الموضوع: يوم ترانزيت

السلام عليكم


راح أتوقف في الدوحة بإذن الله يوم الأحد 5 ديسمبر آخر الليل لمدة 15 ساعة بس وحاط في بالي إني آخذ لي فندق و أرتاح فيه و الصباح أروح لأكثر مكان يستحق الزيارة و الظهر أكون في المطار لمواصلة الرحلة للرياض .

سؤالي الأول هل فعلاً الدوحة زحمه مررررره إلى درجة إنه الأفضل إني أسكن في فندق المطار مثلاً

وهل بيمديني مع هالزحمه اني أزور لي مكان في الصبح قبل الرحلة ؟

مواضيع عشوائيه ممكن تكون تعجبك اخترناها لك:

• حدود سلوى زحمة ولا لا
• استفسار عاجل جدا
• استفسارلاهل قطر الكرام
• الأخوة الكرام أهل قطر
• مطاعم الدووحة
• ممكن جدول سريع لقطر
• طلب ترشيح فنادق ذات تكلفة لا تزيد عن الـ ريال
• يا اهل قطر كم اسعار السكن عندكم فنادق وشقق
• بنزين في السعودية كم يعادله في قطر ؟
• قطر في ليآلي العيد حفلآت فعآليآت منتجآت
• اخوكم من السعوديه حاليا في قطر لاي مساعده حاضر
• اسعار البنزين في قطر ؟
• اهل الـــــــــــخــــــــــــــبرة ؟؟؟
• نصائحكم حول افضل فنادق في الدوحة للعائلات والاماكن السياحية
• شنو آخذ صوغات من قطر؟
• عندي مشوار مهم لبورصة قطر فأريد أسهل طريق لها من الحدود السعودية القطرية
• ناوي اجدد ايام العسل مع المدام عاجل جدا
• أستاد خليفه في أي مكان
• شكرا قطر
• الطيران القطري الى بالي و تشيناي

مافي زحمه ماعليك من هالاشاعات

شوف انت اول ماتطلع من المطار روح فندق الشيراتون لان المطار قريب من الكورنيش

والشيراتون جمب الكورنيش

أول ماتقوم الصبح تقدر تتمشى ع الكورنيش وعقب تزور سوق واقف
والسوق مليان مطاعم تقدر تتفطر هناك

والجو ان شاء الله بيكون زين في هالوقت

وعلى فكره حتى لو تبي تسكن في فندق سوق واقف تقدر تسكن فيه

علشان تختصر الوقت

مع ان لو سكنت في الشيراتون كل شي بيكون حذاك

حتى لو كنت تبي تروح مجمع السيتي سنتر اللي هو أكبر مجمع في قطر

تقدر تروح له ببساطه من الشيراتون لانه قريب وايد وتطل عليه من دريشة الفندق

أتمنى اني أفدتك

وأي سؤال أنا حاضره

انا اشوف انه انه تسكن في الشيراتون اذا تحب يكون جمبك بحر
اذا مايفرق معاك بحر ولا لا في فندق افخم منه بكثير اسمه دبليو ويطل على مجمع سيتي سنتر

طبعا السيتي سنتر وجزيرة الؤلؤه وسوق واقف والكورنيشش كلهم جمب بعض تقريبا

واتمنى لك يوم سعيد ورحله اسعد

ماعليك من السوالف لازحمة ولا خرابيط

والشباب عطوك اسامي الفنادق بس احنا ماندري عن وضعك المالي

المهم الشيراتون ودبليو اسعارهم الليه على 1000 ريال وكثر

اذا وضعك يسمح توكل على الله

اذا ماتقدر عندك فندق الماريوت قريب من المطار

وفي اماكن قريبه منك ماتاخد 10 دقايق بالسياره

1- سوق واقف
2- الكورنيش وقعد في مطعم بلهمبار تقهوى عندهم
3- مجمع الستي سنتر مش بعيد
4-المتحف السلامي
5-منطقة السوق خلف سوق واقف اذا اتسوق
6-وفي مجمع الاند مارك 13 دقيقه بالسياره الا انت واصل


ودرب السلامه ان شاء الله

المشاركة الأصلية كتبت بواسطة النوريq
http://www.arabtravelersforum.com/tr...2/#post4360672

مافي زحمه ماعليك من هالاشاعات

شوف انت اول ماتطلع من المطار روح فندق الشيراتون لان المطار قريب من الكورنيش

والشيراتون جمب الكورنيش

أول ماتقوم الصبح تقدر تتمشى ع الكورنيش وعقب تزور سوق واقف
والسوق مليان مطاعم تقدر تتفطر هناك

والجو ان شاء الله بيكون زين في هالوقت

وعلى فكره حتى لو تبي تسكن في فندق سوق واقف تقدر تسكن فيه

علشان تختصر الوقت

مع ان لو سكنت في الشيراتون كل شي بيكون حذاك

حتى لو كنت تبي تروح مجمع السيتي سنتر اللي هو أكبر مجمع في قطر

تقدر تروح له ببساطه من الشيراتون لانه قريب وايد وتطل عليه من دريشة الفندق

أتمنى اني أفدتك

وأي سؤال أنا حاضره




الله يطول عمرك و مشكوره ما قصرتي

المشاركة الأصلية كتبت بواسطة qvc
http://www.arabtravelersforum.com/tr...2/#post4361792

