالضبط واسم المنطقه

عشان بالسفرات الثانيه تكون لنا رحله للمكان

صراحه يستاهل الزياره ..

تابع

ونحن وراك ..

وبعد ما تغدينا ... وتسلينا ..:106:.. اجا شب وعطانا بطاقات لنمليها مشان نربح رحل مجانية من شركة سياحية ... وعبينا تلت استمارات ... طبعا نفس الإستمارات اللي قالت أنو السيدة الشامية المحترمة ....

ولمحت هالمنظر من بعد ما عبينا الإستمارات وحبيت صورو ...

[IMG]http://www.nua3m.net/vb/[/IMG]

[IMG]http://www.nua3m.net/vb/[/IMG]

قلت للحق صور قبل ماتغيب الشمس .... وغابت الشمس ....ترااااااا :108:

وهون صار موعد صلاة المغرب .... قمنا صلينا .... ورجعنا لنلاقي الفواكي من تفاح وبرتقال ويوسفي وموز مستنيتنا ..... والشاي السخن كمان عمبينصب بالكاسات وعمبيقول حلوني واشربوني ... هاهاهااه

وعتمت الدنية بهل الوقت وصار لازم نروح ... وقررنا نطلع على مضايا .... لأنو موجاي على بالنا نطلع على بلودان :105:

وطلبنا الحساب اللي كان 2830 ل.س دفعنا 2900 ( علما أنو كنا 6 أشخاص ) وكان الأكل على القد وأزود شوي .... وطيب يا جماعة ...كتيرررررر طيب

المهم قبل مانمشي اجا نفس الشب وقال السيد فلان ... قلو صهري أنا ... قلو ممكن تتفضل معنا ... حضرتك ربحت 5 أيام سفر مجاني من شركتنا ....

تفاجأ صهري ... ونحنا انبسطنا ... وصرنا نقلو بدنا الحلوان يا معلم .... وراح هو وأختي ليستلمو الجائزة ... وكانت 5 أيام بشرم الشيخ .... يا عين .... بسويت مرتب ... هنن بس عليهون التكت ..... وااااااو .... طبعا أنا تجاكرت منو ... بس دعيتلو يا خدني معو لأنو الرحلة لأربعة أشخاص ... هاهاها

بس صراحة أنا ماحبيت شغلة الـ 1000 ليرة اللي لازم تدفعها وتستردها ... بس صهري ما فرقت معو لأنو قلي أنو رفيقو صار معو نفس الشي واسترد المبلغ ... وهلق بدو يحضر لسفرة ... :114:

صراحة أنا الموضوع ماكتير هضمتو ... م م م :105:

المهم ... طلعنا ونحنا بدنا نتجه لمضايا مشان نشتري شوية أغراض ونشوف ( أجلكم الله ) شوية أحذية وجواكيت شتوية .... شفنا ساحة المطعم والإضاءة مزينتها بألون حلوة ... وصورت هالصور .... شوفون ...

[IMG]http://www.nua3m.net/vb/[/IMG]

[IMG]http://www.nua3m.net/vb/[/IMG]

[IMG]http://www.nua3m.net/vb/[/IMG]

طبعا من دهشتي أول ما اجينا عالمطعم ماصورت هالدخول ... بس صورتون ونحنا طالعين :24:

[IMG]http://www.nua3m.net/vb/[/IMG]


[IMG]http://www.nua3m.net/vb/[/IMG]

هي صورة لطاحونة هواااااا


[IMG]http://www.nua3m.net/vb/[/IMG]

وهي صورة لقوس حجري من خلالو بتقدروا تشوفوا نافورة مي ...

[IMG]http://www.nua3m.net/vb/[/IMG]

وهي اللوحة الأسمية للمطعم

[IMG]http://www.nua3m.net/vb/[/IMG]

وهي صورة للمنارة المصغرة تبع الإسكندرية

[IMG]http://www.nua3m.net/vb/[/IMG]

[IMG]http://www.nua3m.net/vb/[/IMG]

وهي صورة عامة للمطعم قبل ما نودعوا ...

[IMG]http://www.nua3m.net/vb/[/IMG]

عن جد اشتهيت كل محبين الشام ومطاعم الشام والأكل الشامي ... أنو يكونوا معنا بهل اليوم الحلو اللي قضيناه بمطعم الحدائق المعلقة ..... بتمنى يكون عجبكم التقرير ... وبنلتقي بتقرير جديد ... :11ight::11ight::11ight:

والسلام على الكرام ... ولا ملام .... :x1: هاهاها :x1:

الشكر الجزيل لك اخي الكريم على هذه المعلومات السياحية الثمينة

شو رأيكون بجزء جديد من هالمطعم الظريف

والله يأخي كتبت رد( طويل عريض) ولكن الانترنت ومشاكلة
ملخص ماكتبت
طلب وامنيه من اخينا شامي مبندق
ان يحاول ان يكتب مايريد باللغة العربية وليس باللهجة المحلية اللهجات العربيه مفهومة لدينا نحن اخوانكم في الخليج
سماعا لكن قراءة اجد صعوبة كبيرة في التهجئة ووالله لو تكتب باللهجة الخليجيه لن استطيع قراءتها كذلك
لك وافر الشكر على امتاعنا بالصور لكن الكلام تجاوزت اغلبة لصعوبة فهمة وقراءته ولانه يأخذ الوقت الكثير لفك شفرته وطلاسمه
اخوك سواح