الموضوع: بوشكري في رحلة العمر لندن

بسم الله الرحمن الرحيم
السلام عليكم جميعا
في البداية أحب الشكر كل من استفدت منه في هذا الصرح العريق ولا أريد أخص أحد بأسمه عشان ما أنسى أحد الكل ما قصروا ولهم دعوة في ظهر الغيب مني ومني زوجتي ويعلم الله كم دعينا لكم ونحن هناك في كل خطوة تذكرنا أن لها الفضل بعد الله في نجاح سفرتنا اللي أطلقت عليها سفرت العمر
طبعا الكلام راح يكون بالعامي احسن واسهل مع احترامي لكم لاانسى ان الصلاة والاذكار لها فضل بعد توفيق الله في الحفظ من السرقة والمشاكل في السفر او في الحضر لاتنسى ذكر الله اخي المسافر

البداية
كل المعتاد ليش لندن : في الحقيقة ما أدري كنت أبي أسافر مكان غير عن كل مكان رحت له قبل وبعد البحث الطويل والتنقل بين الدول وقع اختياري على لندن لاعتبارات كثيرة واعتبرها مهما جدا بالنسبة لي واللي هي الامن – الامان – تعامل مع العرب ((الخليجين خصوصا من ناحية الحجاب الاسلامي – الاكل من حيث الحلال ))
والكثير من الاشياء الشخصية خصوصا انا والدي عاش فترة طويلة هناك بعد مارجعنا من امريكا طبعا لما رجعنا من امريكا كان عمري خمس سنوات بس وكل شخص وله ذوقه في اختيار المكان وفي كثير قريت انهم يقولون لندن ممله وما ادري وش يعجبكم فيها انا شخصيا عشقتها

بعد التوكل على الله نزلت موضوع جس النبض في هالمنتدى الرائع و وجدت اجوبه لكل استفساراتي وخصوصا الاخت الكويتية بيض الله وجهها هي اكثر من شجعني انا وام العيال ان نتوكل على الله والى عاصمة الضباب
لا أحد يزعل ياجماعة من ذكر الاسامي الشكر موصول للكل والله
والمشرفين اسمحو لي عجزت ارفع الصور عن طريق المنتدى
الفيزا
ماقصر الاخ ابوعبدالله في موضوعه والاخت دارة الخير في الرد على كل ما يتعلق بالفيزا كان عن طريق مكتب الخبر والاجراءات سهله جدا والحمدلله
التذاكر
بعد الاحداث اللي صارت في لندن برمضان خفت شوي وترددت وماحجزت تذاكر مع اني حصلت اسعار بسعر منافس ولكن قدر الله وماشاء فعل انتظرت حتى هدت الاوضاع وبعدين حجزت على القطريه دمام – دوحة ((فديتها)) – هيثرو
التذاكر ب 8400 ريال على الدرجة الاقتصادية

الرحلة
كانت المدة عشرة أيام موب كاملة طبعا يعني عشرة أيام بأيام السفر الروحة والردة
التاريخ من 5 -9 الى 15 – 9
راح يكون سردي للموضوع كما هو معتاد مثل اخواني اللي سبقوني يعني سرد مثل اخواني اللي سبقوني واتمنى احد يستفيد ولو شئ بسيط مثل ما استفدت انا الكثير والكثير جدا
يوم الرحلة من الدمام الى الدوحة الصباح الساعه 11 صباحا والى الدوحة الساعة 12 وعلى طول على التحويل الى لندن مدة الرحلة 7 ساعات تقريبا ولكن ماحسيت فيها كان جنبي واحد مبتعث سعودي ماشاء الله خبره وانا اسولف وياه يقولي ما اصدق انت اول مره تجي من كثر ما سمع المعلومات اللي عندي وفي وحدة طول الرحلة المدام تتكلم عنها من هي ؟؟؟
هي الاخت ام عيسى هداوه صراحة طول الوقت نذكرها بالخير لان تقريرها كان المفضل عن المدام

مطار هيثرو
وصلنا هيثرو وهو اكثر شئ كنت خايف منه بصراحة المطار كلش متعقد سمعت عنه قصص بوليسية واكشن فكنت خايف ولكن زي ما يقولون التجربة خير برهان الوضع ابسط بكثير واكثر من مما كنت اتصور تنظيم رغم الزحام الرهيب وعدد المسافرين اللي ماعمري شفت زية في حياتي ولافي مطارات العالم والدول اللي زرتها ((طبعا بالنسبة لاوربا هذه اول ديره))
وصلنا عند الجوزات وحده كبيره في العمر سؤال اول مره نعم كم بتقعد 10 ايام ليش جاي سياحة والجواب اللي سمعته وايد في لندن enjoy

قلت في خاطري بس راح ربع الخوف والباقي على التفتيش خذت الشنط وين exit وعلى طول ولاكأني في مطار هع ولا تفتيش ولاشئ قاعد امشي ومستغرب
افتح جوالي الا مسج واتصال من وين ؟؟ من سواق التاكسي اللي طلبته بفضل الله ثم الاخ موادع ماقصر في موضوعه شرح وافي وبسيط رديت على الجوال وينك سير بالعربي يمه ؟؟ انا في لندن والا الدمام قلت بالانجليزي طبعا ههه انا خذت الشنط قالي انا عن كوستا واجيه وخذ الشنط وعلى الفندق المونتكالم وصلنا الفندق بتوقيت لندن الساعة تسع بالليل





الفندق
ماشاء الله خمس نجوم علامة 9 من 10 والسبب بس صغر الغرف وارجع واشكر الاخت كويتية كان اقتراحها المونتكالم مع اني كان لي نية على كمبرلاند بس ما حصلت حجز كان فل وحجزت في هالفندق
استقبال بدون مبالغة vip جلسونا في اللوبي وبعدين كيف الدفع كاش او فيزاوكيف كانت الرحلة وبعدين كرت الغرفة والكلمة المعتادة enjoy
حبيت هالكلمة وصرت اقولها من اول الرحلة الى اليوم
http://create-avatar.m5zn.com/

الانطباع الاول دشينا الغرفة ما تفجأت من الحجم الصغير لاني قرأت الكثير عن حجم الغرف في لندن اول ما دشينا صحن فواكة ضيافة وماء مجاني من الفندق وشوكلاته رهيييب

http://create-avatar.m5zn.com/

والتفاح ياويلي على التفاح بس تصدقون كل ما اشوف التفاح والله مايطري علي الا سالفة ام عيسى ويا هالتفاح بس ما الومها صج صج الحمدلله على النعمة شئ تاكله وتقول سبحان الله والحمدلله

http://create-avatar.m5zn.com/

الليلة الاولى من تعب الرحلة خصوصا اني ما نمت طول الرحلة وسهران يعني مواصل اكثر من يوم استسلمنا للنوم بعد الصلاة
http://create-avatar.m5zn.com/

