الموضوع: رحلتي لمدة ايام تكمله لشهر العسل إلى سوريا الحب

احبتي في الله مساكم الله بالخير جميعا ...............



إعذروني عن الغياب الغير مقصود عن هذه البوابه الغاليه على قلبي وأسباب هذا الغياب هي إنشغالي بالزواج .........


شهر عسل ولا أحلى منه في كلا من الاردن وتايلند وسوريا

تفاصيل رحلتي إلى تايلند على هذا الرابط

http://www.arabtravelersforum.com/travel141065/


لمن يود الاطلاع ...............


وصلنا من مطار ابو ظبي بإتجاهنا إلى مطار الملكه علياء بعمان بتاريخ 10/8/2007 وكانت نيتي هي التوجه إلى السعوديه وبعد تختيم الجوازات إتصل بي اخي من سوريا وتحديدا صلنفه قال تعال الجو ولا أحلا منه بسوريا فكرت وضربتها وحسبتها وإنو باقي حوالي 5 ايام من الاجازه قلت توكل على الله ياولد وروح سوريا

طلعت من المطار وتوجهت مباشره إلى الموقف واخذت لي سياره كومبليه إلى دمشق ( كان معي اخوي لكنه روح للسعوديه بحكم إنه عنده دواام من بعد بكره ) اخذت التاكسي بحوالي 55 دينار واص للبرامكه اثناء الطريق إتصل علي نسيبي وقال لي تجي تنام عندي وتريح وبكره يحلها الف حلال إتجهت إليه مباشره في قرى الاسد ( طريق دمشق بيروت على اليمين ) وتعشيت انا وياه وعلى طوول نومه لاني تعبان من السفر تخيلو 9 ساعات طياره وبرا حوالى 200 كيلو انواع الارهاق قمت من بكره افطرت قلت لابو نسب عن إذنك ابي السياره قال تيك يور رست ( خذ راحتك ) اخذت المدام وإتجهنا على طوول لطريق الربوه طبعا هناك فيه مطاعم عائليه ولا احلى منها واحلى غدا بعدها رحنا للحميديه تسوقنا لكن المشكله تكمن في المواقف حيث انه بصعوبه بالغه تجدوون مواقف , ومن ثما إتصل علي اخوي اللي كلمني امس بصلنفه وقال إحنا الحين بالشام نتقابل عند ابو لينا ( ابو نسب ) قلت اوكي توجهت من الحميديه على طوول لقرى الاسد وبعدها اخذت اغراضي من عند ابو نسب وإستأذت منه وطلعنا سيده على مضايا ولفينا بالسياره هناك إلا وورع صغير يقول بدكم فيلا قلنا ايه وورانا اول فيلا واعجبتنا وهي كبيره طبعا وإحنا ثلاث عوائل وتنفع لنا ( حوالي 3 ادوار كل دور عبارهى عن شقه كبيره غرفتين نوم وغرفة صالون وايضا مجلس عربي إطلالتين من زاويتين ولا احلى ودورتين مياه اجلكم الله ) بالاضافه لمسبح لاهو كبير ولا صغبر لكنه ميه بالميه وحديقه وبستان وانواع الفواكه وسعرها بالاول توقع اخوي الكبير 15000 الف ليره لكن صاحبها قال ب 10000 الاف ليره وماصدقنا المهم بعد المكاسره اخذناها بــ 8500 ليره لليوم الواحد ولها مدخل يسع لسيارتين او ثلاث سيارات (الدور الاول اخوي ابو فيصل والدور الثاني اخوي ابو العز والدور الثالث طبعا انا ) , المهم استأجرناها على طوول ونزلنا الاغراض وسيده رحنا اخذنا لنا خروف بسع 5800 ليره مع الذبح ( سعر الكيلو حوالي 125 ليره )

رجعنا الا والنار واقده وشوينا وسبحنا وإستانسنا بعدها رحت ويا المدام وتمشيه بسوق الزبداني وهو سوق حليل لكن مايمنع من المكاسره بعدها رحنا للفيلا ونومه .............


