السلام عليكم ورحمة الله
اخواني اعضاء المنتدى اوصيكم بالحذر ثم الحذر من السائق رضا ( ابو محمد ) ورقم جواله **************** وسيارته من نوع هونداي - النترا موديل 2007 لون اسود .
هذا السائق يا اخوان في العقد الخامس من العمر ويلبس نظارات متوسط القامه يميل لذوي البشره السمراء وهذا الوصف علشان لو غير اسمة ورقم جواله تعرفونه على طول وتدعون لي .:114: الله واكبر ياكرمبو :109:
قصتي مع هذا السائق الكمسيونجي بتاع العمولات:36_7_14: ابي اقولها لكم للعضة والعبره والسالفة يا اخوان اني اخذت رقم هذا السائق من موضوع مثبت عن اسماء السائقين الموصى بهم في القاهره في منتدانا الموقر واول ما وصلت اتصلت عليه وحضر للفندق وتم الاتفاق معه على مبلغ 200 جنية يومياً شامل المشاوير والانتظار والبنزين واي رسوم اخرى وفي اليوم الاول طلبت منه الذهاب الى القرية الفرعونية وطوال الطريق للقرية الفرعونية الرائعة فعلاً وهو ما غير يحكي ويمدح ويوصف جمال وروعة القناطر ورحلتها النيلية الحالمة :24: وقلت في نفسي الظاهر أن الرجال عنده سالفة ووافقت أن يأخذني اليوم الثاني للقناطر ويوم أن وصلت هناك وداني على طول لمرسئ محدد وقابلنا الريس حق المركب وطلب على الرحلة 600 جنية لمدة 6 ساعات ورفضت هذا المبلغ المبالغ فيه وقلت للسائق ابو محمد وديني على مرسى ثاني قال لي ياباشا كل المراسي الثانية مقفله النهار ده علشان الرئيس اوباما هنا وهذا المرسى الوحيد الشغال :114: قلت له ليش اهو المرسى الوحيد الشغال عنده حصانه والا مركب لوحات امريكية , والا عسى ما يكون رئيس المركب ذي امريكي المهم بعد مفاوضات مارثونية : gathering تم الاتفاق على 300 جنية مع الغداء على المركب واكيد ضاحكين على بعد :109: المهم بدأت الجوله الميمونه والتي كانت اقل من عادية وما هي على قدر الوصف حدائق تعيسه بسبب الاهمال وجزيرة الموز وجزيرة العسل وما ادري وش هو المهم انتهت الجوله وطلبت من السائق ابو محمد ارجاعي للفندق ويعود علي باكر الساعة 9 الصبح علشان نروح للاهرام وفي اليوم الثالث حضر السائق ابو محمد الساعة 11 وقلت له ورى تأخرت موعدنا الساعة 9 وقال لي ما عليش ياباشا الشوارع زحمة ومقفلة علشان اوباما :114: المهم تحركنا على الاهرامات ويوم أن وصلنا طلبت منه الدخول الى موقع الاهرامات بالسيارة وقال ماعليش ياباشا دخول السيارة لموقع الاهرامات ممنوع :114: ولكن ممكن تركب الحنطور هو الوحيد اللي مسموح له بالدخول لموقع الاهرامات :114: واخذني السائق ابو محمد الى موقع الحناطير وقابلنا الرئيس بتاع الحنطور وبعد مفاوضات مارثونية وخارطة طريق :gathering تم الاتفاق معه على 80 جنية لفة كبيره ألله واكبر يا بنتلي وركبت الحنطور والحقيقة كنت مستانس عاد انا رجال فارس وراعي فروسية وجوايز من ايام الجامعه :11ight: المهم يوم أن وصلنا موقع الاهرام الا والله السيارات اشكال والوان وانواع ما غير تمرح حول الاهرامات :114: عاد انا وقتها :112: اتصلت بالسائق ابو محمد وطلبت منه الحضور فوراً لمواقف ميناهاوس ويوم أن جاء سألته ورى تكذب علي وتقول السيارة ممنوع تدخل موقع الاهرامات ؟ اجل كل هالسيارات استثناء ؟ قال لي ما عليش ياباشا انا مش عاوز اطلع بالعربية بتاعتي فوق :36_7_14: ساعتها :36_1_29: وعرفت أن الرجال ما هوب مزبوط وطول الوقت وهو ما غير يسمسر علي ويقبض عمولات من يوم سالفة القناطر الى سالفة الحنطور وقلت في نفسي والله ان اوريه الشغل البدوي المزبوط يكون له درس العمر :24: وطلبت عسكري الشرطة السياحية :1279:وقلت له ضاعن مني في سيارة السائق هذا مبلغ 5 الاف جنية واكيد لقاها بالسيارة واخذها :36_1_15: والرجال جاحدني ولو سمحت اكتب محضر ابي دراهمي وعلى طول العسكري سحب الرخص ومفتاح السيارة من ابو محمد وطلب منا الذهاب معه للمكتب لعمل محضر واستكمال باقي الاجراءات وابو محمد يوم أن شاف الجد :110: عاد انا يوم أن شفت دموعة اربع اربع كسر خاطري وقلت في نفسي اللي جاه كفاه :36_1_11: وقلت لعسكري الشرطة السياحية ما ابي محضر ولا ابي اظلم الرجال الحقيقة ماني متأكد اذا الدراهم ضاعن بالسيارة والا بالفندق والا بالشارع يعوضني الله خير وفكيت ابو محمد من شري وتعوذت من الشيطان وقلت له لا عاد اشوف خشتك هذي مره ثانية الا وهو يترجى سامحني ياباشا والله ما كنتش بقصد حاقة قلت له امعصي انت رجال منت مزبوط ولا تصلح لي ابد , توكل على الله . وكملت اللفه في الاهرامات على الحنطور ويوم أن انتهت الجوله نزلت من الحنطور والا سواق الحنطور يسألني اوعى ياباشا يكون وقع منك فلوس في الحنطور :109: اللي ودي اقوله يا اخوان الواحد يكون حذر وترى بعض الظن اثم وما هوب كل الظن اثم والواحد لامن بغى يلف ويدور وينصب ويحتال والله ما فيه اسهل من هالشئ وترون ابليس:36_1_15: والعياذ بالله في مثل هالمواقف والامور راعي فزعه الله يحمانا واياكم .
ودمتممواضيع عشوائيه ممكن تكون تعجبك اخترناها لك:
- ارجوا الافاده عن الفنادق
- ارغب بنصيحة منكم بخصوص السكن
- حد نازل مصر بسيارته من يوم الى اول
- سفرتي الجمعه ساعدوني
- لزوار مصر ولأصحاب الخبرهطلب
- أفضل فندق في شرم الشيخ
- ضريبة المطار
- اسكندرية في يوم
- احسن طريق للسفر للاسكندرية ؟
- ثاني ايام العيد نتواجد فى ام الدنيا
- هل طريق القاهره الغردقه أمان الان ؟
- مباريات الاشقاء العرب
- احتاج رقم ابو ماجد السائق
- سعر التذكره
- مصر
- ممكن مساعدة
- سؤالين بسيطه
- للمقيمين فترات طويله شراء سياره او استئجار ها افضل
- ترتيب رحله قصير الى مصر
- ما هي المطاعم والاماكن والسهرات العائلية في القاهرة
رد مع اقتباس
المفضلات