مواضيع عشوائيه ممكن تكون تعجبك اخترناها لك:

• حاب استفسر من الخبرة ايت احلى بريطانيا او امريكا ؟
• منطقة تزلج قريبه من لندن
• استفسار عاجل
• شقق مفروشه و نظيفه قريبه من شارع الاكسفورد
• تمت الأمور المبدئية على خير وها أنا أجهز نفسي لك يا لندن استفسارات حياكم
• مساعده من اهل الخبره بالندن
• ملخبط محتار مابقى على الرحلة إلا القليل رئيك يهمني
• أول مرة لندن ساعدوني
• لازم اعبي بيانات الفيزا كل شخص على حده
• محتاجه مساعده للتوهم راجعين من لندن
• الى خبراء لندن
• استفسار عن بريطانيا
• لندن والصيف القادم
• استفسار عن تكاليف السفر الى ايرلندا
• سياحة الأطفال في لندن
• تعليقاتكم على هذا الفندق ضروري
• حد عنده معلومات عن
• افضل الاماكن في اسكتلندا
• هل انتظر رساله من ارامكس ام اذهب للاستلام مباشره
• رحلتي إلى أوروبا في عام م

الفندق جدا حلو ان شاء الله تستمتع بلندن

صباح اليوم الثاني
جولة استكشافيه للمكان كالمعتاد جولة على شارع اكسفورد وشارع العرب فطرنا في بيروت اكسبرس فلافل غيررررررر
وبعدين عودة الي معشوقتي ما ادري ليش حبيتها الهايد بارك
http://create-avatar.m5zn.com/
http://create-avatar.m5zn.com/
http://create-avatar.m5zn.com/
جولة سريعه وايس كريم المشهور بالكادبوري فليك
http://create-avatar.m5zn.com/
ومن بعدها رجعنا الفندق تعبنا من المشي مو متعودين استرحنا الى صلاة الظهر
وين نروح الجو مطر خفيف وحلو قلت ما افوت هالفرصه على الهايد بارك
وصولنا لين البحيرة هع شوي الا المطر يزيد ويلا جري في البداية ما كنت حاب اجري بس يوم شفت العالم تجري يلا سباق الين وصلنا شارع العرب وقفنا تحت عمارة من قوة المطر
http://create-avatar.m5zn.com/

تبهدلنا عدل عندنا مظلات بس مافي فايدة تسبح عدل ورجع على الفندق
تصدقون بس وصلنا فوق اطل الا وقف المطر هع المهم انتظرنا الى صلاة المغرب صلينا وطلعنا نتعشا لانا ثقلنا في الفطور فما تغدينا
طيب وين تعشينا في مروش اكسبرس مطعم ممتاز بصراحة وبعدها نووووم
http://create-avatar.m5zn.com/

ماشاء الله تبارك الرحمن ..


تقرير مرتب وجميل من حيث التنظيم والصور الراائعه ..


سجلوني بالدرجة الأولى .. متاااابع معااااكم ..



ونبي أنطباعكم عن كل شيء .. خصوصاً الانطباع يختلف من شخص الى شخص .. أما المعلومات والصور لا يختلف عيلها أحد ..


وكثررووا من صور الهايد بارك .. يازينها بسس !!



...

المشاركة الأصلية كتبت بواسطة bmw10008
http://www.arabtravelersforum.com/tr...2/#post6144752

الفندق جدا حلو ان شاء الله تستمتع بلندن



وجودك الاحلى يااخي

المشاركة الأصلية كتبت بواسطة محبوبتي لندن
http://www.arabtravelersforum.com/tr...6/#post6144786

ماشاء الله تبارك الرحمن ..


تقرير مرتب وجميل من حيث التنظيم والصور الراائعه ..


سجلوني بالدرجة الأولى .. متاااابع معااااكم ..



ونبي أنطباعكم عن كل شيء .. خصوصاً الانطباع يختلف من شخص الى شخص .. أما المعلومات والصور لا يختلف عيلها أحد ..


وكثررووا من صور الهايد بارك .. يازينها بسس !!



...



يازينك ويازين اسمك لشفته ارتاح تقريرك الهمني الكثير وانتظر في اهداء جاي لك بالطريق انت مخصوص يافديتك انت واهل الكويت والله

والله الصور ماني محترف مثلك ماشاء الله عليك انا اصور بالاي فون وان شاء الله تجمل الصور

والله عندي فوق ال 1300 صوره بس وين انزلهم يبي لي منتدى لحالي بحاول اختار الاحلى ان شاء الله

عقب نزلنا وذبحنا الجوع وفي ماكدو وشرينا وجبتين سمك وطلعنا ننتظر البق باص
ركبنا وين وين الا موقف عند هاوردز وايضا ماشفت الا المدام تقولي هذي محطتي انا يلا دوري ونزلنا هاوردز صراحة ما اقدر اوصف هالمكان من حيث الماركات والاشياء والترتيب
اهنئ لاهل قطر والله لكم حق تفتخرون حسيت من كلام الرجال اللي البيق باص انه مكان عريق والانجليز انفسهم يفتخرون انه موجود في لندن منذ زمن طويل وفي اخوان ماقصرو حطو صور له وذكرو تاريخه بس انا ماصورت لانو قالو لي ممنوع التصوير وما صورت الا صور من برا فقط
http://create-avatar.m5zn.com/
صورة من جوا تذكار لديانا ودودي
http://create-avatar.m5zn.com/
نسينا انفسنا في هاوردز من مكان الى مكان ما ادري كم قعدنا يمكن مو اقل من ساعتين
وبعدها من فلينا القروش وبدأ الصرف ههه حسيت لو اخلي المدام شوي بتخلص قروشناعاد هناك كل شئ مغري وطريقة عرضهم للاشياء تخليك تحس انك ودك تشتري غصبطلعنا وكملنا بالبيق باص ومرنا على الاماكن المشهورة مثل البرج والنهر والبيكاديللي و ساحة الاسود تلفجار ووو الكثير من الاماكن ما نزلنا من الباص الى قريب المغرب صور للمحلات وقت الغروب

http://create-avatar.m5zn.com/

http://create-avatar.m5zn.com/
على طول على بيتزا هت الاكسفور طلبنا وتعشينا ورحنا للاندرقراوند ماربل ارش اقرب شئ من فندقنا وجزنا بطاقات اويستر اسبوع شامل الباصات والقطارات
http://create-avatar.m5zn.com/

