الموضوع: استفسار عاجل لا اهل قطر؟؟؟

مررراحب اهل قطر..

مكن مساعدة ..بغيت اسئل عن اسواق تبيع اقمشة فساتين سهرة.. او فساتين جاهزة
وابغى سوق يبيع جلابيات وثياب شعبية..


ممكن بعد وين موقع حديقةالحيوان __المتحف الاسلامي -ا لمتحف الوطني - سوق واقف - مدينة العاب
ياليت لو تفيدوني مواقع هذولين بالظبط باسم الشارع او الحي

عذرا بثقل عليكم ..

ياليت بعد تنصحوني وين الاماكن الي تستحق الزيارة


عندي فندقين محتارة بينهم holidy villa hotel
, ayanan golden

طبعا الاثنين 4 نجوم

مودتي

مواضيع عشوائيه ممكن تكون تعجبك اخترناها لك:

• الخطوط الجوية القطرية تصل إلى النرويج
• فزعتكم باهل قطر
• قطر تستثمر مليار دولار في السياحة حتى
• إستفسار عن شقه فندقية
• العشاء في الجو
• كرسبي كريم فبراير في الدوحة
• قطر
• كويتيه وتبي تروح شاليهات قطر
• هل منفذ قطر يختم الجواز؟؟
• وين اروح ؟
• عاجل جدا ابي شقق او فنادق عائليه بسعر متوسط
• افتتاح مجمع ‏ شروه سنتر التجاري
• سؤال عن سوق في قطر
• ابغى شقه فندقيه راااااقيه
• نداء لأهل قطر
• ابحث عن فندق لعائلة كبيرة
• كم المسافة من الرياض للدوحة بالسيارة
• ارجوا المساعدة الدوحة نهاية يونيو وشاليهات سيلين
• السماح للخطوط القطرية بتسيير رحلات مباشرة إلى كندا
• افضل فندق في قطر

أولا مكان العبايا وهل سوالف ماعرف لاني مو حرمه

ثاني شي ااذا على الفنادق الي انت اخترتها فـــ الهوليدي هو افخمها

ثالثا اماكن سياحيه ومدن العاب اممم في مدينة ترفيهيه في فيلاجيو مول بس اكثر العابها للكبار لاكن ...
في مجمع جمب فيلاجيو اسمه حياة بلازا هذا في مددينة ترفيهيه للاطفال اسمها جنغل زون وهي راح تناسب سن 3 الى 13 سنة
الاماكن الي تستحق الزياره

1 - فيلاجيو مول + سباير زون هذولا جمب بعض روحي فيلاجيو اول عقب الحيقه

2 - جزيرة الؤلؤه .. (( اذا فوتيها خلاص راحت عليك ))
3 - المتحف الاسلامي + كورنيش قطر
4 - سوق واقف

مساعدة ..بغيت اسئل عن اسواق تبيع اقمشة فساتين سهرة.. او فساتين جاهزة
وابغى سوق يبيع جلابيات وثياب شعبية..


اقمشة السهر

شارع السد
سوق الديره
سوق العسيري

فساتين سهره
الستي سنتر
رويال بلازا
محلات خلف الرويال بلازا شارع السد


جلابيات

سوق واقف
الستي سنتر

تسلمو والله ماقصرتو...

اثوري
the rook

مودتي


ياليت الي عنده اضافة يضيفها......... الؤلؤة هل هو مجمع؟

حديقة الحيوان هل تستحق الزيارة؟؟
اذا ممكن ابغى مطاعم تكون نظيفة ومرتبة وتستحق الزيارة؟؟

