الموضوع: رحلتي غداً الى جوانزو ايوو الى يونيو

بعد التحيه الطيبه والسلام

اتقدم بالشكر الى كل القائمين والمشاركين بهذا المنتدى, لما ساهمت وستساهم مشاركاتهم ونصائحهم بمساعدة اخوانهم واخواتهم بترتيب رحلاتهم.

في موضوعي هذا سوف اشارككم رحلتي يوم بيوم اذا استطعت, والتي انشاء الله سيكون موعد اقلاعها غداً الثلاثاء من مطار الرياض الى جوانزوا مباشره.

اولا ابتداء باستخراج الفيزا والتي كانت سهله للغايه من مكتب السفاره بالبحرين لمده 6 اشهر سفرتين - نوع الخدمه سريعه سلمتهم الجواز الساعه 11 واستلمته الساعه 1 ظهرا وقيمه التاشيره 330 ريال

افضل خطوط السعوديه من حيث الوقت والسعر ..... حيث انني قمت بالحجز على الدرجه السياحيه بقيمه 2600 ريال وقت الاقلاع الساعه 10:25 مساء تصل اليوم الثاني 12 ظهراً

الغرض من الزياره : تجاره في مجال مواد التشطيب والديكور
مده الزياره: 15 يوم

طبعاً من نصائح الاخوان صرفت عملتهم مبلغ بسيط والباقي بالدولار - وبقيت مبلغ مع اخي ليحوله لي بعد وصولي وفتح حساب بالصين

الوصول والاستقبال : رتبت مع مكتب سبق ان تعاملنا معه لاستقبالي بالمطار وارسلت له بينات الرحله كامله.

الفتدق ...... طبعاً السكن اهم شي عندي ولهذا اخذ البحث منى الوقت الكثير وحتى الساعه لم احجز ولكني قلصت خياراتي بين نيومينلاند او yu hua hotel او lido hotel ..... طبعا راح احجز حق 3 ايام واذا عجبني كملت معهم

في نظري اهم شي عمل قائمه بالاشياء الي لازم تعملها قبل السفر وبعد السفر هذي راح تريحك كثير برحلتك وراح تخليك اقل توتر. انا عملت قائمه بالمصانع الي راح ازورها وعندي اسعار مبدئيه منهم هذا بلاضافه الى القائمه الي طلبت من المكتب بالصين يجهزها لي.......

ايضاً طبعت تقرير مختصر من عده تقارير من المنتدى كمرجع.


الحلقه الاولى ......

مواضيع عشوائيه ممكن تكون تعجبك اخترناها لك:

• استفسار السفر الى بكين لمدة اسبوع
• ساوثرين تشينا
• استفسار بخصوص استلام البضاعة وشحنها
• استفسار عاجل اين يقع سوق الاكسسوارات النسائيه الراقيه في كوانزو
• تحذير من أحد المترجمين الموثوقين في موضوع ابو ضرار
• الصين تطلق أطول خط للقطارات الفائقة
• ماذا اعمل إذا كنت لااعرف الانجليزيه في هونج كونج
• ادخال الاكل الى الصين
• استفسار حول اسعار الفنادق في مدن الصينغير كوانزو وقت المعرض
• فيزا الصين للسعوديين طرق استخراجها بسهوله
• عن الصين
• تحذير من باعة ااجهزة الكميوتر المتجولون في مدينة كوانزو
• مطعم المسلمين في كوانزوا
• فزعة يا طيبين ابيكم رايكم في الصين
• الاكل الحلال في الصين و هونق كونق
• ابي اروح للصين
• همتكم با الأفادة لرحلتي
• استفسر ضررروي ابي الرد ؟؟؟؟؟؟؟
• انفلونزا الطيور والاوضاع الغير مستقر كوريا
• ارجوالمساعده رحلتي الى جوانزوا

الله يوفقك

صعب الحب و kenken اشكر لكم مروركم ودعواتكم عساها في ميزان حسناتكم


امس ذكرت اني متحير بين ثلاث فنادق ..... لكن ابشركم اتخذت القرار وحجزت في فندق نيومينلاند (الليله ب 90 دولار) بعد ما بحثت اكثر وشفت تقييم الزوار للفندق وانشاء الله يكون عند حسن الضن ولا شلنا عفشنا ودورنا على فندق ثاني

تروح وترجع بالسلامه

توصل بالسلامه ..وبالتوفيق ..