وعلى الفندق والنوم هناك من كثر ما الواحد يمشي والله بس يحط راسه وما يثبت شئ

اليوم الرابع
الجو المعتاد مطر خفيف والرذاذ على الوجه صراحة ما اعرف اوصف هالجو
لندن يبي لها انسان شاعري وعنده أدب عربي مثل الاخ العزيز محبوبتي لندن (أحمد)
اللي لازم اشكره في هذا اليوم لانه كان مرجعي اليوم في خط الرحلة
ابتدينا اليوم مبكر كالعادة من الساعة سبع
وجبة الفطور مصرة المدام ناكل وافل ورحنا وهم شفنا مسكر ولافي لوحة اوي شئ كم ييفتح او يسكروبعدين رجعنا كالمعتاد عند بيروت اكسبرس وبعدها وين
ملعب الأمارات ((ارسنال))
جولة اهديها الى الغالي الاخ احمد لان طافه مادخل الملعب حسب تقريره اقولك يا اخ احمد شخصيا عجبتني جولة ارسنال اكثر من مانشستر اللي بتكلم عنها بعدين
واليكم الصور تتحدث
http://create-avatar.m5zn.com/
http://create-avatar.m5zn.com/
http://create-avatar.m5zn.com/
http://create-avatar.m5zn.com/
غرفة تبديل الملابس
http://create-avatar.m5zn.com/
بركة بمجهزة بالمياه الكبريتية للاعبين
http://create-avatar.m5zn.com/
وفي كل كلام كثير وصور اكثر وشرح ماقصر الرجال اللي يشرح لنا
وطول الوقت ينكت على الثمانية اللي خذوها
مقعد المخصص للمدرب في دقة الاحتياط
http://create-avatar.m5zn.com/

بعدها الاستور وشرينا اشياء تذكار للاولاد
http://create-avatar.m5zn.com/
http://create-avatar.m5zn.com/
وبعدها المتحف
http://create-avatar.m5zn.com/
http://create-avatar.m5zn.com/
http://create-avatar.m5zn.com/
الصور كثيرة جدا ولكن اخترت لكم اللي اشوفه مناسب
وردينا الى الفندق وبعدة الصلاة ارتحنا شوي وكملنا اليوم في شارع اكسفورد اللي الواحد يمشي مايحس الا هو واصل مسافات بعيدة جدا
ومرينا على السلفردج بس مادخلنا مخليه بعدين
وماردينا الا انا موب قادر امشي خلاص رحنا مطعم الزعفران جنب مروش مطعم ايراني تمام بس مروش كان افضل وبعد العشا حطيته صورته بالبداية جار مروش بالضبط
ونووووووووووم الى يوم جديد

اليوم الخامس ((مانشتسر))
قلنا دام بدينا بالكورة خلينا نروح مانشستر ولما حسيت المدام استانست بالجولة في ملعب ارسنال قلت اجل مالنا الا ندق الحديد وهو حامي الى مانشستر
وعن طريق ايضا موضوع الاخ أحمد الله يجزاه خير
ولكن في فرق بسيط عشان اوصل محطة ايستون بدال الخط الاسود لانه كان مغلق للصيانه هنا بدت لعبتي وبصراحة شخصيا اشوف الاندرقراوند متعة كأنك تلعب تحدد مكانك وتشوف اقرب شئ لك وتحويل وحركات بس في محطات يبي لها مشي
المهم اخذت الخط الازرق ووصلنا المحطة ورحنا للتذاكر قالو تبي تروح الحين ب 140 باوند الشخص بعد ساعتين ب 140 الشخصين
http://create-avatar.m5zn.com/

قلنا اوكي ننتظر في المحطة كبيرة وشرحة وجلسنا ننتظر رحلتنا اخذنا فطور من هناك كروسان وقهوة وبعض المسليات للطريق وجاء موعد الرحلة وصار لنا فلم هندي ؟؟؟
ركبنا وشوي الا يقولون الرحلة بتتأخر عشر دقايق شوي وقالو عشر دقايق ثانية وشوي عشر دقايق شوي الا قالو نعتذر الرحلة تأجلت وراجعو محل التذاكر نزلنا ماوصلنا مع التذاكر الا اشوف الناس اللي جدامي راجعه وتركض وصل دوري طبعا هناك كل شئ بالدور كل شئ بمعنى الكلمة نظام رهييييييب اعجبني جدا متى يصرون اهل القمر زيه هع السالفة لما وصلنا عند كاونتر الاستفسارات قالت وهي تصرخ اللي بيروح مانشستر وتذكرته الساعة عشر الا يطير للقطار بيمشي الحين والله ما اشو ف ام شكري الا ماسكة يدي وطيران سريعة اكتشفتها هناك هع عاد انا من الوزن الثقيل يالله اني اركض
وركبنا على اخر لحظه تصوورو يعني شو هالموقف ولما ركبنا اعتذروا لنا وقالو انو اللي في حد وياه وماقدر يركب في قطار بعدها بربع ساعه راح يمشي قطار ثاني مافي مشكله يعني
وصلنا البيكادللي مانشستر ونزلنا من القطار وعلى التاكسي الرحلة طويلة ساعتين ونص طبعا بالرجعه كان اسرع شوي
اخذنا تاكسي والى ملعب المان يونايتد التاكسي صج غالي ب 9 باوند ؟؟
المشوار قصر جدا
ونزلنا وخذنا تذاكر الجولة ودخلنا المتحف على ماجا دورنا وكنا قروب صغير وحلو خلجيين ماعاد واحد اسباني وزوجته او صديقته هع
وفي معنا عايلة كويتية عندهم ولد جنن الرجال اللي يخذنا بالجولة قبل مانبدأ وصار نقاش
الرجال الكويتي يقول حق ولده خلاص عيب ياخالد خلاص بس عجبني الولد مؤدب ولغة ماشاء الله مع انه يمكن ما يتجاوز ال 15
سالفة الولد مع الرجال اني جيت اصور مع كأس الدوري والصورة طبعا بفلوس
قال للولد شفيك تطالع تبي تصور قاله انا ما احب مانشستر وهنا بدا الفلم قاله وش تحب
قال ماراح اقولك اصر الرجال لين اعترف الولد انه برشلوني وهني صار الانجليزي وجه احمر وصارت سالفه بس ممتعه

