الموضوع: وجوله اوروبيه ورحلة بحريه فالرويال كاريبيان كروز

بدايتاً .. هالجزء بيشمل .. ( روما , ميلان , فينيسيا , جنوا , سردينيا )
ورحلة الكروز اللي وصلنا فيها الى اسبانيا (برشلونا , مالوركا)
وفرنسا والريف الفرنسي (كان , نيس , مونت كارلو و موناكو)

رحلتنا السنه كانت متنوعه من جميع النواحي! ..

استخدمنا الطياره , الباخره , القطار , التاكسي , المترو وحتى الترام !

ولفينا كذا مدينه و دوله و جزيره ..

بصراحه فالبدايه كنت مستعده واصور .. بعدين ومع التنقلات الكثيره وثقل لشناط تركت التصوير ..
وشلت من بالي فكرة التقرير .. لكن اللحين بعد مارجعت وشفت حصيله لابأس بها من الصور ..

قررت انزل تقرير مختلف من نوعه لكن ان شاءلله بتستفيدون منه ..

اولاً .. اول وسائل النقل

طيران القطريه ..

شهر مايو سافرت عليها وارتحت واااااااايد .. عشان جذي قررنا نروح عليها ..
اكره شي فالطياره الترانزيت .. لكن كل شي ثاني ممتاز

التعامل , الراحه , دقة المواعيد , الهدوء! , الأكل ..

اول شي مطار البحرين غني عن التعريف ..
على صغر حجمه الا انه يتميز بالترتيب والنظافه النسبيه ..
وتنوع المطاعم و شمولية السوق !

ويتكون مطار البحرين من 2 Lounges
واحد تابع لطيران الخليج .. والثاني للطيارات الاخرى ..
واثنينهم مميزيــن ..





بعد اقل من ساعه وصلنا مطار قطر ..



وانتقلنا من الطياره مباشر الى اللونج التابع لطيران القطريه ..

طبعا كان شي عجيـــــــب ..

في سوق خاص , طبيب , حضانة , غرفه للي معاهم اغراض , جاكوزي , كراسي مساج , صاله عائليه! والكثير











ارتحنا فيه ساعتين تقريباً الى ان اعلنو عن طيارتنا المتوجهه الى روما
الطياره من روما الى قطر كانت اكبر طبعا واوسع ..



ومن ركبنا شربت السموثي ورقدت ماقعدت الا والطياره نازله!


ووصلنا مطار روما ..



وأبتدت سلسلة الصدمات .. بكلمكم عنها فالجزء الثاني

مواضيع عشوائيه ممكن تكون تعجبك اخترناها لك:

• فيزا
• خطة السير
• خبرتكم تعطر رحلتي
• كيف اوصل لمحطة القطار الرئيسيه
• ما هي أيام الرحلات السعودية إلى روما ؟؟
• فينيسيا الايطاليه والجمال الغارق
• استفسار لزيارة ميلان
• اهم الشوارع
• المساعده في تنظيم رحلة لايطاليا وفرنسا لمده 7 ايام فقط
• عضو جديد استفسارات عن ميلان
• الزعيمة ما عليج امر
• تقرير زيارتي الرائعه الى حديقه سفاري بارك قرب مدينه ميلان
• ايطاليا :*
• محتاج فزعتكم ومعلومات عن ايطاليا
• السياره يالسياره
• استفسار عن السياقة في ايطاليا
• الذهاب لالطاليا زلمسي بالنمسا
• يومين في روما وابي برنامج ممكن ؟
• سؤال بخصوص إجراءات السفارة الإيطاليه
• تخطيط رحلتي القادمة إلى إيطاليا بين أيديكم

السلام عليكم ورحمة الله وبركاته وحمدلله على السلامة انشالله تكون رحلة حلوة بس ممكن سؤال اخت اووزي من الافضل كروز اوروبا ولا امريكا من ناحية الشواطئ والاكتفيتي؟ ومشكورة

اهلا عزيزتي ام رضا ولين ..

الله يسلمج

بصراحه الرحلتين كانو ممتعين جداً ..
وبإذن الله بكررها اكثر واكثر فالمستقبل ..
لكن مادري هل لأنها اول رحله .. او لأني حبيت امريكا اكثر من اوروبا ..
بالنسبه لي كروز امريكا احسن .. الأكتفتيز اسهل الوصول لها .. واحلى !
نفسية الناس احسن ..

وتابعي معاي وشوفي بنفسج ..

نرجع مع ..

الجزء الثاني
سلسلة الصدمات!

أول ماعزمنا على روما وقصينا التذاكر وبتديت ابحث
فالانترنت .. قريت ..

