الموضوع: تـقـريـر رحـلتي إلى لنـدنـ

[align=left][/align]

الحلقة الأولى ...

صباااااااح الورد ... لأحلى ورد ... ومسااااء الخير .... لوجه الخير
اليوم إن شاء الله راح اكتب لكم تقرير بسيط عن رحلتي الماضية للندن ... كان مدة الرحلة فقط 10 ايام .... من تاريخ 25 -5-2006 الى تاريخ 4-6-2006 ... كان عندي دورة تدريبية لمده 5 ايام ... وقلت امدد 5 أيام للتمشية ... كالعادة كانت الترتيبات مبكراً لهذه الرحلة ... بدأت أولا في البحث عن فندق ... فيه مواصفات الموقع الجميل ... والفخامه ... وبعدها بدءت البحث والسؤال ... وبعد المشاورات أستقريت على فندق الكامبرلاند ... صراحة الفندق حلو ورائع .. كموقع وكفخامه داخليه ... وراح اتكلم عنه ضمن التقرير ...
كان موعد إقلاع الطائرة يوم الأربعاء الساعة 1 و 45 دقيقه ليلا ... جهزت أمور الشنطة والعفش ... فبعد الوصول لمطار الملك خالد الدولي ... صالة الرحلات الخارجية ... كانت مزحومة كثيرة .. على غير العادة لأن الوقت كانت متأخر ... هذا أولا ... وثانيا كان فيه اختبارات ... فتوقعت أن المطار بيكون فاضي ... المهم كعادة موظفي المطار ... زحمة ... وحوسة ... وعدم تنظيم ... ولا في لوحات أرشادية ... ولا شي ... يعني لازم اي واحد يدخل يسأل وين كاونتر الرحلة الفلانية .. مافيه أي لوحة أرشادية .. حتى يوم سألت أحد موظفي المطار ... رد علي .. يقول إن شاء الله إذا جاءت الخصخصة للمطار ... راح تشوف خدمات أفضل ... قلت له يكون خير ... بس أنت الحين مش أموري ... بعد السؤال عن كاونتر رحلة لندن ... لقيت سايد واحد ... صف طووووويل ... سوء تنظيم ... بشكل رهيب .. لأن صافين الدرجه الأولى والدرجه السياحية كلهم في سايد واحد .. صراحة شي يقهر ... المهم بعد ما صفينا .. وخلصنا أمورنا .... قلت لك آخذ لكم صورة من مطار الملك خالد



الساعة 1 و عشرة دقايق بدا الدخول للطائرة من البوابة رقم 23



بعد ما جهزت كل أمورنا أقلعت الطائرة متوجهة للندن ... اللي أعجبني في الرحلة كلها ... أن مافيه اطفااااااال .. الله .. وناااااسه .. مافيه أحد يصيح ... لأن كل ما سافرت لازم يكون فيه طفل يصيح ... ويضيق الصدر ... لكن بالرغم من هالهدوء ... ما جاني النوم ... لأني ما أقدر انام في السفر ... سواء كانت طيارة والا سيارة ... وحتى إني مره جربت باخرة وبرضو ما نمت ... المهم ... بعد 8 ساعات طيران .. وصلنا إلى مطار هيثرو ... أول ما نزلنا المطار .. كان الجو بااااااااااااارد ... وأنا صراحة ما أستعديت للبرد هذا ... بعد كذا وقفنا في طابور طويل ... المشكلة إني كنت مواصل .. ما نمت من البارح ... وغير كذا كنت جايع ما أكلت شي في الطيارة .. ما أحب أكلهم ... عشان كذا كان الطابور متعب ... وأنا واقف في الطابور ... كان فيه 4 كاونترات تشتغل .. وكنت اراقب كل كاونتر ... كان فيه موظف كأنه ياباني ماسك كاونتر رقم 3 ... لاحظت أنه سريع جدا في عمله ... يعني على طول يسألك سؤالين ويمشيك ... الباقين يسألون ويسولفون ويطولون مع الواحد ... قلت ايييييه ... يلزمنا نروح لهالياباني ... المهم سبحان الله ربي طيحني في هالكاونتر ... أخذ جوازي و أوراقي .. قال لي كم تبي تجلس ؟؟ ... وليش ..؟؟ ووش وظيفتك ؟؟ ... بعدين ختم على الجواز ودخلت ... رحت وأخذت شنطتي ... وطلعت لقسم التكاسي ... لقيت التاكسي الأسود ... قلت له فندق الكمبرلاند ... وصلت للفندق ... طلعت الفاوتشر .. اعطيته للرسيبشن ... قعد يطالع ويطالع ويطقطق في الكمبيوتر ... بعدين قال .. والله مافيه غرف فاضية الحين ... نظام دخول الفندق الساعة 2 الظهر ... قلت اووووووووف ... لأن الان الساعه 9 ونص ... يعني باقي 4 ساعات ونص ... وانا مررررره منتهي ... قال والله مافيه امكانيه .. هات شناطك هنا ... وخذ رقم شناطك ... قلت الشكوى لله ... خذ شناطي ... بعد كذا طلعت اتمشى في المنطقة اللي حول الفندق ...



