الموضوع: اول خطوات شهر العسل أفيدوني بخبراتكم

السلام عليكم ورحمة الله وبركاته بسم الله الرحمن الرحيم
أول شي نزلت موضوع من قبل وماقصروا الاخوان معاي وأخص بالشكر أخوي ( المغادرون 2007 ) وأيضا أخوي ( د. الحب )
كلهم ماقصروا لكني طالمع في المزيد من اكتسابي من خبراتكم ومن تجاربكم واقتراحاتكم وكلي أمل بعد الله فيكم أن تكونوا معي في كل صغيره وكبيره فيما يتعلق بأمري ...

اليوم اخترت الفنادق وجايبلكم اختياراتي واللي أبيه منكم تقيمون لي كل فندق ووش الايجابيات والسلبيات في جمع الفنادق وأدري اني بثقل عليكم شوي لكن تحملوني وكما قلت لكم أنا رايح شهر عسل لمدة 12 ليلة و13 يوم
بدايةً السفر ان شاء الله عن طريق الخطوط القطريه وأبي منكم تعطوني ايجابياتها وسلبياتها

1 - سلانقور فندق Sunway Resort طبعا لمدة يومين

2 - لنكاوي
وهذي لنكاوي بجلس فيها ثلاثة أيام وأفكر أحجز بفندقين لكن احترت بالفندق وفكرت أحجز كل يوم بفندق فما رأيكم أخواني واخواتي
الفنادق كالتالي
The westin
Langkawi Lagoon Resort
Berjaya Langkawi
The frangipani Langkawi
Sheraton Langkawi
Rebak Island Resort Langkawi

3 - بياننغ ( باتو فيرينغي ) لمدة يومين
الفنادق الافضل كل يوم بفندق أو بفندق واحد ؟؟ شرايكم ؟؟
الفنادق هي
Golden sands
parkroyal penang

4- كوالالمبور لمدة اربعة أيام
فندق Traders

وأخر يومين قي بورت ديسكون
فندق Grand lexis

مارأيكم اخواني وأفيدوني جزاكم الله خير
وأنتم تعرفون شهر عسل والواحد وده يعرف كل صغيره وكبيره
وأبي منكم تبينون لي الفرق بين الأجودا والبوكينج وكم ضرايب البوكينج وهل الاجودا فيها ضرائب أو لا
واللي عنده اقتراحات أو أي تعديل على أي فندق أو أي اضافات فأنا أتقبل كل ذلك وأتمنى انكم تساعدوني وجزاكم الله خير ومارح تقصرون ان شاء الله

مواضيع عشوائيه ممكن تكون تعجبك اخترناها لك:

• رأيكم بالجدول وبعض الاستفسارات
• ماهي الهيئه السياحيه الرسميه في ماليزيا
• ضايع في كوالا
• مساعدة لا هنتم
• محل ماركة تيد بيكر
• ممكن دخول جميع المتواجدين هنااا
• الطيران من ايبوه لكوالا
• خطأبالتذاكر
• فزعتكم يا شباب جميع الاخوان جدول رحله لمدة يوم
• سفري بعد يومين استفساار
• اريد ترتيب جدولي في الداخل
• ممكن مساعدتكم
• مساعدة لو سمحتواعاجلة
• استفسا عن طيران اير آسيا دولي ؟
• أفضل فنادق خمسة نجوم في لانكاوي
• فنادق ماليزيا في رمضان
• استفسار للخبراء
• ثمانية ايام في ماليزياء ارجو المساعدة
• أريد رأيكم في هذا البرنامج
• تم حجز الفنادق بالتواريخ المحدده رائكم يهمني

السلام عليكم

الفنادق اللي أخترتها ممتاااااازه ومن أفضل الفنادق

لكن مسألة انك تغير الفندق في لنكاوي وهي بس ثلاث ليال او في بينانق كل ليله بفندق

مايصلح ابدا ابدا لو المده اربع ليال ممكن نؤيدك علي التغيير لكن ليلتين او ثلاث وشهر عسل

