الموضوع: رحلة الأحباب إلى بلاد المطر والضباب

بدايه جيده ...

واصلي وانا في انتظار بقيه التقرير ... مع ان الصور لم تظهر معي

تحياتي

حياك الله أخي الفاضل ..سعدت بمرورك والصور طالعة عندي ياريت تعمل تحديث للصفحة وترد لي خبر والله طول اليوم وانا ما غير احمل في هالصور

ياريت أحد من الأخوان او الأخوات اللي قرأوا الموضوع ولم يعلقوا بكلمة واحدة بس على الأقل ياريت حد يقول لي الصور طالعة عندهم وإلا اعيد تحميلها مرة أخرى؟؟؟

أختى قطريه كول الصور ماتطلع عندى .

هلا بأختي الفاضله مشكوره على الكلام الطيب وهذا من طيب أصلكم وأحنا فى خدمتكم فى هذا المنتدي أنا مع السمي أبو محمد القطري


بالنسبه دخلت على موضوعج مو منزله رابط الصور فالموضوع يعني ماتطلع الصور

المكان الي مأشر عليه بالسهم اعمليله كوبي ,,, وعلى الموضوع سويله بيست ( دايركت ) بدون اي شي





وهذي الصوره تبين لج وماقصر خبيرنا على التوضيح

تسلم أخي الفاضل طائر بلا حدود على تجاوبك وسأحاول تعديلهم بأسرع وقت..

أخي المزعج شاكرة لك سرعة تجاوبك ومن دواعي سروري أن تكون من أوائل من يشرف تقريري المتواضع وإن شاء الله سأقوم باتباع نصيحتك الآن وأرى إن فهمت الدرس أم لا؟ بس ليش ما يطلع برواز للصور وما ينكتب عليهم اسم المنتدى مثل ما لشوف في بقية المواضيع؟ هل في طريقة اتبعها لتحقيق ذلك؟ شاكرة لكم حسن تواصلكم..

والآن سأجرب إنزال بعض الصور وياريت تبلغوني بالنتيجة لإكمل التقرير..

وهذه صور للحظة الإقتراب من الأراضي اللندنية وتحقيق الأمنية

[CENTER]

[ /CENTER]

وهذا النهر الحلو اللي عندهم

حياك الله أختي قطريه كووول وبإنتظار تقرير عاصمة الضباب

وعليكم السلام ورحمة الله وبركاته

هلا وغلا بنت ديرتي

وكل عام وانتوا بخير وعيدكم مبارك ولوا انها متأخره ^_^

وتسلمين على الأطراء وهذا واجبنا ولكم حق انخدمكم نفس ماقال مشرفنا الغالي بوعبدالله ..

وماسوينا الا الواجب

ودام اول المواقف مع شركة الفا فــ الله يستر ليكون ماجاوا المطار ^_*

الصور اذا ماعليكم امر حاولوا ترفعونها عن طريق المنتدى

واي خدمه احنا في الخدمه

المشاركة الأصلية كتبت بواسطة aber sabel
http://www.arabtravelersforum.com/tr...0/#post4486740

حياك الله أختي قطريه كووول وبإنتظار تقرير عاصمة الضباب

حياك الله أخي الفاضل والتقرير نزلت الحلقة الأولى منه لا يكون بعد مو طالع الكلام؟

المشاركة الأصلية كتبت بواسطة القطري
http://www.arabtravelersforum.com/tr...2/#post4486742

وعليكم السلام ورحمة الله وبركاته

هلا وغلا بنت ديرتي

وكل عام وانتوا بخير وعيدكم مبارك ولوا انها متأخره ^_^

وتسلمين على الأطراء وهذا واجبنا ولكم حق انخدمكم نفس ماقال مشرفنا الغالي بوعبدالله ..

وماسوينا الا الواجب

ودام اول المواقف مع شركة الفا فــ الله يستر ليكون ماجاوا المطار ^_*

الصور اذا ماعليكم امر حاولوا ترفعونها عن طريق المنتدى

واي خدمه احنا في الخدمه



عساك من العايدين الفايزين..

شرفت تقريري ولد بلادي بس ولا تهون بو محمد طمني الصور الأخيرة طلعت وإلا لأ؟ انا اتبعت طريقة المسافر الصغير مثل ما أشار أخونا المزعج وياريت تقول لي كيف أحمل الصور من المنتدى وكيف يطلع لها إطار؟

انتي تامرين ..

هذا رابط تحميل الصور


http://www.arabtravelersforum.com/travel124283/


وهذا رابط الديكورات للصور ^_^


http://www.arabtravelersforum.com/travel144092/


والشرف لنا يابنت ديرتي بأنج اتنزلين موضوع ايشرف البوابه

الحلقة الثانية

طبعا في الحلقة السابقة وقفنا عند لحظة استلامنا للعفش وخروجنا للمطار لنستقل السيارة التي حجزناها من الدوحة من شركة ألفا وكانت المفاجاة!!

أن الكل حامل لوحة من شركات تأجير السيارات بإسم العائلة اللي ينتظرها إلا اسمنا ما لقينا حد حامله وندور يمين ويسار ونطلع فوق وننزل تحت ونرجع مرة ثانية داخل والكل يتفرج علينا ويقول وش فيهم هاذول مضيعيين وش يدورون؟ وانا ما غير ميته من الغيظ والحرة وأقول هاذي اولها؟ هاذا اول حجز لي وترتيب طلع فشنك على قولة إخواننا المصريين ونزلنا لين السيارات والمواقف وندور واللي معاي يسألون وين السيارة خل ناخذ تاكسي وانا اقول لهم اصبروا خلنا نطلع فوق مرة أخيرة وإن ما لقيناهم باتصل بلمكتب وباطبط ببطنهم..

