السلام عليكم ورحمة الله وبركاته اول شي حابه اشكر كل من يقدم خدمه لأخوانه المسافرين لوجه الله
بصراحه منتدى متكاتف غير غير عن كل المواقع الله يبارك بجهودكم وبأوقاتكم
من كثر ماشفت روابط وتقارير ماشاء الله حلوه وبرامج لرحلات تلخبطت والله
وما انلام لاني اول سفره لي خارجيه وماعندي ابد خبره
انا بسافر لماليزيا بس محتاره بشغلات كثيره وافكاري مو مرتبه
عندي مجلد مليان عن ماليزيا وفنادقها واماكن السياحه فيها
بس ماقدرت ارتب افكاري والمعزب يحتري الجدول يجيه
وهو ماعليه الا الحجوزات يدفع فياليت تساعدوني
اول شي بحطكم بالصوره انا وزوجي من عشاق الطبيعه والهدوء
نكره الاسواق ولجتها بس مضطره لو يوم للسوق الصيني لشراء شوية هدايا
ودي بلنكاوي
والكاميرون
وبينانق
وجنتنق
وكوالا ودي يوم واحد بس لفه بالباص المعلق والتصوير
ودي بعد بمنتجع في بورت ديسكون يكون اخر محطه للإسترخاء والاستجمام
الميزانيه ككل 15 الف شامله تذاكر الطيران وحجوزات الفنادق والمصروف اليومي فإذا ماتكفي علموني عشان احسب حسابي وهل هذا السعر يعتبر متوسط
الاشخاص :2 بالغين
مدة الإقامه : عشر ايام و11 ليله
كل المدن اللي فوق وعشر ايام حلوها لي من جد متلخبطه
الفنادق ابيها اقتصاديه لو نجمتين اهم شي النظافه
افضل خطوط وتكون اقتصاديه وخدمتهم ماعليها خلاف
ابي المسافه بين المدن اللي ذكرت فوق
يعني مثلا كم تبعد من نقطة البدايه اذا كانت البدايه كوالا
عادي احذفو اللي تشوفونه مناسب لان اتوقع الجزر تتشابه
فزيارة جزيره وحده تكفي سيلانقور وكوالا مدري حسيتهم مدن وزحمة عالم
ودي بزيارة عالم ماتحت البحار والعالم المفقود
هل يمديني ادرجهم في جدولي وتكون موجوده بأحد المدن اللي بزورها
وهل الطريق للكميرون يخوف ؟ يعني عقبات والا منحنيات ؟
لاني اهوجس بالطريق مع ان المنطقه مررره عاجبتني
وودي فيها بس من الطريق فكرت احذفها من بالي
ياليت تستحملوني اخواني واخواتي الاعزاء بس مالي بعد الله الا انتم
والله حطكم في طريقنا يالمسافرين وفتح لكم باب للخير بمساعدتكم لنا
فالله يجزاكم خير من قبل ومن بعد انتظر ردودكممواضيع عشوائيه ممكن تكون تعجبك اخترناها لك:
- وين مكان منتزه تامن نيجارا والاحداثيات
- عاجل امل المساعده
- حجز الطيران
- برنامج لأ 17 يوما تقريبا . ارئكم ومقترحاتكم
- اريدافضل جدول شهر عسل في ماليزيا
- حجز الفنادق عن طريق البوكينج وسحبها بالفيزا
- سؤال عن في كوالا
- ضروري يا شباب
- عرض شهر عسل بماليزيا 9 ليالي 10 ايام 2017
- الجو بيكون أفضل أي وقت في ماليزيا ؟
- التنقل من لنكاوي الى جنتنج
- استفسار عن ميزانية السفر لماليزيا مع الأطفال لمدة أسبوعين
- استفسار عن جنتنج
- أرجو المساعده اول مره اسافر خارج السعوديه
- استفسارت لخبراء مليزيا الفنادق العائلية؟
- تمتع بأروع الإجازات في ماليزيا برفقة أونيكس
- مجموعه استفسارات ☺
- خبراء ماليزيا مشورتكم عالتنقلات بين المدن
- أستفسار بخصوص الحجز بموقع اجواد في كوالامبور
- ممكن تساعدوني في ترتيب برنامجي السياحي
المفضلات