متعب جدا و مرهق و لا فيه إستقرار و تضييع وقتكم بس تشيك إن و تشيك اوت

الصن واي لاقون في سيلانقور ممتاز ولا تغير

لنكاوي الويستن و البقيه لا تقارن فيه وهو من الفنادق المميزه والجميله جدا مع ذا دانا

في بينانق كلهم ممتازين و شوف الأرخص و احجزه مابينهم اي فرق

في كوالالمبور تريدرز ممتاز بس لازم تكون الغرفه مطله علي الحديقه والبرجين

بورت ديكسون قراند ليكزس ممتاز

بالنسبه لأقودا و بوكنق قارن بين أسعارهم مع اسعار الفندق الرئيسيه خاصه ويستن لنكاوي

أسعار موقعهم الرسمي و مميزاته افضل موقع ممكن تحجز الويستن عن طريقه وفيه

مواقع اخري ممتازه مثل هوتيلز و آسيا ويب دايركت

وعموما ردا علي سؤالك موقع بوكنق مايحسب و لا يخصم الخدمه والضرائب اللي هي 16%

إلا لنكاوي 10% مافي لنكاوي ضرائب يعني لو حجزت عن طريق بوكنق احسب حسابك

إنك باقي بتدفع الخدمه والضرائب في الفندق زياده علي المبلغ اللي حسبه بوكنق

أما أقودا فيحسب الخدمه والضرائب في النهاية قبل الدفع ويخصم كامل المبلغ وقت الحجز

حتي لو الحجز مسترد يخصمون المبلغ كامل بس تقدر تلغي الحجز و يرجع المبلغ

بحسابك خلال اسبوعين

ونصيحه قارن بين اكثر من موقع مع موقع الفندق الرسمي

وعليكم السلام ورحمة الله
أول شي أحب أشكرك أخوي
http://www.arabtravelersforum.com/user26113/
وأقولك ماقصرت وأتمنى من الجميع المشاركة وإعطائي جميع الاراء والإحتمالات والتقييمات
ولاهو قصور بأحد لكن كل ماكانت كمية الأراء كثيره كل ماصارت الاختيارات أفضل
وبالنسبة لجلستي في لنكاوي أنا أشوف مثل ماتقول أخوي لكن أنا ودي بالفنادق اللي بها الأكواخ اللي أبي رأيكم عنها ؟؟
ويمكن أجلس يومين بالويستن ويوم بفندق آخر أو العكس فماذا تقترحون علي في هالأمر ؟؟
ودي أنا بالأجواء الرومانسيه الخيالية للمتزوجين ولاتبخلو على بنصايحكم حتى لو بشي بسيط أكيد بتفيدني
فمادري أنا أتوقع أحد هالفندقين هو اللي فيهم أكواخ وأبي الأفضل من حيث النظافه وكيف الحشرات فيهم طبعا بعد ما تأيدوني هل أخذ يوم أو يومين فيها أو بالويستن أو العكس
Langkawi Lagoon Resort
Berjaya Langkawi

هذاك رديت..

.. وينكم ...؟؟؟؟؟

وافي أبو هلا وأخوي المغادرون 2007
نستفيد منك وخبراتكم
والباقين ماعليهم قصور وودي كل من عنده خبره يفيدني فيها ...

أنتظركم

الفنادق اللي فيها أكواخ عندك أفضل شيء بلانجي بيتش
وإذا تبحث غت فندق رخيص عندك متيارا أما برجايا كئيب وغالي
ولا أنصحك بأكثر من فندق خاصة الفترة قصيرة والتنقل يخرب عليك البرنامج لأنك لازم ترجع للفندق نص النهار وتسوي تشك أوت وتروح للفنادق الثاني وتشك إن يعني ضاع اليوم

الله يسلمك أخوي المغادرون
ولاهنت على اقتراحك وهذا اللي أبيه وأنا أبحث عن الأفضل خاصة بأني رايح شهر عسل وأبي الراحه والأجواء الخياليه والفنادق المريحه
ومثل ما تفضلت ان التنقل بين أكثر من فندق في لنكاوي يضيع اليوم ولاتنصحني اني احجز بفندقين
طيب أبي الأفضل من حيث المميزات والراحه والنظافه والخدمه
هل الويستن والا بلانجي بيتش

هلابك ( توهقك بغلاك )

ماقصر الأحبة الغالين ... أعطوك أجمل الحلول ...