وتونا صاعدين فوق إلا نشوف ذيك اللوحة اللي منورة بغسمنا ونركض له ونقول له أحنا المطلوبيين بس ليش تأخرت كان يكذب ويقول انا من الصبح أنتظركم بس أكيد ما شفتوني!!!!!

المهم ما حبيت انكد على نفسي السفرة من بدايتها وأحط حالي وحال السيرلانكي وأقلبها هوشة ...ركبنا معاه وعطيته عنوان الفندق كان يسألني اللي وين الفرع الفلاني وغلا العلاني؟

من المفروض الغريب أنا وإلا أنت؟ قلت له اللي بماربل آرش كان يسأل اسئلة عبيطة وأسفهه واسكت عنه طول الطريق وهو ما سكت صج راسي من الهذرة ما غير تقول إذاعة ما شاء الله!!!

المهم وصلنا إخيرا بالسلامة للفندق حاسبناه ومشى..ودخلنا الفندق إلا ذاك السلم اللي تقول بتصعد جبل من جبال الهملايا !!!إيش طوووووووووووووووووله

انقطع قلبنا لين وصلنا لوبي الفندق!!! مع انه يوجد سلم كهربائي بجانب السلم العادي بس مع ذلك انقطع قلبنا..( خبركم عرب وما فيهم لياقة من العيوش)

المهم
أموت واعرف ايش سالفة هالفندق؟
ليش المدخل تحت واللوبي طاير في السما؟

المهم مالكم بالطويلة..دخلنا الفندق وصعدنا نسوي التشيك إن عطيتهم حجز المكتب السياحي ودقوا على الكمبيوتر وقالوا كلامك صحيح تفضلوا هذا مفتاح الغرفة اللي حجزتوها.. قلنا وعفشنا ما نطلع بدونه ..ها تبون تسرقونا عيني عينك من أول يوم؟ قالوا يا بنت الحلال واش نبي في خلاقينكم ضفي وجهج بس وأحنا نرسل شنطكم قبلكم..

طبعا كنا تعبانيين والصغار جوعانيين وما صدقنا ناخذ المفتاح وطرنا على المصعد..حلوة المصعد هاذي.. ونطلع غرفتنا ..فتحنا الباب وسمينا ودخلنا برجلنا اليمين..إلا....................................... مفاجأة!!!!!!

تابعوني في الحلقة القادمة لتتعرفوا على المفاجأة الثانية في نفس اليوم..

اليوم الأول للسفر...

في أمان الله

تقرير مشوّق من بدايته ..



وسجليني متااااابع إلى الآخـر ..

اكيد انا بعد متابعه بشغف

حياكم الله

بداية ممتازة ولكم من غير صور

الله يعطيك العافيه بس مستنين الصور....

حمدلله على السلامة

علقتينا
كأنا فى مسلسل مكسيكى

حمستينا شنهي المفاجاة

البدايه تبشر بتقرير جميل وحلو
ونحن بانتظار الصور

المشاركة الأصلية كتبت بواسطة محبوبتي لندن
http://www.arabtravelersforum.com/tr...8/#post4487288

تقرير مشوّق من بدايته ..



وسجليني متااااابع إلى الآخـر ..



حياك الله أخي الفاضل..تسعدني متابعتك







المشاركة الأصلية كتبت بواسطة سلمى غزالي
http://www.arabtravelersforum.com/tr...4/#post4487764

اكيد انا بعد متابعه بشغف



تشرفني متابعتك أختي سلمى..







المشاركة الأصلية كتبت بواسطة موادع1
http://www.arabtravelersforum.com/tr...0/#post4487990

حياكم الله

بداية ممتازة ولكم من غير صور



حياك الله مشرفنا وكم استفدت منك في سفرتي وخاصة جدول مواعيد الصلاة وطريقة استخدام الأندرجراوند..

الله يجعل ذلك في ميزان حسناتك..وبالنسبة للصور والله اشتغل عليهم من الصبح بس المشكلة في مركز تحميل المنتدى..







المشاركة الأصلية كتبت بواسطة ali3000
http://www.arabtravelersforum.com/tr...6/#post4488466

الله يعطيك العافيه بس مستنين الصور....



الله يعافيك..حاضر من عيوني..







المشاركة الأصلية كتبت بواسطة ثامر2007
http://www.arabtravelersforum.com/tr...0/#post4488590

حمدلله على السلامة



الله يسلمك..تابعنا ستجد كل ممتع بعون الله..







المشاركة الأصلية كتبت بواسطة Met3ntra
http://www.arabtravelersforum.com/tr...8/#post4488628

علقتينا
كأنا فى مسلسل مكسيكى



شاسوي يا حبيبتي عيوني طلعت وانا طول اليوم أصغر وأكتب وأحمل الصور وإن شاء الله بس تطلع..انتظروني قريبا..







المشاركة الأصلية كتبت بواسطة nail art
http://www.arabtravelersforum.com/tr...6/#post4489066

حمستينا شنهي المفاجاة



انتظروا وستعرفونها قريبا..