الشعب همجي! جاف , غير متعاون!
الجو حـار مقارب لجو الخليج!
مافي طبيعه في ايطاليا بالمره!
مايتحدثون الا لغتهم ولا يعرفون الانجليزيه!

المـهم! .. اول شي نزلنا من الطياره مستقبلتنا الخراطيم! بعكس الدول العربيه اللي ماتستقبلنا سوى الباصات!
تصب الخراطيم مباشره في ساحة الجمارك .. واضح جداً القسميين لحملة الجوازات الاوروبيه والطوابير الباقية للجنسيات الاخرى ..

تمشي الخطوط بشكل منظم! مع محاولات اسيويه بالتجاوز! لكن الحمدلله كانت دائما تبوء بالفشل!
وصلنا صندوق الجمارك! استقبلتنا ايطاليه بلهجتها الانجليزيه الثقيله تقول .. فيري بيووووتيفل! ..
قلنا لها والله انتي اللي فيري بيوتيفول! وختمت جوازاتنا وكان في ويهنا مباشره الشناط .. التقطنا شناطنا بسرعه وسلاسه ..
حملناهم فالعربانات المتوفره بشكل كبير .. وانطلقنا لمكتب نقل .. طلبنا تاكسي كبير عشان يشيل شنطنا وعطيناهم العنوان واتفقنا على السعر ..
وانطلقنا لاواجه ثاني صدمه! .. الجو على الرغم من انه كنا الضحى يعني الشمس في عزها! الا ان الجو فالظلال كان لطيـف جــــداً !

طبعا من اول وصولنا وعند واجهة المطار لقينا هالمحل ..


وبتدت الماركات الايطاليه تظهر مبينه انه وصلنا لديرة الموضه كلها!

الطريق ماخذ منا 20 دقيقه .. وصلنا لفندقنا ..
Marriott Roma Hotel





طلعنا الحجز واستلمنا الغرف بالشروط اللي طلبناها في دقايق!
على الرغم من انه الوقت كان مبكر جداً! .. لكنهم كانو متعاونين ولاأخرونا ولا دقيقه ..

الكونسرياج فالفندق ايضاً متعاونين كثيراً !
وحاملين الحقائب من جنسيات متعدده مثل اثيوبيا والفلبين كانو سمحيين ووايد ساعدونا! ..





الغرف كانت حلوه ذكرتني بغرف الريتز اللي عندنا فالبحرين وعجبتني فكرة (الله يعزكم) الحمام ..
مكون من قسمين منفصلين قسم مغسله او بانيو



, والقسم الثاني شور او مغسله و WC ..






اخر صدماتي كانت طلة الغرفه .. مساحات واسعه خضراء! ..
ماقول طبيعة سويسرا! .. لكن اشجار وورد وساحات خضراء جميله يمكن شفت فيها خضار اكثر من فرنسا! او في مستوى طبيعة فرنسا! ..

المهم

عيب الفندق .. موقعه بعيد عن السنتر .. والشتل اللي موفرينه يتحرك كل ساعتين



لكن يكلف 10 يورو للشخص رايح راجع فاليوم الواحد ..

انتظروا الجزء الثالث وجولة في روما .. مدينة تتجول فيها وكأنك في متحف!

خبيرتنا الرائعة ,,

OZYEEE

في البداية حبيت اقلك انه افتقدناكي في المنتدى كله وخصوصاً البوابة الامريكية ,, ولكن !!

واضح اننا على موعد مع الفن المتكرر والمواضيع الشيقة خارج البوابة الامريكية ,,

الحمد لله على السلامة والحمد لله انك تراجعتي وبتححفيني بتقاريرك مرة اخرى ,,


في انتظار الرائعة ...



متحمسين و تقبلي تحياتي واحترامي

أوزي
[b][font="Tahoma"][size="2"]
بالصدفه شفت رابط التقرير في توقيعك و زعلت لأنه فاتني تقريرك

لما دخلت لقيتك لسه كاتبته اليوم :11one:

الله وش هالزين وش هالحلاوه

يووووووووووووووووووه انا انصدمت لما مالقيت بقيه للتقرير
يالله نصبر

الحمدلله على السلامه
وبداية رائعه

متابع باذن الله

:106:





المشاركة الأصلية كتبت بواسطة no nick
http://www.arabtravelersforum.com/tr...5/#post3234195

ozyeee

تقريـر شكله عجيــــــــــــــــــــب :24:

متابعين و بقوة لهذا الابداع



نور موضوعي !!
شكرا وحي الله متابعتكم الطيبه .. وان شاءلله التقرير يعجبكم وتستفيدون منه





المشاركة الأصلية كتبت بواسطة طبشوره
http://www.arabtravelersforum.com/tr...3/#post3234323