أرشح لك في ( لنكاوي ) فندق الويستن ... الساحر جدآ

وإذا بغيت أرخص ... أرشح لك ( الفوربوينت شيراتون ) راقي ونظيف وجديد ...

http://img651.imageshack.us/i/83585159.png/

يعطيك العافيه أخوي وافي
لكن انا ابي الايجابيات والسلبيات لجميع الفنادق اللي اخترتهم وأتمنى تساعدوني بهالنقطه وماقلتوا لي شي عن الطيران القطري

هلابك حبيبنا ..

الفنادق المعروضة في سؤالك ... كل واحد يقول ( الزين ) عندي

من أفخم فنادق ماليزيا على الأطلاق ... وأرشح لك التالي :

في سلانجور ( الصن واي لاقون )

في لنكاوي ( الويستن )

في بينانغ ( القولدن ساندس )

في كوالا ( التريدرز )

وبخصوص الطيران القطري :

فهو من أفضل 10 شركات طيران في العالم في التصنيف الأخير

طيران على مستوى عالي من الفخامة ... والأناقة ... والراحة ... والرفاهية

تتميز الخطوط القطرية بمواعيدها الدقيقة + خدمتهم الراقية + فخامة طائراتهم + حسن الضيافة

إذا كنت حجزت عليها ... فهنيئا لك الأختيار

وإذا لم تحجز بعد ... أحجز عليها ولاتحتار

http://img543.imageshack.us/i/59070942.png/

الله يعطيك العافيه أخوي وافي وماقصرت ولا رح تقصر ودايما وافي والله
الطيران حجزت الحمدلله بس باقي الفنادق أنتظر الفيزا تطلع عشان أتوكل على الله

لكن أبي نصيحتك في لنكاوي
أنا خاطري في الأكواخ لكني محتار اذا الوستن أفضل وأريح لكن كيف نظام الأكواخ في لنكاوي
طبعا ان شاء الله باقي الفنادق معتمدها
وفكرت اني أزود يوم في الرحله وأخليه في لنكاوي وتصير يومين بالويستن ويومين بفندق فيه أكواخ
لكن مالنا غنى عن مشورتكم في كل كبيره وصغيره

شرايكم وهل اذا زودت يوم يصير يومين بالويستن ويومين بالبلانجي بيتش اللي رشحه اخوي المغادرون لي

أنتظر أرائكم

حياك الله يالغالي ...

إذا بغيت تزيد يوم ... أنصحك تجعله في لنكاوي ...

يعني يكون تقسيم الأيام الأربعة ... بهذا الشكل الأنيق :

أول ( يومين البرجايا ) شالية بريمر على الماء ....

وآخر يومين في ( الويستن ) غرفة ديلوكس مطلة على البحر ...

http://img214.imageshack.us/i/89864610.png/

الى الأن على حسب الطيران لإني مافي إمكانيه أزود يوم
لكن يومين فيه امكانيه
وعندي استفسار عن الحجوزات
شرايكم هل أحجز أغلب الفنادق بالإلغاء والا بدون
لإني ألاحظ بالإلغاء سعر عالي حيل وكذا بتزود التكلفه علي لاني حاط في بالي حدود 10000 حق الفنادق

ماهي نصيحتكم واذا بحجز من أجودا متى ياخذون المبلغ مني لان أغلب الفنادق من الأجودا
وفيه واحد من البوكيج
ودي أعرف متى يخصمون المبلغ حق الفنادق بالضبط

وأبي الفرق بين الصن واي لاقون الخمس نجوم
والصن واي بيريميد الأربع نجوم ؟؟؟

بدون الإلغاء فيها مغامرة شوي وترا الفرق مو ذاك الفرق يعني 300 رنقت ماتعتبر شيء
قبل فترة واحد من الشباب مسوي حجوزاته كلها غير مسترد وقبل السفر بيوم توفي قريب له فماقدر يسافر وضاعت فلوسه فالواحد مايضمن الظروف
أقودا يخصم على طول وبوكنق حسب الحجز إذا مسترد يخصم وإذا غير مسترد تدفع للفندق إذا وصلت
الصن وي لاقون 5 نجوم والبيرميد 4 نجوم والفرق في الفخام لكن كلهم ممتازين ونصيحتي تأخذ في البيرميد توفيراً لفلوسك ومستواه ررروعة

