بسم الله الرحمن الرحيمأولا: اقدم شكري لأعضاء منتدى العرب المسافرون لما قدموه لنا من معلومات ثرية ومفيدة لجميع من يرغب في السياحة او الدراسة ،والشكر موصول لمن امتعونا بتقاريرهم ومنهم استقيا تجاربهم في السفر واماكن السياحة في جميع بلدان العالم، ولااريد ان اطيل بالثناء على اهل بيتي فشهادتي مجروحة بهم:24:
السلام عليكم ورحمة الله وبركاته
ثانياً:نبدأ في تفاصيل رحلة العمر 22 جووووون ،والتي لم اجد لها مسمى يليق بها اكثر من هذا فهي تقريباً شاملة مقومات السفر من جميع النواحيالفكرةعشان نتكلم بكل اريحية عن الأدوار التي وزعناها والمهام المنوطة بكل شخص
بدات الفكرة في أحضان الربع الخالي في احدى الليالي القمرية بأجواء حالمة على احد التلال الرملية بيني وبين العضو فالمنتدى فابريقاس ،بمجرد اقتراح من هذا الصديق بالسفر الى اوربا هذه الصيفية وارضاء غرورنا بزيارة اكثر من بلد في تلك القاره خصوصا بأنها المرة الاولى لاوروبا وايضا غالبية سفراتنا الى بلد واحد ومن ثم العوده ،وبدون تفكير او تردد وافقته الرأي ،وقد استقر الرأي على من يرافقنا على اثنين من الشلة ومن اعز الصداقات ،ولانرغب ان تكون الرحلة مكونة من اكثر من العدد المقترح { 4 شباب}،وعند طرح الفكرة عليهم ابدوا الموافقة كذلك بدون تردد :113:
الاسماء المستعارة لأعضاء الرحلة :109:
1-حمد المصري: الولد هذا سلمكم الله يشبه لعبدالله السدحان في طاش يوم يمثل دور واحد ابوه مصري وامه سعوديه ويدور على الجنسية السعوديه واسمه حمد، عاد سبحان الله الخالق الناطق من شخصيته كأنك تناظر فيه
2-جوووووهر:وذلك لما يتمتع به من بشرة حنطاوية اكثر من بقية الشباب ،طبعا الاسم هذا معروف عندنا بالسعودية من يتسمى به {ع......الشيوخ}
3-مكي مكي :هذا يطلع في افلام كرتون يقولون فيه شبه كبير منه
4-منقووو:وهذا سالفته سالفة ،في اول سفرة له راح لشرق اسيا ويقوم الرجال يخمخم ويتقضى اغراضه من البطحاء في الرياض سريع سريع واول مرة يلبس بناطيل وشكله يضحك يوم يلبس البطلون وابد الذوق مايختلف عن صاحبه سواق ليموزين من جنسية اسيويه واسمه منقو وعاد ركب عليه الاسم من يومهاالتنفيذيوم اخذنا الموافقة من بقية الشباب وعطونا الضوء الاخضر انتظر جوهر لين يجي للرياض ويبدا في ترتيب الامور ويبحث في المنتدى عن افضل الاماكن والدول اللي يتجهون لها السياح والقريبة من بعض ويشوف خريطة اوربا ،واعداد برنامج متكامل للرحلة بمساعدة منقو ومشورة حمد ومكي وراح يحوس بين هالمكاتب ويسأل عن تذاكر الخطوط والفادق الين استقروا على رأي انه يشوفون في البداية خط سير للذهاب والاياب فقط وبعدين يرتبون المدن اللي يبون يروحون لها ،راحوا للمكتب وشافوا على الخطوط السعودية ذهاب في 22 جون الى ميلان وعودة من ميونيخ في 8 جولاي يعني 15 يوم ، وكلموا بقية الشباب وايدوهم وتم الحجز ،وكانت المفاجأة بأن بالسعر على الرحلة ذي للشخص الواحد ذهاب واياب ب1600 ريال ،عاد ماصدقوا على الله يومين وقصوا التذاكر خوفا من فوات الحجز، المهم الحين جاء دور المدن والاماكن التي يجب زيارتها وعدد الايام في كل في مدينه . بعد المشاوارات والمدولات اتفق الجميع على ان تكون كالتالي:
ميلان 3 ليالي -نيس 4 ليالي-فينيسيا ليلتين-زيلامسي 3 ليالي-ميونيخ 3 ليالي صح انه فه لخبطه في خط السير بروحتنا لفرنسا ولكن بعد صعبة شوي نروح لأوربا ولانجي فرنسا على الاقل مدن الريفيرا الفرنسية القريبه من ميلان
المهم الحين جاء دور الفنادق ويروح جوهر ومنقو من مكتب الى مكتب وتسعير فيها الى ان تم الاتفاق على الفنادق التالية
1-ميلان{ فندق قلاس على شارع بيونس ايرس } 4 نجوم والموقع حقه ممتاز،يبعد عن ساحة الدومو حوالي كيلو متر
2-نيس{فندق nh} ايضا موقعه رايق جدا ،4 نجوم
3-فينسيا{فندق ويستن} 5 نجوم وكذلك الموقع ممتاز وفخم
4-زيلامسي{سي هوتيل} 4 نجوم ومطل على البحيره بجانب قراند هوتيل
5-ميونيخ{شيراتون اربيلا بارك} حلو جدا بس مشكلته انه بعيد عن السنتر
الاسعار تتراوح من 500 الى 800 ريال للغرفة الوحدة عدا فندق فينيسيا ب1200 ريال