أوزي
بالصدفه شفت رابط التقرير في توقيعك و زعلت لأنه فاتني تقريرك

لما دخلت لقيتك لسه كاتبته اليوم :11one:

[b][size="2"][font="tahoma"]الله وش هالزين وش هالحلاوه



حي الله طبشوره ..
نورتي الموضوع بكبره ..
مشكوره على هالحجي الحلو .. بالنسبه للتوقيع على الصور انا حاولت اسويها من قبل ..
لكني كسوله :106: اذا زادت علي مراحل ترتيب الصور يمكن امل من التقرير بكبره
وصوري الله حافظهم :110:
مشكوره بعد عمري وخلج متابعه






المشاركة الأصلية كتبت بواسطة مسافرة حول العالم
http://www.arabtravelersforum.com/tr...5/#post3234555

يووووووووووووووووووه انا انصدمت لما مالقيت بقيه للتقرير
يالله نصبر



لأنه توني باديه امس بس عشان جذي توني في بداية التقرير ..
خلج متابعه عزيزتي






المشاركة الأصلية كتبت بواسطة il bambino
http://www.arabtravelersforum.com/tr...8/#post3234848

الحمدلله على السلامه
وبداية رائعه

متابع باذن الله



الله يسلمك اخوي ..
شكرا على المتابعه

هلا.....

اولا.....الحمد لله على السلامة.......وان شاء الله انبستطوا بالسفرة؟؟؟

تقرير من بدايتة رائع.......اعجبني تفصيلك الرائع لمجريات رحلتك....وعرض للجيد والردئ في رحلتك

خلينا نقول اننا في بوابة ايطاليا كسبنا تقرير رائع يضاف الى تقاريرنا الرائعة

فأ اهلا وسهلا بك غاليتي......

متابعة معك للاخر

وصلنا للجزء الثالث ..
ومدينة روما العريقــه ..
ديره عريـــقه لاخر حد ..
شوارعها وازقتها كأنها متاحف .. معارض للفن المعماري الاوروبي
تراث وتاريخ في كل زاويه ..
بالنسبه لي .. احسن طريقة لقضاء اليوم الأول في أي مدينة ..
جوله فالباص السياحي المفتوح .. وبالفعل كان هذا برنامجنا ..
الكونسرياج دلنا على محطة باص 110 في البايازا كافور .. المكان اللي ينزلنا فيه الشتل
فرحنا على طول وشرينا التذاكر من الباص نفسه ..!
نصحولنا الكثيرين فالمنتدى بباص 110 open عشان جذي رحنا له على طول

ومشينا على النصيحه ..
بس اكتشفنا انه من اغلى الباصات ..
لذا انصح اللي يبي ياخذ جوله ..
يروح لمحطة القطار في قلب روما
وبيشوف معظم باصات الشركات السياحيه واقفه
ويقارن بنفسه ..
فمثلاً تذكرة الباص لـ24 ساعه كانت بـ20 يورو ..
وشفنا باص اخر يمر نفس المناطق تذكرته لـ48 أي يومين 24 يورو ..
وهذي صوره للباصات الاخرى ..





كنا فاليوم الأول طالعين في وقت مبكر .. يعني حوالي الساعه 10 الصبح كنا متواجدين فالمنطقه .. وكان هذا خطئنا ..
هالوقت كان الجو مشمس جداً.. فالشمس عموديه .. ماأقول الجو لا يطاق! بالعكس ولكن في أوقات يكون الجو فيها رائع .. المهم .. أحنا استقلينا هاليوم فالباص .. خذينا اللفه كـــــامله وشفنا الدواعيس كلها



.. ونزلنا نزله وحده تغدينا فيها عند ساحة المسله المصريه .. وكان في محلات تسوقنا شوي





وتغدينا ..





ورجعنا لمحطة الشتل ..
ثاني يوم كان ترتيبنا احسن .. طلعنا من الفندق الساعه 2 الظهر ..
تغدينا في مطعم فالبايازا كافور ..






طبعا الأكل الايطالي مثل مايعرف الكثيرين :108: .. يعني احنا في ايطاليا قلنا بنذوق اشياء خياليه! لكن ماشفنا شي مميز .. في سويسرا أكلت بيتزا ألذ من ايطاليا!
المهم بعدها ركبنا الباص وبتدينا الجوله .. كان الجو فهالفترة من اليوم خيــــــالي .. كنا نشيطين جداً ونزلنا كل النزلات واستمتعنا جداً .. وهذي الصور ..



ووقفه اخرى فالكوليسيوم




والفاتيكان






على جوها المشمس ..
إلا انها جميله روما .. الله يعودنا لها فالمستقبل
انتظروني فالجزء القادم .. على متن الـNavigator Of The Seas :24:

المشاركة الأصلية كتبت بواسطة الزعيمة
http://www.arabtravelersforum.com/tr...4/#post3236224

هلا.....