توصل بالسلامة وان شاء الله متابعين نقريرك لنهاية بس لا اتحط التفاصيل والاسعار اهم شي

المشاركة الأصلية كتبت بواسطة sydney2050
http://www.arabtravelersforum.com/tr...8/#post5554328

في انتظار اخبارك انا رايح يوم 9 جولاي مع زوجتي و طفلي ياليت تعطينا تفاصيل عن التسوق و المناطق السياحية


ســـــــــــــــــــــــــــــــــــــــــــــــــ ـــــــــــــــــــــلمت يالغالي



ماهو برنامجك اخى
انا رايح يوم 19 شنزن ويوم 23 لكوانزوا يوليو

السلام عليكم
رحله موفقه وتجاره رابحه بأذن الله
رحلتنا 20 سبتمبر
سياحه مع زوجي وبنتي وتجاره ملابس أطفال
فنتمنى منك ذكر الأسعار وحبذا بالريال السعودي هههه
مو مهم وضع الصور نكتفي بالوصف واذا رجعت من السفر تفرغ للصور

بانتظارك

تروح وترجع بالسلامة.....

هلا اخوي بدر القصيم

بالنسبه لسؤالك عن المكتب أنا أتعامل مع مكتب oak صاحبه واحد سوداني اسمه عبد الباقي ...... اما النسبه تتراوح بين 3 الى 5 ٪ على حسب المنتجات وكميه التعامل
الموقع
Room 605 oriental finance Bldg. No 140 dong feng west road Guangzhou

طيب رايك بتعاملهم قبل مانبتلش معهم وهل الاسعار هم الافضل انا جربت المكاتب بصراحة فرقة معي فيه مكاتب تجيب اسعار اقل ومن نفس المصانع لان تخبر المكتب يبي ياخذ من وراك بدون علمك !!

وحتى الخطه اني اروح افتح مكتب بنفسي تبهذلت من النسب وشرايك فتح مكتب خاص ؟؟ إذا عندك خبر عنه ؟؟

موفق لما هو خيير بإذن الله .

ممكن تعطيني رقم المكتب وهل يوفر مستلزمات للبيت وملابس
وياليت ارقام موردين

بدر القصيم .... المكتب. جايه من توصيه واحد مجربه من اول ويمدحهم بس تأخروا عليه بالشحن وهذي نقطه عليك تنتبه لها لانه في سفن تجي مباشره للسعوديه وفي الي تمر على اكثر من ميناء ..... طبعا المباشرة غالبا أغلى
وعلى طاري فتح مكتب ان افكر جديا افتح لي واحد فإذا ودك نتقابل ونناقش الموضوع اكثر وربك يجيب الي فيه الخير انشاء الله

زوجه عبود .... رقم المكتب بعد إذن الاداره 008613711153294 عبدالباقي ..... اما عن سؤالك بانه يوفر مستلزمات منزليه فاعتقد نعم ...... اما أرقام الموردين فحددي بالضبط ايش الي تبحثي عنه وإنشاء الله اذا حصلي وعرفت احد ارسلت لك رقمه لانه مجالي غير أنا متخصص بالتشطيب والديكور والاناره والأثاث

هلا والله انا جاي بعد اسبوعين اليوم الي ترجع ان باكون جاي
ياليت تسالي على مكاتب الشحن الجوي مثلا عندي 100 كيلو زياده شلون ارسلها وبكم وارخص مكتب وعندي اسئله مادام انت هناك