الحين انتهينا من هم الفنادق والشباب دفعوا الفلوس واخذوا الفاوتشرات،و طبعا ذا الكلام اخذ من الوقت حوالي الاسبوعين ، نجي الان في حوسة الفيزا والتعقيدات اللي فيها والشروط اللي مدري وش تبي ،الصراحة حانا شوية فتور وقرف من التأشيرة :112:،لأنه على حسب ماقرنا في المنتدى بأنه اسهل سفارة في الشنقل هي سفارة ايطاليا ،ويوم شفنا الوضع لقينا انهم زايدين في شروطهم ضرورة اخذ موعد من السفارة بالتقديم واغلب المكاتب اللي مروا عليها طلبوا لنا موعد قبل سفرتنا بخمس ايام وعاد اثناء الفترة ذي صارت الفيزا شغلنا الشاغل ،اغلبها محاولات باءت بالفشل من واسطه في السفارة ومعرفة من هينا ومن هينا، مااخفيكم انه بدينا بالتخاذل.عدا منقو قام يسأل كل من راح من اخوياه عن الطريقة وواحد دله على مكتب غير معروف قاله يمكن تلقى عندهم حل، ويروح منقو للمكتب ويسألهم ،قالوا له عندنا الحل وبدون موعد او خرابيط انت كمل اوارقك وحنا نجيب التأشيره في خلال 10 ايام ،طبعا بمقابل مالي مرتفع{ شغلة استغلال} في ذاك الوقت لو قالوا 10000 ريال قالنا مافي مشاكل،خلاص حبكت معنا . عطيناهم الجوازات وفعلا بعد 10 ايام جابوا الفيزا{الله يجزى هم خير،سوو فينا معروف}
الحين والحمد لله التذاكر معنا والفنادق منتهين منها والفيزا موجوده ،خلاص في انتظار الحلم يتحقق،طبعاالان باقي على موعد الاقلاع حوالي الثلاث اسابيع،الحين يبدا الواحد يركز على المواضيع اللي في المنتدى ويسأل ويبحث عن كل مايشكل عليه ،ونبدا تسجيل في الاماكن الزينه اللي بنجيها .توزيع المهام1-حمد المصري:امير الرحلة بحكم انه اكبرنا سنا واعقلنا و ايضاً يخووووف
2-مكي مكي:مساعده والمخطط لشؤون الرحلة والامور اللوجستيه وذلك لما يتمتع به من فرط نشاط الحركة والحركة الدائمة يعني بالعربي ربشة
3-جوهر:مستشار ولازم يريح لأنه تعب وتبهذل بالمكاتب بالرياض واختيار الفنادق
4-منقو :الناطق والمتحدث بالنقليزي الافضل فينا {مسيكين الولد ماخذ دورة لغة وفرحان يبي يمرن اللغة حقته ووكلناه في المهمة هذي وارتحنا}التجهيزات لما قبل الرحلةقبل السفر بيوم عقدنا جلسة عمل:gathering ووضع النقاط على الحروف وكل واحد واللي له واللي عليه ،والاتفاق على المبلغ المراد جلبه من كل واحد فينا، طبعا المبلغ 7500 ريال مصاريف معيشة وترفيه وتمشية، ومبلغ تم دفعه على تذاكر الطيران والفنادق والفيزا ب9500 ريال على الواحد، عاد الامير ماصدق يبي يجيب معه اغراض القهوة والشاهي بيعدل مزاجه هناك،والا يوم نطير فيه ،انت صاحي تبيهم بعد يبهذلونا في المطار عشان البلاوي ذي ،يحسبوها مخدرات ولا شي المهم عاد الرجال هون وعدت على خير.
والان يبدا العد التنازلي لموعد الرحلة في تمام الساعة الحادية عشر مساءً من يوم الاثنين 22 جون
يتبع:ميلانو الايطالية { لحظات من المتعة والجمال}
ملاحظة :القراء والردود هم وقود الكاتب ،لذا اعزائي القراء ان اردتم مني الاستمرار فيرجى المتابعة ،واذا اردتم الاكتفاء بما ورد بعاليه فاكتبوا الحمد لله والشكر خوفاً من ايذاء مشاعريمواضيع عشوائيه ممكن تكون تعجبك اخترناها لك:
- استفسارت ميلان ومدين اخرى من اختياركم
- والحل مع الموظف
- مساعدة الله يخليكم اول مرة اسافر ميلانو
- من ميلانو إلى وجهات مختلفه أفضل القطارات ؟
- بليز رشحوا لي فندق في الدمو و فندق في روما عند الساحة الأسبانية
- بامانه تساعدوني
- اول رحلة لإيطاليا
- ايطاليا في ابريل
- احتاج نصيحتكم بليييز
- استفسار بخصوص استخراج تاشيرة من ايطاليا والدخول من هولندا
- المسافه من فينيسيا الى زيل ام سي الفزعه
- شهر العسل في البندقية وبعدها زيلامسي وفينا ارجوووا مساعدتي
- الرجاء مساعدتي باستخراج الشنقن
- غدا تجدد الرحلة الإيطالية لكن مع شركاء
- اقرب مطار لريميني
- فيرونا الايطاليه مدينة الحب
- سؤال عن كومو ولوقانو
- مطبات في ايطاليا
- مصنع فراري ولمبيرجيني
- تنبيه الى الاخوة المسافرين
رد مع اقتباس
[/center] 
نصرواي}
المشاركة الأصلية كتبت بواسطة دقودي
المفضلات