المشاركة الأصلية كتبت بواسطة المسافر ـآلصغير
http://www.arabtravelersforum.com/tr...8/#post4489168

البدايه تبشر بتقرير جميل وحلو
ونحن بانتظار الصور



حياك الله مسافرنا الصغير بس والله الصور ذبحتني واتبعت طريقتك وطريقة رجل شرقي في رفع وتحميل الصور من مركز المنتدى بس آخر خطوة ما تطلع عندي وهي نسخ الرابط إلى الحافظة..

شكلي باحملها من مركز تحميل خارجي بس له سمعته وافتك..

ملحق للحلقة الأولى ..خاص بالصور

حياكم الله إخواني وأخواتي ..وسامحوني على المشكلة التي رافقت التقرير وخربت علي الأكشن للفلم.. أقصد للتقرير بس والله من أمس واليوم وانا متسمرة جدام الاب توب أصغر وأحمل بس مو راضي مركز تحميل المنتدى ينسخ الصور فراح أجرب أنزلها من مركز خارجي بس طمنوني تطلع عندكم ام لا عشان اكمل الحلقة الثالثة من التقرير وأرفق معاها الصور الجديدة.

[CENTER]

[/CENTER

فعلا تقريرك يجبرنا ان ننتظر ه على احر من الجمر مع ان مافي صور

....تحياتي ..

واخيرااا شفنا الصور ....

صور....صور...صور...

أحمدك يارب..وأخيرا طلعت الصور ..وسامحوني الصور بروازها كبير من كثر التعديل والتحميل وأوعدكم في الحلقة القادمة راح تشوفون الصور أحلى إن شاء الله..

وشكرا على البشارة أخوي المزعج وأخوي labfsd

هلا بأختي الفاضله الافضل تكون الصور من المركز التحميل المنتدي العرب المسافرون عشان في مسابقات التقرير المميزه ومن شروط المسابقه

الصراحة صج مثل ما قلتي المزعج والقطري ما يقصرون مع احدودايما يردون بسرعة على الاستفسارات تحياتنا لهم........ سجليني متابعة معاج والصور حلوة بس اكيد مفاجاتك احلى ...........احنا بنفس يوم سفرتكم رجعنا الديرة وكان مطر وبرق ههههه يالله عليكم بالعافية السفرة للندن .............بانتظار شنو صار بغرفة الفندق

المشاركة الأصلية كتبت بواسطة الــمزعـج
http://www.arabtravelersforum.com/tr...4/#post4489974

هلا بأختي الفاضله الافضل تكون الصور من المركز التحميل المنتدي العرب المسافرون عشان في مسابقات التقرير المميزه ومن شروط المسابقه





والله يا أخوي تعبت بس مو راضي مركز التحميل بالمنتدى يحمل الصور واتبعت الخطوات نفس ما قال المسافر الصغير وارجل شرقي بس مو راضي يحمل ياريت تشوفون لنا حل مع هالمركز..
شاكرة تواصلك..








المشاركة الأصلية كتبت بواسطة fab u lus
http://www.arabtravelersforum.com/tr...8/#post4489978

الصراحة صج مثل ما قلتي المزعج والقطري ما يقصرون مع احدودايما يردون بسرعة على الاستفسارات تحياتنا لهم........ سجليني متابعة معاج والصور حلوة بس اكيد مفاجاتك احلى ...........احنا بنفس يوم سفرتكم رجعنا الديرة وكان مطر وبرق ههههه يالله عليكم بالعافية السفرة للندن .............بانتظار شنو صار بغرفة الفندق



حياج الله أختي الغالية ومثل ما قلتي الجو السنة بلندن خييييييييييييييييييييييييييييييييييييييييييييييييي يييييييييييال..

ترقبي الحلقة القادمة قريبا..

بارك الله فيكم

باين عليها دخلة جامد الله يستر لووول

بالتوفيق

الحلقة الثالثة

[CENTER]مرحبا بكم إخواني وأخواتي أعضاء وعضوات هذا المنتدى الرائع..

في الحلقة الماضية توقفنا عند وصولنا للفندق ودخولنا لعمل التشيك إن..

وهذه بعض الصور التي تبين مدخل ولوبي الفندق.. [IMG]

المهم أكيد أنتوا ناطرين المفاجأة التي وجدتها أول ما فتحت باب الغرفة..

الله يسلمكم المفاجأة كانت بالنسبة لي أن الغرفة دبل روم بس مقاسها متر في متر صدقوني بدون حلفان ما عمري شفت غرفة ضيقة مثلها ولا في أي مكان كان على وجه الأرض لدرجة أن فيه كرسين وطاولة يا بلفيت أنها جلسة بس هي طامرة فوق السرير من الضيق والشنط خليناهم جنب الباب ما قدرنا ندخلهم وقسما ان سجادة الصلاة مالها مكان عشان نفرشها ونصلي..

قالوا الصغار يالله نفتح الشنط ونغير ملابسنا

أما بالنسبة للحمام -أكرمكم الله- فكان ما يقدر الواحد يلف فيه والسيفون وأنتوا بكرامة خربان..

أنا عاد هني فورت وقلت ما يصير جذي احنا دافعين فلوس وحاجزين من قبل شهرين او ثلاثة مو من اسبوع عشان يقطون في جبدنا هالغرفة..؟!!!!
وبعدين أحنا قاعدين عندهم حوالي 18 يوم مو يومين ثلاثة عشان نتصبر

ما بدهاش بقى.. قوموا يا جماعة نكلمهم ونطلب تغيير الغرفة دام أرضنا ما سخنت لين الحين..

