الموضوع: سفره لمدة ليلتين ودي بشاليهات حلوه

السلام عليكم ..
ناوين اذا الله سهل نطلع لقطر يوم الثلاثاء الجاي ...
وكان بودنا تكون طلعتنا لشاليهات حلوه بقطر
وسمعت عن شاليهات أو منتجه سيلين ..
وكلمناهم وحجزنا فله 3 غرف نوم بسعر 1900 ريال لليله ..
بس اكتشفنا بعدين ان المنتجع باخر الدنيا وبرى الدوحه وفي مقطعه حتى بقاله قريبه ما فيه ..

فودي بمكان ثاني يكون نظيف وحلو وسعره مقارب للسعر الحالي ..
واهم شي يكون فيه ترفيه سواء قوارب أو جت سكي وغيره ..
ولو ما فيه ..

ياليت افضل الفنادق الي على البحر ويكون فيها انشطه على البحر وبسعر مقارب ..

وجزاكم الله الف خير

مواضيع عشوائيه ممكن تكون تعجبك اخترناها لك:

• تطبيق دليل قطر السياحي لأجهزة الأيفون حالياً على متجر آبل
• رحلة الى مسيعيد
• شاليهات سيليين ؟
• يايتنكم قطر
• سؤال الي الاخوه في قطر
• طيران الجزيرة تدشن رحلاتها بين الكويت والدوحه
• أريد المساعدة
• استفساري لخبراء التسوق في قطر
• روتانا تخطط لافتتاح فنادق جديدة بالإمارات وقطر هذا العام
• جاي مع العائلة وعندي بعض الاستفسارات
• فزعتكم يالقطريين
• استفسار عن محيل
• ممكن مساعده بسرعه
• مملكة علاء الدين
• استفسار عن بداية اجازة الربيع الدراسية في قطر؟؟؟
• ترتيب رحلة لقطر بعد العيد
• الشيخ تميم من أبرز «» شخصيات آسيوية
• لأول مره سأزور قطر الشقيقة و لدي استفسارات اتمنى السرعه في إجابتها
• قطر يا أهل قطر
• ابي فزعتكم

حياك الله في بلادك قطر


احلى ورقى شاليهات في قطر هي جراند حياة


وهاذا تقرير عنه وسعاره ممكن تكون لغلى شوي بس يستاهل سعره


وموقعه ممتاز قريب من كلشي


http://www.arabtravelersforum.com/travel306246/


واي خدمه احنا حاضرين

الف شكر لك ..
بس الاسعار موب اغلى شوي الله يحفظك ..
فرق كبير ..

يعني مو معقول :





الفيلا المتوسطة دورين (صالة و3 غرف نوم) 10500 ريال، وتطل على بركة سباحة.



والله شكلنا بنجلس فيها والله يسهل ..

بس هل فعلاً هي بعيده ؟؟

ياليتك وما عليك امر تعطينا رقم شاليهات السيلين الي حجزتو منها لانني في الرياض وابغى احجز في اسرع وقت يمكن نمشي بكرة او اليوم اذا خلص مشكله في الجواز

المشاركة الأصلية كتبت بواسطة رها
http://www.arabtravelersforum.com/tr...1/#post4239161

ياليتك وما عليك امر تعطينا رقم شاليهات السيلين الي حجزتو منها لانني في الرياض وابغى احجز في اسرع وقت يمكن نمشي بكرة او اليوم اذا خلص مشكله في الجواز

سم هذا رقمهم

0097444765299

المشاركة الأصلية كتبت بواسطة the ro0ok
http://www.arabtravelersforum.com/tr...8/#post4239348

شيوديك السيلين اخر الدنيا وفي الدوحه كل شاليه احلى من ثاني السيلين وايد حلو وراقي بس في الدوحه في ارقى منه وافخم
اخوي نك شاليه جراند حياة افضلهم وعندك بعد شرق وايد حلو انت شوف الي يعجبك الاول في افخم منطقه في قطر والثاني جمب المطار تقريبا

طيب انا ما اعرف وش الزين ووش الشين والاسعار لازم تكون حلوه ...
جراند حياة زي ما شفت اسعارها موب معقوله ..
ومادريت أنه بأخر الدنيا إلا يوم اني كلمتهم وحجزت ...
ومو مشكله عندي اغير بس عطوني البديل عساكم على القوه دوم يارب

تحملوا تروحون سيلين المنطقه تلوع الجبد اخر الدنيا مافيها شي وخطره جداً

اللي بيروح هناك بيخاطر بعمره

اسكنوا في جراند حياة احسن لكم بألف مره

مااعرف شكثر تبعد بس وايد بعيده

يعني حط في بالك انك لو رحت هناك مب قادر توصل الدوحه

ياأما تكون في سيلين أو الدوحه

وأنا ادري ان السعر أغلى بس جراند أرقى بوايد ومكانه زين وقريب من البلاد والصراحه هذي اسعارنا في قطر واللي يبي الزين يضطر يدفع

وسيلين مكان خطر جداً

السيارات تتحاذف من كل صوب واللي يبي يحافظ على حياته مايروح سيلين

حنا حاطين في بالنا انه شاليه يعني الجلسه بتكون في الشاليه اليوم الثاني بنطلع للدوحه وبنرح نتسوق و أخواني بيحضرون المباراة ..
وبعدها بنرجع اليوم الثالث برجع للسعوديه ...
يعني برضوا المخطط موب حلو ؟؟
------
الي مخوفني الحين وضع الشاليهات نفسها ..
هل فيه ترفيه ولا لا ؟؟
هل فيها قوارب وجت سكيات وحركات ولا بس البحر والشاليه والبرك وخلصنا

أخوي شاليهات سيلين نص ساعة من الدوحة وبجنبها مدينة مسيعيد الصناعية فبإمكانك أخذ حاجياتك من هناك حيث تتواجد جمعية وبنك ومكاتب مدينية عدة

بالنسبة للخطورة فما أشوف فيها أي خطر لانها في بداية منطقة الكثبان الرملية فإنتوا راح تكونون بعيد عن السيارات

بالنسبة للأنشطة فلا أعلم صراحة لكن بإمكانك تسئل إدارة الفندق لانهم على علم بكل الأنشطة هناك

مثل ماقال اخوي الشاليهات حلو وفي منطقه سياحيه بس متوسطة الخطوره
بس انا كنت اتمنى انه كنتي حاجززه في جراند حياة ولا شرق لانهم انسب وافضل

المشاركة الأصلية كتبت بواسطة رها
http://www.arabtravelersforum.com/tr...1/#post4239161

ياليتك وما عليك امر تعطينا رقم شاليهات السيلين الي حجزتو منها لانني في الرياض وابغى احجز في اسرع وقت يمكن نمشي بكرة او اليوم اذا خلص مشكله في الجواز



أختي رها ما أنصحج تتعنين من الرياض وتروحين سيلين لأنها منطقة بعيدة ومقطوعة وما تنفع للي جاي سياحة يعني أكيد تبين تزورين المجمعات وهي بعيدة جدا وطريقها صحراوي أنصحج تسكنين في الدوحة لأن كل الأماكن فيها قريبة من بعض وفيه منتجع على البحر اسمه فندق السلطان وهو في مدينة الخور ويبعد 50 كيلو عن الدوحة واعتقد اسعاره أقل من غيره .