بعدنا عن موضوعنا المهم اتركم مع صور الجولة واعتذر للجميع اذا كان التصوير مو بالمستوى المطلوب صراحة لندن او بريطانيا عموما يبي لها محترف تصوير
بدينا بالمتحف زي ماذكرت لكم
http://create-avatar.m5zn.com/
http://create-avatar.m5zn.com/

http://create-avatar.m5zn.com/
http://create-avatar.m5zn.com/
وبعدها الشوب وكان التصوير من جوال ثاني والحين ماقدرت احمل الصور
والباقي ولتفاصيل اكثر ارجعو لموضوع الاخ محبوبتي لندن
بعدها تذكرت في موضوع الاخ احمد ان في مجمع بس ماراح له لانهمك انو تعبانين المهم انا اخذت تكسي وعلى مجمع ترافولد يالله ما اروعه
وهذه يعض الصور من برا ومن جوا اكلنا في ماكدو وجبتين سمك وانبهت بعدين في مطعم هندي كاتب حلال بس ماجربته
http://create-avatar.m5zn.com/
http://create-avatar.m5zn.com/
http://create-avatar.m5zn.com/
http://create-avatar.m5zn.com/
http://create-avatar.m5zn.com/
http://create-avatar.m5zn.com/
http://create-avatar.m5zn.com/
http://create-avatar.m5zn.com/

ومن بعدها طلعنا في تاكسي تبع المجمع بس غاليه بصراحه غير عن التاكسي السود العادية ودنا الى المحطة 13 باوند
ونوووووم طول الرحلة صراحة الرحلة يبي لها لياقة مشي

في شغله حبيت اقولها لكم البضاعة في المجمع حلوه وماراح تحصلون زيها في لندن مثل نكست حصلنا في اشيا
رهيبه بس قلنا لا بلندن نحصل احلى وخساره ماحصلنا زيها


والحين بعد انا تعبت ونكمل في وقت قريب ان شاء الله

صباح الخير

أشكرك على الدعوه لنا رجعه نقراء بالتفصيل الرحله سجلني بالصف الامامي متابع بقوه

ماشاء الله

ماهذا الابداع. وسرعه التنقلات والجو اللندني
والله لك وحشه يا لندن.

تقرير ولا اروع.

متابع حتى النهايه.

الى الامام

المشاركة الأصلية كتبت بواسطة أبــوعبدالله
http://www.arabtravelersforum.com/tr...0/#post6145180

صباح الخير

أشكرك على الدعوه لنا رجعه نقراء بالتفصيل الرحله سجلني بالصف الامامي متابع بقوه



حياك الله مشرفنا الغالي تشريفكم شرف لنا واكيد انت بالصف الاول يابو عبدالله








المشاركة الأصلية كتبت بواسطة موادع1
http://www.arabtravelersforum.com/tr...4/#post6145394

ماشاء الله

ماهذا الابداع. وسرعه التنقلات والجو اللندني
والله لك وحشه يا لندن.

تقرير ولا اروع.

متابع حتى النهايه.

الى الامام



تسلم كلامك مشجع جدا ادري اني هذرتي وايد بس حبيت اقول اللي بقلبي
وعلى سرعة التنقلات من جد ماضيعت وقت من مكان الى مكان
وحسيت يادوب كفتني العشرة ايام

السلام عليكم

اشكرك علي الدعوه الجميله اللي تشرفت فيها يا بوشكري

حار بحار ماشاء الله و سعيده جدا جدا انك عشقت لندن .. ياربي مع كل انسان يحب لندن عقب زيارته اتشقق من الوناسه جنه وزاره السياحه بلندن بيعطوني عموله :d

الحمدلله ان الله تممها علي خير وعجبك الفندق و لندن بكبرها .. و الله يكتب لنا و لك زياره اخري قريبه لها يااااارب ..

متباعين معاك ان شاء الله

تقرير روووووووووووووووووووووووعه مشالله عليك

ماشاء الله موضوع رائع ...


تبي الصج اكثر شي عجبني ... ماشاء الله عليكم تشجعون للسفر

احسن من ناس وايد اعرفهم نص اليوم سوالف بالفندق والنص الثاني نوم وآخر شي يقولك يا حلاة السفر بس مشكلته يتعب لوووووووووول

المشاركة الأصلية كتبت بواسطة alkuwaitia
http://www.arabtravelersforum.com/tr...2/#post6146332

السلام عليكم

اشكرك علي الدعوه الجميله اللي تشرفت فيها يا بوشكري

حار بحار ماشاء الله و سعيده جدا جدا انك عشقت لندن .. ياربي مع كل انسان يحب لندن عقب زيارته اتشقق من الوناسه جنه وزاره السياحه بلندن بيعطوني عموله :d

الحمدلله ان الله تممها علي خير وعجبك الفندق و لندن بكبرها .. و الله يكتب لنا و لك زياره اخري قريبه لها يااااارب ..

متباعين معاك ان شاء الله



لا شكر على واجب والحمدلله تقريري من البداية عجبكم ولندن مين ما يحبها استغرب للي قالو لي ممله

ومشكوره ايضا على المتابعة








المشاركة الأصلية كتبت بواسطة اثوري
http://www.arabtravelersforum.com/tr...8/#post6146498

تقرير روووووووووووووووووووووووعه مشالله عليك



مرورك الاروع شكرا جزيلا







المشاركة الأصلية كتبت بواسطة alobaied
http://www.arabtravelersforum.com/tr...0/#post6146960

ماشاء الله موضوع رائع ...


تبي الصج اكثر شي عجبني ... ماشاء الله عليكم تشجعون للسفر

احسن من ناس وايد اعرفهم نص اليوم سوالف بالفندق والنص الثاني نوم وآخر شي يقولك يا حلاة السفر بس مشكلته يتعب لوووووووووول



تسلم كلامك زي العسل والله وان شاء تكون سفراتك كلها وناسه وكلامك شجعني كثير

ماشاء الله
تقرير ممتاز مفيد وجميل
متابعه بكل لهفه وشوق
أه بالندن كم انا مشتاااااقة !!!

اليوم السادس
من الصباح قالت المدام شوف يامستر ياناكل وافل اليوم او مافي فطور قلت اجل خلينا نظل في الحديقة الى الساعة تسع ونروح يمكن ما يفتح بدري
ورحنا وشفناه فاتح اخذنا وافل هي عجبها وانا بصراحه لا ؟؟
واخذنا جوله في الاكسفورد وبعدها ركبنا القطار الى البيكاديللي وماطلعنا الا عالم زحمة غير طبيعية بس وناسة وفي شلة شباب رقص هوب ما ادري اسمه عدل او لا انا ما اعرف الا سامري هع وتحدي وجمهور وفي عروض كل واحد صابغ عمره ذهبي او فضي وضلينا شوي
http://create-avatar.m5zn.com/
http://create-avatar.m5zn.com/