اليوم الثاني قمنا الساعه 11 صباحا تقريبا جلسنا لين ماجهز الغداء وبعد الغداء اخذت سيارة اخوي وطلعت بالمدام ورحنا لسوق الحمراء وتسوقنا بعده قالت لي المدام ودي بالمطاعم الشعبيه اللي بوسطها نافوره قلت بنفسي ثاني راح نرجع لسوق الحميديه والزحمه بس لاجل عين تكرم مدينه , رحت للحميديه وبعد دوران ولف مالقيت موقف و بغيت اطلب الله عن هالمطعم لكن المدام وخاطرها المهم لقيت لي موقف واول ماوقفت إلا وجايني واحد يقول بدنا ننزل بضاعه ومن هالكلام قلت لاحووووول المهم يوم قلت السياره إنتبه لها وهذي 500 ليره قال أمرك سيدي , وقفت السياره ودخلت الحميديه ومن هنا وهناك وأسأل عن افضل المطاعم ومشي والله لا يوريكم في الاخير وصلنا للمطاعم وهي بجنب بعض المهم الجلسه حلوه ورايقه خصوصا حوالي النافووره طلبنا العشاء تعشينا والعشاء مشي حالك ( يعني مو ذيك الجوده ) مو مثل المطاعم اللي على طريق المطار والربوه , واسعارهم معقوله نوعا ماه ........

تعشينا وتوجهنا مباشره على جبل قاسيوووون وحذاري ياجبل قاسيون خصوصا الكوفي شوبات والمطاعم الموجوده هنالك لانها النصب بعينه واعلمكم بالسالفه .......

توجهنا لمطعم بقاسوين وهو الظاهر اللي قبل الاخير بمطعمين لما تجيكم الطلعه على اليمين سألت الشب الموجود اللي نادانا قبل لا ادخل قلت له قبل لا ادخل انا ابي عصير كوكتيل وعصير برتقال قال 200 ليره للاثنين ( طبعا انا اسأله لاني اعرف إنهم انصب خلق الله وصار لي مواقف كثيره معاهم قبل هالمره )
المهم عرفت السعر مبدئيا وقلت توكلنا على الله دخلت انا والمدام وجلسنا والجلسه ولا احلى انواع الاجواء الرومانسيه والشاعريه خصوصا الإطلاله على دمشق العشق , شوي يوم جاني قرسونين واحد نزل لي مويه وفاين والطلب الاساسي حقي اللي هو كوكتيل وبرتقال والقرسون الثاني شايل معاه صينية مليانه فواكه وكسرات قلت له من طلب هذا قال هذا ينزل مع الطاوله قلت له يالله شيلها كلها وخل لي بس الطلب اللي طلبته (طبعا المويه اللي نزلها لي من الاول مفتوحه وكملها الظاهر من الحنفيه وجابها لي ) يوم شال الاغراض اللي هو جايبها الزايده وجلسنا وكملنا الاجواء الشاعريه واخوكم مستانس بعدها قلت للمدام يالله نروح ناديت القرسون قلت له الحساب , يوم راح القرسون ولا جاء قمت انا والمدام ورحنا للكاشير إلا وعنده حرمه الظاهر إنها كويتيه ومعاها زوجها وعسكريين شرطه وتناقش الكاشير تقول له شلون 2700 ليره هذا لعب هذا نصب خافو الله وانا اقول بنفسي الله يعينها الظاهر إنها طلبت طلبات واجد ولا تدري عن الوضع واخوكم مستانس لاني عارف الحساب مسبقا المهم 5 دقايق وراحت الحرمه وزوجها جيت انا وقلت له الحساب قال اي طاوله قلت هذيك المهم يوم جاب الاله الحاسبه وجلس يكتب ويطرح ويقسم , اقسم بالله إني اقول بنفسي هذا بيخترع ذره الظاهر , وشوي يعطيني ورقه صغيره ومكتوب فيها 2700 ليره قلت على إيش قال شووف إلا ووراه لوحه صغيره ومكتوب عليها سعر الطاوله فقط 2500 ليره قلت له آسف ماراح اعطيك هالمبلغ ومن هنا وهنا وصرت بنفس موقف الحرمه الكويتيه يوم قال لي خلاص 2000 ليره قلت والله ماادفع واعصابي ولا ابرد منها واكلمه بكل برود يوم قال لي خلاص 1000 ليره قلت له إنت تفهم ولا لا قال شو بدك تدفع قلت له أنا القرسون متفق معاه من البدايه على حساب العصير بس تقوم تستهبل علي , يوم قال لي كم معك تدفع قلت 200 ليره مافيه غيرها طبعا لاتنسو إني اكلمه وانا واثق وماعندي فيه , بعدها قال اعطيك 200 ليره وتروح من هنا قلت له جيبها شوي قلت له انا بجيب لك الشرطه مثل هالحرمه اللي من شوي قال انا بدق لك على الشرطه قلت له دق وانواع الاستهبال , المهم من هنا وهنا مااعطيته إلا 300 ليره وجيت مرووح وحقيقه إنصدمت منهم يعني لهادرجه بجاحه ونصب .............
بعدها تمشيت بقاسيون شوي وتوجت مباشره على الفيلا وجلست مع اخواني شوي ونمت بعدها ........