وأذكر نفس هالقصة صارت لوحدة من الأخوات هي وزوجها وطفلها وفي نفس الفندق ومنها تعلمت شو التصرف الأمثل وسويت نفس اللي سوته بالضبط -جعل ربي يوفقها ويوسع عليها ويسمح دربها وين ماراحت- ما أذكر اسمها ولا تقريرها صراحة بس دعيت لها من قلب..الأخت ذكرت في تقريرها أنهم طلبوا من الفندق غرفة واسعة فقال لهم الفندق ما عندي شي فاضي ألحين كل الغرف فل-مليانة- مثل ما قال لنا

وافق وراح معانا الغرفة وشفناها وتنفسنا الصعداء حلوة الصعداء ذي ما أدري من وين طلعت..المهم..

الغرفة فرق السما والأرض عن قفصنا أقصد عن غرفتنا ..وافقنا ونزلنا معاه ودفعنا المبلغ المطلوب كاش وأخذت منه رصيد عشان محد يسوي لي سالفة يوم التشيك اوت..خبركم كلهم من شرق أوروبا ومخوخهم متركبة شمال يالله السلامة..

الغرفة طبعا أكزكتيف يعني طول اليوم من الصباح حتى 11 مساء لك سناك ومشاريب من ماء وشاء وقهوة ومشروبات غازية وعصائر فري أي بدون ما تدفع فلوس شئ لأن الحساب متضمن مع إيجار الغرفة..بشرط ما يطلع أي شي من باب صالة الأكزكتيف حته كوب الماء.. تبي تاكل أو تشرب داخل الصالة بس من توصل جنب بابها فشلوك لو في أيدك شي قالوا لك رجعه..

والصالة بها كمبيوترين وانترنت فري طول اليوم وتلفزيون وجراييد أجنبية..

بس وين الوقت الواحد يقعد ويقرأ خبركم أحنا من نروح لندن لين نرجع واحنا ركضة لين آخر يوم ما نشبع مشتريات وأسواق..

وبانزل لكم صور الغرفة اللي أخذناها عقب طقاق وياهم وصور غرفة الأستراحة وتناول السناك وباعلق على الموضوع بعد الصور بس سامحوني من التعب والعجلة والحرة نسيت أصور لكم غرفة القفص اللي عطونا اياها اول ما جينا على العموم ما تشوفوش وحش مالكم بها حاجة لأنها ما ينشفي عليها..

وألحين أترككم مع الصور..

هذا صورة الطابق اللي سكناه ومدخل الأسانسير...

وهذي صور الغرفة ..

وهذي صور صالة الأكزكتيف...

وهاذي صور الأكل في الأكزكتيف رووم وقت الأفطار ساعات ما كنت أحب انزل صالة البوفيه تحت من كثر الزحمة فآجي اتفطر هني أحسن بس طبعا ما يكون فيها ألا أكل محدود مثل ما انتوا شايفين شوية معجنات وفواكه وروب وكورن فليكس وشاي وقهوة بس ..

أما طول اليوم فالقحط عامل عمايله عندهم مافيه إلا شوية بسكويتات ومكسرات وعصاير وشاي وقهوة وبعد الساعة 6 يحطون يوم كانابيه ساندوتش سلمون وتونة والله يديم النعمة..ويوم دجاج ساتيه ويوم فروت سلط وروبيان مقلي بس صحن والكل يتذابح عليه..

المهم عقب ما ريحنا شوي وبدلنا نزلنا نتمشى بالأكسفورد ونستطلع المحلات القريبة منا مثل الصيدليات والبقالات ومحلات التلفونات والمطاعم وهكذا...

فدورنا على محل يبيع كروت ليبارا فما لقينا غير محل سوبرماركت هندي غالي وما يسوى قريب من كوفي شوب بيرت PERT في الشارع الجانبي بس كنا مضطريين لأننا كنا نبي نكلم الأهل ونطمنهم علينا..فأخذنا 3 كروت كل كرت ب 7 باوند تقريبا

وبكذا انتهت حلقت اليوم عندما أدرك شهرزاد الصباح فسكتت عن الكلام المباح..

في انتظار آراؤكم وتعليقاتكم عن هذه الحلقة عشان اتحمس وانزل الأجزاء القادمة بأسرع وقت وتراها أحلى بكثيير مما سبق وفيها صور كثيرة ومناظر ولا أروع..

تحياتي

لا لا لا لا لا لا

حركااااااااااااااااااااااااااااااااااااااااات البراويز ^_^

ماشاءالله تبارك الله

تسلم يمينج على الصور

وبالنسبه لموضوع تحميل الصور بنشوفف وين الخلل وراح انبلغج على طول ..

لاتحرمينا من المغامرات ..

اما موضوع الفندق فاتوقع ان الغرفه الي عطوكم اياها غير المحجوزه

هذا موضوع الصور وطريقة التحميل الجديده


http://www.arabtravelersforum.com/travel316008/


وسامحينا على اللخبطه الي صارت

على طاري الفطور والزحمه الصباح !!

الصراحه انصدم من الي اشوفه الصباح هناك !!

كأن العالم ماشافت خير طول عمرها !!

