الموضوع: استفسار عن تكلفة السفر لمدة يوم

السلام عليكم ورحمة الله وبركاته


اسعد الله صباحكم بالليل
يشرفني ويسعدني ان اضم لعائلة هالمنتدى الرائع والراقي
من مراقبين ومشرفين واعضاء واكون واحد منكم


اخوكم ناوي يسافر قريب تقريبا بعد شهر
وفيه إحتمال تتأجل الى شهر شوال كل الإحتمالات وارده
لكن نقول ان شاء الله انها تتيسر ونسافر بعد شهر
(كان بودي اخليها بعد العيد لكن وش نسوي ام نادين مستعجله )

عموما شي اساسي عندي اني ما اروح بوقت زحمه ولا موسم
هالشي دايم امشي عليه سواء بالسعوديه وطبعا هالمره بما اني اول مره اسافر برى
ولو ما تيسرت السفره قريب يكون معي وقت كافي للتجهيز على رواقه
وهذا اللي كنت مخطط عليه انها بهشر شوال ،، لكن الحمدالله على كل حال

حبيت اسأل عن التكلفة الكاملة لرحلة لمدة 14 يوم
طبعا من غير يومين الذهاب والعودة


وحسب ما سألت ودورت ان تذاكر السفر بحدود 7500 إلى 8000 تقريبا
لي انا وزوجتي وبنتي عمرها 5 سنوات
( فيه طفل عمره سنه بس معصي يروح بهالعمر)

بحكم ان موعد السفر قريب
لو قلت ان التذاكر بنحسب لها بنفس الحدود اللي قلت
وممكن نلقى اقل لو طحت على عرض
او شي من هون ولا هونيك ،، جاري التنبيش والبحث........


ابي اعرف كم تكلفة الفنادق مع المصروف خلال هالمدة
ابي فنادق حلوه وموقعها تمام ،،
ولو بغيت احط مبلغ احتياط الانسب يكون بحدود كم تقريبا


طبعا الرحلة (تجديد شهر العسل)


بإنتظار إجاباتكم لا هنتوا ...


اخوكم ابونادين

مواضيع عشوائيه ممكن تكون تعجبك اخترناها لك:

• سؤال ايش رايكم في هذي الفنادق
• برنامج للعرسان 11 يوم بماليزيا وسنغافورة 2017
• محتاجه برنامج يومي
• ارجوا المساعدة في التخطيط لرحلة اسبوعين عسل الى ماليزيا
• أحترت وحيرني زمااني ساعدوني
• شلالات ماليزيا
• ماهي شروط سفر الجنسيات العربية الى ماليزيا
• مساعده في ماليزيا خويكم غشيم
• هيكل برنامجي شهر عسل أغسطس مُعلق إنتظار التأكيد من قبل الأخ وافي والخبراء
• استفسار بخصوص تحويل المبالغ ارجو المساعدة
• كم يوم تستحق ماليزيا
• تم الحجز والحمد لله ماليزيا وتايلند اسبوعين
• ترتيباتي لرحلتي لماليزيا باذن الله بانتظار التعليق عليها من المختصين
• انتهيت من حجز الفنادق واتمنى وضع جدول لي للأماكن السياحية
• هل لي ببعض الارشادات والنصح ؟
• ساعدوني بخصوص فيزا ماليزيا
• استفسارات عن الخطوط السعوديه
• الاتصالات بماليزيا
• مساعدة في وضع جدول لرحلتي بليززز
• ضريبــــــــة الفنادق؟؟الرجاء الاجابه من اهل الخبره

حياك الله يالغالي ( أبو نادين )

طبعالاأفضل أن تسافر في غير وقت الصيف ... يعني الأن أو في شوال ... كلها أوقات حلوة ...

وتفضل التكلفة التقريبية لمدة ( 14 يوم ) ...

* الطيران الدولي بحدود ( 8000 ريال ) كما ذكرت

* الطيران الداخلي بحدود ( 1000 ريال )

* الفنادق الأربع نجوم النظيفة لمدة 14 يوم ( 6500 ريال )

* المصروف اليومي ( 500 ريال * 14 يوم ) = 7000 ريال

الإجمالي التقريبي ( 22000 ريال ) ...