كان فيه محل ستار بكس قريب ... جلست فيه وطلبت لي ... وجلست اقرا جرايدهم ... بعد كذا كانت ماسكة معي أشوف فندقين أحترت بينهم وبين فندق الكامبرلاند ... وهم فندق الثيستل .. وفندق موستين ... عاد مسكت ... وانا اذا مسكت مسكت .... قلت ابي اطلع هالفندقين وادخل لهم ... رحت لهم ودخلت لهم وطالعتهم من جوا ... وصورت لكم هالفندقين من برى





على فكرة هالفندقين كل واحد قدام الثاني ...
رجعت للفندق ... كانت الساعه 11 ... جلست في اللوبي ... وصورت لكم كم صورة ...









بعد ما جت الساعة 1 قلت بسأله اذا فضت غرف ... قال لي لقيت لك غرفة ... لكن إنت يوم حجزت الغرفة كم يوم .. كنت طالب أن تكون ( بارك فيو ) ... يعني تطل على حديقة الهايدبارك ... فالغرفة هذه مازالوا يجهزونها ... راح تجهز الساعة 2 ... تبي تنتظرها ... والا اعطيك الان اي غرفه ... قلت لا يا عزيزي وش ورانا ننتظر ... انتظرت الى الساعة 2 ... دخلت لغرفتي ... وهذه صور الغرفة



طبعا الشاشه هذه تقدر تدخل بها الانترنت ... ومشاهده القنوات الفضائيه ... وتشوف فاتورتك ... وتتحكم عن طريق الكيبورد بالواير لس





بدلت ملابسي ... وأخذت لي شور ... وصليت ... بعد كذا حطيت راسي .. ونمت إلى الساعة 6 ... صحيت من النوم ... طبعا ما شبعت نوم ... لكن قلت عشان انام بالليل ... بدلت ملابسي ونزلت لشارع الاجوارد رود ... ما شاء الله كل الدول العربية في هالشارع ... تمشيت بس نص ساعة ... مريت للسوبرماركت ... شريت بعض الاغراض ... ( اشوى أن كلها شوكولاته وفشار ) ... رجعت للفندق ... طلعت اللابتوب ... ونزلت الصور اللي في الكاميرا ... وبديت أكتب لكم هالتقرير
تحياتي للجميع ... دمتم بصحة وعافية ... وأراكم في الحلقة الثانيــة ...

مواضيع عشوائيه ممكن تكون تعجبك اخترناها لك:

• رحلة مدة يوم محتاج خبراتكم تكفووون
• استفسار صرف سكن اوراق السفاره
• مطلوب مخطط لزيارة معالم والتسوق بالندن لمدة اربع ايام
• بخصوص طلبات الفبزا
• ابي مساعدة بخصوص ايجار الشقق في لندن و اسعار ممتازه
• كتاب و كوبونات اين يمكن شرائه؟
• نويت اسافر لندن لمدة ايام انشاء لمشاهدمة مبارة تشيلسى
• استفسارات لندنيه قبل الاقلاع؟
• السفارة البريطانية في الكويت
• بخصو كسر الفيزا في انجلترا
• اختكم وتبي الفزعه منكم
• شنو يعني هالرسمة بالخريطة؟
• فسرو لي معنى هالكلام بخصوص الفيزا
• جزاك الله الجنة شارك برأيك في هذا السكن ؟
• بريستول او بورمث
• رحلة بحريه بنهر التايميز
• استفسار عن الحجز اونلاين
• ساعدوني في رحلة لندنية
• ساعدوني مشكورين في ترتيب رحلتي
• العون من الله ثم منكم لو تكرمتم بخصوص الفيزا

هلا في المايسترو .. نبغى تقريرك هذا على اسمك :24: :24:
بداية مشوقه وننتظر تقرير مميز
وشرح مفصل وسرد رائع

واصل بنتظار كل جديد من صور واحداث :114:

الفندق كم نجمة ؟

تحياتي لك

المشاركة الأصلية كتبت بواسطة صعـب المنـا ل


هلا في المايسترو .. نبغى تقريرك هذا على اسمك :24: :24:
بداية مشوقه وننتظر تقرير مميز
وشرح مفصل وسرد رائع
واصل بنتظار كل جديد من صور واحداث :114:
الفندق كم نجمة ؟
تحياتي لك



مرحبا يا غالي ...

إن شاء الله راح يكون هناك 8 حلقات ... وكلها جاهزه ... بس محتار متى انزلها ... او بالاصح كم اخلي بينها ايام :114:

بخصوص الفندق هو 4 نجوم ... اخذته تقريبا بـ 127 باوند ... طبعا كان رائع بكل شي ... بموقعه وفخامته وخدمته :24:

الحمد لله على السلامه مستر المايسترو

يعطيك العافيه اخوي المايسترو وبداية رائعه ومميزه ماشاء الله

الحمد لله على السلامة ,وفي انتظار باقي الحلقات لاتطول علينا

تحياتي

المشاركة الأصلية كتبت بواسطة Mr.CoOoL


يعطيك العافيه اخوي المايسترو وبداية رائعه ومميزه ماشاء الله
الحمد لله على السلامة ,وفي انتظار باقي الحلقات لاتطول علينا
تحياتي



الله يسلمك يا غالي ...

والحلقات جاهزه ... بس بترك كم يوم بين كل حلقه وحلقه :24:

مرحبا يا شباب ... راح انزل كل يوم حلقة ... اليوم بالذات بنزل حلقتين ... لأن عندي ارتباطات بكره ولا راح اقدر انزل الحلقه الثانيه ....


الحــلــقـة الثانـيـة ...