واشكرك على الطرح وراح اسكن بالقرب من المنطقة العربية وش رايك ووش انطباعك عن الجو حاليا حر او معتدل او ممطر
واشكركككككككككككككككككككككككككككككككككككك

اخوي بعد اذنك اذا قدرت تحصل لي ارقام محلات او مصانع يبيعون ملابس نسائيه راقيه بالجمله اكون لك من الشاكرين

والله يرجعك بالسلامه

Doctor ابشر راح أسألك عن الشحن الجوي وبالنسبه للجو يختلف من يوم لآخر وعلى حسب المكان الي انت ناوي تروحه لانه اغلب المحلات الي رحتها غير مكيفه فحتى لو كانت درجه للحراره 35 تحس الدنيا حر خصوصا اذا كنت تبي تستغل يومك

مغترب بحريني اذا حصل ولقيت طلبك راح ارسل لك الأرقام

المشوار تقريبا أخذ ساعه ونصف .... السواق طالب 300 رمبي
الأسعار فعلا اعلى مما كنت اتوقع للسراميك وخزائن الحمامات والحجر ....طبعا هذا مقارنه مع اسعار النت .... هذا الشي جاب لي احباط نوعا ما بس الحلو أني كنت جايب عناوين مصانع اخرى في نفس المدينه وهذي حكايه ثانيه ......
قعدت المترجمه تتصل فيهم واغلبهم ما يردون والي ردوا مكانهم شوي بعيد عن فوشان بس أصير الا لازم امر عليهم وأشوف طبعا السواق طلب مبلغ زياده 100 وكاسرته الى 80 ووافق..... المهم ضعنا ضياع بطرق الله لا يوريكم ما ادري هو من ثوارة الي يوصف ولا السواق المهم بعد طول وقت يالله وصلنا ولا ذاك المصنع الي بدون لوحه بس حجمه نوعا ما كبير وفيه مكتبين كبار واحد للرسامين والثاني للي يردون على المراسلات طبعا ولا واحد يعرف انجليزي بس يستخدموا برنامج ترجمه فوريه....... المهم المصنع يصنع اثاث مكتبي ومنزلي ومطابخ ...... أعطيتهم رسومات المطابخ والخزائن الجداريه واعطوني اسعار من جد حلوووه .... لدرجه انه المترجمه فتحت حلقها وعيونها تقول ماعمرها حصلت على اسعار زي كذا وانا ودي اسوي الوضع طبيعي ولا كأني بدوخ من الأسعار ..... المهم أنا خفت انه في للعب بالمواصفات فحرصت عليهم يقدموا عرض اسعار رسمي فيه جميع المواصفات وإنشاء الله خلال كم يوم راح يوصل للمترجمه وترجمه وترسله لي. واحنا بطريقنا بالرجعة وأشوف مجموعه مصانع سيراميك بس للأسف الوقت متأخر ومسكرين

مرحبا عزيزي تروح ونرجع بالسلامة ان شاء الله
بس عندي سؤال هل اقدر اطلع الفيزا من البحرين ؟
وهل يجب حظوري
وش المطلوب لاستخراجها من البحرين
وشكرا...

أنا حضرت بنفسي بس اتوقع انه ممكن احد ينوب عنك بالتقديم
بالنسبه للأوراق أنا ما أخذت الا جوازي وصوره شخصيه وصوره لبطاقه الأحوال ...... بس احتياط لو تاخذ ورقه تعريف من جهه العمل اذا انت موظف ولا السجل التجاري اذا انت تاجر ..... لانه الي اعرفه انهم راح يغيرون موظفه الاستقبال الايرانيه بصينيات فأخاف انهم اكثر تشدد