* أسعار الطيران غالية ... ولهذا الميزانية أرتفعت ...

http://img534.imageshack.us/i/hghtdj.png/

وافي ( الله يعطيك العافية ما قصرت )

أشكرك على ذوقك أخوي ( زامل ) ... تحياتي لذوقك الرفيع

http://img138.imageshack.us/i/hghtd.png/

الله يسعدك اخوي وافي


ماقصرت الف شكر اخوي
اخوي زامل الف شكر على مرورك


لي عودة ان شاء الله بعد ما تتضح الصورة خلال هاليومين بإذن الله

مساكم الله بالخير جميعا
(ضيعنا الايميل وغيرنا النك سامحونا)
الحمدالله تيسرت الامور ونويت السفر بعد اسبوعين بمشية الله
طبعا الرحلة راح تكون


16 ليله بدون الذهاب او العودة !
الذهاب يوم / 23 مايو
العودة يوم 9/ يونيو
طبعا رسيت على هالجدول بالنسبة للمدن

لكن الفنادق باقي فيها اخذ وعطا
ما تأكدت بشكل نهائي مجرد اختيار اولي


2 سلانقور : فندق صن وي لاقون
3 لنكاوي : فندق ويستن لنكاوي
3 بينانج : فندق قولدن ساندس
2 جنتنق : فندق فيرست وورلد هوتيل
4 كوالا : فندق تردرز.
2 بورت ديكسون : منتجع قراند لكزس



ما ادري وش رايكم يحتاج تعديل او اضافة
ما نستغني عن آرائكم !!
لان ما بقى وقت كثير معي لحجز الفنادق والطيران الداخلي

حياك الله ( أبو نديم ) ...

والله جدول رااائع ... وفنادق فخمة جدآ ... وتوزيع مميز للأيام

توكل على الله ياصاحبي وأعتمد ... وتفضل طريقة التنقلات :

طريقة التنقلات بين المدن :

* من سلانجور إلى لنكاوي ... طيران air asia والمسافة ( 50 دقيقة )

* من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )

* من بينانغ إلى جنتنغ ... الباص بسعر ( 35 رنقت ) والمسافة أربع ساعات ..

* من جنتنغ إلى كوالا ... تاكسي بسعر ( 90 رنقت ) والمسافة ( 45 دقيقة )


* من كوالا إلى البورت ديكيسون ... تاكسي ( 180 رنقت ) والمسافة ساعتين

* من البورت ديكسيون للمطار الدولي ... تاكسي ( 70 رنقت ) والمسافة 50 دقيقة

http://img835.imageshack.us/i/26204768.png/

نديم
شكلك زعلان من المباراه


هلا والله بابو هلا
تسلم على المرور وعلى ردك
الله ييسر لك امورك ويسخر لك عباااده .. اللهم آآآمميــن يااااااارب
والله انك وافي على اسمك .. الله يسعدك ويحفظلك غالينك
حقيقه كل المراقبين والأعضاء بدون تحديد
يد وحدة واسره وحده .. الله يوفقكم جميعا ويسعدكم


يعني خلاص نعتمد يابو هلا
تم الإعتماد بمشيئة الله
وجاري مراقبة المواقع للحجز
طبعا أبدأ بالطيران الداخلي اول شي
بعدين الفنادق صح ولا!!

لكن لي سؤال عن الخطوط الماليزية
كيف نظامها وإلتزامها وخدماتهم !!
وبالنسبه لمطار جدة سمعت انه الصاله بالخاصه بالشركات الاخرى اظن الشماليه
اذا مو مضيع سيئه وفوضى !!
وش الرأي اكسنل الخطوط السعودية واحجز عليها
علما بأن الفرق بحدود 2000 تقريبا لصالحي
وإلا اجلس على قردي ابرك !!!

السلام عليكم
اخي الكريم تحياتي لك ولكل الاحبه في المنتدى توكل على الله وزيد 2000 اريحلك والله العضيم
الخطوط الماليزيه صراحه انا مجربها من بعد الاقلاع بدقائق يبدء تقديم الخمور وماهي الا لحظات وكانك جالس في مخمره من كثر الروائح الي تجيب الصداع
اهتمامهم في الوجبات فقط بلماليزيين وجميع اكلاتهم ماليزيه ولا يوجد لديهم اي وجبه عربيه وصراحه رحلة 9 ساعات تحتاج لوجبه تلم العضم بس ماتقدر تاكل اكلهم
من حسن حظك اذا ماطلعو بعض الشباب وقلبوا الطياره بار وتعال اسمع الضحك والي ماينقال
تحياتي لك وامنياتي برحلة سعيده

والله ما ادري زيك حايس

اين انتم يا قوم

اخوي ابو نادين وبدر السندي خلك على الخطوط السعودية ابركلك انا سافرت على السعودية ثلاث مرات من قبل وعلى الماليزيه مرة واحدة وصراحة مااقول فيهم شئ كخدمات ونظافة واهتمام وخلي الالفين في جيبك تنفعك في باقي الطيران والفنادق.