مساء الخير للحلوين ... اليوم صراحة كان يوم المشي العااااالمي ... مشيت تقريبا من الساعه 12 الظهر إلى الساعة 7 المساء تقريبا ... كانت جولة مرررره حلوة ... بديت أول شي بحديقة الهايدبارك ... لأنها كانت قدام الفندق اللي أسكن فيه ... كان الجو مررررره حلو ... لأن كان فيه مطر خفيف من الساعه 7 الصباح الى الساعه 11 ... وبعدها توقف المطر ... فطلع الجو خونفشاري ... نبدا بالصور ... هذه بعض الصور لحديقة الهايدبارك ...










وهنا أحلى مباراة طااااائرة لعبتها .... لا أحد يقول لي ليه أحلى مباراة ... لأني لعبت في الفريق الثاني ... ( وجه خدوده حمراء اللون )



كان فيه نهر جميل يمر في وسط الحديقة ...









يا حبي لها ... مجمعه عيالها حولها ...



وهذه الحمامه كانت تاااااائهه ... ووحيده ... مثل ما كنت وحيد ...



وهنا ممكن تستأجر خيل وتتمشى فيه



أيضا عجبتني المجسمات الحلوه ... اللي كانت موزعه في الحديقه في كل مكان وزاويه ...





وأنا كنت أتمشى لاحظت أن هناك سباق جري ... مع أن الجو كان برد برد برد ...



وبالصدفة كان اليوم الأحد ... وكان عندهم شي اسمه سبيكر كورنر ... وهو مكان في الهايدبارك ... يجي أي واحد ويتكلم بالللللللي يبي ... بدون مساءله أحد ... ويفضفض باللي في قلبه ...





وفي النهايه اترككم مع هالصوره لطفل يتمشى لحاااااله ...





أترككم على خير ... وأراكم في الحلقة الثالثه بعون الله ... انتظروني ...

دمتم بصحة وعافية ...

المشاركة الأصلية كتبت بواسطة صعـب المنـا ل


وش الخضار وش الجمال وش طبيعة وووو .. ووش فن تصوير
مشاء الله عليك وعلى الكاميرة :113: :113: عيني عليكم باردة
اتمنى انى ازور لندن :114: مابعد كتب لى الله لكن دايم في بالى
والاحلى تعليقاتك على كل صوره زاد الجمال حلى :101:
واصل تألقك .. وإبداع
تحياتي لك



الله يخليك يارب

يارجال لا تدقق على التعليقات .... كأنها سواليف :101: ... لأني اكتبها آخر الليل ما ارجع للفندق ... وتخبر عاد يكون الجسم منتهي ... مافيه الا العقل يفكر :106:

والمبدع لايس غريب عليه هذا الابداع الرائع والى الامام اينما اتجهت
:24: :24: :24: :24: :24: :24:

يااااي مررره حلوووو يالله بسرعه انتظر الحلقه اللي بعهدها مرره شالله الصوره حلوه و كل شي واضح

الله .. ما شاء الله.. مبدع

بالتوفيق وننتظر التكملة..

بس عندي سؤال وانت داخل مطار هيثرو سألوك شي عن اللاب توب.. يعني يفتحونه وإلا لا..
لأني ناوي اشله بس أخاف احطه فالشنطة وينكسر.. قلت اشله وياي . بس ما أعرف كيف اجراءاتهم.. أخاف يأخروني

تحياتي اخوي الصحافه ...
تحياتي أخوي Haifa.88 ...

وتسلمون على مروركم ...

تحياتي اخوي A-Saeed ... بخوص المطار ... في الذهاب ما فتشوه ولا جوه ... حتى العوده بعد .. لكن العوده قالوا لي حطه في يدك .. لا تدخله في الجهاز يمكن تضره الاجهزه المغناطيسيه :24:

جميلة صور الهايد بارك ... ما القيت فيهم كلمة في السبيك كورنر؟ :24:

:24: يالله على هالفن
صور روعة :24:

انا رحت لندن قبل 4 شهور في الشتاء وكانت رحلة جدا روعة بس للأسف ماشفت الألوان الخضراء الي تجنن ...
:110:


شوف الفرق في الأشجار

كل شي يابس

بانتظار باقي صور الرحلة :113:

أخي ...المايسترو

الحمد لله على سلامتكم ..

الواضح من الصور أنك أستمتعت بزيارتك الاولي لعاصمة العرب الاوروبية ..

...لندن ...

والهايد بارك ..هي هي ..على مر الزمان ..ناس تعلب وناس تركض ..وناس تتناقش ....



سبحان الله نفس المكان ....

بسألك ..ما لحقت على قعدات العرب وريحة القهوة ...وشوابنا وسوالفهم حول البحيرة ...

توقيت زيارتك من أروع الاوقات ....

متابعة معك ..

مشكور أخوي عالرد.

مبدع يالماسترو وانا على فكرة معجب بتقاريرك خاصه تقريرك لنيوزلندا

بس بغيت اسألك : بشر كم النتيجة في لعبة كرة الطائرة ...وما أدري احسك مبسوط في اللعب

كأنك لاعب في كأس العالم:114:

ما شاء الله عليك أخوي المايسترو تقرير رهيب وسويت دعاية كبيرة عن لندن ..................تشجعنا نزورها

اخوي مايسترو تقرير باااين من بدايته رااائع متابعينك لا تتأخر علينا

الرائع يبقى دوماً رائع


لن يطيل المكوث هنا استاذنا المايسترو


فقسمنا هناك _ بوابة نيوزلندا _

لا نستطيع الاستغناء عنه


تقرير رائع عزيزي المايسترو


والكبير كبير

مشرفنا الغالي المايسترو .................. سلمه الله

اولا : حمدا لله على سلامتكم .. ويسر الله أمركم ..

