الموضوع: اقتراحاتكم التخطيط إلى هونج كونج

السلآم عليكم

كيف حآلكم

دائما اذا أفكر بالسفر أول ما يخطر في بالي ((منتدى العرب المسافرون))

صآر لكم بصمه بمجرد ذكر موضوع السفر لآزم يجي طاري العرب المسافرون

اليوم طرت على البال فكره

وهي السفر بإذن الله في اجازة الطلاب الترم الثاني من تاريخ 7 أبريل - 15 أبريل

بهدف التجهيز للزواج

(( انا وامي وثنتين خواتي مع أخوي 12 سنه كـَ محرم فقط = يعني كلنا 5 ))

كآن فيه خلآف بالاختيار بين بلد سبق وأن زرناها والا بلد جديد ،،

أمي تقول نروح لـ بلد زرناها قبل عشان اذا تورطنا الا وحنا عارفين البلد

وأنا أقول نروح لبلد جديد ونعيش مغامره ،، وقلت لها .. (( أعضاء العرب المسافرون )) موب مقصرين أبد قبل لا نروح عاد شلون لا رحنا !!

المهم اني اقترحت هونج كونج

تكفون أبي فزعتكم لترتيب رحله تسوق اقتصادية !!

1/ الفيزا .. إيش اجرائاتها ومن وين ومن متى أطلعها ؟

2/ الطيران الارخص

3/ فندق آمن أسعاره مناسبه ((بالعادة نآخذ إيبيس)) وقريب من الأسواق

4/ مترجمه ((مسلمة)) بالوقت نفسه تكون مرشدة سياحية فاهمه بالبلد

5/ المطاعم الاسلامية

6/ الاسواق ((بالذات الاوت ليت [متجر البضاعة المخفضة] الخاصه بالماركات الكبيره مثل فيندي ، ديور ، دوتشي اند قبانا ............ ))

7/ المواصلات ،، ايش اقتراحاتكم .. ((بالعاده تستأجر سيارة ،، والمترجمة هي اللي تسوق فينا ))

8/ أي زيادة منكم أو اقتراح أو نصيحة أحتاجها .. ما استغني عن خبرتكم



بانتظآركم

مواضيع عشوائيه ممكن تكون تعجبك اخترناها لك:

• كتب عن الاسلام بالصينيسفراء الدين
• ناوي استورد من الصين ابغي مشورتكم
• دزني لاند هونغ كونغ
• ارجو الدخوللكل المهتمين بالسفر الى كوانزو
• رجلتي القادمة الى هونغ كونغ وشيزن وكوانزوا أبغى مترجمين
• رحلتي إلى الـصـيـبكينشنغهايشوزوفينيسيا الشرقـــن تقرير صور
• استفسار ابوضرار
• بليز محتاجة مساعدة الاسبوع الجاي بروح هونق كونج
• ياليت مساعدتكم كيف الذهاب من كوانزو لهذة العناوين
• معرض الكمبيوتر والتقنية في الصين متى وأين ؟؟
• في كوانزو وهونك كونج
• العمل فى الصين
• رحلتي بعد يومين وانا ما بعد سويت شئ تقريبا
• استفسار عن شحن من الصين الي الدوحة
• الي سبق استورد مواد غذائية الي الصين يفديني الله يجزاكم خير
• فزعتكم ياهل الإنجليزي أبي ترجمة هالنص
• استفسارات ذللاستيراد من ماليزيا
• الة طباعة التي شيرتات؟؟؟
• بكم سعر الفيزة الي الصين من اليمن
• طريقة الدفع لمحلات الجملة

الجواب الوحيد اللي اقدر اجاوبك فيه
الفيزا من المطار ماتحتاج شي ....

الطيران شوفي المكاتب السياحية ويضبطونك


الف مبروك الزواج والله يرزقك الزوج الصالح

المشاركة الأصلية كتبت بواسطة saad@
http://www.arabtravelersforum.com/tr...2/#post4636718

الجواب الوحيد اللي اقدر اجاوبك فيه
الفيزا من المطار ماتحتاج شي ....

الطيران شوفي المكاتب السياحية ويضبطونك


الف مبروك الزواج والله يرزقك الزوج الصالح



ربي يعطيك العافيه

شكرا لك أخوي دائما أنت أول من يرد علي

ربي يبارك فيك ،، آمين

بانتظار البقية

وينكم !!!