طيب اخواني هل الزياده بتكون بكل ليله 300 رنقت والا على كل الليالي
واذا البوكينق الغير مسترد أدفع بالفندق شلون يضمنون حقهم
يعني لو استأجرت من البوكينق غير مستر واللي فهمته منك أخوي المغادرون انهم بياخذون المبلغ بالفندق لكن لو ماجيتهم كيف يضمنون حقهم وياخذونه

بمشي على شورك وباخذ بالبريميد
وأفيدوني بأي مشورات أخرى ...
يعطيكم العافيه عضواً عضواً
وأخص بالشكر أخوي المغادرون ووافي ومالنا غنى عنكم بعد الله ولكم الدعاء في ظهر الغيب

أنا ماحسبتها لأني ما أعرف فنادقك ولا الغرف اللي أخترتها لكن أنت تقدر تحسبها لأن كل شيء واضح عندك لما تدخل بوكنق تشوف سعر المسترد وغير المسترد لكن أنا أقول أنه لو كان الفرق في حدود 300 رنقت مايعتبر فرق كبير يخليك تضحي وتغامر علشانه أما بخصوص إستفسارك : كيف يأخذون حقهم أنا أخبرك فرضا أنت حجزت ببطاقتك الإئتمانية وكان حسب الشروط أن الدفع في الفندق لكنك تركتهم وما رحت ولا ألغيت الحجز (في الوقت المحدد للإلغاء) في هذي الحالة يحق للفندق أن يسحب المبلغ من بطاقتك الإئتمانية. طيب ممكن تقول أنك ماراح تخلي في البطاقة فلوس. الجواب : في هذي الحالة الفندق يخاطب شركة فيزا (أو أي شركة مصدرة البطاقة الإئتمانية) وهي تخاطب البنك المصدر للبطاقة. البنك يشعرك بضرورة شحن البطاقة بالمبلغ المطلوب. فرضاً إنك رفضت. في هذه الحالة البنك مخول أنه يسحب من رصيدك ويسدد المستحقات التي على بطاقتك من غير موافقتك وهذا الكلام موجود في الورقة (العقد) اللي وقعتها لما رحت قتدم على البطاقة أنك تخول البنك بالسحب من حسابك لسداد أي مستحقات تنتج من جراء إستخدامك للبطاقة طيب لنفترض إن رصيدك في البنك صفر ورفضت السداد في هذه الحالة البنك يتقدم بشكوى رسمية ضدك للحقوق المدنية وهم يجيبونك

يعطيك العافيه اخوي المغادرون ولاهنت على تواصلك أنت وبقية الخبراء
والله انك صادق وبشوف كم التكلفة الإجماليه والله يكتب اللي فيه الخير

وبخصوص الفيزا أثريهم يغولون الواحد ومايخلونه يراوغ
هههههههه
طيب فيه عندك اي تعديلات او اقتراحات بالفنادق اخوي الغالي

لاعدمناكم

لنكاوي لاقون فندق نظام اكواخ رائع
لكن بعيد عن كل شيء ولازم مواصلات
وهادئ جداً
يعني فجر قنبلة بالغرفة محد داري عنك
ميزته نظام الأكواخ راااااااائع جداً نظيف بدون اي حشرات
مع شرفات مطلة على البحر وفوق الماء تماماً
يعني للي ما يهتم للدوشة والأسواق والمواصلات بيناسبه
تجربتي له كانت قبل تقرياً سنتين
بالتوفيق لك

يعطيك العافيه كشمونه على رأيك الف شكر لك على مشاركتك وابدائك رأيك

اخواني بما اني مالقيت امكانيه اني ازود يوم شرايكم اخلي الجراند لكزس يوم ولنكاوي اربع ايام


شرايكم اخواني ؟؟؟


وابي منكم تحسبون لي أسعار الفنادق مع الضرائب لاني ماعرفت له والله وحاولت لكن ماحالفني الحظ