وللحديث بقيه ....................

مواضيع عشوائيه ممكن تكون تعجبك اخترناها لك:

• خدمة البلاك بيري بسوريا
• تعرف على اشهر بيوت دمشق القديمة واجملها مع الصور
• الخطوط السعوديه الي سوريا
• الآلاف تجمعوا لحضوره افتتاح المول الجديد بسيف الدولة يعيق حركة المرور المعاقة أصلا
• السفر الى حمص؟ مدينة لايحب اهل الشام السفر اليها، لماذا؟
• نداء عاجل للاخوة المشرفين
• كل ما تريد معرفته عن سوريا ولبنان اسأل ونحن نجيب
• الي كل من يهتم بألاثار
• استفسار عاجل للخبراء ضروري باسرع وقت
• هل تحتاج السياره البحرينيه الى
• الجامع الأموي الكبير
• مراسلكم من الزبداني بلودان مضايا ـ الاستفسارات والمعلومات
• العيد عيدناه بالشام
• جدولي السياحي لليوم الثاني من زيارة الاربعة ايام المتوقعة لدمشق
• ما هي تكلفة ايام سوريا ؟؟ اتمنى من الأخوة الأعضاء أفادتي ؟؟
• أفيدونى عن أشهر أماكن التسوق فى دمشق
• كيف أصل إلى تركيا عن طريق سوريا بالحافلات أو القطار؟
• لا أقول وداعا بل الى اللقاء
• بشان الجواز
• استفسار بسيط

الحمدلله على السلامة

بس وانا اخوك المطاعم اللي تقولك المدام عنها

هذي احسن مكان موجودة فيه باب تومة وعلى سبيل المثال

مطعم بيت الياسمين هناك تلقى انواع الاجواء الدمشقية الاصيلة

لا واكلهم بالمرة حلو

واما سالفت حقين قاسيون عاد سالفة انا اروح هناك اتمشى على رجولي

واذا تعبت بالسيارة ولا احب اجي اهناك الا قريب الفجر عن الزحمة

تلقى اجواء جدا خيالية

عموما الله يهنيك ويسعدك والف مبروك الزواج ولو متاخر

دمت بالف خير

اول شي الف الف مبرووك على الزواج
تاني شي الحمد لله على سلامتك ونحن بانتظار المزيد