تحياتي

السلام عليكم
محلات بيع الأقمشه
سوق الديره +سوق العسيري وما أنصحك بالمحلات اللي في شارع السد كلهم 4 أو 5 محلات والبضاعه اللي فيها نفسها موجوده في سوق الديره والفرق انه سوق الديره أرخص والتشكيلات أكثر
فساتين سهره
في شارع السد والمولات
بالنسبه للؤلؤه هي جزيره فيها مشاريع سكنيه وكورنيش ومطاعم .... يعني مثل مشروع النخله اللي بدبي
وحديقة الحيوان تستحق الزياره
وأهم المجمعات فيلاجيو + لاند مارك + سيتي سنتر
أهم المطاعم
مطعم المحاره للأكلات البحريه في سوق واقف
مطعم لونوتر ا( فرنسي) في فيلاجيو
مطعم النبلاء ( شامي) في السد
مطعم شبستان ( ايراني ) في شارع السد
المطعم الهندي اللي في فندق رامادا ( على فكره فندق رامادا به مطعمين للأكلات الهنديه واحد للبرياني والكاري والثاني للمشاوي )
المطاعم المكسيكي اللي في فندق الماريوت
المطعم الهندي اللي في فندق الماريوت
ولمحبي الأكل الايطالي مطعم بيلا في سيتي سنتر أو مجمع المول
ومطعم تشاو في طريق سلوى
مطعم سلطان ابراهيم في فندق انتر كونتيننتال ( بحري)( غالي)
مطعم الطواش للأكلات الخليجيه بسوق واقف
مطعم ناندوز في السد أو السيتي سنتر
مطعم ليالي ( شامي)بالسد
مطعم نيو ( متنوع) بالسد

ومن الأماكن اللي تستحق الزياره شاليهات سيلين ولكن يجب الحجز مسبقا ويمكنكم الدخول والسباحه في البحر او حمام السباحه برسوم خاصه
بالنسبه للمتحف الوطني اعتقد انه مغلق للصيانه
والبديل هو المتحف الاسلامي ويقع في قلب مدينة الدوحه
ولاتنسوا بالطبع كورنيش الدوحه وأخذ جوله في البحر على متن أحد السفن التراثيه
وتقبلوا تحياتي

ولاتنسى مطعم الاسيوي الرائع الصراحه روعه اسمه the nodells house عند فرعين في قطر في السيتي سنتر وفي جزيرة الؤلؤه

ماقصرتو نخدمكم انشاء الله ...
المرواني الجهني -the rook


مودتي

ابغى عناوين المتحف الاسلامي - وسوق واقف وحديقة الحيوان والؤلؤة وممع فلامينجو والسيتي سنتر وسوق الديرة بالتفصيل..

باثقل عليكم اتحملونا شوي !!!

شلون يعني عناوين ؟؟ !! مافهمت !!!

المتحف الاسلامي
هذا هو عنوانه
ارجاء الضغط على الرابط
http://www.mia.org.qa/#visiting/how

في الكورنيش واضح مقابل دائرة الجمارك اول الكورنيش تقريبا
حديقة الحيوان في الدوحة
وتقع في الريان شارع الفروسية

ساعات العمل

السبت الاحد : 9 صباحا -- 6.30 pm
الثلاثاء : للنساء فقط
الأربعاء : عائلات فقط
الجمعة : 1.30 -- 6.30 اذا تعرف للاحداثيات هذه احداثية حديقة الحيوان


حديقة الحيوان
25°14'42"N 51°26'1"E

سوق واقف من اول شارع الكورنيش شارع حمد الكبير
ولاتحاتي العنواوين كلها واضحه و الدوحة صغيرة و الاماكن الي تبيها الكل يدلها ومعروفه عند الجميع
وفيلاجيو عند برج الاسياد وهو واضح تقريبا من كل ضواحي الدوحة
سوق الديرة تقريبا مقابل سوق واقف من ناحية مواقف الي قريبه على البنك المركزي ومركز فنار المنارة الحلزونيه

اجدد شكري مرة اخرى.....
عن جد ماقصرتو ....
the rook_ ماجد القطري ..
تسلمو


مودتي

عندي اذا امكن سؤال بشان حجز الفندق عن طريق النت...
هل هو فعلا ارخص __ هل الصور تعطي شكل واضح للمكان؟
اي فندق افضل

عندي فندقين محتارة بينهم holidy villa hotel
, ayanan golden
اتوقع ان واحد يقع في شارع المنتزة والثاني عند المتحف تقريبا او شارع المتحف ؟؟

ممكن.........

متى تكون اجازة قطر... يعني السبت و الاحد
او الجمعة والسبت



مودتي
وشكرا لتجاوبكم معي

المشاركة الأصلية كتبت بواسطة يوزرسيف
http://www.arabtravelersforum.com/tr...9/#post3823869

ممكن.........
متى تكون اجازة قطر... يعني السبت و الاحد
او الجمعة والسبت
مودتي
وشكرا لتجاوبكم معي

الاجازة الرسمية لدولة قطر هي يومي الجمعة والسبت ...
تحياتي لك ...