الموضوع: مسافره محتاسه وجايه طالبه الفزعه

السلام عليكم ورحمة الله وبركاته اول شي حابه اشكر كل من يقدم خدمه لأخوانه المسافرين لوجه الله
بصراحه منتدى متكاتف غير غير عن كل المواقع الله يبارك بجهودكم وبأوقاتكم
من كثر ماشفت روابط وتقارير ماشاء الله حلوه وبرامج لرحلات تلخبطت والله
وما انلام لاني اول سفره لي خارجيه وماعندي ابد خبره
انا بسافر لماليزيا بس محتاره بشغلات كثيره وافكاري مو مرتبه
عندي مجلد مليان عن ماليزيا وفنادقها واماكن السياحه فيها
بس ماقدرت ارتب افكاري والمعزب يحتري الجدول يجيه
وهو ماعليه الا الحجوزات يدفع فياليت تساعدوني
اول شي بحطكم بالصوره انا وزوجي من عشاق الطبيعه والهدوء
نكره الاسواق ولجتها بس مضطره لو يوم للسوق الصيني لشراء شوية هدايا
ودي بلنكاوي
والكاميرون
وبينانق
وجنتنق
وكوالا ودي يوم واحد بس لفه بالباص المعلق والتصوير
ودي بعد بمنتجع في بورت ديسكون يكون اخر محطه للإسترخاء والاستجمام


الميزانيه ككل 15 الف شامله تذاكر الطيران وحجوزات الفنادق والمصروف اليومي فإذا ماتكفي علموني عشان احسب حسابي وهل هذا السعر يعتبر متوسط
الاشخاص :2 بالغين
مدة الإقامه : عشر ايام و11 ليله
كل المدن اللي فوق وعشر ايام حلوها لي من جد متلخبطه
الفنادق ابيها اقتصاديه لو نجمتين اهم شي النظافه
افضل خطوط وتكون اقتصاديه وخدمتهم ماعليها خلاف
ابي المسافه بين المدن اللي ذكرت فوق
يعني مثلا كم تبعد من نقطة البدايه اذا كانت البدايه كوالا
عادي احذفو اللي تشوفونه مناسب لان اتوقع الجزر تتشابه
فزيارة جزيره وحده تكفي سيلانقور وكوالا مدري حسيتهم مدن وزحمة عالم
ودي بزيارة عالم ماتحت البحار والعالم المفقود
هل يمديني ادرجهم في جدولي وتكون موجوده بأحد المدن اللي بزورها
وهل الطريق للكميرون يخوف ؟ يعني عقبات والا منحنيات ؟
لاني اهوجس بالطريق مع ان المنطقه مررره عاجبتني
وودي فيها بس من الطريق فكرت احذفها من بالي
ياليت تستحملوني اخواني واخواتي الاعزاء بس مالي بعد الله الا انتم
والله حطكم في طريقنا يالمسافرين وفتح لكم باب للخير بمساعدتكم لنا
فالله يجزاكم خير من قبل ومن بعد انتظر ردودكم

مواضيع عشوائيه ممكن تكون تعجبك اخترناها لك:

• ممكن مساعده لرحله لماليزيا جزاكم الله الفردوس
• قبل حجز الطيران الدولي استفسار بسيط
• استشارة لتعديل جدول الرحلة
• افيدوني اول مره رايح ماليزيا
• طيران ناس الدولي
• بينانغ الكاميرون
• أحتاج أرخص طيران من كوالالمبور الى هونق كونق
• ايش افضل الفنادق في كوالالمبور و لنكاوي و سلانغور
• أول سفره لي خارج المملكه وأخترت ماليزيا ساعدوني
• فنادق نظام اكواخ في لنكاوي وبياننغ
• مسافرة وعندي تساولات عن الطفل الرضيع
• فزعتكم ياجماعة تراي جديد على السفريات
• محتار في
• هل من طريقة لتأكد من حجز الفنادق عم طريق موقع بوكينق
• هذا برنامجي موضح فيه كل شي من فنادق ووصول وكل شي اريد وجهة نظركم
• نشوفكم على خير
• التخطيط لشهر العسل ساحرة الشرق ماليزيا
• مسافر ماليزيا بس محتاج جدول سياحي
• رحلتي الى ماليزا بعد شهرين؟
• ابي فزعتكم يا راعين ماليزيا

أهلآ أختنا الكريمة ... ونشكرك على كلماتك الطيبة بحق أخوانك في المنتدى

كلنا والله نتشرف ونسعد بالخدمة وتقديم المعلومة ... ونرجو فقط ( الدعاء بظهر الغيب ) ...