وايحز في نفسي نظرتهم لنا

مره كنا في باريس سنة 2006 وكان الريوق مجانا مع الغرفه فلما نزلت اول يوم للريوق وشفت الطابور رجعت على طول وكلمت الرسيبشن وقلت له هل فيه امكانيه اتجيبون الريوق الغرفه فقالي ممكن وراح تدفع 3 يورو زياده فقلت له اوكي بس جيبه الغرفه ولا اوقف في هالطابور ..

المشاركة الأصلية كتبت بواسطة القطري
http://www.arabtravelersforum.com/tr...8/#post4490708

لا لا لا لا لا لا

حركااااااااااااااااااااااااااااااااااااااااات البراويز ^_^

ماشاءالله تبارك الله

تسلم يمينج على الصور

وبالنسبه لموضوع تحميل الصور بنشوفف وين الخلل وراح انبلغج على طول ..

لاتحرمينا من المغامرات ..

اما موضوع الفندق فاتوقع ان الغرفه الي عطوكم اياها غير المحجوزه

حي الله بو محمد ولد ديرتي راعي الفزعة..تسلم وتعيش والصور وبراويزها انت صاحب الفضل بعد الله في تعلمي لطريقتها

وإن شاء الله يضبط مركز التحميل للمنتدى وأحمل الصور عليه..

المشاركة الأصلية كتبت بواسطة القطري
http://www.arabtravelersforum.com/tr...2/#post4490812

هذا موضوع الصور وطريقة التحميل الجديده


http://www.arabtravelersforum.com/travel316008/


وسامحينا على اللخبطه الي صارت

مسموح يالغالي وألحين باشوف الموضوع وبطبق أول درس بس بشرني لو طلعت الصورة عندك

هديتي لفارس البوابة البريطانية...القطري عاش عاش..

[IMG][CENTER]

المشاركة الأصلية كتبت بواسطة القطري
http://www.arabtravelersforum.com/tr...4/#post4490824

على طاري الفطور والزحمه الصباح !!

الصراحه انصدم من الي اشوفه الصباح هناك !!

كأن العالم ماشافت خير طول عمرها !!

وايحز في نفسي نظرتهم لنا

مره كنا في باريس سنة 2006 وكان الريوق مجانا مع الغرفه فلما نزلت اول يوم للريوق وشفت الطابور رجعت على طول وكلمت الرسيبشن وقلت له هل فيه امكانيه اتجيبون الريوق الغرفه فقالي ممكن وراح تدفع 3 يورو زياده فقلت له اوكي بس جيبه الغرفه ولا اوقف في هالطابور ..

صدقني الطوابير مش معقولة والفجعنة على قولة إخواننا الجداويين الله يحييهم مالها حل هناك لدرجة صرت ما أفطر بالفندق وانزل اتفطر بكوفيهات ومطاعم أكسفورد واريح راسي,,

ولو وقفت على 3 يورو كان زين والله مستعدة ادفع 5 باوند بس يجيبون لنا الفطور بالغرفة بس صراحة ما جربت وطلبت أصلا كنت ابغي الفكة من فطورهم الجامد اللي ما يتغير يوميا نفس الشئ

شرفتني بموضوعي القطري ولا تقطعنا..

يـــــستــــــاهــــل الـــســمي أبو محمد لفارس البوابة البريطانية وأنا معاج مؤيد

أتمنا يكون التحميل من المنتدي عشان فى مسابقات التقارير المميزه من الإداره الموقره كل مشرف البوابه يرشح التقارير

ومن شروط المسابقه لازم التحميل من نفس المركز المنتدي

والصوره اطلعت مبروكه

المشاركة الأصلية كتبت بواسطة الــمزعـج
http://www.arabtravelersforum.com/tr...8/#post4491048

يـــــستــــــاهــــل الـــســمي أبو محمد لفارس البوابة البريطانية وأنا معاج مؤيد

أتمنا يكون التحميل من المنتدي عشان فى مسابقات التقارير المميزه من الإداره الموقره كل مشرف البوابه يرشح التقارير

ومن شروط المسابقه لازم التحميل من نفس المركز المنتدي

والصوره اطلعت مبروكه

حي الله أخوي بو عبدالله ومرورك بموضوعي شرف لي ولتقريري..وعشانك وعشان فارس بوابتنا أنا نزلت صورة الوردة الهدية حق القطري وحملتها على مركز المنتدى عشان لو طلعت عندكم أعتمد من بكرة تحميل وتنزيل الصور على مركز المنتدى عشان يشارك تقريري في المسابقة..

ولا يهمك مشرفنا تامر امر انت والقطري ومالك إلا طيبة الخاطر..

وهذي الصوره منوره البوابه

المشاركة الأصلية كتبت بواسطة الــمزعـج
http://www.arabtravelersforum.com/tr...0/#post4491160

وهذي الصوره منوره البوابه

البوابة منورة بوجودك ووجود النشامى اللي مثلك وشرواك ..وتستاهل منا نلبي طلباتك مشرفنا العزيز..

تحياتي لشخصك الكريم ولأسرتك العزيزة..