المشاركة الأصلية كتبت بواسطة الاستيراد تخصصي
http://www.arabtravelersforum.com/tr...0/#post5589220

doctor ابشر راح أسألك عن الشحن الجوي وبالنسبه للجو يختلف من يوم لآخر وعلى حسب المكان الي انت ناوي تروحه لانه اغلب المحلات الي رحتها غير مكيفه فحتى لو كانت درجه للحراره 35 تحس الدنيا حر خصوصا اذا كنت تبي تستغل يومك

مغترب بحريني اذا حصل ولقيت طلبك راح ارسل لك الأرقام



تسلم عيونييييييييي والله يعطيك العافيه مالك مني الا الدعاء
وكان ودي تكون موجود لما نوصل بس للاسف وصولنا هو يوم مغادرتك

الله يعطيك العافة اخوي
ما قصرت

Doctor تحياتي لك وشكرا على دعواتك وإنشاء الله توصل بالسلامه

مدينه شونده مدينه الأثاث

ما عرف بالتحديد كم سوق للأثاث بس أنا زرت ثلاثه منهم ....... طبعا في واحد منهم يبغالك لياقه عشان تقدر تغطيه كله
أعطيكم الاسواق من الأغلى والافخم الى الاقل
Louver furnishing and lighting decoration city
هذا السوق راقي فيه اثاث مكتبي ومنزلي وانتيك ومكون من عده طوابق وفيه مطاعم أيضاً ...... سالت عن طقم كنب أعجبني طلع بما يعادل 23 الف ريال .... السوق مكيف
Hongxinmeikailong
سوق أيضاً غالي نسبيا وحجمه اصغر نسبيا من الاول وسعرت لي طقم أيضاً جميل جلد ايطالي طلع ب 14500 ريال .... فيه محل لوح غرزت عنده لأني اعشق اللوح واشتريت لي كم وحده بس حبيتهم يغيروا البرواز ..... وأسعارهم على ما اشوف معقوله على جوده الرسم ......
Shunlian Nanqu
هذا اكبرهم وارخصهم ....... فيه تقدريبا كل شي
طبعا مهو كل محلاته رخيصه بعضهم غالي بس جد فخم ومميز ....... أنا كان في مزاجي طقم تفصال خاص جلد ايطالي حصلت لي مصنع يصنعه أعطيتهم الرسومات والمواصفات ودفعه اولى 30 بالمائه ووعدوني استلمه الجمعه ...... فيه اخر صف فرشات وملاحف كثير من الناس على قوله المترجمه ما يجونه لانهم يتعبون اذا وصلوا للوسط

الأثاث من الصين ميزته تنوعه يعيني بتحصل الي تبيه واذا ما حصلت وعندك تصميم ولا فكره راح يعملوها لك .... التعامل معهم مرره حلو عجبوني بمرونتهم وحرصهم على العمل مهو زي المحلات الي بالسعوديه تبي ولا في غيرك يبي واذا جبت لهم فكره جديده عقدوك لما يخلولك تكرهها

بس المهم تسجل كل أغراضك بورقه عشان ما تنسى والأفضل تكون معموله بالكمبيوتر مثل جدول وتحط اسعار بلدك عشان تقدر تقارن

خذ معك شنطه كتف مريحه وشيل معك مويه وخفايف من بسكويت ولا فاكهه لانك راح تجوع وما ودك تدور وانت جايع

طبعا الأهم هو الجزمه تكون الاريح أنا استخدم حذاء رياضي مخصص للمشي ماشي معي زي الفل

*

ترجع بالسلامه اخوي

ودي استفسر عن المكتب اكثر ودي ببضاعه معينه وكميه بسيطه بس ما اعرف ارقام المصانع ولا اسمائها

هل من الممكن ان يبحث لي عن المصانع المطلوبة وعن افضلها من ناحيه الجوده والسعر ؟؟

وهل ممكن يكون وسيط بيني وبين المصنع ؟؟

لاني مرتبط الان بعمل وصعبة اسافر

أخيراً إذا لهم موقع او بريد الكتروني ياليت ترسله لي ضروري

على الرابط http://king23.arabform.com/

وجزاك الله خير

اخوي انا ماشي الاربعاء بإذن الله وشرايك وين نلتقي ؟

هلا اخوي توصل بالسلامه
أنا طالع اليوم لمدينه ايوو وراجع يوم الخميس بإذن الله ....... احتمال اسكن بنفس الفندق نيومينلاند او أغيره للفندق الي فوق مطعم الباشا لانه اقرب للمكتب
فانت اذا جيت علمني باي فندق انت ساكن ونرتب لها ......