اولا.....الحمد لله على السلامة.......وان شاء الله انبستطوا بالسفرة؟؟؟

تقرير من بدايتة رائع.......اعجبني تفصيلك الرائع لمجريات رحلتك....وعرض للجيد والردئ في رحلتك

خلينا نقول اننا في بوابة ايطاليا كسبنا تقرير رائع يضاف الى تقاريرنا الرائعة

فأ اهلا وسهلا بك غاليتي......

متابعة معك للاخر



اهلاً مشرفتنا وزعيمتنا الكبيره ..
الله يسلمك .. وشرفني مرورك على تقريري المتواضع ..
ان شاءلله يكون عند حسن ضنكم يارب , ويستفيد منه الجميع باذن الله ..
تشرفني متابعتكِ عزيزتي

:24:
تقرير مرتب.. يعطيك العافية
متابعة معاك

الجزء الثـــالث .. والرحله البحريــه على متن
Navigator of the Seas
مع شــركة الرويال كاريبيان ..

بدايتاً .. انا سبق وتكلمة بتفصـــــــيل عن رحلة الكروز على هالرابط ..

http://www.arabtravelersforum.com/travel209226-6/

واليوم بحدد لكم النقاط المهمه باختصار وللي يبي يغوص فالتفاصيل فكلها موجوده والاجراءات مطابقه 100%
من اوروبا او من امريكا ..

أهم النقاط :
1- اسهل طرق الحجز موقع شركة الرويال كاريبيان , بتحصل فيه العروضات وأنسب الاسعار وشرح دقيق ومفصل وفي ارقام لمكتبهم في دبي التابع لأي حجوزات فالشرق الأوسط يرتبون لك من خلاله أي شي ماكان واضح على الموقع.
2- بعد الحجز بيتفقون معاك انك تستلم كتيب الحجوزات مع أشرطة الحقائب من وكلائهم في دولتك.
3- فيزا شنقن تكفي لأوروبا اما للي يبون يروحون من امريكا الى الكاريبي او البهاماز ففيزا امريكيه متعددة الدخول تكفي!
4- يعطى الراكب بطاقة السي باس .. اللي تكون مفتاح لغرفته وبطاقة لدخوله وخروجه من الباخره وهي كذلك بطاقة لشراء أي شي على متن الكروز وتنعطى كل فرد من افراد العائله.
5- طريقة شراء الجولات السياحيه فالموانئ عدديه اسهلها الاطلاع على الجولات من خلال التلفاز واختيار المناسب واي شي غير واضح ممكن الرجوع للكونسرياج وسؤالهم عنه.( بالنسبه لاوروبا لا انصح بشراء اي جوله والاسباب بذكرها لاحقا)
6- وجبات الأفطار والغداء بوفيه مجاني يكون في مطعم مطل على البحر بالكامل فالدور الـ11 , ومطعم العشاء الرائع يكون اما فالدور الثالث او الرابع او الخامس على حسب الدور اللي يتواجد فيه طاولتكم والعشى في هالمطعم تجربة رااااائعه لاتنسى تحسس الواحد كانه على متن التايتنك.

خط سيــر رحلتنا كان كالتالي ..



اخذنا تاكسي من فندقنا
Roma Park Marriott Hotel
الى الميناء اللي يبعد نص ساعه تقريباً ..
طلعنا تقريباً الساعه 11 ونص
وكانت اجراءات الدخول الى الكروز سهله جداً .. وواضحه
نزلنا او استقبلونا العاملين فالميناء ..
استلموا شناطنا بشرائطهم

ورحنا نكمل اجرائات الدخول ..
عطونا بطاقة الـSea Pass



خذو جوازاتنا ودخنا النفيجاتور اوف ذا سيــــــز



لأنه رحلتي السابقه صيف 2008 كانت على متن الرويال كاريبيان أي نفس الشركة ..
فكانت الاجراءات بالنسبه لي سهله او معروفه ..
اول مانركب نتوجه لمطعم الغداء .. نتغدى ونقدر نستلم غرفنا على الساعه 2 الظهر ..
فالغرفه تكون الحقائب وصلت ..
وهذا شكل غرفتي ..



بعدها نبتدي نتجول فالكروز .. اللي تبتدي فيها الأنشطه من تتحرك ..





الدور الخامس .. أهوا دور الســوق .. فيه 3 مطاعم والرسبشن والكونسرياج ومحلات متعدده
فيه دكان يبيع حلويات او هالسوالف ..
او فيه محل يبيع ملابس البحر
ومحل اخر يبيع ملابس خاصه بالكروز ..
في محل مكياج وعطورات ..
محل اكسسوارات في نظارات من ماركات عالميه واكسسورات سوارفسكي
فيه محل مجوهرات .. وكذا محل اخر ..
انا أول مانطلقت الكروز رحت عند هالشخص
وشريت ستكر السوفت درنكس ..