دمت بود

مع احلى امنياتنا ليقوز تقريرك بالمسابقة...........الغرفة فيها صوفا ولا هالسرير يكفي .......والاكزيتف ليش ما يطلعون الماء شهالبخل هههههه بعد دافعين فلوس بس الصراحة برت عنده وابد شغلات لذيذة وبناتي حبوا كاسات موس الشوكلاته بالليمون وانا عجبتني السندويتشات لذيذة بشكل ههه.........كثري من الصور

عجبتينى الصراحة.. زين غيرتى الغرفة

قطرية كول

تشرفت بمروري على موضوعك لأنك فعلاً شرفتيني في موضوعي
وآه ..ذكرتيني بأيامي اللي عشتها في بريطانيا وغرفها الضيقة وبيوتها المتر في متر
تقرير حلو وقمة في الإبداع واصلي يا عزيزتي

لك مني اجمل تحية وتقدير

أختك
معمارية

المشاركة الأصلية كتبت بواسطة fab u lus
http://www.arabtravelersforum.com/tr...6/#post4491586

مع احلى امنياتنا ليقوز تقريرك بالمسابقة...........الغرفة فيها صوفا ولا هالسرير يكفي .......والاكزيتف ليش ما يطلعون الماء شهالبخل هههههه بعد دافعين فلوس بس الصراحة برت عنده وابد شغلات لذيذة وبناتي حبوا كاسات موس الشوكلاته بالليمون وانا عجبتني السندويتشات لذيذة بشكل ههه.........كثري من الصور

جزاك الله خيرا أختي والله يسمع منك ويفوز تقريري عقب هالتعب كله في تحميل الصور..
بالنسبة حق السوفا أي حبيبتي فيها الغرفة سوفا بس كانت عفسة ما صورتها لأنها تنقلب سرير ..صج يكسر الظهر بس من التعب يمشي الحال.. المرة الجاية إن شاء الله..
والصور لا تحاتيين تابعي التقرير ستجدي ما يسرك..شرفتي حبيبتي..

المشاركة الأصلية كتبت بواسطة Met3ntra
http://www.arabtravelersforum.com/tr...0/#post4492830

عجبتينى الصراحة.. زين غيرتى الغرفة

اجل أيش على بالج؟ أحنا نعجبك أوي يقصون علي الأوروبيين؟

المشاركة الأصلية كتبت بواسطة د.معمارية
http://www.arabtravelersforum.com/tr...8/#post4493678

قطرية كول

تشرفت بمروري على موضوعك لأنك فعلاً شرفتيني في موضوعي
وآه ..ذكرتيني بأيامي اللي عشتها في بريطانيا وغرفها الضيقة وبيوتها المتر في متر
تقرير حلو وقمة في الإبداع واصلي يا عزيزتي

لك مني اجمل تحية وتقدير

أختك
معمارية

حياك الله الغالية..والشرف لي والله لزيارتك موضوعي وكنت أنتظر هالطلة لأنها عندي لها معنى ثاني فزيارة وحدة مبدعة مثلك لتقريري وسام على صدري..

وتقاريرك من أجمل تقارير المنتدى..حماك الله وحفظك من كل عين ومن شر كل ذي شر ووفقك واعمى عيون الحاسدين عنك وأسعدك مع حبيبك أبد الدهر ورزقك منه بالذرية الصالحة التي تقر بها عينك ياااااااااااارب.

تقرير مميز من البدايه سجليني من المتابعين لتقريرج عزيزتي

ربي يوفقج وهالله هالله بالصور السنعه

مااااشاااء الله بدا التقرير يحلى أكثر وأكثر ..



والصور ما شاء الله باين عليها جميلة ..



وبالتوفيق

المشاركة الأصلية كتبت بواسطة ام عبود 2003
http://www.arabtravelersforum.com/tr...8/#post4494178

تقرير مميز من البدايه سجليني من المتابعين لتقريرج عزيزتي

ربي يوفقج وهالله هالله بالصور السنعه

حياج الله حبيبتي والمميز هو حضورج..والصور تابعيني وبتشوفين إن شاء الله أحلى صور..

المشاركة الأصلية كتبت بواسطة batool22
http://www.arabtravelersforum.com/tr...4/#post4494194

شكرا علي المعلومات

العفو حبيبتي..

المشاركة الأصلية كتبت بواسطة محبوبتي لندن
http://www.arabtravelersforum.com/tr...6/#post4494956

مااااشاااء الله بدا التقرير يحلى أكثر وأكثر ..



والصور ما شاء الله باين عليها جميلة ..



وبالتوفيق

الأحلى مرورك أخي الفاضل..والصور راح تحلى اكثر مع الحلقات القادمة..

تسلم يمينج قطريه كول حييييل حيييل التقرير أكششششششن

بس زين سويتي علي الغرفه ألزم ماعليكم راحتكم ودول أوربا قحط اللهم يكافي تبين عيل مثل فنادقنا الله يعزديرتنا وأهلها

بسسسسس وين المطاعم اللي قلنا عنها ها ها وينها ؟؟؟؟؟؟؟؟؟

وعلي سالفة الريوق مره أمي قالت لهم الريوق نفسه كل يوم مايتغير طيب غيروا (( الصحون علي الأقل )) لوووول

هو فيه احلى من كذا ^_^

الصوره ميه ميه

متابعين لين الاخير ..