يومين صن واي بيريميد ... غرفة سوبيريو
3 أيام الويستن ... غرفه ديلوكس
يومين جولدن ساندس ... ديلوكس على البحر
4 أيام التريدرس ديلوكس على البرجين
2 قراند لكزس فيلا بمسبح داخلي


أو تصير
لنكاوي يومين في البرجايا شاليه على الماء
والويستن يومين غرفه ديلوكس
وقراند لكزس يوم
طبعا كلها مع الافطار لشخصين والإلغاء مجاناً

تكفون يالأحبه أبي الأسعار بالبرنامج الأول وبالثاني وأدري اني بتعبكم بس تحملوني


المغادرون والوافي
الأمل بعد الله فيكم ونبي مساعدتكم

أهلا بك أخي الكريم
بالنسبة للتنقل بين أكثر من فندق في فترة 4 أيام أو أقل لا أنصح به لأن التنقل يضيع عليك الوقت لأن قت الخروح من الفندق في منتصف اليوم وبالتالي لابد أن تنتظر في الفندق حتى وقت الخروج الساعة 12 ظهراً ثم التوجه للفندق الآخر وتسجيل الدخول بعد الساعة 2 ظهراً وبالتالي ضاع عليك اليوم خاصة لنكاوي تتوقف فيها الحياة مع غروب الشمس

بالنسبة لحساب الضرايب المبلغ اللي يطلع قدامك إضربه في 1.16 في كل المدن ماعدا لنكاوي إضرب في 1.1
تفضل هذه أسعار وروابط فنادقك في وقت سفرك في شهر سبتمبر

فندق صن وي بيرميد
غرفة سوبريور
ليلتين = 1125 ريال
مع الضرايب = 1125 * 1.16 = 1305 ريال
http://www.booking.com/hotel/my/pyra...ability_target

فندق ويستن لنكاوي
غرفة ديلوكس مطلة على البحر
4 ليالي = 4112 ريال غير مسترد أو 5222 ريال مسترد
بعد الضرايب = 4112 * 1ز1 = 4523 ريال غير مسترد أو 5744 ريال مسترد
http://www.booking.com/hotel/my/the-...ability_target


فندق قولدن ساندس – بينانج
غرفة ديلوكس مطلة على البحر
ليلتين =1454 ريال
بعد الضرايب = 1686 ريال
http://www.agoda.com/asia/malaysia/p...UE1x748Q%3d%3d

فندق تردرز – كوالا
غرفة ديوكس مطلة على البرجين
4 ليالي = 1993 ريال غير مسترد أو 2345 ريال مستر
بعد الضرايب = 1993 * 1.16 = 2312 ريال غير مسترد أو 2720 ريال مستر
http://www.booking.com/hotel/my/trad...ability_target


منتجع قراند لكزس – بورت ديكسون
فيلا ديلوكس بمسبح
ليلة واحدة = 718 ريال
بعد الضرايب = 718 * 1.16 = 833 ريال
http://www.booking.com/hotel/my/the-...ability_target

ملاحظة : جميع الفنادق شاملة الإفطار ماعدا تردرز من غير إفطار

تمنياتي لك بالتوفيق

الف مليون شكر لك أخوي المغادرون ولاعدمناك يالغالي والآن وضحت الصوره أكثر والله يجزاك عنا خير الجزاء طيب الإفطار في تريدرس ليش ماهو مشمول بقائمة الأسعار لاني قريت تحت انه الإفطار 68 رنجت
وهل هو للشخص أو الشخصين ؟؟

طيب أخوي المغادرون نصحتني بعدم التنقل في أكثر من فندقين
وأنا ان شاء الله اني باخذ في نصيحتك لكن وش تنصحني بلنكاوي ابي الفندق الأرقى والأحلى والجو والهدوء والرومانسيه
هل الويستن والا البرجايا

ومتى تنصحني أحجز الفنادق لان مثل ماتعرف باقي على السفره أربع أشهر

وينكم ياشباب ... محد رد

هلا بك
أنصحك بوستن لنكاوي
والحجز يكون قبل السفر بشهر إلى شهر ونصف
وبالتوفيق إن شاء الله

يعطيك العافيه اخوي المسافرون لكن بالضبط انا عرسي 26 شوال ومتى تنصحني احجز برمضان او بعده وهل يكون فيه عروض برمضان او لا
وشاكر لك ومقدر اخوي المغادرون وتعبناك وباقي الاعضاء والله يوفقكم

ألف مبروك ( توهقت بغلاك ) ... وربي يسعدك بحياتك القادمة

ماشاء الله لازال الوقت مبكر ... وأنصحك بالحجز في رمضان ..