العصائر اللي يوفرونها على البوفيه مجانيه لكن الكولا بفلوس ..
مادري ليش الظاهر من الاقبال الكبير قالو خل نسفيد منه! مع انهم يوفرون باشن فروت جوس
وعصير ليمون .. وايس تي!

المهم البكج سعره حوالي ال50 دولار .. يعطوني ستكر على بطاقتي بهالشكل ..
او اقدر اطلب كل وقت ويكون مجاني للي عندهم الستكر

المهم بعدها انطلقنا للمسرح .. سبق وقالولنا انه في عرض .. والعرض كان رائــع!



واحلى شي فيه العصير :24:



بعد العرض توجهنا للمطعم وهذي صوره للناس اللي طالعين من مسرح المتروبوليتان ..



وصوره للناس المتوجهه للمطعم



كانت طاولتنا فالدور الارضي من المطعم الثالث من الكروز ..








فالمطعم الأكل متنوع .. كل يوم المينيو غير .. احياناً يكون الأكل وايد لذيذ واحياناً لا .. وفي حال ماعجبك الاكل تقدر تطلب شي ثاني :106: مدلعين عالآخر!

بعد العشى خذنا جولة فالكروز ..



واخر شي رجعنا الغرفه .. وكل يوم يعدلون الغرفه مرتين .. مره الصبح بالترتيب اللي سبق وشفتوه .. ومره فالليل بهالترتيب ..



ويحطون هالمخطط اللي فيه تفاصيل باجر ..
وقت الوصول للميناء ووقت المغادره , برامج المسارح على متن الكروز؟
اي مسابقات , نوع الملابس للعشاء ان كان فورمال او كاجول .. الخ



وجذي يمر كل يوم على متن الكروز ..
انتظروني والجزء القادم في تقرير ووقفاتنا الاوروبيه ..

المشاركة الأصلية كتبت بواسطة عاوزين نسافر
http://www.arabtravelersforum.com/tr...9/#post3238079

متابعين للآخر..

صور رائعه ما شاء الله ..

بإنتظار الكروز..



منورين الموضوع ..
وان شاءلله يعجبكم الجزء الجديد






المشاركة الأصلية كتبت بواسطة il bambino
http://www.arabtravelersforum.com/tr...0/#post3238490

روما...رائعة..
والله يعطيج العافية



الله يعافيك بامبينو ..
شكراً على المتابعه






المشاركة الأصلية كتبت بواسطة ديـما
http://www.arabtravelersforum.com/tr...7/#post3239127

:24:
تقرير مرتب.. يعطيك العافية
متابعة معاك

الله يعافيج اختي الكريمه ..
شكرا على المتابعه

حمدلله على سلامتك حبيبتي الغاليه ozyeee
اشتقنالك كثير
ماشاء تقريرك روووووعه مبدعه دائماا
الكروزعجبني كثييييير سجليني من متابعينك خيتوو

المشاركة الأصلية كتبت بواسطة abo hia
http://www.arabtravelersforum.com/tr...3/#post3242363

ماشاء الله اقل شئ ممكن نقوله ابداع



شكرا ابو هيا على هالاطراء الطيب ..
خلكم متابعين

الف الحمد الله ع السلامة,,,

سجليني من المتابعين..


عجبتني رحلة الكروز مره

يالت تعطينا شويه تفاصيل عن سعرها

من وين لوين اخذتوها

الاكل داخلها كيف اسعاره...

يسلمو على الرد والمتابعة بس أقصد اذا حبينا نجلس على البلكونة أو الأماكن المفتوحة كيف بكون الجو بارد جدا ولا عادي يعني يلزم جاكيت شتوي مثلا؟ معلش تقلت عليكي الله يجزيكي الخير

المشاركة الأصلية كتبت بواسطة pancake
http://www.arabtravelersforum.com/tr...9/#post3245729

يسلمو على الرد والمتابعة بس أقصد اذا حبينا نجلس على البلكونة أو الأماكن المفتوحة كيف بكون الجو بارد جدا ولا عادي يعني يلزم جاكيت شتوي مثلا؟ معلش تقلت عليكي الله يجزيكي الخير



انتي بتنزلين من لكروز او اوروبا في شهر اكتوبر بارده ..
فلازم يكون معاج شتوي لو ماحتجته فالكروز بتحتاجينه في نزلاتكم من لكروز
وانا حاضره لاي استفسار






المشاركة الأصلية كتبت بواسطة *ستار*
http://www.arabtravelersforum.com/tr...1/#post3245771