سرد اكثر من رائع يعطيك العافيه
بالتوفيق

الاخ الكريم الاستيراد تخصصي اذا ممكن تسال لنا عن سعر فندق البيست وسترن في ايوا الغرفه العاديه بكم من مكاتب ايوا لان حسب ماذكر الاعضاء انها ب 300 يوان وعند بحثي في مواقع الحجوزات في النت لقيت اقل سعر بما يقارب 450 يوان واذا في اوتيل كويس تنصحنا فيه نظيف ومحترم ورخيص احنا ان شاء الله جاين منتصف الشهر الجاي
وجزاك الله كل خير

رحلتي لمدينه ايوو

الرحله ب 1200 ريال تقريبا على south china airways ..... طبعا اكلت لي مقلب خفيف بسم أني محدود بالوقت سالت الموظفه الي بالفندق متى لازم اطلع من هنا عشان اللحق على طياره الساعه 3:20 دقيقه قالت وحده ونص انت بالسليم قلت يلا خليني استكشف المنطقه الي حول الفندق لانها كلها اسواق جمله ...... درت ولفيت وعلى الساعه 11:15 تقريبا قلت يلا خليني اصرف دولارات من البنك وادخل بنك كونستركشن وعطوني ورقه وعبيتها و رقم ولا هو 47 والدور واصل 17 المهم قلت شكلهم سريع سريع ويخلصون الا الحبايب نفسهم طويل رحت سالت وحده وقلت لها ما ممكن تخلصوا موضوعي لانه بسيط وانا وراي رحله الى وماشاء الله عليه تاخذني قسم كبار العملاء قلت يلا دقيقتين واخلص ..... ياعالم والله العظيم حوالي نصف ساعه وماخلصت شي عجيب تعقيدهم للموضوع وولدها غباء الموظفه وبرودها والمشكله قروشي وجوازي معاها وتروح وترجع ورقه مطبوعه وورقه تتختم ..... المهم واشتكيها ويجيبوا لي قهوه يبغوني اروق المهم مع طلعه الروح طلعت قروشي وعساني ما صرفت ...... وسريع على الفندق طبعا أنا فيني صفه شكلها مستحيل تفك مني الا وهي توضيب الشنط سبحان الله ما اقدر اضبها الا اخر الوقت يعني مستحيل اجهزها قبل وهذي المره أعطتني درس باني اغير هذه العاده .... لأني بعد وأرجعت الفندق جلست اوظب اغراضي وشي للتخزين بالفندق الى ان ارجع له من ايووو وشي بشنطه العفش وشي ماله داعي .... المهم خلصت وادق على خدمه الغرف انهم يرسلون لي احد ياخذ العفش ..... ارسلوا وعساهم ما ارسلوا اغبى وحده بالفندق اذا ماكانت بالحارة كلها ..... عندها حساسيه من وجود المكوايه لغرفتي كل ما دخلت شالت المكوايه .... فيوم أرسلوها وافتح لها الباب وعلى طول هاكي وشيلي المكوايه وطيري وانا وراها تعالي يابنت الناس خليكي من المكوايه وين الي يشيل الشناط ولا كأنك تقول شي ناشر على الشناط وتاشر تحت ماعندك احد ..... المهم نتعت شناطي الي اقدر اشيل وطلعت من الغرفه وتلحقني بالشنطه الباقيه...... ماخلصت نزلت تحت وابرد من الي على الاستقبال ماشفت لدرجه أني طلعت لها التذكره عساها تشد ألهمه وزي ما انت المهم ألقى ذاك الرجال السنافي في الاستقبال واشرح له كان يخرشها خرش ويرجع المبالغ المسحوبه على الفيزا ويرسل واحد يجيب تجدعها سواق تكسي عشان يوصلني المطار بسرعه وفعلا ركبت مع انتحاري صيني به عرق سعودي وصلني المطار بأقل من نصف ساعه ....... في شغله مهمه في المطار ..... عند قص البوردنج حاطين كاونتر للمتاخرين يعني خدمه للي جاي متاخر على الرحله وهو بالحقيقة للي يبي يتاخر زياده عن رحلته لأني وقفت فيه واناظر الكاونتر العادي ياناس اخر واحد خلص وجاء بعده بشر وخلصوا وانا في هذا الطابور الي بالموت يتزحزح...... قصيت البوردنج وسريع على البوابه ..... وأثره المطار مشاء الله مستصح كبير والطيار متوصي واقف عند شبك المطار ....... جاني شد عضلي في كتفي ورجلي يمكن حتى بطني ......و أخيرا واركب الطياره ماني مصدق انه المراثون خلص
أقلعت بالوقت زي خطوطنا بالضبط ....... ووصلنا مطار ايووو على الساعه 5 وربع الجو مشاء الله مرره حلوو افضل من جوانزوا بمراحل
سكنت في فندق Yiwu international نظيف وزحمه وموقعه ممتاز سعر الليله تقريبا 450 ريال