كان سألتوا الرسيبشن عن امكانيه توفير الريوق في الغرفه

وبشكل عام اغلب الفنادق يعطونا الريوق مجانا ولكن افضل اروح الكوفي لأن الكروسون مع الوايت موكا له لذه ع الصبح

المشاركة الأصلية كتبت بواسطة الــمزعـج
http://www.arabtravelersforum.com/tr...8/#post4491048

يـــــستــــــاهــــل الـــســمي أبو محمد لفارس البوابة البريطانية وأنا معاج مؤيد

أتمنا يكون التحميل من المنتدي عشان فى مسابقات التقارير المميزه من الإداره الموقره كل مشرف البوابه يرشح التقارير

ومن شروط المسابقه لازم التحميل من نفس المركز المنتدي

والصوره اطلعت مبروكه



ماعليك زود يابوعبدالله وانت الخير والبركه وانت الأصل

المشاركة الأصلية كتبت بواسطة ربوع الحلوة
http://www.arabtravelersforum.com/tr...4/#post4495474

تسلم يمينج قطريه كول حييييل حيييل التقرير أكششششششن

بس زين سويتي علي الغرفه ألزم ماعليكم راحتكم ودول أوربا قحط اللهم يكافي تبين عيل مثل فنادقنا الله يعزديرتنا وأهلها

بسسسسس وين المطاعم اللي قلنا عنها ها ها وينها ؟؟؟؟؟؟؟؟؟

وعلي سالفة الريوق مره أمي قالت لهم الريوق نفسه كل يوم مايتغير طيب غيروا (( الصحون علي الأقل )) لوووول




هلا والله ربوع حبيبتي ..نور نور التقرير بطلتج..أيه والله الله يعز ديرتنا ويدوم علينا النعمة يارب ..فنادقنا مطرد خيل وفنادقهم قراقير يا كافي الشر..بس احنا اللي نركض ونروح لهم نبي البراد شو نسوي؟

زين سوت الوالدة فيهم والله..وانتظريني قريبا بانزل حلقة جديدة بس أخلص من صياغتها وتحميل الصور ..

المشاركة الأصلية كتبت بواسطة القطري
http://www.arabtravelersforum.com/tr...2/#post4495552




هو فيه احلى من كذا ^_^

الصوره ميه ميه

متابعين لين الاخير ..

كان سألتوا الرسيبشن عن امكانيه توفير الريوق في الغرفه

وبشكل عام اغلب الفنادق يعطونا الريوق مجانا ولكن افضل اروح الكوفي لأن الكروسون مع الوايت موكا له لذه ع الصبح

حي الله غالينا القطري .. تستاهل الصورة والحديقة كلها مو بس صورة وسامحوني ترى عليمية بالصور وأول مرة أمسك كاميرا باهالسفرة وكله عشان عيونكم يا مندى العرب السافرون وعشان انزل لكم تقرير حلو يارب يطلع حلو؟؟

بالنسبة للريوق والله تركت ريوقهم وأطلع يوميا انزل الكوفي شوب جنب الفندق عشان أشرب موكا وآكل وافل من أكسفورد أو كب كيك من سيلفردج ..وخل ريوقهم لهم..

انتظرني بو محمد بانزل حلقة جديدة قريبا جدا بعون الله.

we r waiting

الله يعطيج العافية ان شاء الله
و ترا العربه حلوة بس قصيرة وان شاء الله تعوضينها فى المرات الياية

تقرير أقل ما يُقال عنه أنهُ رائع وجميل ومميز
الصراحه عجبني حيل وأكثر شئ عجبني بعد الصور كلامك العفوي الجميل وخفت دمك وألي أضفى على التقرير ذاك البهاء والجمال وجعلهُ يتميز عن غيره
واصلي فهناك الكثير من المتابعين معكِ ، وما ألومج يوم زفيتي الرفيق .. أنا ما أدانيهم قليلين أدب
وبالمناسبه انا كنت في لندن بنفس الفتره الي انت كنتِ فيها

المشاركة الأصلية كتبت بواسطة Met3ntra
http://www.arabtravelersforum.com/tr...2/#post4497082

الله يعطيج العافية ان شاء الله
و ترا العربه حلوة بس قصيرة وان شاء الله تعوضينها فى المرات الياية

إن شاء الله حبيبتي ..الله يجعل في مرات جاية يارب..منورة التقرير عزيزتي..

المشاركة الأصلية كتبت بواسطة مرايا الغيم
http://www.arabtravelersforum.com/tr...6/#post4498316

تقرير أقل ما يُقال عنه أنهُ رائع وجميل ومميز
الصراحه عجبني حيل وأكثر شئ عجبني بعد الصور كلامك العفوي الجميل وخفت دمك وألي أضفى على التقرير ذاك البهاء والجمال وجعلهُ يتميز عن غيره
واصلي فهناك الكثير من المتابعين معكِ ، وما ألومج يوم زفيتي الرفيق .. أنا ما أدانيهم قليلين أدب
وبالمناسبه انا كنت في لندن بنفس الفتره الي انت كنتِ فيها

حبيبة قلبي والله مرايا ..ما تدرين أيشكثر أسعدني كلامج وإطرائك الجميل واللي أتمنى أني أستاهله ..أرجو من الله أن أكون عند حسن ظنكم..وتابعيني ترى القادم احلى بكثيير..

وبورفقة لو كنت بروحي كنت غسلت شراعه بس اللي معاي ما خلوني أبرد قلبي فيه ..مصدق نفسه إنه بريطاني

وحسافة ما دريت أنج بلندن ذيك الفترة كان تشرفت بالتعرف عليج..

نورتي الغالية..