عن تجربة ... الحجز في رمضان رخيص ... خصوصآ بعد أنتهاء ( زحمة الصيف ) ...

http://img801.imageshack.us/i/61319276.png/

الله يعطيكم العافيه دوووما
طيب شرايكم بحجز الطيران أحجز الحين او بعد ما احجز الفنادق ...

حياك ... توهقت بغلاك

الأفضل حجز الطيران الداخلي ... وبعده الفنادق

لأن الفنادق موجودة بكثرة ... لكن الطيران محدود ...

فالأفضل حجز الطيران الداخلي أولآ ... وعلى ضوئه تختار الفنادق

يسلمووو أخوي وافي على متابعتك لنا ونصائحك وربي يكتب لك الخير ولايحرمك الأجر
طيب أبيك تعاوني بالحجوزات لاني اللي عرفته انهم ياخذون على الزياده بالعفش واللي أبيه منك تنصحني بالأفضل وأي وزن أختار ..
ولاتحرمونا من نصائحكم جميعا

هلابك حبيبنا الغالي ...

طبعا الحجز يكون على طيران air asia وهذا الرابط

http://www.arabtravelersforum.com/travel358639/

والوزن أنت تحدده ... حسب راحتك ... والأنسب 20 كيلو للشخص

لا هم مايعطونك شيء
مافيه عندهم وزن مجاني ولا نص كيلو

اها .. بالله أجل شكلهم قعاطه حيييل
يعني 20 كيلو حاف ومافي 7 كيلو تكون معي بالطياره

والطيران الماليزي وش يعطون ووش مميزاته ..؟

المشاركة الأصلية كتبت بواسطة توهقت بغلاك
http://www.arabtravelersforum.com/tr...3/#post7088203

اها .. بالله أجل شكلهم قعاطه حيييل
يعني 20 كيلو حاف ومافي 7 كيلو تكون معي بالطياره




إلا فيه 7 كيلو حمل باليد بشرط حجمها مايكون كبير






والطيران الماليزي وش يعطون ووش مميزاته ..؟



الطيران الماليزي يعطون 20 كيلو مجاني
لكن إيرأسيا أرخص حتى بعد إضافة وزن العفش
ولكن هذا ليس في كل الأحوال لأن الأسعار تختلف من وقت لوقت
لذا النصيحة هي التشييك على الأسعار في الشركتين حسب توقيت سفركم ثم الحجز على الأرخص سواء الماليزية أو إيرأسيا

يوجد أكثر من شركة للطيران الداخلي

إير ايشيا (الوزن بفلوس وأنت تحدد الوزن لكل شخص)

الماليزية ( لكل شخص 20 كيلو مجانا )

طيب .ز
ماقصرتوا جميعا

لكن متى أبدأ بحجز الفنادق ومتى يبدون يخفضون أسعارهم النااار
؟؟؟؟

حياك الله اخوي الغالي ...
طبعا مافيه وقت محدد لحجز الفنادق
لكن الافضل تبدأ من الان البحث عن سعر مناسب
واحجز عالسعر الارخص لك .. واللي يعجبك
بس دائما من الافضل ان يكون الحجز قبل السفر. بعشرين يوم اقل شي من الموبايل

اوك ان شاء الله
لكن للحين اخواني الاسعار ماتغيرت ونفس أسعار الصيف
عشان كذا اسئل عن الفترة اللي يبدون ينزلون ويخفضون الاسعار ؟؟؟؟
انتم الأخبر مني فلذلك أسألكم ..؟
الله لايحرمكم الاجر في هذا الشهر الكريم