ثانيا: أشكر لك أبداعك .. واشكر لك شعورك بأخوانك .. فنحن هنا عنك بعيد ..
وأنت لم تألوا جهدا في الكتابة والتصوير .. للفائدة ولإفادة .. والإمتاع والتشويق ..
فلك من الشكر أجزله .. ومن الثناء أفضله .. ومن التقدير أطيبه .. ولا حرمك الله الأجر ..

عزيزي كم هي رائعة تلك الصور .. وإني لأهنئ كامرةً أمسكت .. وعيننا عليها وضعت.. فلها الشرف وزيادة .. وجمال الصور من جمال صاحبها .. ولا غرابة ..
وكم هي رائعة تلك الحروف .. فنورها أنعكس على بوابات المنتدى .. ونورك هناك بألف ..

فالتهنئ الديار وساكنيها فالميسترو فيها .. والتسعد الإجواء والنسائم حيث حل بها أحلى النسائم ..

سلمت مشرفنا الغالي .. وعدت لنا سالما .. ورحلة موفقة سعيدة ..

ولك متابعون ..

محبك : المغامر

السلام عليكم

حياك الله يا ملك نيوزيلاندا المايسترو

صور جميلة وتقرير مميز يعطيك العافيه


عندي سؤال لو سمحت اذا ممكن

ما هو نوع الكميرا اللي صورت بيها مع الموديل مع العدسة الاماميه وكم تكلف؟

وشكرا لك

والله ونستنا الله يونسك بالايمان

ما شاء الله اخوي المايسترو

و الله من البداية بدعت مازلنا في انتظار باقي ابداعاتك ،،، في هذا الموضوع

لا تتأخر علينا

كبيان

ما يجي من الإبداع إلا الإبداع

متعودين يا خالي ما يجي منك إلا التقارير الرائعة والمواضيع المميزة هنا وفي الإقلاع

بإنتظار باقي الحلقات

عيون الرياض

الله يسلمك من كل شر يارب ...

Yasir

والله كان ودي اقوم وانصحهم بنيوزلاندا هههههههههه .... لا والله بس امر واسمعهم ...

شـــي

اهم شي في اختيار اي بلد للزياره هو الجو صراحه .... ان شاء الله الحلقات بالطريق ... كل يوم حلقه بعون الله

مهاجرة

هلا والله وغلا ... لحقت على جلسات وقهاوي العرب ... لكن بيني وبينك ... ما كنت حابب احتك فيهم كثير ... او بالاصح ما كان ودي اروح لمكان فيه عرب كثير ... وفعلا كما كان يقول نزار قباني ... ( لندن .. اجمل عاصمه عربيه ) ... تسلمين على طلتك ...

الخيال العربي

الله يخليك يارب ... بخصوص مباراه الطائره ... ما تتخيل كيف كان المجهود ههههههههه ... كان من جد حماس ... حتى ودك اذا جا احد من الفريق الثاني بيكبس في وجه احد افراد فريقك ... انك تحط وجهك بداله ههههههههه فداااااااء للفريق .... ( صدقتك ) ....

7ayat

الله يخليك يارب ... لندن حلوه وتستاهل الزياره .. لكن اختر الوقت المناسب ...

Pink_girl

الله يخليك يارب ... وكل يوم حلقه بعون الله ... واي سؤال ببالك اسألي وانا تحت أمرك ...

حسّاس

هلا وغلا بالغالي حساس ... كيفك يا بطل .. أن شاء الله بخير .... قلبي هناك ... قلبي في نيوزلاندا ولأهل نيوزلاندا ... ومن يريد زياره نيوزلاندا .. لكن حبيت اضيف هالتقرير لمنتدانا الغالي على قلوبنا .... تحياتي لك ...

المغامر

دائما الابداع يكون من المغامر ... دائم نجد أن اصل الروعه تنبع من المغامر ... دائما نسرح مع كلماته ... مع ردوده لأخوانه ... من همساته في حروفه ...
جمال تلك الصور زادها جمال نظارتك لها ... جمال تلك الكلمات زادها جمال لسانك لما بدءت في قراءتها ...

تحياتي لك ... تحياتي لقلمك ... تحياتي لشعورك لأخوانك ...

دمت بصحة وعافيه


بدر الدجا

يا هلا وغلا بك والله ... الكاميرا كانت من نوع نيكون موديل P1 وبدون اي عدسات خارجيه ولا شي ... بس يمكن اليد اللي تصور لها دور ... :109:

ابوصقـر

شرفتني طلتك ... وربي يتقبل دعوتك ...

KABAYAN

انت اهل الابداع ... ونحن مازلنا تلامذه في جامعتك ... ان شاء الله الحلقات كل يوم حلقه ...تابعونا

قمة الإبداع أخوي مايسترو :113: :113: :113:
ما شاء الله عليك وعلى الكاميرا اللي معاك :24:
لا تتاخر بإنزال باقي الحلقات بإنتظارها على أحر من الجمر
تــــــــحــــياتي

[QUOTE=المايسترو][COLOR="Navy"]
بدر الدجا
يا هلا وغلا بك والله ... الكاميرا كانت من نوع نيكون موديل P1 وبدون اي عدسات خارجيه ولا شي ... بس يمكن اليد اللي تصور لها دور ... :109:

بلا شك يا عزيزي ان لها دور :109: :113: :24:

كم سعر الكاميرا يا المايسترو ؟؟

وشكرا

الحـلقــة الثالثــة :....