عجبني خط سير الرحله

والكروز بصراحه داخل مزاجي بس متخوفه

ياريت تذكرين لنا السلبيات والايجابيات بالرحله والكروز

وباقي التفاصيل ...وحبيت اسال 1000 دولار للشخص بالكروز شامل السكن والاكل؟

طيب والاطفال كم اسعارهم؟

شاكره لك



شرح مفصل بشكل اكبر عن الكروز بتلاقينه في بداية اجزاء لكروز عن تجربتي الاولى ..
الكروز يشبه الحلم .. ممتع لي اخر درجه لكن اذا كنتي جداً حساسه وتعانين سريعا من دوار البحر فمابيكون ممتع بالنسبه لج .. صج انه الشعور نادر اللي تحسين فيه .. بس احياناً للي يتحسسون .. عقلهم الباطن يخيلهم اشياء
ويتعبون وايد ..

السعر 1000 دولار كانو مسوين عرض نص السعر والسعر العادي 2000 دولار ..
الاطفال طبعا اقل بس نسيت بالضبط كم .. ويختلف السعر بحسب نوع الغرفه ..
للي معاهم اطفال انصح بالسويت اسعاره مناسبه واوسع اذا كانو اكثر من طفل ..







المشاركة الأصلية كتبت بواسطة impact
http://www.arabtravelersforum.com/tr...5/#post3245815

متابعين اختي الكريمة ,,

ومتحمسين للكروز




ياهلا والله بمشرفنا العزيز ..
شكرا على المتابعه

عدنا مع الجزء الخامس
الثلاثاء (الريف الفرنسي نيس , مونت كارلو , موناكو)

صحينا الصبح وكانت الكروز لازالت تمشي ..



كان المنظر من البلكونه رائع لانه فرنسا بانت من بعيد وبتدت الكروز تقترب ..
بعد شوي توقفت فالبحر .. وبتدت العبارات تنقل الناس الى الميناء فالضفه ..



المناظر كانت تستابق في روعتها مع الجو! .. نسيم بارد ..









وألوان جميله .. ومطاعم فرنسيه عريقه مطله عالبحر ..
ماقدرنا نستعجل ونقصد مونت كارلو وموناكو سريعاً .. لأنه نيس كانت جميله جدا بحد ذاتها ..
تمشينا على البحر والمناظر الرائعه ..



وبعدها قعدنا في احد المقاهي وتناولنا الكريب الفرنسي الشهير ..
وبعدها انطلقنا لأكمال رحلتنا في باقي المناطق

صعدنا للمحطه وخذينا تذاكر القطار ..
وكانت المناظر روووووووعه ..



لكن الجمال كان في هالمدينه الرائعه.. وللأسف ماصورت سوى صور عائليه ..
لكن موناكو , مونت كارلو بالفعل يستحقون الزياره ..





تشرينا من السوق .. شفنا حلبة الفورميلا وان اللي تقام في وسط شوارعهم ..
وانطلقنا عائدين الى الكروز ..
كان اليوم طويل وتحسفنا انه مارحنا شفنا كــــــان ..
انتظروني الجزء القادم في أسبـــانيـــــا ..

اوزي

مساء الخير

بصراحة .. تقرير جداُ رائع

لكن لي عتب بسيط

تمنيت تحملين الصور من المنتدى و نحطين عليه توقيعج

أكيد فيه ناس و ناس بتستفيد من التقرير ... و طبعا الصور اللى تتحمل من مواقع ثانية .. حدها سنه بالكثير و تنشل الصور

يعنى لو فكرت اخذ نفس الكروز السنه اليايه .. كلي أمل ان الصور في هذا التقرير تظل مثل ما هي ..

أتمنى اعادة النظر فالنقطة هذه و بارك الله فيكم

:24:

هلا بخبيرتنا


ماشاء الله تقرير رائع وصور اروع


بصراحة انتظر جزيرة مايوركا الاسبانية وعاصمتها بالما بسبب ذكرياتي الطويلة معها


تقرير يستحق التثبيت .. تحياتي للجميع

مبروك التثبيت اوووزي
ومتابعيين

بدايتاً .. احب اعتذر , عودتكم انزل كل يوم جزء .. لكن امس كان يومنا العائلي
فانشغلت او مانزلت شي ..
اشكر الاداره جزيل الشكر على تثثبيت تقريري المتواضع , وان شاءلله يكون التقرير قد ثقتكم
ويستفيد منه الجميع باذن الله ..