زرت مجموعه من المصانع والحقيقة تفاجأت من اسعارهم لأني كنت عامل حسابي على انه راح يكون هناك فرق كبير عن جوانزوا والي ماكان بس انشاء الله احصل الي ابيه خلال اليومين القادمين

طبعا المدينه اهداء واجد من جوانزوا والمطاعم العربيه متوفره منها مطعم القاهره وسباء

*

المشاركة الأصلية كتبت بواسطة بيض55
http://www.arabtravelersforum.com/tr...6/#post5597646

الله يعطيك العافية اخوي الاستيراد تخصصي
انا رحلتي الى كوانزو يوم الخميس 21/7/ 2011انشاء الله
الغرض : شراء اثاث للمنزل
كيف الفندق الى انت فيه وايش قريب منه كم سعره الحقيقه مدري وين اسكن
هل تتوقع شراء خمس اطقم كنب + طاولة طعام + الاكسسورات اقل تكلفه ام لا
هل 12 يوم كافيه
وجزاك الله خير

كيفيك اخوي
حمد لله على سلامتك
عندي سؤال واحد بس ونشاء الله تجوبني
كيف اعرف جودت الكنب الممتازة والسيئه

الاخ بيض ..... 12 يوم للتاثيث اكثر من كافي بس عليك تحرص انك تسجل كل طلباتك بقائمه والأفضل لو عندك صور تقريبيه اسهل لك، طبعا لا تنسى المخططات والمقاسات أيضاً تخليها بجدول

اخ بيض ..... والله ما ادري ايش أقولك الكنب الجيد يعتمد على نوع الخشب المستخدم والحشوات الداخليه ونوع القماش او الجلد

أنا بالنسبه لي مجرد ما اقعد على الكنب و اشوف تشطيبه اقدر احدد هل هو جيد ام لا ..... مع انها طريقه قد تكون ليست دقيقه 100٪

واحه امل .... اذا حصل لي راح أسالك بس ما أوعدك لأني ماشفت ولا مكتب حق سياحه جمب فندقي

جزاك الله كل خير ما تقصر اخي الكريم واذا ماقدرت مسموح
تحياتي

الله يوفقك وتقريرك مو طبيعي

ومعك لحد ماتوصل بسلامه

الله يعطيك العافية


عندي سؤال بعيد جداً عن الاثاث والديكور ---- حلويات الاطفال -----

هل عندك عنها خبر

وشاكر لك