بعد ما مشيت حديقة الهايدبارك من أولها لأخرها ... طلعت من الجهة الثانية ... جهة قصر الباكينكهام ... صراحة اكثر شي شدني في هالمكان ... هم الحراس ... أمووووت وأعرف كم يستلم راتب على هالشغله ... ما يتحرك أبد ... ألا حركات بسيطه كأنها آلة وهو يتحرك ... جلست أفكر ... أقول الحين هذا ما يعطس ...!! ما يحك ظهره ...!! ما يحك جبهته ..:109: ما يشوف جواله في أحد مرسل له مسج .. :114: ... وهذه صورهم ... وهو واقف ... ويوم تحرك










وهذا مجسم أعجبني قدام القصر



بعد كذا طلعت من هنا .. ورحت لساحة البيكادلي ... كل شي في هالساحة ... أسواق ومقاهي وسينما ... وكل شي ... ممكن أسميها مجمع للرجه كلها ...








بعدين رحت لسينما أوديون



وطالعت فيها فيلم دافينشي كود



وبرضو كان فيه سينما حولها اسمها VUE



بعد ما خصلت جوله في البيكادلي ... طلعت مشي من البيكادلي إلى شارع الأكسفورد ... مدري كم مشيت .. بس حسيت أن الطريق طوووويل ... وأنا في شارع الأكسفورد .. لقيت فرقه .. مثل فرقة الهنود الحمر ... يغنون أغانيهم القديمه ... اللي كأنك في ضواحي الهنود الحمر ... ويعرضون سيدي للبيع ... نفس الأغاني اللي يغنونها



بعدها رحت للفندق ... غيرت ملابسي وريحت شوي ... بعدها طلعت لأحد مطاعم الأجوارد رود ... وتعشيت فيه ... ورجعت للنوووووووووووووم ...


أدري هالحلقة قصيرة .... لكن لكم مني وعد الجايات أحلى وأحلى ...

أترككم في حفظ الله ورعايته ... دمتم بصحة وعافية ...

أخي المايسترو ..

قليلك كثير ..

وافضل المطر ما كان ديم !!

متابع ما تسطره أناملك .. وما تعكسه من جمال كاميرتك !!


أخي المايسترو ..

هذه البوابة من أعجب البوابات عندي ..

فقيرة بالتقارير .. غنية بالزائرين .. فهل هو بخل اسكتلندي !!

لكن اذا ذكر الكرم .. فاعلم أن المايسترو وصل !!

وتقبل تحيات محبك المغامر

المشاركة الأصلية كتبت بواسطة المغامر

أخي المايسترو ..
قليلك كثير ..
وافضل المطر ما كان ديم !!
متابع ما تسطره أناملك .. وما تعكسه من جمال كاميرتك !!
أخي المايسترو ..
هذه البوابة من أعجب البوابات عندي ..
فقيرة بالتقارير .. غنية بالزائرين .. فهل هو بخل اسكتلندي !!
لكن اذا ذكر الكرم .. فاعلم أن المايسترو وصل !!
وتقبل تحيات محبك المغامر

صراحه يا غالي ما اقدر اعلق على كلامك ... كلام كبير .. من شخص كبير ... ما أقدر أقول الا ربي يوفقك في دنياك وآخرتك ... ويحرم عن وجهك النار ... يارب :101:

المشاركة الأصلية كتبت بواسطة Hesham


ماشاءالله تبارك الله
وش هالزين ياصاحب الزين ...
صور جميلة جداً ...
تصوير أحترافي مهني وليس هاوي ...
ما اقول غير انت غير ...
عندي سؤالين أولهم :
كيف قهوة WaW وتوقيعك كان رايق يا رايق
ثانيهم
وش هالكاميره اللي استخدمتها لأني سألتك قبل مره ولا رديت علي مادري ماتبينا نشتري مثلها ولا وش السالفه ..
ومعاك في هالتقرير السهل الجميل المرتب ...
تحية وتقدير




هلا والله بغلالالاهم ...

وش دراك اني موقع ههههههههه ... صراحه مكان القهوه كان رايق ... وانا من زمااانو انا اقول ابي محل كوفي صاحي في المنطقه هذه ... تصدق لو ما فتحت المحل والا كان فتحت انا ... بس تخبر الاسهم نزلت فخربت كل المشاريع :110: ... لكن القهوه كانت رايقه ... وفز قلبي أول ما دخلت واطالع لوحه المسافرون العرب ... قلت ان شاء الله فيه تخفيض والا شي هههههههه ... على فكره ركبتوا البروجتكر الاثني والا لا .... ثاني شي ترى حلوى ( التراميسو ) مو هذه الل يانتم حاطينها ... ( مدمن تراميسو ) :109: ... وخلاص صار المكان من الاماكن المفضله عندي خاصه انه قريب للبيت :24:

مرحبا للجميع ... بخصوص من سأل عن الكاميرا ...

الكاميرا نوعها Nikon موديل P1 هذه صورتها



طبعا معروفه كالماركه في التصوير ... لا يغرك اشكال سوني وطقتها ... خذ لك شي عالمي ونوع عدسته كويس ... اللي يبي لا يطلع من Nikon او Canon ... نصيحه مني لا يطلع برى هالماركتين ...

سعرها كان ب 1700 ريال مع ميموري 1 قيقا ..