المشاركة الأصلية كتبت بواسطة الزعيمة
http://www.arabtravelersforum.com/tr...8/#post3246038

متابعة للاخر......حتى الان انا مستمتعة بالتقرير



الحمدلله انج مستمتعه عزيزتي الزعيمه ..
وشكرا على المتابعه






المشاركة الأصلية كتبت بواسطة HudaAbdullah
http://www.arabtravelersforum.com/tr...4/#post3248034

أبدااااااااااااااااع غير مستغرب عليك :24: ما شاءالله
يا ملا العافيه ........
الصور روعه ... وايش هذا العذاب روما ,جنوه, نيس وووو :110: حرام عليك...

برأيك هل يوم واحد في الأماكن الي نزلتيها يكفي ؟

متابعه وبقوه :113:



هلااااااااااا والله ..
نورتي موضوعي اختي Huda ..
لا والله يوم واحد مايكفي .. بس اسمج شفتيهم .. ينحسبون لج بس ..:109:
كلنا فالكروز كنا نقول ياريت وقفنا في فرنسا يومين وفي برشلونه يومين
خلج متابعه






المشاركة الأصلية كتبت بواسطة Impact
http://www.arabtravelersforum.com/tr...7/#post3248377

اكيد متابعين كل الابداع



شكرا مشرفنا العزيز
تواجدكم يسعدني جداً






المشاركة الأصلية كتبت بواسطة *ستار*
http://www.arabtravelersforum.com/tr...2/#post3248572

روعه بصراحه

بس لو يزيدون المده يعني يومين على الاقل اتوقع تكون كافيه لنيس وكان ومونت كارلو

شكل الرحله اللي طلعتوها مو تبع الكروز يعني على حسب رغبتكم

طيب بسالك متى حجزتوا للرحله ؟ يعني لو حجزت بدري يكون ارخص؟

ومتى كان تاريخ رحلتكم؟



ستار بالنسبه لليومين نفس راينا ..
كان تاريخ لكروز 5-7 .. اي كل ماحجزت قبل يكون ارخص ..






المشاركة الأصلية كتبت بواسطة no nick
http://www.arabtravelersforum.com/tr...6/#post3248596

اوزي

مساء الخير

بصراحة .. تقرير جداُ رائع

لكن لي عتب بسيط

تمنيت تحملين الصور من المنتدى و نحطين عليه توقيعج

أكيد فيه ناس و ناس بتستفيد من التقرير ... و طبعا الصور اللى تتحمل من مواقع ثانية .. حدها سنه بالكثير و تنشل الصور

يعنى لو فكرت اخذ نفس الكروز السنه اليايه .. كلي أمل ان الصور في هذا التقرير تظل مثل ما هي ..

أتمنى اعادة النظر فالنقطة هذه و بارك الله فيكم

:24:



اخي الكريم no nick ..
انا اعتذر .. بس بكون صرحه وياك ..
انا كسوله .. تصغير الصور ياخذ جهد مثل ماتعرف
وانا غير تصغيرهم احملهم على موقع يوصلهم لحجم معين اللي تشوفونه عشان تكون الصور كلها في حجم واحد
هذي نقطه النقطه الثانيه .. انا انزل التقرير في منتديين .. وكل منتدى لي نك اخر .. فيعني لازم احفظ نسخ بالتوقيعيين ..
جودة الصوره اذا حملتها على العرب المسافرون تقل والالوان تختلف .. يمكن ماتلاحظونها بس انا كيمرتي البكسلز فيها كبير وبالضغط تختلف جداً الصوره
ان شاءلله اكون وضحت لكم الصوره .. وباذن الله الصور ماتنمسح .. شكرا جزيلا على اهتمامك اخوي no nick






المشاركة الأصلية كتبت بواسطة الهلالي
http://www.arabtravelersforum.com/tr...0/#post3248730

هلا بخبيرتنا


ماشاء الله تقرير رائع وصور اروع


بصراحة انتظر جزيرة مايوركا الاسبانية وعاصمتها بالما بسبب ذكرياتي الطويلة معها


تقرير يستحق التثبيت .. تحياتي للجميع



شكرا جزيلا لك اخوي اولاً على مرورك ..
ثانيا على تثبيت تقريري المتواضع
اللي ان شاءلله يكون عند حسن ظنكم ..
واتمنى الاجزاء تعجبكم ..
خلكم متابعين






المشاركة الأصلية كتبت بواسطة Impact
http://www.arabtravelersforum.com/tr...3/#post3248843

مبروك التثبيت ومنتظرين لا تتأخري علينا



ان شاءلله امباكت ..
خلك متابع :24:






المشاركة الأصلية كتبت بواسطة il bambino
http://www.arabtravelersforum.com/tr...0/#post3251070

مبروك التثبيت اوووزي
ومتابعيين



الله يبارك فيك .. شكرا على مرورك

صاحبة التقارير المميزة

شكرا لإبداعك وكأننا معك في الرحلة

بنتدي اليوم الجزء السادس
وصلنا برشلونه ..
ومن الميناء .. نقلنا الشاتل الى مركز التجاره العالمي ..
خذينا على طول الباص السياحي وانطلقنا بدايتاً على الـWest route



واكثر نزلاتنا كانت في هالـRoute
اخترناه عشان نبتدي فيه لعدة اسباب .. أولها انه كان مطلبنا الاول نشوف نادي برشلونه وهالروت يروح له ..
ثانياً .. كان الباص معدي نقاط الروت الثاني .. عشان جذي ..كملنا لفتنا ونزلنا وتسوقنا وتغدينا بعدها انطلقنا في ..
الـEast Route ..