أولا بارك الله لك و بارك عليك و جمع بينكما على خير

ثانيا الحمدلله على السلامة

ثالثا وين التقرير المفصل و الصور؟؟

الف مبروك على الزواج واسأل الله ان يديم المحبه بينكم ويرزقكم الولد الصالح

والحمدلله علي السلامه

قال انا بدق لك على الشرطه قلت له دق وانواع الاستهبال , المهم من هنا وهنا مااعطيته إلا 300 ليره :24::24::115:

الله يبارك لك بالزواج الموفق بأذن الله

والله يكثر من السايح الواعين امثالك فلو كل السياح مثلك لوقف نصابين مقاهي قاسيون عند حدهم

نعم ثبات الأعصاب والتمهل هو من جعلهم يتراجعون عن ذلك المبلغ

فهم يعتمدون على شد أعصاب الزبون ومجادلته حتى يدفع للتخلص منهم

اما انت فجعلتهم هم من يريدون التخلص منك وقبلوا 300 ليرة وانت لم تظلمهم بل أخذوا اكثر من حقهم
كأسين عصير قيمتها 300 ليرة كثير اي كاس العصير قيمته 12 ريال

لكن مع ذلك ادبتهم واعطيتا خبرة جديدة بالتعامل معهم

فكل من يتعرض لمثل هذا الموقف يبرد اعصابة ولا يدفع ويطلب منهم احضار الشرطة ثم يدفع لهم مبلغ واقعي

هلا وغلا اخوي

الف مبروك وان شاء الله عمرا مديد لك وللمدام ملي بالود والحب

والحمد لله على السلامه

دمت بكل الود

الحمدلله على السلامه اخويgolden202011 والف مبروك على الزواج وحياه سعيده ورزقك الله الذريه الصالحه

الف مبروووك على الزواج


منك المال ومنها العيال


واصل احنا متابعين تقريرك الله يحفظك ،،، ،،، ،،،

عساه عرس مبارك

تقريبا نفس الموقف حصل معاي عند أحد السدود على طريق اللاذقية - صلنفه ( ما شاء الله من كثر السدود الواحد ينساهم ) المهم كان فيه مطيعم صغير و ما يسوى بس الجو يسوى و عيالنا معانا يوم قعدنا على الطاولة إلا ابو الشباب ينزل ماء و فستق و حب قلتله من طلب هالأشياء قال : هي مع الطاولة . قلتله و الطاولة كم ؟ قال لي 250 .
يوم فكرت ألا الدعوة ما تسوى و المطيعم يبيع خمور ، و أقوم أنا و عيالي و نروح نفرش على البحيرة و نحط هذاك الحب و قهوتنا و شاينا معنا

و نتكي ببلاش لين شبعنا أو بالأحرى أمسانا الليل

فمن المهم دائما السؤال قبل لا يطيح الفاس بالراس و تعال ابلش بعدين

المشاركة الأصلية كتبت بواسطة golden202011
http://www.arabtravelersforum.com/tr...4/#post1538550

[SIZE="4"]


تعشينا وتوجهنا مباشره على جبل قاسيوووون وحذاري ياجبل قاسيون خصوصا الكوفي شوبات والمطاعم الموجوده هنالك لانها النصب بعينه واعلمكم بالسالفه .......