هذه بعض المعلومات عنها ونماذج من تصويرها ... وكل شي عنها ... http://www.dpreview.com/reviews/spec...nikon_cpp1.asp

بحكم استخدامي لها ... اعجبني كل شي فيها ... صحيح ان حجمها مو نحيف مره ... لكن كانت حلوه ... ومسكتها حلوه ... غير كذا فيها ميزه مو موجوده في غيرها ... وهي WIFI يعني ممكن اصور وانقل صوري لللابتوب او اي مكان عن طريق خاصيه الواي فاي

تحياتي لكم جميعا

المشاركة الأصلية كتبت بواسطة المايسترو


هلا والله بغلالالاهم ...
وش دراك اني موقع ههههههههه ... صراحه مكان القهوه كان رايق ... وانا من زمااانو انا اقول ابي محل كوفي صاحي في المنطقه هذه ... تصدق لو ما فتحت المحل والا كان فتحت انا ... بس تخبر الاسهم نزلت فخربت كل المشاريع :110: ... لكن القهوه كانت رايقه ... وفز قلبي أول ما دخلت واطالع لوحه المسافرون العرب ... قلت ان شاء الله فيه تخفيض والا شي هههههههه ... على فكره ركبتوا البروجتكر الاثني والا لا .... ثاني شي ترى حلوى ( التراميسو ) مو هذه الل يانتم حاطينها ... ( مدمن تراميسو ) :109: ... وخلاص صار المكان من الاماكن المفضله عندي خاصه انه قريب للبيت :24:



يطولي بعمرك يالمايسترو .. المقهى موب لي واول مره ادخله يوم الأربعاء وانت كنت فيه بس مدري وين كنت جالس .. ورتاني مثلك ملحط بالأسهم بس يمدحون بشبوشه ويقولون انها بتقامز كالعاده :11ight: ومثلك حنا لما شفنا العرب المسافرون فيه استغربنا ودردشنا مع صاحب المقهى وطلع قريبه أحد الأخوه هنا في هذا الموقع ...
بس تبي الصراحة المقهى حلو وعندهم آيسكريم حلو بعد :109:

بالنسبة للكاميره فأنا من عشاق النيكون بعد موب بس انت ... وبسفرت الأخيره اشتريت موديل جديد منها وهو :
Nikon Coolpix S5

ارعص http://www.dpreview.com/reviews/spec...nikon_cps5.asp

لكن لحد الحين مابعد تعاملت معها بالشكل المطلوب ...

شاكر ومقدر عزيزي

اخي المايسترو صور جميله عجبتني جداً لكن من اول حلقه تقول انك رحت لللاجور رود تروح وتتعشى او تتغدى ولا تصور هناك مقهووره
انا بسكن ان شاء الله في الهيلتون ميتربول اللي في الاجور رود ياليت ولا عليك امر اذا رحت هناك تاخذ كم صوره لابرز معالم الشارع
وشااكره لك على الصور اللي تجعلنا نشاركك متعة النظر الى مافيها من جمال وطبيعه

المشاركة الأصلية كتبت بواسطة Pink_girl


اخي المايسترو صور جميله عجبتني جداً لكن من اول حلقه تقول انك رحت لللاجور رود تروح وتتعشى او تتغدى ولا تصور هناك مقهووره
انا بسكن ان شاء الله في الهيلتون ميتربول اللي في الاجور رود ياليت ولا عليك امر اذا رحت هناك تاخذ كم صوره لابرز معالم الشارع
وشااكره لك على الصور اللي تجعلنا نشاركك متعة النظر الى مافيها من جمال وطبيعه



هلا والله ... بخصوص الاجوارد رود .. صحيح اني رحت له ... بس ما حبيته كثير .. لأن معظم اللي فيه عرب .. تحسين انك في دبي ... انا ما انحشت الا منهم :101: ... ولا فيه شي يسوى انكي تصورينه .. كلها مطاعم والا محلات شيشه والا مقاهي نت ...

بخصوص الهيلتون ميتربول ... انا مريته ... هذا يقع في آخر شارع الاجوارد رود ... يعني مكانه مش بطال ... اذا بغيتي الاكسفورد لازم تقطعين الاجوارد كللللله عشان توصولين الاكسفورد .. يمكن لوكم بنات ما تقدرون تمشون المسافه هذه ... طبعا مكانه ما يتقارن مع الكمبيرلاند ... هذه شغله الشغله الثانيه ... انتبهي من شي مهمممممم ... الهيلتون ميتربول فيه برجين ... واحد قديييييم ... وواحد جديد ... المكاتب السياحيه معظمهم يحجزون لك على القديم ... هذه انا كنت باكلها :101: ... اعرف واحد حجز له وكل شي ... يوم راح هناك لقاهم حاطينه في القديم ... هزءهم لييييين نقلوه في الجديد ... قال لهم ليش ما علمتوني من أول ... فأنتبهي يا اختي من النقطه هذه ... ولو حجزتوا وخلصتوا ... كلمي الفندق اليوم او بكره ... او ارسل لهم ايميل ... وقولي لهم احنا حجزنا باسم كذا من تاريخ كذا بسأل اذا الغرف في البرج الجديد والا القديم ...