هلابك حبيب قلبي


إذا رحلتك بعد أقل من شهر ... أحجز الأن السعر الأ{خص

وإذا باقي أكثر من شهر ... أنتظر أسبوع أسبوعين وتجي عروض بأذن الله

http://img62.imageshack.us/i/12660287.png/

وافي دائما مميز ما قصر

المشاركة الأصلية كتبت بواسطة زامل الشهراني
http://www.arabtravelersforum.com/tr...7/#post7096037

وافي دائما مميز ما قصر

فديت ( قلبك ) يازامل ... أحرجتني بطيبك

http://img62.imageshack.us/i/12660287.png/

من يوم يومك وافي ياوافي الغالي
ماقصرت من اول ومنت مقصر تالي

رحلتي ياطويل العمر بيوم 28 شوال ( 15 سبتمبر )
يعني أنتظر أسبوع اسبوعين يالغالي

وبالنسبه للطيران الداخلي أبشركم حجزته وخلصنا والحمدلله
باقي بس الفنادق وبعدها نبدأ بالتنسيق للبرنامج هناك بمساعدتكم ..

تسلم ياقمر ... ع كلامك الحلو

أنصحك تنتظر ( 10 أيام ) ... يمكن تنزل الأسعار ...

وبعدها ... أحجز السعر الأرخص ... وربي يوفقك

وباقي البرنامج ... علينا ... لاتشيل همه

http://img837.imageshack.us/i/86486031.png/

الله يعطيك العافيه وماقصرت يالغالي
بنتظر ان شاء الله للأيام القادمه وإن شاء الله يبدون ينزلون بالأسعار

وباقي البرنامج خابركم مارح تقصرون ورح تفيدوني بالأفضل

المشاركة الأصلية كتبت بواسطة توهقت بغلاك
http://www.arabtravelersforum.com/tr...1/#post7098571

الله يعطيك العافيه وماقصرت يالغالي
بنتظر ان شاء الله للأيام القادمه وإن شاء الله يبدون ينزلون بالأسعار

وباقي البرنامج خابركم مارح تقصرون ورح تفيدوني بالأفضل

تسلم ياحبيبنا ... وبأذن الله معك لآخر المشوار

إذا أنهيت الحجوزات ... عطنا خبر ( نزبط ) لك البرنامج اليومي بأذن الله

http://img40.imageshack.us/i/78141424.png/

لازلنا بالانتظار

وهل هناك وقت تنخفاض الاسعار فيه ؟؟
وما الاأفضل
مواقع الفنادق او البوكينج ..؟

السلام عليكم
أعزائي الخبراء
بحسب خبرتكم هل أحجز الفنادق الحين أو انتظر للعشر الاواخر من رمضان
لان بعض الفنادق قامت تنزل بالاسعار لكن مو ذيك الخصومات اللي نبيها ...

وفنادقي هي
من 15/9 الى 17/9
صن واي لاقون او صن واي بيريميد ... ما الأفضل بينهما لاني اشوف بعض التعليقات يمدحون البريميد
وبلانجي بيتش من 17/9 الى 20/9
والقولدن ساندس من 20/9 الى 22/9 بالقولدن يمكن اخذ اطلالة على التل من باب التغير فما رأيكم هل جميلة الغرف المطله على التل ..؟
والتريدرز من 22/9 الى 26/9
والقراند لكزس من 26/9 الى 27/9

لاهنتوا وأفيدوني جزاكم الله خير وأنتظركم حبايبي

من رأيي تحجز من الآن حجز مسترد
وتبقى مراقب للأسعار فإذا وجدت انخفاض أو عروض الغي حجزك الأول واحجز من جديد

بالنسبة للصن وي ريسوت 5 نجوم والبيرميد 4 نجوم
الريسورت أفخم لكن البيرميد أيضا ممتاز وسعره أرخص وهذا اللي يجعلنا ننصح به أكثر

البلانجي بيتش ممتاز أهم شيء خذ كوخ مواجه للبحر

في القولدن ساندس خذ مطلة على البحر حتى لو سعرها أعلى لكن الإطلالة على البحر رووووعة

والتردرز هذا ملك وعروس فنادق ماليزيا كلها فندق الفخامة والروعة لكن لابد من أن تكون الإطلالة على البرجين أو لا تتعب نفسك
لأن جمال وروعة هذا الفندق هو في إطلالته البانورامية المبهرة على البرجين