السلااااااااااااااااااااااااااااااااااااااام عليكم

وااي والله كسرتي خاطري بمتحف الشمع ............اولا قسم التعذيب انا ما دشيته بس طلعنا فوق على الدرج تروحين للسينما والعربه تلف فيج قصة لندن وبعدين لما توصلين صورة الملكة يصورونك وانت تبينها ولا لاههههههههههههه بعد في استقبالنا الملكة وما ناخذها الا بناخذها ههههههههه المهم عوضتوا بلندن دانجون اللي ما رحنا له لاننا انا وبناتي بندورج وننخش بعباتج ههههههه كلنا خوافين........والهندي انا قلت لو هو حلال كان ما صرخ .......بانتظار الباقي

ياحلاتك قطريه وياحلات سويلفاتك متابعه حبيبتي يالله هاتي كل اللي بجعبتك ؟؟؟؟؟؟؟؟؟


بس حرني هالهندي بالمطعم لو منك هديته ومشيت بس علشان أحره وبعدين في شغله لازم كلكم تسوونها لوحد من

هالأشكال مااحترم نفسه ورفع صوته حاولي قبل لاينهي كلامي تسكتينه وقووووليله (( low your voice please ))

وصدقوني بيسكت علي طول لولقيتوا غلطان لاتعطونه فرصه يكمل كلامه

هلا بأختنا الذربه تقريرك روعه واسلوبك أروع من الخيال والصور زين طلعت والسيلانى راعى التاكسى لومنك عطيته كف على ثرثرته الزايده وتأخيره طبعا بالمطار ...كملى مثواك الجنه.

المشاركة الأصلية كتبت بواسطة القطري
http://www.arabtravelersforum.com/tr...6/#post4499856

السلااااااااااااااااااااااااااااااااااااااام عليكم

حياك الله أخوي القطري...وتشرفت بزيارتك..

والبنت والله نقصت علي كثر ما كانت خايفة بس لله الحمد الولد كان حده مستانس ومتفاعل مع الموضوع

أما مشكلة الجالية الهندية البريطانية فهذي مشكلة ..آآآآه يامن ينولني رقابهم

الله يسلمك مشرفنا وخلك متابع وإن شاء الله بتعجبك الحلقات الجاية..

المشاركة الأصلية كتبت بواسطة fab u lus
http://www.arabtravelersforum.com/tr...8/#post4500058

وااي والله كسرتي خاطري بمتحف الشمع ............اولا قسم التعذيب انا ما دشيته بس طلعنا فوق على الدرج تروحين للسينما والعربه تلف فيج قصة لندن وبعدين لما توصلين صورة الملكة يصورونك وانت تبينها ولا لاههههههههههههه بعد في استقبالنا الملكة وما ناخذها الا بناخذها ههههههههه المهم عوضتوا بلندن دانجون اللي ما رحنا له لاننا انا وبناتي بندورج وننخش بعباتج ههههههه كلنا خوافين........والهندي انا قلت لو هو حلال كان ما صرخ .......بانتظار الباقي

حياك الله حبيبتي ..استانست بطلتج الحلوة .. والله يحفظ بنياتج ويستر عليهم ويبلغج فيهم..ولو كنت هناك كان عادي دخلتهم بعباتي .. واسعة وتشيل من الحبايب ألف..

انتظريني الغالية راح تستمتعين إن شاء الله..

المشاركة الأصلية كتبت بواسطة ربوع الحلوة
http://www.arabtravelersforum.com/tr...2/#post4500972

ياحلاتك قطريه وياحلات سويلفاتك متابعه حبيبتي يالله هاتي كل اللي بجعبتك ؟؟؟؟؟؟؟؟؟


بس حرني هالهندي بالمطعم لو منك هديته ومشيت بس علشان أحره وبعدين في شغله لازم كلكم تسوونها لوحد من

هالأشكال مااحترم نفسه ورفع صوته حاولي قبل لاينهي كلامي تسكتينه وقووووليله (( low your voice please ))

وصدقوني بيسكت علي طول لولقيتوا غلطان لاتعطونه فرصه يكمل كلامه

حبيبتي ربوعة ..شخبارج؟ وشخبار دراستج؟ والحمد لله إن سوالفي اعجبتج ووسعت صدرج وانتي بغربتج..

والهندي لا تحاتين ترى أنا أعجبج ما سكت عنه ورديت عليه وقلت له (dont raise up ur voice plz ) أيه بالأنجليزي...

طلع الحجي طلع...جني انتصار الشراح بمسرحية باي باي لندن

..







المشاركة الأصلية كتبت بواسطة طائر بلا حدود
http://www.arabtravelersforum.com/tr...8/#post4502018

هلا بأختنا الذربه تقريرك روعه واسلوبك أروع من الخيال والصور زين طلعت والسيلانى راعى التاكسى لومنك عطيته كف على ثرثرته الزايده وتأخيره طبعا بالمطار ...كملى مثواك الجنه.

هلا طيرنا الطاير نورت التقرير والله..وسعيدة جدا ان التقرير اعجبك..والأروع هو مرورك وتشريفك لتقريري..والسيلاني ما كنت متفرغة له في عيني النوم وتعبانة وما أحب ابتدي السفرة بهوشة وضيقة صدر ..وفي ناس لازم نترفع عن معاملتهم بنفس اسلوبهم..

الجنة مثواي ومثواك يارب وخلك متابع وراح تستمتع إن شاء الله..

تقرير يحمس من البداية
بانتظارج اختي قطرية ..لا تتأخري علينا
وزيدي عدد الصور دخيلج..