فيه فرق كبير بين البرجين .. بس الاسم واحد وهو الهيلتون ميتربول :24:

شاكره لك اخي المايسترو على التنبيه وباانتظار باقي الحلقات طول اليوم رايحه راجعه بس على هالموضوع تنتظر باقي الحلقات

:114:


متابع يا المايسترو .. بنتظار المزيد :101: :101:

الله يحفظك .. كل صور فيها سحر من الجمال ..
ومازال للبداع بقية :114: بالانتظار

المشاركة الأصلية كتبت بواسطة صعـب المنـا ل


الله يحفظك .. كل صور فيها سحر من الجمال ..
ومازال للبداع بقية :114: بالانتظار



الله يخليك يارب ... ويشرفني متابعتك :24:

يسعد صباحك أخوي المايستروا






راحة اكثر شي شدني في هالمكان ... هم الحراس ... أمووووت وأعرف كم يستلم راتب على هالشغله ... ما يتحرك أبد ... ألا حركات بسيطه كأنها آلة وهو يتحرك



بالنسبة لحرس القصر .مساكين ...مرة قربت الكاميرا عليه لقيته يحرك حواجبه ..المسكين هذا الي يقدر عليه ..





طلعت مشي من البيكادلي إلى شارع الأكسفورد ... مدري كم مشيت .. بس حسيت أن الطريق طوووويل ... وأنا في شارع الأكسفورد .. لقيت فرقه .. مثل فرقة الهنود الحمر ... يغنون أغانيهم القديمه ... اللي كأنك في ضواحي الهنود الحمر



من البيكادلي لين أكسفورد ماش غير الريجنت ستريت بس كنت لعبت وخذيت لفة من قبل ..وأما فرقة الهنود الحمر ..من 3 سنين موجودين بنفس المكان ...شتاء أو صيف ..






أطلع لي كرت الميترو



هذا الكرت يستخدم بعد للباصات أكيد جربتها ..بس خسارة ما لحقت على القديمة ...






على فكره تراني أصور الساعة وهي ترن .. بس مشكله الصوره ما تطلع صوت عشان تصدقوني



صدق ...ما أدري ..بس أذكرها ترن لما تكون على الوحدة تماما ...مو وحدة ألا ربع ...:101:

بنتظار بقية رحلتك اللندنية ..

المشاركة الأصلية كتبت بواسطة مهاجرة


ما أدري ..بس أذكرها ترن لما تكون على الوحدة تماما ...مو وحدة ألا ربع ...:101:
..





:106:

ماشاء الله ...شنو هالصور اللي تعور القلب

المشاركة الأصلية كتبت بواسطة London girl


ماشاء الله ...شنو هالصور اللي تعور القلب



الله يخليك يارب ... تشرفت بزيارتك :101:

كل ماتنزل تقرير تشوقنا اكثر للندن اخي المايسترو كل تقرير احلى من الثاني مازلنا متابعين معك ونستفيد من تجاربك الجميله باانتظار البقيه
بس هاالحلقه ملاحظه ماتغديت ولا تعشيت بالاجور رود :109:

المشاركة الأصلية كتبت بواسطة Pink_girl


كل ماتنزل تقرير تشوقنا اكثر للندن اخي المايسترو كل تقرير احلى من الثاني مازلنا متابعين معك ونستفيد من تجاربك الجميله باانتظار البقيه
بس هاالحلقه ملاحظه ماتغديت ولا تعشيت بالاجور رود :109:



الله يسلمك اختي Pink_girl ...

بخصوص الملاحظه خلاص ... ما صرت اروح لهالشارع ... ههههههههه صار كل طلبي تيك أوي :24: ... ما فيه وقت

متابع

بقووووووووووووووه

الحلقة الخامسة :....

بعد ما أخذت كم صورة لساعة البيق بين .... والمناطق اللي حولها ... كان فيه حديقة مره حلوه قدام الساعة .. المهم رحت للحديقة .. لقيت بنت صغيرررره .. امورررره ... يمكن عمرها 4 أو 5 سنوات ... وش تسوي هالبنت ؟؟ البنت هذه تشحذ الناس اللي تمر ... لكن تشحذهم بأسلوب صراحه .. وش لون ؟؟ البنت هذه تصلح ورده صغيره بالمنديل الأحمر ... وتلفها بقطعة صغيره من القصدير بشكل جمالي ... طبعا تعطيك اياها ... وانت تعطيها أي مبلغ معاك بس تساعدها ... هذه صوره الورده حطيتها على شنطتي اللي اشيلها معي ... ومن يوم عطتني الورده وهي معي في أي مكان أروح له ...







بعد كذا رحت لمكان اسمه ( أكويريوم ) ... يبعد عن ساعة البيق بين تقريبا 20 دقيقه مشي ... وهو متحف رائع لأنواع السمك ... على شكل أحواض كبيره جدا ... هذه صورته من الخارج ...



طبعا العالم واقفه في الطابور عشان التذاكر .... مع أن المطر ينزل بغزاره ... ( اموت أنا على كلمه غواره ) ... المهم مع ان المطر ينزل ... كانت العالم واقفه ... وعادي جدا ... بعد ما وقفت معهم ... وصلت للكاونتر ... وطقينا التذكره .... وبدينا نصور لكم المتحف من جوا ...