نأتي لمحور حديثنا ... ونبدأ بالمعطيات :

* الرحلة مدتها ( 10 أيام )

* الميزانية ( 15 ألف ريال )

* تحبون الطبيعة والهدوء ... ولايهمكم التسوق

الحلول :

أفضل تقسيم للأيام العشرة هو على النحو التالي :

يومين البورت ديكسيون ... منتجع القراند لكزس ( فلة بمسيح خاص )

ثلاثة أيام لنكاوي ... فندق اللنكاوي لاقون

يومين جنتنغ ... فندق الفيرست وورلد ( غرلفة وورلد كلوب )

ثلاثة أيام كوالا ... فندق الدورسيت ريجنسي

طريقة التنقلات بين المدن :

* من المطار إلى البورت ديكسيون ... تاكسي ( 80 رنقت ) والمسافة ( 50 دقيقة )

* من البورت ديكسيون إلى لنكاوي ... طيران air asia عبر مطارهم الخاص بكوالا ( 50 دقيقة )

* من لنكاوي إلى جنتنغ ... طيران لكوالا ( 45 دقيقة ) ومن المطار تاكسي إلى جنتنغ ( ساعة )

* من جنتنغ إلى كوالا ... تاكسي بسعر ( 90 رنقت ) والمسافة 45 دقيقة فقط


ملاحظات تهمك :

* الجدول يميل للهدوء أكثر ... حسب رغبتكم

* التنقلات سهلة جدآ ... وأقل من ساعة بين كل هذه المدن

* جنتنغ ( سحر وخيال وطبيعة راااائعة ) وتستحق يومين بكل جدارة

* أتوقع تكفيكم ( 15000 ريال ) فنادق + مصروف يومي + طيران داخلي + هدايا


http://img16.imageshack.us/i/hghtde.png/

الله يجزاك خير ويطول بعمرك على طاعته ويقويك ويعينك على ماتقوم به من جهود جباره

الحمد لله انه تنظم لي جدول باللي نفسي فيه
بس افهم انه 15000 ماتشمل حجز الطيران من السعوديه لماليزيا ؟
وماذكرت لي اخوي بارك الله فيك احسن خطوط تكون اسعارهم اقتصاديه ؟

الله يجزاكِ خير أختي الكريمة على دعواتك الطيبة

بخصوص الطيران الأفضل والأرخص فهو ( السعودية - الماليزية - السيرلانكية )

قارني بين هذه الأسعار ... وأختاري الأرخص منهم ...

أو أعطيني تاريخ الذها ب والعودة + مدينة الأقلاع ... وراح أبحث لكم بأذن الله عن رحلة طيبة

التكلفة التقريبية للرحلة :

* الطيران الدولي بحدود ( 5000 ريال ) للشخصين

* الفنادق التي ذكرتها بحدود (5500 ريال )

* المصروف اليومي ( 450 ريال * 10 أيام ) = 4500 ريال

* الطيران الداخلي والتنقلات ( 500 ريال )

الأجمالي ( 15500 ريال ) ... يمكن تنقص شوي أو تزيد شوي


http://img16.imageshack.us/i/hghtde.png/

جزاك الله خير بكذا اقدر احدد ميزانيتي الله يفرج عنك كربة من كرب يوم القيامه روح ياشيخ جعل حياتك سهاله
والله تنفست الصعداء من اول ادور في دائره وماني عارفه كيف ابدا ووش اسوي
ماتقصر اخوي ان كان ع الحجز باقي والله ماحددنا ان شاء الله بشهر 7 هجري
بس قريت انه مو توقيت مناسب ؟؟ احنا ودنا انه ماتصادف ايام اجازات رسميه ولا موسم سياحه عندهم وغلا وزحمة ناس
وش رايك .. اقترحو علينا بشهر 12 او واحد هجري بس ما ادري انتم اهل الخبره وتعرفون

العفو أختي الغالية ... ماسوينا إلا الواجب ... ومقصرين والله ...

وبصراحة أفضل وقت لزيارة ماليزيا هي الأشهر التالية ( 3 - 4 - 5 - 10 - 11 ) هجري طبعآ

في هذه الأشهر ... تنخفض الأسعار ويقل السياح وتتحسن الأجواء ...