مرحبا الساع الاخت بنت سلطان

في البداية نبارك لك..والله يتمم على خير

بخصوص شرطة الطيران مانعرف من وين انتي

يا من السعودية او من الامارات

بعدين الاسعار بيفيدك فيها مكتب السفريات

انا رحت هونج كونج لاول مره بدون باكج وبدون مترجم

واعتمدت على نفسي مثل كل سفراتي

في البداية اذا كنت الرحلة للتسوق وخاصه الماركات

اعتقد ان كوانزو - الصين افضل من هونج كونج

لان هونج كونج يوجد اوت لوت واحد في مول بعيد قريب المطار

وانا مريت جدامه ومادخلته ولا كنت خبرتك اذا يسوا زيارته او لا

اما كوانزو فالخيارات كثيره ومتوفره وعلى حسب الدرجات

نرجع لهونج كونج مثلا لو بتروحين سوق الحريم او سوق تمبل ستريت

ترا الباضعه عاديه واحيانا تمشي الحال

وعلى فكره ترا هونج كونج مولاتها كلها راقيه وغاليه

مثل سنغافورة

اذا فكرتي بكوانزو تفضلي موضوع الاخت..الهنا كله يعطيها العافية

http://www.arabtravelersforum.com/travel428929

نرجع لهونج كونج

اختي الفاضله...هونج كونج مايبالها مترجم

والبلاد آمنه فرجال الامن منتشرين

البلاد فيها شبكة مترو انفاق..توديكي اي مكان تبينه

مثلا سوق الحريم تقدرين تروحين له بالقطار

اما تمبل ستريت فالقطار بعيد شويه مب وايد

وهناك الفيري لي ينقلك من جزيرة هونج كونج لكولون

للاسف اذا كنتي تسألين عن مطاعم إسلامية

فالخيارات في شارع ناثان بجزيرة كولون

فيها مطاعم هندية وباكستانية ومطعم واحد تركي

المنطقة حيوية جدا لاكن يعيبها الهنود المنتشرين

واللي اذا شافوك ...يجونك ويقولون لك...كوبي باج كوبي واتش

افضل مناطق السكن في جزيرة كولون وتحديدا منطقة تسيم تشا تسوي

رابط تختارين منه الفنادق لي تناسبك
http://www.booking.com/searchresults...=1&aid=1329869

قطار اكسبرس من المطار لمحطة كولون وبعدين يركبونج باص

مباشر للفندق ومن ضمن الفنادق لي بتشوفينها بالقائمة

فندق شنغريلا والانتر..وماركو بولو

هاي الفنادق لي يمر فيها الباص الخاص بالقطار على مدار الساعه

الامور بسيطة والبلاد مش صعبة

تفضلي رابط موضوعي عن هونج كونج اقريه على راحتك

http://www.arabtravelersforum.com/travel460328/

واذا فيه اي استفسارات او مساعدة احنا بالخدمة

المشاركة الأصلية كتبت بواسطة eilaf
http://www.arabtravelersforum.com/tr...2/#post4771446

انا كمان ما انصحك لهونج كونج اذا تبى تجهزي و تشتري روحي جوانزو ارخص
هونج كونج مرررة غااالية و فيها كل الماركات بس مو مخفضة
حتى الاوتلت مول فيلو كم ماركة بس مو كتيير و مو داك التخفيض عادي حتى في اشياء كتير مو مخفضة
في الاسواق الشعبية حلوة و رخيصة تعتبر بس الكوالتي مو داك الشي ازا كنتي تبي تجهزي
اما اذا كانت للسياحة فحلوة فيها اشياء كتير تروحيلها
و اي سؤال انا موجودة . انا عايشة بهونج كونج

سوري على المداخله

لكن ودي اسألك كونك عايشه بهونج كونج

احنا مفكرين نسافر هناك لكن عندنا 10 ايام و احد الاخوان قالي 10 ايام كثيره على هونغ كونق بس فياليت تفيديني ؟؟

ممكن نشبك الرحله بـأي مدينه ثانيه ؟؟

وكيف السوق بهونغ كونغ ؟؟ اشوف تقولي غالي ؟؟؟

يعني لابد بنشتري لنا وكمان هدايا وووو؟؟؟

وجوانزو كم تبعد عن هونغ كونق ؟؟؟؟

معليش على كثره اسئلتي بس اول مره بنروحلها اذا تيسرت ان شاء الله ولا عندي معلومات كافيه

ياليت تردي علي

وجزاك الله خيير