وبالنسبة للخطوط الماليزية وجميع الخطوط الاجنبية في الصالة الشمالية

المشاركة الأصلية كتبت بواسطة طارق -2
http://www.arabtravelersforum.com/tr...7/#post6884857

اخوي ابو نادين وبدر السندي خلك على الخطوط السعودية ابركلك انا سافرت على السعودية ثلاث مرات من قبل وعلى الماليزيه مرة واحدة وصراحة مااقول فيهم شئ كخدمات ونظافة واهتمام وخلي الالفين في جيبك تنفعك في باقي الطيران والفنادق.

وبالنسبة للخطوط الماليزية وجميع الخطوط الاجنبية في الصالة الشمالية

اشلون اخلي الالفين بجيبي وانت تقول اجلس على الخطوط السعوديه ابرك لك
الظاهر ما فهمت وش اقصد
اللي كنت اقصده اني لقيت حجز ع الماليزية ارخص من السعوديه بـ 2000 تقريبا
مع اني حاجز ع السعوديه وآخر موعد لقص التذاكر الخميس بعد بكره

شاكر ومقدر مرورك اخوي طارق الله يسعدك ويوفقك .. لاهنت اخوي

فقلت اشاوركم اذا اقص ع السعوديه ولا اطمر ع الماليزية


لكن الظاهر بجلس ع السعوديه ربعنا مالنا غنى عنهم
يعرفونا ونعرفهم ....

هلا والله ( أبو نديم ) ...

أنا سافرت على ( الخطوط الماليزية ) مرتين ... جدة - كوالا - جدة

الماليزية ياصاحبي من أفضل ( 10 ) شركات طيران في العالم حسب التصنيف الأخير

فخامة + أناقة + مواعيد محترمة + خدمة جوية راقية ... تنسيك عناء الرحلة الطويلة

هي أفضل من الخطوط السعودية بكثير من كل النواحي ... ولامقارنة أصلآ بينهم ...

وطبعآ الأقلاع من الصالة الشمالية ... صالة الخطوط الأجنبية ...

http://img713.imageshack.us/i/71201534.png/

الماليزيه طبعااااااااااااً..بس تعال كم سعر السعوديه وكم الماليزيه
وفنادقك وجدولك فخم بس لو مش مشكله التنقلات عندك فعادي وانااشوف مالاداعي بورت ديسكون دامك زرت جزيرتين شوف غير عن طبيعتهم مثل تيومان او ولاية صباح
نصيحه يعني وانت حر انا احب ابحث عن جوي بعيد عن الخبط واللزق .. ولامانع من استشارة الاخوان والخبراء هنا
وكمان شوووف كم بتطلع لك ميزانية الفنادق اذا ماعندك مشكله بلميزانيه تراها اروع واطلق شيء
واحجز بنفس يوم الطيران الداخلي الفنادق ومتوفر كثير الماليزيه انصحك واسيا اير والفاير فلاي وبينانغ باصات لكوالا لو تبي
جدولي اللي اقصده
2سيلانقور
3لنكاوي
3بينانغ
2تيومان
2جينتينق4كوالالمبور
ابتدأت بحيث ُ ماالجميع يبتدأ نقطة السياحه الماليزيه سيلانقور
اخترت جزيره هادئه تليها صخب ومن ثم استرخاء وهدوء مع تيومان ورمالها البيضاء وشاطئها الفيروزي
بعدها المتعه مع انتعاش الجو بجنتنق ويليها الحياه الرائعه بكوالالمبور ..
الميزانيه اعتقد لن تقل عن30الف ريال
ولك الرآي والحٌريه ..