ولو كنت مكانكم ... أسافر في ( شوال ) بعد العيد مباشرة


http://img94.imageshack.us/i/hghtdx.png/

شورك وهداية الله دام الجدول اعتمدناه وكل شي شهر 10 مناسب بقوه خصوصا ان له ذكرى حلوه جزاك الله خير وكثر الله من امثالك وجعل ماتقوم به في ميزان حسناتك

أتفق مع أخي وافي بخصوص التوقيت الأفضل لزيارة ماليزيا وأرى أنه ما أحد يسافر في الصيف إلا الشخص المضطر أو المرتبط بالمدارس أم من لديه فرصة في أن يسافر في غير أشهر الصيف فهذا عز الطلب
شهر 10 ميلادي هو أفضل توقيت للسفر وأيضا 11 و 12 لأنها موسم أمطار وجو حلو
بالنسبة لأسعار التذاكر الدولية أنصحك تتابعين أسعار السعودية على موقعهم على الإنترنت وأن تحجزوا مبكرين (من الآن) الأسعار كل ماقرب الموعد ترتفع وبالتوفيق إن شاء الله

http://www.saudiairlines.com/portal/...008c0f430aRCRD

جزاك الله خير وجعل ماتقدمه في ميزان حسناتك اخوي المغادرون 2007بالنسبه للأماكن السياحيه في بورت ديسكيون وجنتنق وش هي
اما كوالا ولنكاوي فأخذت هالجداول الله يجزى من سواها خير
من جد استفدت من هالمنتدى الله يكتب لكم اجرها
http://www.gulfup.com/show/Xzluyb0k3vjb6


http://www.gulfup.com/show/X1a5ah04309t

أهلآ أختي الكريمة ...

هذه أهم الأماكن ... لكن لابد من ترتيب زيارتها

أنا راح أرتب لكم ( جدول يومي ) بالتفصيل ... بأذن الله

قبل السفر أعطينا خبر ... ونعطيك الجدول بأذن الله

http://img214.imageshack.us/i/hghtd.png/

اي والله لازم الترتيب الله يجزاك خير وان شاء الله قبل السفر اجي واعلمكم بوقت الحجز
وانتم عليكم الجدول اليومي وانتم ان شاء الله انكم قدها
لكم جزيل الشكر على الاريحيه بالتعامل وتخفيف الهم

بالتوفيق أختي الكريمة ...

وبأذن الله كلنا بالخدمة ... قبل السفر عطينا خبر

وأي أستفسار ... لاتترددين أبد ... أخوانك هنا بالخدمة


http://img99.imageshack.us/i/hghtdr.png/

المشاركة الأصلية كتبت بواسطة عذبة المبسم
http://www.arabtravelersforum.com/tr...1/#post6744821

اي والله لازم الترتيب الله يجزاك خير وان شاء الله قبل السفر اجي واعلمكم بوقت الحجز
وانتم عليكم الجدول اليومي وانتم ان شاء الله انكم قدها
لكم جزيل الشكر على الاريحيه بالتعامل وتخفيف الهم



الله يوفقكم ويحفظكم في حلكم وترحالكم

المحترم والخلوق / وافي بزمن جافي
لك مني خالص الدعاء ودمت دوماً في سعادة

المشاركة الأصلية كتبت بواسطة ســـــعـود
http://www.arabtravelersforum.com/tr...3/#post6779643

الله يوفقكم ويحفظكم في حلكم وترحالكم

الله يرضى عليك ويسمع منك

تأجلت سفرتنا اكثر من مره وان شاء الله انها خيره

ارتب جدولي واشوف اللي ناقصني واكتبه لكم لاعدمتكم


المشكله زوجي مايفهم بالنت
وماعنده فيزا
ومصر انه يحجز عن طريق مكتب
قلت له كل شي هنا مشروح ومصور
ومو شرط تكون الفيزا لك
عادي تحجز بفيزا احد اخوياك
وش لك بخساير المكاتب
رافض الفكره كليا


المهم انا ابي كل شي هنا بالاسعار الفنادق الطيران
عشان اخليه يشوف الفرق وان شا الله يقتنع




مالي غنى عن استشارتكم ياجعلكم للجنه ووالديكم

ما شاء الله ما قصرو معك أخواني الكرام الله ييسر رحلتكم وسفرتكم أختي العزيزه
بس حبيت أفيدك بإن المبلغ بيكون مضاعف
لأنه عملت ماليزيا أغلى من عملتنا بالسعودي
+ حجز الفنادق في البوكينغ ياخذون ضريبه
يعني بتحسبينها بفرق العمله + الضريبه
أنا حاطه ميزانية 20 الف ولحد الآن شكلها بتزيد
لذلك خلينا الأحتياط بكل صرافه فيها 5000 ريال
وإن شاء الله تكون رحلتكم ميسره وإذا مو موسم يمكن بتكون أقل مثل ما ذكرو أخواني