وبعدها رحنا نتمشى شفنا دور السينما وشوي الا شنهو قدامنا متحف صدق او لا تصدق صراحة مسلي جدا اتركم مع بعض الصورفي اشياء اعتقد انها مكرره ماحطيتها في مواضيع اخرى للاخوان حطوها كامله ماقصرو
http://create-avatar.m5zn.com/
http://create-avatar.m5zn.com/

صورة لتعذيب بالكهرب ومكتوب عندها من عام كم بدأت هالطريقة
http://create-avatar.m5zn.com/
وهذا جينز حق واحد نحيف شوي هههه
http://create-avatar.m5zn.com/

وهذه صورة للميدان من شارع الريجنت
http://create-avatar.m5zn.com/

وبعدها الى ام اند امز اللي من تطلع من الاندرقراوند تشوف كل العالم شايلة الاكياس حقته محل حلو بس اللي معه اطفال يستانسون اكثر
http://create-avatar.m5zn.com/

http://create-avatar.m5zn.com/

http://create-avatar.m5zn.com/

http://create-avatar.m5zn.com/

http://create-avatar.m5zn.com/

http://create-avatar.m5zn.com/
وبعدها رحنا محل هاملز للالعاب اه تمنيت اني صغير هههههه وناسه الالعاب محل كبير
بس لاني كنت تعبان ماصورت دايخ ((التواير ماتشيل))
ومن سالفة التواير تذكرنا قصة الاخت أم عيسى مع الحذاء العجيب اعزكم الله
من اليوم الثاني شريناه ترا من الويست فيلد بس كانت رحلة سريعة ماذكرتها
وراح اقولكم روحتي له في اليوم قبل الاخير ان شاء الله
وبعدها عودة الى الفندق وعشاء في مطعم مروش بس ثاني موب اكسبرس اخذنا عشى سفري لاني تعبان وردينا الفندق في مطاعم كثيرة تبع مروش في نفس الشارع

بو شكري

أعجز عن رد شكري إليك .. وأفرحتني صراحه أنك أستفدت من تقريري ..

وجزاك الله خير على جوولة الآرسنال .. ومجمع ترافولد سنتر ..

وما شاء الله على التقرير .. راااائع بمعنى الكلمه ..

والولد الكويتي الظاهر نفس شعوري يوم زرت المتحف ..

ومتابع معاااك إلى النهاية .. وأتمنى أن لا تكون قريبه !


دمتم بـود

وبعدها الى نهر التايمز والجسر وهذه بعض الصور
http://create-avatar.m5zn.com/

http://create-avatar.m5zn.com/

http://create-avatar.m5zn.com/

http://create-avatar.m5zn.com/

صوره من فوق الجسر وصادف ان فتحو الجسر لمرور سفينة بس صورتها فديو
http://create-avatar.m5zn.com/
يخت طويل العمر ما ادري أي واحد عاد
http://create-avatar.m5zn.com/

صورة من الجهة الاخرى للجسر
http://create-avatar.m5zn.com/

السفينة الحربية تدخول بتذاكر بس مادخلت صورتها من برا بس
http://create-avatar.m5zn.com/




وبعدها استراحة قصيرة للصلاة في الفندق والهايد بارك رحنا لها قريب المسا بس استرخاء يعني نص ساعه بس مع ايس كريم
((ايس كريم في البرد ما اظن يصلح الا في لندن))

والعشا في مطعم الارز اللبناني بصراحة افضل مطعم في المشاوي جربيته خساره صورته يوم الاحد كان في مظاهره والصورة طلعت موب واضحه وشكلي نسيت اصوره ثانية
ونوووووووووووووم

اليوم الثامن
سميته يوم المارثون مشينا مشي ياويلي ما اقدر اوصف لكم في هاليوم كم اللي مشينا
طلعنا من الصبح وجهتنا اليوم لندن زو ((حديقة الحيوانات)) واخذنا الاندر قراوند على جرين بارك على ما اظن تراني بسرعه انسى وملاحظاتي ما ادري وين حطيتها شكلها مع الملابس في المغسله ههه
المهم المحطة الغريب اللي فيها اهي ويا ادجور رود شارع العرب فيهم مصعد يعني مافي سلالام ولاشئ
المهم مشينا الين انقطع قلبنا وصولنا الحديقة بس الجو ماشاء الله
الحديقة فيها اسماك وزواحف وحشرات وحيوانات
بصراحة في صور كثيرة بس اخترت شئ بسيط جدا
http://create-avatar.m5zn.com/
http://create-avatar.m5zn.com/
هذا اكيد من عندنا
http://create-avatar.m5zn.com/
http://create-avatar.m5zn.com/







وبعد ماخلصنا تغدينا في الارز لانه عجبني جدا ورجعنا والله كنا ناوين نطلع بس استسلمنا للنوم وماصحينا الى الدنيا ليل يالله المدام تقولي فاتنا يوم واحنا نايمين قلت لها
يقولون لندن ماتموت في الليل بالنسبة للمدن الاوربية يلا نجرب كانت خايفة بس انا شجعتها اذا الوضع مو اوكيه نرجع
وطلعنا الا وشارع الاكسفور صج المحلات مسكره الكلام هذا على ال11 تقريبا بس عالم وناس رايحه وراده واخذنا الباص اللي اول مره اركبه لاني حبيتا تجنب الاندرقراوند في الليل بحسب وصايا الوالد اللي يحفظه
وقلت لها ان شاء الله ما يروح اليوم وبوريك شئ مميز في لندن وين الباص 159 من ماربل ارش والى لندن أي منظر في الليل مع البيق بين يالله
ما ابالغ لو قلت لكم اني شفت ناس شكثر عرب وخلجيين واجانب هناك توقعت المكان موحش الا بالعكس المكان صاير كأنه مؤتمر صحفي للتصوير اتركم مع بعض الصور

http://create-avatar.m5zn.com/
http://create-avatar.m5zn.com/

http://create-avatar.m5zn.com/

http://create-avatar.m5zn.com/
العالم تصور لندن أي وانعكاس ضوئها على النهر ولمعان ساعة البيق بين
كاميرات احترافيه بصراحه تمنيت لو اني شريت كاميرا وانواع العدسات ماشاء الله
تقول مدافع مو عدسه هههه شئ طويل وقصير وكبير والشباب كل واحد يسولف
والتحدي اللي طول عمري اشوفه بين هواة التصوير بين كانون ونيكون بس كانت احاديث شيقة
من خبرتي المتواضعه افضل كانون بصراحه
ذبحنا البرد بس كان كسر للروتين في لندن لا ينسى بصراحة رجعنا لين الماربل ارش استغربت شفت البيتزا هت فاتح اخذنا تيك اوي ونوووووووووووم