توجهنا لمطعم بقاسوين وهو الظاهر اللي قبل الاخير بمطعمين لما تجيكم الطلعه على اليمين سألت الشب الموجود اللي نادانا قبل لا ادخل قلت له قبل لا ادخل انا ابي عصير كوكتيل وعصير برتقال قال 200 ليره للاثنين ( طبعا انا اسأله لاني اعرف إنهم انصب خلق الله وصار لي مواقف كثيره معاهم قبل هالمره )
المهم عرفت السعر مبدئيا وقلت توكلنا على الله دخلت انا والمدام وجلسنا والجلسه ولا احلى انواع الاجواء الرومانسيه والشاعريه خصوصا الإطلاله على دمشق العشق , شوي يوم جاني قرسونين واحد نزل لي مويه وفاين والطلب الاساسي حقي اللي هو كوكتيل وبرتقال والقرسون الثاني شايل معاه صينية مليانه فواكه وكسرات قلت له من طلب هذا قال هذا ينزل مع الطاوله قلت له يالله شيلها كلها وخل لي بس الطلب اللي طلبته (طبعا المويه اللي نزلها لي من الاول مفتوحه وكملها الظاهر من الحنفيه وجابها لي ) يوم شال الاغراض اللي هو جايبها الزايده وجلسنا وكملنا الاجواء الشاعريه واخوكم مستانس بعدها قلت للمدام يالله نروح ناديت القرسون قلت له الحساب , يوم راح القرسون ولا جاء قمت انا والمدام ورحنا للكاشير إلا وعنده حرمه الظاهر إنها كويتيه ومعاها زوجها وعسكريين شرطه وتناقش الكاشير تقول له شلون 2700 ليره هذا لعب هذا نصب خافو الله وانا اقول بنفسي الله يعينها الظاهر إنها طلبت طلبات واجد ولا تدري عن الوضع واخوكم مستانس لاني عارف الحساب مسبقا المهم 5 دقايق وراحت الحرمه وزوجها جيت انا وقلت له الحساب قال اي طاوله قلت هذيك المهم يوم جاب الاله الحاسبه وجلس يكتب ويطرح ويقسم , اقسم بالله إني اقول بنفسي هذا بيخترع ذره الظاهر , وشوي يعطيني ورقه صغيره ومكتوب فيها 2700 ليره قلت على إيش قال شووف إلا ووراه لوحه صغيره ومكتوب عليها سعر الطاوله فقط 2500 ليره قلت له آسف ماراح اعطيك هالمبلغ ومن هنا وهنا وصرت بنفس موقف الحرمه الكويتيه يوم قال لي خلاص 2000 ليره قلت والله ماادفع واعصابي ولا ابرد منها واكلمه بكل برود يوم قال لي خلاص 1000 ليره قلت له إنت تفهم ولا لا قال شو بدك تدفع قلت له أنا القرسون متفق معاه من البدايه على حساب العصير بس تقوم تستهبل علي , يوم قال لي كم معك تدفع قلت 200 ليره مافيه غيرها طبعا لاتنسو إني اكلمه وانا واثق وماعندي فيه , بعدها قال اعطيك 200 ليره وتروح من هنا قلت له جيبها شوي قلت له انا بجيب لك الشرطه مثل هالحرمه اللي من شوي قال انا بدق لك على الشرطه قلت له دق وانواع الاستهبال , المهم من هنا وهنا مااعطيته إلا 300 ليره وجيت مرووح وحقيقه إنصدمت منهم يعني لهادرجه بجاحه ونصب .............
SIZE]



.




عساه بالمبارك الزواج :x1:


وعمليات النصب :112: حذروا منا أغلب الشباب ومنهم مشرفنا الغالي/السائح الهروي


وخاصة في مطاعم جبل قاسيون


بس ترى أهم شئ أن أعصاب الواحد ماتتلف ... وخاصة لما يكون عريس جديد :109: :109: :109:





.

[mark=FF6666]اخويgolden202011
بارك الله لك وبارك عليك وجمع بينكما في خير

ما شاء الله عليك

ذيب ما يضحك عليك أحد


تعجبني

أنت كذا :24:

برافو عليك
:113::113::113: [/mark]

واصل حفظك الله نحن بانتظار بقية التصوير
بس ماقلتلي وين الصور ؟؟؟؟؟؟؟؟؟؟؟؟؟؟
ترا مايطيب خواطرنا الا الصور شد حيلك



:smile125::smile105::smile127::smile105::smile125:

الف مبرووووووووووك

وبالرفاه والبنين

وتصدق من كثر ما قريت بالمنتدى عن نصب مقاهي جبل قاسيون والله لما زرت سوريا

ما فكرت اروح للجبل بالمره ..

ويالله الحمدلله انك تصرفت التصرف الصح ..