القراندلكزس ممتاز وهو خير ختام لرحلة جميلة ممتعة إن شاء الله

السلام عليكم ورحمة الله وبركاته

أبشركم حجزنا الفنادق وخلصنا ومن قبلها حجزنا الطيران الداخلي

وهذا كله بعد توفيق الله ثم توجيهاتكم ونصائحكم التى كانت من ذهب وكنتم خير عون لي فيها

وطبعا هذا جدول الرحله

الاقلاع من الرياض يوم 15 سبتمبر عن طريق الطيران القطري الساعه الخامسه فجرا للدوحه

ومن الدوحه السادسه والنصف ان شاء الله والوصول الى كوالالمبور تقريبا الساعه الثامنه مساءً

http://www.booking.com/hotel/my/sunw...ml?aid=1329869
غرفه بريمير مزدوجه او توأم
السعر الكلّيSAR 1371.54
تسجيل الوصول:
السبت, أيلول/سبتمبر 15, 2012
تسجيل المغادرة:
الاثنين, أيلول/سبتمبر 17, 2012
عدد الليالي:
2 ليالي

الاقلاع من كوالا الى لنكاوي عن طريق اير اسيا الساعه 12.45م

http://www.booking.com/hotel/my/meri...ml?aid=1329869
غرفة ديلوكس مطلة على الشاطئ
السعر الكلّيSAR 3308.54
تسجيل الوصول:
الاثنين, أيلول/سبتمبر 17, 2012
تسجيل المغادرة:
الخميس, أيلول/سبتمبر 20, 2012
عدد الليالي:
3 ليالي

الاقلاع من لنكاوي الى بينانغ عن طريق طيران اير اسيا الساعه 14.50

http://www.booking.com/hotel/my/gold...ml?aid=1329869
غرفة ديلوكس مواجهه للبحر
السعر الكلّيSAR 1842.20
تسجيل الوصول:
الخميس, أيلول/سبتمبر 20, 2012
تسجيل المغادرة:
السبت, أيلول/سبتمبر 22, 2012
عدد الليالي:
2 ليالي

الاقلاع من بينانغ الى كوالا عن طيران اير اسيا الساعه 15.25م

http://www.booking.com/hotel/my/trad...ml?aid=1329869
غرفة نادري تريرز مطلة على البرجين
السعر الكلّيSAR 3433.18
تسجيل الوصول:
السبت, أيلول/سبتمبر 22, 2012
تسجيل المغادرة:
الأربعاء, أيلول/سبتمبر 26, 2012
عدد الليالي:
4 ليالي

والذهاب الى البورت ديسكون أخر المطاف

http://www.booking.com/hotel/my/the-...ml?aid=1329869
فيلا ديلوكس مع بركة سباحه
السعر الكلّيSAR 697.80
تسجيل الوصول:
الأربعاء, أيلول/سبتمبر 26, 2012
تسجيل المغادرة:
الخميس, أيلول/سبتمبر 27, 2012
عدد الليالي:
1 ليلة

أحبائي وأعزائي خلصنا من الأساسيات والأشياء المهمة والآن نأتي للأهم

لكن قبل ذلك مارأيكم في حجوزاتي وأعطوني ملاحظاتكم

مارأيكم بالفنادق والحجوزات والأيام والأسعار والغرف والاطلالات ..؟

ماهي الخطوة التالية ...؟

؟؟؟
وينكم أحبائي والا افتح موضوع جديد ؟؟؟

ياهلابك ياغالينا
والله العظيم برنامج من اجمل مايكون ... قمة بصراحة
اعتمده كما هو ... لانه بصراحة برنامج اسطوري
الفنادق من اروع فنادق مالييزيا وافخمها ... ونوع الغرف ممتازة جدا
الخطوة المتبقية حاليا :
ترتيب برنامجك وجدولك اليومي ... من خلال القراءة ومتابعة تقارير الاخوان
واذا بغيت مساعدة ابشر بالجدول اليومي من الموبايل

بحول الله سأنزل موضوع بخصوص هالموضوع
ومالنا غنى عنكم خبرائنا الأعزاء