ماشاءالله عليك خبيرنا الظاهر راح تسهرنا اليوم كل وقت نزلت صور جديده متابع بقوه

يستاهل التثبيت الموضوع

السلام عليكم

أول أشكرك ع الدعوه ، وكلك ذوق يابوشكري

الوقت اللي سافرتوا فيه وايد حلو الجو فيه

آآآآآآآه اشتقت للأجواء لندن

لندن من البلدان اللي ماتنمل واللي اتمنى اعيدها وخاطري اودي عيالي

المشاركة الأصلية كتبت بواسطة بوشكري
http://www.arabtravelersforum.com/tr...2/#post6144660

والتفاح ياويلي على التفاح بس تصدقون كل ما اشوف التفاح والله مايطري علي الا سالفة ام عيسى ويا هالتفاح بس ما الومها صج صج الحمدلله على النعمة شئ تاكله وتقول سبحان الله والحمدلله

http://create-avatar.m5zn.com/

الحمدالله انك شهدت ودرت ويايي ع حلاوة تفاح لندن

بالعافيه عليكم

بالنسبه للجوتي ماخبرتني شو رايك فيك ، ضبط ويا توايركم

تسلم ايدك ، وان شاءالله من المتابعين

ما شاء الله أخوي بوشكري

وصف جميل
وتصوير ممتاز
وتسلسل رائع

متابع معاك . عيشتنا الأجواء الممطرة والنسمات العليلة



صورة رائعة

أضيف صوتي الى كل من سبقني : تقرير روووووووووعــــة

شكرا لك أخي الكريم تقرير مميز

أنا سكنت في فندق the montcalm يس اللي في البرودوي جنب محطة البار بيكان

وما يميز الفندق عن غيره هو وجود الشطاف أجلكم الله من أجل الوضوء

أكرر شكري وتقبل مروري

المشاركة الأصلية كتبت بواسطة أبــوعبدالله
http://www.arabtravelersforum.com/tr...4/#post6147774

ماشاءالله عليك خبيرنا الظاهر راح تسهرنا اليوم كل وقت نزلت صور جديده متابع بقوه

يستاهل التثبيت الموضوع

وين يا أبو عبدالله اي خبير العين ما تعل على الحاجب يا اخوي
ومشكور على التثبيت بصراحه انا احس ان موضوعي موب مرتب وكتبته على عجاله ماتوقعت يعجبكم
بس هذا دليل على ذوقكم وعيونك الحلوه يا أبو عبدالله
وتراني شايب يعني زين يطلع مني ذا موب محترف كمبيوتر







المشاركة الأصلية كتبت بواسطة هداوه
http://www.arabtravelersforum.com/tr...6/#post6148046

السلام عليكم

أول أشكرك ع الدعوه ، وكلك ذوق يابوشكري

الوقت اللي سافرتوا فيه وايد حلو الجو فيه

آآآآآآآه اشتقت للأجواء لندن

لندن من البلدان اللي ماتنمل واللي اتمنى اعيدها وخاطري اودي عيالي

الحمدالله انك شهدت ودرت ويايي ع حلاوة تفاح لندن

بالعافيه عليكم

بالنسبه للجوتي ماخبرتني شو رايك فيك ، ضبط ويا توايركم

تسلم ايدك ، وان شاءالله من المتابعين

هلا بأم عيسى وابشرك الجوتي خيالي بصارحة حسينا بالفرق من اول مره اشكرك مره اخرى على طرحك واستفدنا كثير من تجربتك وضبط التواير هههه








المشاركة الأصلية كتبت بواسطة ناعوس
http://www.arabtravelersforum.com/tr...6/#post6148566

ما شاء الله أخوي بوشكري

وصف جميل
وتصوير ممتاز
وتسلسل رائع

متابع معاك . عيشتنا الأجواء الممطرة والنسمات العليلة



صورة رائعة

مرورك الاروع والحمدلله ان تصوري المتواضع طلع بشئ ترا روعة المكان مو تصويري








المشاركة الأصلية كتبت بواسطة fadi95
http://www.arabtravelersforum.com/tr...4/#post6148774

أضيف صوتي الى كل من سبقني : تقرير روووووووووعــــة



صوتك وسام على صدري والله







المشاركة الأصلية كتبت بواسطة wert
http://www.arabtravelersforum.com/tr...6/#post6151066

شكرا لك أخي الكريم تقرير مميز

أنا سكنت في فندق the montcalm يس اللي في البرودوي جنب محطة البار بيكان

وما يميز الفندق عن غيره هو وجود الشطاف أجلكم الله من أجل الوضوء

أكرر شكري وتقبل مروري



مرورك على عيني وراسي وفعلا من الاشياء اللي شجعتني للفندق اني قرأت في التعليقات موقع بوكنغ وجود الشطاف

اليوم التاسع ((يوم الوداعية))
على كثر ماكنت مشتاق لاهلي وعيالي على كثر ماكنت حزين لانه اخر يوم في لندن
الوجهة اليوم المتحف العلمي ومتحف الطبيعة وهذه الصور
للمعلومية الدخول مجاني في المتحفين

متحف الطبيعة مع اعتذراي اكثرها شخصيه ماحصلت الا صورتين
http://create-avatar.m5zn.com/

http://create-avatar.m5zn.com/

المتحف العلمي
http://create-avatar.m5zn.com/
http://create-avatar.m5zn.com/

http://create-avatar.m5zn.com/

جيت متأخرة

موضوعك بسيط وممتع

نستنى باقي الحلقة

ذبحني برااااد لندن .. .. صج صج عيشتني في براد .. موضوع شيق

المشاركة الأصلية كتبت بواسطة " emo0o "
http://www.arabtravelersforum.com/tr...2/#post6154322

جيت متأخرة

موضوعك بسيط وممتع

نستنى باقي الحلقة




اهم شئ جيتي وانتي لحقتي على كل شئ تقريبا

المشاركة الأصلية كتبت بواسطة مسافرة اوروبا
http://www.arabtravelersforum.com/tr...6/#post6162006

ذبحني برااااد لندن .. .. صج صج عيشتني في براد .. موضوع شيق



تسلمين انا بعد مشتاق حق لندن

اليوم العاشر والمغادرة ((موب من الحسبة))
لانه من الصباح بدري جلسنا 6 ونص وصلينا الفجر وعلى طول المطار نبي نخلص التاكس بدري وكنت متخوف لان اول مره