ماعليك من السوالف لازحمة ولا خرابيط

والشباب عطوك اسامي الفنادق بس احنا ماندري عن وضعك المالي

المهم الشيراتون ودبليو اسعارهم الليه على 1000 ريال وكثر

اذا وضعك يسمح توكل على الله

اذا ماتقدر عندك فندق الماريوت قريب من المطار

وفي اماكن قريبه منك ماتاخد 10 دقايق بالسياره

1- سوق واقف
2- الكورنيش وقعد في مطعم بلهمبار تقهوى عندهم
3- مجمع الستي سنتر مش بعيد
4-المتحف السلامي
5-منطقة السوق خلف سوق واقف اذا اتسوق
6-وفي مجمع الاند مارك 13 دقيقه بالسياره الا انت واصل


ودرب السلامه ان شاء الله




الله يسلمك


بس باقي اسألكم عن التكاسي لأني قريت ان مافيه إلا سيارات الكروة يعني ما فيه سيارات تكاسي رسميه


يمكن يكون استئجار سيارة من المطار أفضل ولا أنا غلطان ؟

كروه الله يسلممك هي الشرركة الرسميه للتكاسي في قطر كلهم سيارات زرق بس تكاسي

وفي ليموزينات بس اليموزينات اكشخ بس المشوار من 3 الى 35 بس اذا تبي تروح الؤلؤه او ذيك املنطقه الي جمبه ياخذون 50 ريال على قولتهم لانها منطقه في اي بي

كروة هي التكاسي

كروة معناتها أجرة

بس احنا كل شي عندنا قديم وقاعدين نرجع على ورا

وبتلقى كروة في كل مكان إن شاء الله

المشاركة الأصلية كتبت بواسطة النوريq
http://www.arabtravelersforum.com/tr...0/#post4363970

كروة هي التكاسي

كروة معناتها أجرة

بس احنا كل شي عندنا قديم وقاعدين نرجع على ورا

وبتلقى كروة في كل مكان إن شاء الله




أنا اللي أفهمه إن الكروة تعني شخص ينقل أشخاص بسيارته الشخصية ، يعني سيارة ما عليها شعار التاكسي وماهي تابعه لشركة أو مؤسسة ، ولا أنا غلطان ؟

المشاركة الأصلية كتبت بواسطة nayef_60
http://www.arabtravelersforum.com/tr...2/#post4365572

أنا اللي أفهمه إن الكروة تعني شخص ينقل أشخاص بسيارته الشخصية ، يعني سيارة ما عليها شعار التاكسي وماهي تابعه لشركة أو مؤسسة ، ولا أنا غلطان ؟



لا غلطان

ماادري من نقل لك هالمعلومه

اشدعوه احنا عايشين في الهند

مب ناقص تقول الا الحنطور ينطر في المطار

اخوي احنا تكاسينا يديده ومتطوره أحسن من تكاسي دبي لو كنت مجرب تكاسيهم

والشركة الرسميه للمواصلات عندنا اسمها كروه

أتمنى الصورة وضحت الحين

ماادري من هذي اللي ناقل لك هالمعلومات ويبي يشوه سمعة قطر

شوف هذي نوع من كروه

مثل تكاسي لندن بالضبط

المشاركة الأصلية كتبت بواسطة النوريq
http://www.arabtravelersforum.com/tr...0/#post4365600

لا غلطان

ماادري من نقل لك هالمعلومه

اشدعوه احنا عايشين في الهند

مب ناقص تقول الا الحنطور ينطر في المطار

اخوي احنا تكاسينا يديده ومتطوره أحسن من تكاسي دبي لو كنت مجرب تكاسيهم

والشركة الرسميه للمواصلات عندنا اسمها كروه

أتمنى الصورة وضحت الحين

ماادري من هذي اللي ناقل لك هالمعلومات ويبي يشوه سمعة قطر





طيب لا تزعل

والله ماهو أنا اللي قلت كذا



كويس ،،،،، ريحتني ،،، كنت شايل هم الزحمة و السيارة


طيب يعني ما يحتاج استاجر سيارة ؟ موجوة التكاسي في كل مكان ولا لازم طلب بالهاتف

هني عاد المعضله

التكاسي مب موجوده

حتى لو اتصلت لها

لكن في حالتك أول ماتطلع من المطار بتلقى التكاسي تتحاذف جدامك

اركب واحد وروح الفندق

ومن الفندق تقدر تاخذ تاكسي وتروح فيه المكان اللي تبي تروح له

يعني لاتحاتي التكاسي وايد

وكلها الا 15 ساعه اللي بتقعدهم في قطر

ألا ماقلت لنا في أي فندق قررت تسكن ؟

مشكور يالنوري


و الفندق ما بعد حجزت

^
^
ألنوري بنت مو ولد

المشاركة الأصلية كتبت بواسطة the ro0ok
http://www.arabtravelersforum.com/tr...4/#post4366084

^
^
ألنوري بنت مو ولد




مشكوره يالنوري