اللي مر على العديد من الاماكن السياحيه .. بسبب ضيق الوقت ماقدرنا نزل فيهم ..!
هذي صوري فالرحله كامله ..
اولاً وقفتنا الاولى ونادي برشلونــه ..
تجربه رائعه .. اللي يشوف ناديهم! يقول شلون مايفوزون!
المحل التابع للنادي ضخم وكل شي عن النادي متوفر فيه!





وبعدها نزلنا عند الـLa Pedrera
وكان السوق المقابل عجيــــــــب وفيه معظم الماركات مثل Dolce & Gabbana , Chanel, Tiffany& Co, Versace, Louis Vuitton والعديد العديد ..





وبعدها
قالولنا يا رقم 5 او 6 ناسيه في مجمع كبير ..
وبالفعل نزلنا وتسوقنا فيه مجمع ضخم وكان فيه تخفيضات
اذكر من محلات هالمجمع ماسيما ديوتي كانت الاسعار تفرق بشكل كبير عن اسعارنا!



وبعدها رحنا الـ لا رامبلس ..
يعتبر مثل الداون تاون في برشلونه .. شارع كله محلات او مطاعم ..
وفيه نوافير و كارفور والعديد من الدبارت منت ستورز .. ومحلات السوفونيرز على طول الشارع ..







في بعد شحاتيــن اوروبا المشهوريين على طول الشارع ..





تغدينا وكملنا تمشى




وبعدها ركبنا الباص مره ثانيه وجوله فالخط الاخضر او الـWest Route
بتوقف الان ..
تعبت شوي والصور كثيــره
و قاعده تواجهني مشاكل مع مركز التحميل ..
كل مانزلت الصور وجمعت الروابط افقدهم ..
بتوقف او بكمل معاكم النصف المتبقي الليله او باجر باذن الله
سامحوني

مبدعة هذا الي اقدر اقولة صراحة انتي شي خطير ....بالتوفيق اختي..

نكمل معاكم بعد انقطاع بسيط ..
بدايتاً .. حبيت اهنئكم جميعاً بقدوم شهر رمضان المبارك ..
اتمه الله علينا وعليكم بالخير واليمن والمغفره والبركات ..




***

بقية الجزء السادس ..
وانطلاقتنا فالروت الاخضر ..



استانست على صندوق الكهرباء .. مكتوب عليه قاطع اسرائيل



لقطات من الطريج ..














وعلى هالروت اكتشفت بالقرب من فندق الهيلتون مجمع كبير فيه العديد من المحلات ..
من بينها ماسيما ديوتي وبريمارك والعديد العديد .. وللأسف ماقدرنا ننزل لضيق الوقت ..!



رجعنا من بعد هالجوله الى الكروز .. مودعين ميناء برشلونه .. منطلقين الى بالما دي مالوركا ..

بدايتاً نصيحتي لكم انكم اول ماتنزلون تروحون لأول محطه تلقون فيها هالباص ..



احنا كنا متشوقين للبحر .. لذا كان مخططنا في هالمنطقه البحــر ..
اخذنا تاكسي من الميناء وتوجهنا مباشر لأقرب ساحل ..







كان الساحل رائع والجو جميل .. لذا قضينا اغلب الوقت عالبحر ..
ورجعنا عائدين الى الكروز في نهاية اليوم ..



انتظروني فالجزء القادم ..

مبـارك عليـكم الشهـر ... و عسـاكم من عــواده


و متابعـين للتقـريـر

تقرير جميل جدا كما عودتينا دائما في بوابة امريكا..


عندي سؤال.. انتي قلتي محلاتهم مثل ماسيمو دوتتي في فرق في الاسعار هل احنا ارخص أو هم أرخص؟

تسلم ايدج ...

تقرير جميل استمتعنا فيه ..

وياريت تعطينا تفاصيل أكثر ... وخصوصا الاسعار

تقرير جميييل حده و كويس للكرووز عاد مرات ودي اركبها بس مو عارف اشلوون
بس مشكلتهم في مناطق ما ابيها يجبروني فيها