وصلنا المطار والى التاكس فري على طول عندي بس فواتير فيها مبالغ تسوا انك ترجعها والباقي كانت عادية المهم وصلنا التاكس فري وكانت في وحده هندية كل تسوي هذره وكل ماجاها واحد تتهاوش ويصير نقاش وكذا واحد يمشي ما ياخذ شئ منها قلت في خاطري يارب ما اجي عندها ذي شكلها نذله وفي وقت الانتظار اللي طال 1 ونص صار فلم اكشن
تهاوش اثنين خلجييين ما ابي اذكر الجنسية لان كل شخص يمثل نفسه بس واحد منهم كان لسان اعوذ بالله ينطق بالفاظ غير مراعي وجود النساء والاطفال في المكان المهم
ان الاخير ابو لسان سليط داش السرا غلط يعني جا من الاخير وصف بعدها صار بوكس وفلم اكشن لين جات الشرطة
نرجع لسالفتي للتاكس فري ويجي دوري وين عند الهندية النذله قلت ياربي رحنا فيها قالت لي طلع فواتيرك من الظروف طلعتها وما تكلمت ورجعت لي كم وحده قالت لازم بالفيزا اخذتهم وسكت قالت وين الفيزا قلت لها ماعندي فيزا انا اتعامل كاش وعندي بطاقة سحب عادية وانا عندي فيزا بس ما ابي اقول قالت اوكي ما ادري شافتني برئ وساكت جدا ما نطقت بشئ معاها غير يس ونو قالت لي وين اغراضك قلت بالشنطة
طلبت تشوف ساعة جيت افتح الشنطة قالت خلاص وين باقي الفواتير قلت ماعندي فيزا
قالت بمشيهم لك كاش بس بخصم منهم لانو الكاش لازم نخصم ومشت الامور الحمدلله
ورجع مبلغ حليو يعني يسوى الوقفه على الاقل

وبعدها على البوردنق وباي باي لندن
صور المطار واليوم الاخير مع الاسف راحت بالغلط

اسف لو كنت اكثر بالكلام ولو كانت الصور موب على المستوى المطلوب بس من باب رد الجميل حبيت اشاركم في رحلتي ودي اني اوضح كل مكان وكيف الوصل اليه بس الورقة اللي فيها الشرح اقولكم نسيتها في احد الملابس يالمغسلة الحين هع
وان شاء الله راد لندن بس بعد الاولمبياد
انطباعي عن لندن باختصار
رائعة جدا بس غالية جدا

الف الحمد لله على سلامتكم

وعمرة مقبولة


وبصراحة لندن عشق لا ينتهي عشق متجدد


ورحلتكم حلوه وناويه اروح الشهر الجاي باذن الله اذا ربي ييسر وافكر اسكن بنفس الفندق لكن ودي اعرف شكثر يبعد


عن الهايد بارك لاني رايحه استجمام وودي اخلي السوق اخر يومين طبعا اذا قدرت : )



عموما حبيت التقرير والاسلوب وفي انتظار تقارير اكثر وسفرات اكثر وربي يسعدكم ويهنيكم دوم

المشاركة الأصلية كتبت بواسطة الــــروح
http://www.arabtravelersforum.com/tr...2/#post6165612

الف الحمد لله على سلامتكم

وعمرة مقبولة


وبصراحة لندن عشق لا ينتهي عشق متجدد


ورحلتكم حلوه وناويه اروح الشهر الجاي باذن الله اذا ربي ييسر وافكر اسكن بنفس الفندق لكن ودي اعرف شكثر يبعد


عن الهايد بارك لاني رايحه استجمام وودي اخلي السوق اخر يومين طبعا اذا قدرت : )



عموما حبيت التقرير والاسلوب وفي انتظار تقارير اكثر وسفرات اكثر وربي يسعدكم ويهنيكم دوم





اسعدني مروك وبالنسبة للفندق مايبعد كثير يعني اقل من خمس دقايق مشي
الفندق موقع ممتاز جدا قريب من الهايد بارك والسوق وشارع العرب ومحطة الاندرقراوند

تقرير جميل الله يعطيك العافيه

لاحظت ما مريتوا الاوت لت " بستر فلج " ماحطيتوه في الجدول ؟

الله يعطيك العاااااااااااااافيه تقرير جميل


ممكن سوال خارج عن الموضوع بعد اذنك

كيف ارسل خاص للاعضاء مايطلع لي ؟؟؟؟؟؟

ماشاء الله تبارك الله

والحمد لله على السلامة وان شاء الله تعيدوها وانتم بصحه وسلامه

صراحه خلص التقرير وحنا ماشبعنا منه اهنيك عليه وعلى الصور الرائعة جدا

شكرا لك مره اخرى

المشاركة الأصلية كتبت بواسطة دُرَر الكويت
http://www.arabtravelersforum.com/tr...2/#post6165902

تقرير جميل الله يعطيك العافيه



مرورك هو الاجمل الله يسلمك







المشاركة الأصلية كتبت بواسطة الــــروح
http://www.arabtravelersforum.com/tr...4/#post6166654

لاحظت ما مريتوا الاوت لت " بستر فلج " ماحطيتوه في الجدول ؟



والله ما حطينها بالجدول لان الهدف الاول هو السياحة ولكن في الزيارة القادمة لازم نروحه







المشاركة الأصلية كتبت بواسطة اسوله العسل
http://www.arabtravelersforum.com/tr...6/#post6168616

الله يعطيك العاااااااااااااافيه تقرير جميل


ممكن سوال خارج عن الموضوع بعد اذنك

كيف ارسل خاص للاعضاء مايطلع لي ؟؟؟؟؟؟



والله اللي اعرف تضغطي على اسم العضو وتختاري ارسال رساله خاصه تراني شايب ههه ما اعرف زين حق هالشغلات ههه







المشاركة الأصلية كتبت بواسطة rena^
http://www.arabtravelersforum.com/tr...6/#post6170726

ماشاء الله تبارك الله

والحمد لله على السلامة وان شاء الله تعيدوها وانتم بصحه وسلامه

صراحه خلص التقرير وحنا ماشبعنا منه اهنيك عليه وعلى الصور الرائعة جدا

شكرا لك مره اخرى



الله يسلمك والحمدلله الصور لاقت اعجابكم لو اقولك اني تفجأت بالطيارة لما فتحت الجوال وشفت الصور اكثر من 1200

في لندن تصورين كثير وكل تحسين انك ما صورتي شئ

بس كانت غلطتي ان اغلب الصور شخصية المفروض كنت احسب حساب المنتدى بس المره الجاية نعوضكم باذن الله

السلام عليكم

بوشكري بغيت أعرف منو الممثل اللي كان موجود

لكن سالفة المعلومات اللي في الغسيل

ضحكتني

تقريرك سريع وبسيط وخطك صغير تعبني ، بس فيه معلومات أنا استفدت منها وحطيتها في المفضله