اهم شي عندي بورت ديكسون حجزت فندقها اووول فندق
وخليت الاقامة فيه ليلتين لإعتبارات خاصه
(عيد زواجي )


الف شكر لك اختي
الله يسعدك ويوفقك تسلمين ع المرور

للاسف ما لقيت حجز في التردز .. كوالا
ولا فيه فيرست وولد .. جنتق


وش تشورون علي بفنادق غيرها
لقيت خيارات كثيره ببوكينق بس احترت مدري وش اللي قريب
من المراكز والبرجين !

وعندي سؤال بالنتسبه لحجز الطيران الداخلي
متى افضل وقت لحجز الرحله !!
من سيلانجور الى لكناوي
ومن لكناوي الى بياننغ


عشان الواحد يسحب حساب خروجه من الفندق والطريق وع بال ما يوصل للمطار وينهي اجراءاته

هلا والله ( أبو نادين ) ..

* في كوالا أختر ( فندق الرويال شولان ) رااائع جدآ ...

* في جنتنغ ( أحجز ) الفيرست وورلد من مكتب سياحي .. وراح يدبرون لك حجز من تحت الأرض

* أفضل وقت للرحلات الداخلية ( 12 ظهرآ ) حتى تصل للفندق وقت الدخول الرسمي

* لابد من الخروج من الفندق للمطار قبل الرحلة الداخلية ( بساعتين ونصف )

http://img801.imageshack.us/i/51286467.png/

* أخبر التاكسي بأن رحلتك على طيران air asia لأن مطارهم خاص

هلا بالغالي ابو هلا


لا خلا ولاعدم اخوي وافي




وبكره بمر مكتب واساله عن فيرست وولد
اليوم جمعه ما اعتقد بلقى احد


لكن بسالك وش رايك بسيري


افضل هو لا رويال شولان بغض النظر عن عدد النجوم !!
لان احس ان تأثيث غرفة رويال شولان زي تأثيث المصاريه
احس مافي الرويال حركة المغطس جنب السرير
تصحى وتطب فيه تتروش وتغسل وجهك مره وحده


احس سيري ارقى واهدى شوي منه !!
بس مدري عن خدمته ومكانه بالنسبه للبرجين والاسواق!!

هلا ( أبو نادين ) حبيبي

المكاتب السياحية عندهم ( وكلاء ) في كل مكان ... يعني يدبرون لك حجز بأذن الله ...

إذا بغيت ( فندق ثاني بكوالا ) ... أرشح لك ( فندق البرنس ) الساحر الأنيق ... المغرور

تعال وشوف هذا ( التقرير ) بحروف ( وافي ) ... ومتع ناظريك بجمال ( البرنس ) ...

http://www.arabtravelersforum.com/travel698939/

http://img801.imageshack.us/i/51286467.png/

الف شكر ابو هلا سامحني اتعبتك معي
جاري المقارنه بينها وبختار واحد منها بإذن الله


الله يسعدك وييسر لك امورك ويسخر لك عباااده .. اللهم آآمين يااااااااارب


تسلم يابو هلا

تمون على الروح والعين ... يابونادين

أي خدمة ياغلاهم ... تأمر وأنا حاضر ... تحياتي

http://img801.imageshack.us/i/51286467.png/

أبو هلا ممكن ترد ع الخاص لا هنت

لازلت بالإنتظار

تم الرد ... يابونادين

http://img542.imageshack.us/i/65408934.png/

ألف شكر يابو هلا والله ما ندري كيف نكافيك ونجازيك
على اللي تسويه معنا
لكن مالنا غير اننا ندعي لك انت وباقي الاخوان والأخوات بظهرالغيب


الله يوفقكم وييسر لكم امووركم ويسخر لكم عباااااااده يااااااااارب


الحين ما باقي الا الجدول اليوم لاهنتوا
اذا امكن تقترحون علي جدول يومي


وهذا خط سير الرحلة 2- سلاينجور
2- لنكاوي
3- بياننغ
2- جنتق
4- كوالا
2- بورت ديسكون


شاكر ومقدر لكم جميعا


الله ييسر لكم امووركم ويسخر لكم عباااده ....اللهم آآآمين ياااااارب

هلا ( أبو نادين ) ...

أشكرك والله على طيبك ... وذوقك الرفيع ... يالغالي

وأنت تستاهل كل خير والله العظيم ...

