السلام عليكم
رجع أخوكم الشامي بموضوع عن الأكل ( بس صدقوني أنا مالي سمين :110: ) بس هي مشاويري ... يا أكل يا أكل ... :109::109: ... بس بوعدكون لما بروح شي روحة سياحية رح يكون الموضوع جاهز لعيونكون يا حلوين
المهم أخوكم بالله ... تلقى اتصال من صديق قديم صرلو زمان مو شايفو ....
صراحة انبسطت بالإتصال ... واللي عجبني أكتر أنو صديقي هاد عزمني على العشا بمطاعم الفيجة ( عين الخضرا ) ... فكان الإتصال ظريف من ناحية الإشتياق ومن ناحية التذوق :114:
المهم ... حددنا موعد للعشا ... وتلاقينا بالموعد بعد ما تأخر علي شي نص ساعة :105:
ركبت معو بالسيارة ... وكان معنا رفيقنا التالت .....
ضلينا نحكي طول الطريق على الدنية والشغل والبلد كيف عمبتتحسن وشو الشغلات اللي حابين تتغير ... والسفر ... والعيلة ..... الخ
المهم وصلنا على مفرق المطاعم .... طريق للمطاعم اللي على النهر من الطرف اليميني واللي بيودي لتحت ... ومطاعم بطل عالوادي وبنروح لألها من الطريق اليساري وبنطلع لفوق
سألوني : وين بتحب تروح يا حباب :106:
قلتلون : أنا اللي عازم شي ؟؟؟
قالولي : لأ !!
قلتلون : معناتا أنتوا اللي بتقرروا مو أنا ... صح ولا لأ
قالولي : صح ... بس نحنا عمنبوجبك ... تضرب أنت واللي بيوجبك :112:
قلتلون : خلص بسيطة ... أنا رح قرر ... في مطعم بالفورسيزون وحابب جربو
قام شو قلي رفيقي الحربوق صاحب العزيمة : لعيونك أبو الحيس ... بس لو كنا بالشام كنت أخدتك .. بس نحنا هون بالفيجة ... يعني اختار من مطاعم الفيجة
قلتلون : طيب .... نقوا أنتوا وأنا رضيان
ومنه رحنا عاليسار وطلعنا لفوق للمطاعم اللي بتطل عالوادي ... :114:
وصلنا لمطعم حلو كتير ... وطلعت الموبايل وبدي صور ....هون تذكرت ... ممكن رفقاتي ينفلجوا اذا شافوني عمبصور ... بيقولوا الولد ضرب شي بعقلو .....
قام دغري رحت وقلتلون : حبيباتي ليكو ... أنا عضو بمنتدى المسافرين العرب ... ووين مابروح بصورلون صور وبخبرون وين رحت ووين أكلت .. لهيك ما تندهشوا اذا شفتوني عمبصور ....
قالولي ماشي ... صور قد ما بدك بس ما تطلعنا بالصور ... مو مزبطين حالنا
قلتلون ماشي
وبدأت عملية التصوير
صورت اللافتة تبع المطعم
[IMG]http://www.nua3m.net/vb/[/IMG]
وصورت المدخل كمان
[IMG]http://www.nua3m.net/vb/[/IMG]
وهي صورة عامة للمدخل
[IMG]http://www.nua3m.net/vb/[/IMG]
وهون فجأة :bounce8:
قلي رفيقي ... شو عمبتصور :36_1_12:
قلتلو المطعم ...
قلي بس مو هاد المطعم اللي رايحين لعندو
:36_1_3:
:36_1_7:
قلتو أيواه ... طيب أي واحد
قلي ليكو اللي ناحو
وسحبت أذيال الخيبة ورجعت صورت الواجهة ولافتة المطعم:36_6_7:
[IMG]http://www.nua3m.net/vb/[/IMG]
وصورت المدخل الرئيسي
[IMG]http://www.nua3m.net/vb/[/IMG]
وكان في درج للطابق العلوي ... ودرج للطابق السفلي
[IMG]http://www.nua3m.net/vb/[/IMG]
بس نحنا طلعنا عالطابق الفوقاني
[IMG]http://www.nua3m.net/vb/[/IMG]
[IMG]http://www.nua3m.net/vb/[/IMG]
وووووووو هوووووووون فتنا عالمطعم ... وكان الجو مايل للبرودة
وبس
شبكون
بس خلص
هااااااا بدكون تشوفوا المطعم من جوا
طب بدكون تشوفوا الأكل
م
م
م
م
م
طيب الحلقة الجاية شو رأيكون
تشااااو :36_9_2:مواضيع عشوائيه ممكن تكون تعجبك اخترناها لك:
- الف سعودى قدمو الى سوريا الشهرالماضى
- الاتصالات السورية معلومات وأرقام
- جسر الشاغور
- مسااااااااااااااعده
- ماهي صحه المشاكل المفتعله للسعودين بسوريا
- أرجو الافاده عن خرائط سوريا
- كاس العالم في صلنفه ؟؟؟ للخير واهل الخبرة
- وسائط دفاعنا الجوى تتصدى لطيران معاد اسرائيلى تسلل الى اجواء سورية وتجبره على المغادر
- لا ادري
- ممكن مساعده من أعضاء المنتدى
- سوريا هل صارت في الذاكرة وخطفت من الواقع
- رسالة عتاب لأستاذنا أبوعبدالرحمن السائح الهروي
- مساعدة مستعجلة
- يارب تعجبكم
- سؤال بعد الحصول على دفتر المكث بديل اللتربتك
- ياشباب أحذروا سرق حيب لاندكروزر في سوريا
- كسبسكان كسب
- الجزيرة الحمراء في سوق السفر بدبي
- مسافر الى كسب في شهر ؟؟؟؟
- سفرتي السبت شكر وعرفااااان
المفضلات