يعني لوكنت متبرض للتقرير وفاضله عدل جان طلع شي


ورغم هذا نقولك جزاااك الله خير انك عطيتنا من وقتك وافاديت اخوانك

وتسلم ايدك والله يعطيك الف عافيه

وسلامي لأم شكري

الله يعطيك العافيه كم سعر الفندق وهل موقعه كويس اقدر امشي برجلي وقريب من ايش

الله يخليلك ام العيال وتزورون كل العالم

تقرير جميل كأني سافرت معكم مشكور اخي

روووعه التقرير ...
شو تتوقع جوهم هالايام ؟؟ برد قوويي وامطار ولا عادي

[QUOTE=هداوه;6175936]

السلام عليكم

بوشكري بغيت أعرف منو الممثل اللي كان موجود

لكن سالفة المعلومات اللي في الغسيل

ضحكتني

تقريرك سريع وبسيط وخطك صغير تعبني ، بس فيه معلومات أنا استفدت منها وحطيتها في المفضله

يعني لوكنت متبرض للتقرير وفاضله عدل جان طلع شي


ورغم هذا نقولك جزاااك الله خير انك عطيتنا من وقتك وافاديت اخوانك

وتسلم ايدك والله يعطيك الف عافيه

وسلامي لأم شكري

[/QUOTE

الله يسلمك والله وايضا ام شكري ترد عليك السلام وتقول تقريرك الالماني خيال ومتابعة معك اول بأول

وبالنسبة للخط والله زين اللي طلع من كذا لاني كتبت الموضوع في ملف وورد ونقلته هنا

الممثل مشهور بس والله انا داج ما اعرف الاسامي خصوصا الممثلين








المشاركة الأصلية كتبت بواسطة في احلامك
http://www.arabtravelersforum.com/tr...0/#post6191780

روووعه التقرير ...
شو تتوقع جوهم هالايام ؟؟ برد قوويي وامطار ولا عادي




مرورك الاروع وبالنسبة للطقس في موضوع عن الجو اول باول بس بحسب الايفون الاسبوع هذا العظمى 26 والصغرى 13

يعني بالليل اكيد راح يكون برد بس والله بردهم يونس وبالتوفيق يارب







المشاركة الأصلية كتبت بواسطة (البندري)
http://www.arabtravelersforum.com/tr...4/#post6176004

الله يعطيك العافيه كم سعر الفندق وهل موقعه كويس اقدر امشي برجلي وقريب من ايش

الله يخليلك ام العيال وتزورون كل العالم



الفندق حجزت عن طريق بوكنغ كانت الليلة ب1800 وكسور

وموقعه ممتاز قريب من كل شئ مشي من الهايد بارك و من شارع اكسفور و من شارع العرب كله دقيقتين وانتي في
اي مكان تبينه من هالثلاثة صاير في النص بينهم


والله يسلمك على الدعوة الطيبة وفالك الخير والسعادة ياكريم

التقرير روووووووووووعه

وانا توي راجعه من لندن

مامريتو كوفنت قاردن ؟ ولا كامدن تاااون

خلوها بمخططكم المره الجايه تستحق الزياره

عاد |أنا انطباعي عن لندن العكس

توقعتها أغللللللى من كذا على كلام النااااااااااس

المشاركة الأصلية كتبت بواسطة لندن 2011
http://www.arabtravelersforum.com/tr...8/#post6224588

التقرير روووووووووووعه

وانا توي راجعه من لندن

مامريتو كوفنت قاردن ؟ ولا كامدن تاااون

خلوها بمخططكم المره الجايه تستحق الزياره

عاد |أنا انطباعي عن لندن العكس

توقعتها أغللللللى من كذا على كلام النااااااااااس



الحمدلله على السلامه اول شئ


والاماكن اللي ذكريتها لم تكن ظمن اختياراتنا ولكن في المرات القادمة اذا الله كتب لنا اكيد بتغير في الجدول


وعلى الغلى او الرخص كل شخص يقدر يطول ويقصر على عمره

واتمنى لنا ولك التوفيق

المشاركة الأصلية كتبت بواسطة اسوله العسل
http://www.arabtravelersforum.com/tr...6/#post6168616

الله يعطيك العاااااااااااااافيه تقرير جميل


ممكن سوال خارج عن الموضوع بعد اذنك

كيف ارسل خاص للاعضاء مايطلع لي ؟؟؟؟؟؟

أختي الفاضله بالنسبه الرسائل الخاصه غير مفعله عندج إذا صارت مشاركاتج فوق 50 مشاركه تلقائي تفتح لج الرسائل

يعطيك العافية

تقرير رائع ،،، و مبسط عن المدينة الرائعة "لندن"

تجولت ..۔ معك في عدة نقاط ،،،، حول أهم المعالم ،،،،


۔
۔
كنا هنا ،،،

تحيتي

المشاركة الأصلية كتبت بواسطة غنايم الكويت
http://www.arabtravelersforum.com/tr...2/#post6250282

يعطيك العافية



الله يعافيك

المشاركة الأصلية كتبت بواسطة إسكادا
http://www.arabtravelersforum.com/tr...0/#post6252090



تقرير رائع ،،، و مبسط عن المدينة الرائعة "لندن"

تجولت ..۔ معك في عدة نقاط ،،،، حول أهم المعالم ،،،،


۔
۔
كنا هنا ،،،

تحيتي




تسلم يالغالي مروك هو الاروع والحمدلله عجبك التقرير

يعطيك العافية...

المشاركة الأصلية كتبت بواسطة قطرية كول
http://www.arabtravelersforum.com/tr...4/#post6265254

يعطيك العافية...



الله يعافيك اسعدني مرورك

ياهلا وغلا خبيرنا أبوشكري عمره مقبوله يارب


مدام أنتهي التقرير أسمحلي راح أحول التقرير الجميل الى بوابة التقارير

توني أنتبه محد مقيم التقرير من مشرفينا على العموم راح أطلب من الإداره بتقيم التقرير 5 نجوم يستاهل

بيض الله وجهك يا ابوعبدالله

وتسلم والله اهم شئ ان في احد استفاد من التقرير

ماقصرت يامشرفنا

تقرير مرة حلو
ادعولي اروح لندن

المشاركة الأصلية كتبت بواسطة محرومة سفر
http://www.arabtravelersforum.com/tr...4/#post6324524

تقرير مرة حلو
ادعولي اروح لندن



مرورك الاحلى

وامين ان شاء الله تروحين وتردين لنا بالسلامه

ما شاء الله تقرير ممتااااز وقووووووووي
الله يعطييك العافيه على التقرير الحلوووو

تقرير قمممه في الروعه
الله يعطيك العافيه
ياليت تذكر لنا التكلفه
لرحله شامله
وكم كان مقدار صرفكم في اليوم من غير الشوبنق
تحياتي لك