وبخصوص الجدول اليومي ... بأذن الله أكتبه لك الليلة ... أو بكرة ... وإذا تأخرت ... ذًكرني ...


http://img214.imageshack.us/i/89864610.png/

تسلم اخوي ابو هلا

الله يعطيك العافيه .. من يومك ما تقصر مع الكل


بإنتظارك ...

ابو هلا لا تنساني


اخاف ينهزم الاهلي اليوم وابطل من السفره كلها

امززح والله ينهزمون ولا يفوزون رايح رايح .. وش يفكنا من وزارة الداخلية لو بطلنا


لكن ان شاء الله نفوز ..
عندي كم استفسار لاهنتوا
1- الخطوط الماليزية متى يفتح قص البوردنق قبل الرحلة بكم وهل اقدر اقصه من النت زي طيران آسيا
2- طيران آير آسيا قبل الرحلة بـ 7 ايام !! صحيح هالكلام للحين ولا تغير فيه شي

هلابك ( أبو نادين ) ..

* الخطوط الماليزية ( الرحلة الدولية ) يفتح نظام البوردنق قبل الرحلة بأربع ساعات

* طيران air asia تقدر نقص البوردنق عن طريق :

1) عند الحجز من موقعهم ... برسوم ( 10 رنقت ) على كل تذكرة

2) من الموظف على الكاونتر في المطار ... برسوم ( 10 رنقت ) على كل تذكرة

3) من الجهاز المجاني في المطار ... وهذه الطريقة في موضوعي هذا

http://www.arabtravelersforum.com/travel609860/

البرنامج اليومي تجده في ردي هنا ... وبأذن الله يعجبك .. وإذا ماأعجبك .. أكتب لك من جديد

http://www.arabtravelersforum.com/tr...2/#post6810709

http://img29.imageshack.us/i/58811981.png/

الف شكرررر يابو هلا اتعبناك معنا .. عساك ع القوه اخوي وافي


الله ييسر لك امورك ويسخر لك عباااده يااااااااااااارب

تسلم حبيب قلبي ( أبو نادين ) ...

ومبروك فوز ( الراقي ) اليوم ... تستاهلون والله


http://img269.imageshack.us/i/51619144.png/

الله يبارك فيك يابوهلاادري متأخره بس محيوس ما بقى شي ع الرحله


الا بسألك يابو هلا
دورت حولي بالطائف بحول قروشي ما لقيت
قالولي فيه الراجحي بمطار جدة
كيف صرفه بالنسبه للسوق !!
اصرف منه قبل اقلع
ولا كيف الدبره


خصوصا اني بنزل من الطائف
الظهر يوم الاربعاء وعلى المطار سيدا !!!

هلا والله ( أبو نادين ) حبيبي

درب السلامة ياغالي ... وأسأل الله أن يحفظكم بحفظه ..

أنصحك لاتصرف من المطار والبنوك ... لأن الأقل سعرآ ..

وأنا عندي حل بسيط جدآ ..

أصرف من المطار ( 500ريال ) فقط ... حقت التاكسي وتأمين الفندق ..

وفي سلانجور الصرافين كثير ... أصرف من عندهم ... وأسعارهم طيبة

http://img546.imageshack.us/i/59223136.png/

اللـــهم آآآآآآآميييين يآآآآآآآآآآآآآآآآآرب


وألف ألف شكرررر
لك ولجميع الاخوان والاخوات اللي افادوني بصفة مباشره بالرد
او من استفدت من تقاريرهم وملاحظاتهم


الله ييسر لكم اموووركم ويسخر لكم عباااااااده يآآآآآآآآآآآآآآآآآآآآآآآآآرب


ان شاء الله راح امشي ع شورك يابو هلا
بصرف حق اول يوم بس والباقي من هناك
لان حقيقه الوقت ما يساعدني اروح اصرف من جده


مره اخرى اشكرك اخوي ابو هلا
واشكر جميع اخواني والاخوات


دمتم بود

حبيب قلبي والله ( أبو نادين )

أسأل الله أن يسعدكم ... ويحفظكم في كل خطوة ... ويردكم سالمين غانمين ...

أشكرك على روعة كلامك ... وجمال روحك ... الله لايحرمنا منك ياغلاهم ...

تقبل خالص المحبة والتقدير ... والأحترام ... وأستودعناكم الله

http://img525.imageshack.us/i/70762854.png/