وهذه سمكه إلكترونية ... مدري صراحة كيف سوها .. سبحان الله حركتها كأنها حركه حقيقيه





جيت بصور منظر ... أعجبني واحد صغير ... عليه ضحكه :109: ياحبنيلوه بس ... ودك بس تسمعها .... ودي كان معي كاميرا فيديو عشان اسجلها ... احسن انه مبسووووووووط من قلب :101: شوفوه





وفي أحد الأحواض الكبيره .. كان فيه القرررررش ... صراحه يمكن صورته ولا 10 صوره ... لكن ولا وحده كانت صافيه لأن حركته واجده الله يصلحه ... انتظرته لين ارتاح تحت .. وصورته





وطلعت من هالمكان .. وكنت جاااااااايع موووووت ... حصلت مطعم جنبه على طول ... جلست فيه وتغديت ... بعدها رجعت للفندق .. لأن الملابس كانت كلها مبتله من المطر ... قلت أرجع للفندق وأغير واريح شوي ...


كذا نكون انتهينا من حلقتنا الخامسة ... وإن شاء الله أشوفكم في الحلقة السادسة ... ومغامرات أكثر وأكثر ...

دمتم بصحة وعافية ...:24:

يعطيك العافه اخوي المايسترو عالتقرير الاكثر من رائع
ماشاء الله تبارك الله عليك تصويرك بطل


خصوصا الورده الي واضحه والي وراها مب واضح

يعطيك الف عافية على هذا التقرير أخي الماسترو
بسيط وسهل وسلس
وجعلتتا بتصوريك اسراء في يد كمرتك

فيها الكثير من البهجة والخضرة والمطر وكل هذه الأمور ( المناظر)
نفتقر اليها هنا

حتى هذه السنة المطر كان ضعيفاً على الرياض وكأنه يريد أن يقول لنا مكاني ليس
هنا

بل هناك في لندن

اذا لازلت هناك ارسل لنا يا خوي مطر والفاتورة على المسافرون لعرب


ننتظر باقي التقرير والصور

التي قلبت فيني الكثير من الذكريات نعم الكثير من الذكريات

دمت بخير

المشاركة الأصلية كتبت بواسطة لا تلوح للمسافر


يعطيك الف عافية على هذا التقرير أخي الماسترو
بسيط وسهل وسلس
وجعلتتا بتصوريك اسراء في يد كمرتك
فيها الكثير من البهجة والخضرة والمطر وكل هذه الأمور ( المناظر)
نفتقر اليها هنا
حتى هذه السنة المطر كان ضعيفاً على الرياض وكأنه يريد أن يقول لنا مكاني ليس
هنا
بل هناك في لندن
اذا لازلت هناك ارسل لنا يا خوي مطر والفاتورة على المسافرون لعرب
ننتظر باقي التقرير والصور
التي قلبت فيني الكثير من الذكريات نعم الكثير من الذكريات
دمت بخير



شرفني زيارتك يا غالي ...

انا الان بالرياض ... في حر الرياض ... تحت شمس الرياض ...

وانتظر بعون الله باقي التقرير ... كل يوم حلقه بعونه تعالى :24:

المشاركة الأصلية كتبت بواسطة النجم


يعطيك العافه اخوي المايسترو عالتقرير الاكثر من رائع
ماشاء الله تبارك الله عليك تصويرك بطل
خصوصا الورده الي واضحه والي وراها مب واضح



الله يسلمك اخوي ...

بخصوص الورده ... لأني كنت حاط الفوكس ( التركيز ) .... حق الكاميرا حاطه على الورده ... ومخلي الكاميرا تهمل الاشياء اللي ورا .. وطلعت كذا :101:

تقرير و صور أكثر من رااااائعه ..

أكثر عجبني في الصور .. انها واضحه :24: ..! ماشا اللـه ..


بـ انتظار الحلقــه الـسادســـ 6 ــه .. على أحـرّ من الجمــر :icon_lol: ..



لا تتـاخر علينا = ) ..

المشاركة الأصلية كتبت بواسطة *نوار


تقرير و صور أكثر من رااااائعه ..
أكثر عجبني في الصور .. انها واضحه :24: ..! ماشا اللـه ..
بـ انتظار الحلقــه الـسادســـ 6 ــه .. على أحـرّ من الجمــر :icon_lol: ..
لا تتـاخر علينا = ) ..



شرفني حضورك يا غالي ...

الحلقه السادسه غدا صباحا بعون الله :24:

الله يعطيك العافيه اخي المايسترو
متابعين معك
وباانتظار البقيه

المشاركة الأصلية كتبت بواسطة Pink_girl


الله يعطيك العافيه اخي المايسترو
متابعين معك
وباانتظار البقيه



الله يعافيك يارب :101:

ولا انا مافهمت شي

السلام عليكم ورحمة الله وبركاتة

العزيز... والحبيب مشرفنا المايسترو

لقد استمتعت بما سردت خلال هذا التقرير الذي قلب لي صفحات من الماضي في لندن الجميلة...

فكان التصوير ابداع... وكان التعليق جمال...فزاد هذا على تقريرك روعه وجمال...

انا اسجل الحضور والمتابعه لما بقي من حلقات ...

اما هذه الصورة فتعنى لي الكثير....


مع حبي

المشاركة الأصلية كتبت بواسطة Abdulaziz


السلام عليكم ورحمة الله وبركاتة
العزيز... والحبيب مشرفنا المايسترو
لقد استمتعت بما سردت خلال هذا التقرير الذي قلب لي صفحات من الماضي في لندن الجميلة...
فكان التصوير ابداع... وكان التعليق جمال...فزاد هذا على تقريرك روعه وجمال...
انا اسجل الحضور والمتابعه لما بقي من حلقات ...
اما هذه الصورة فتعنى لي الكثير....

مع حبي



حبيبنا أبو عبدالعزيز ...

تشرف الموضوع بزيارتك ... وازداد جمال بتعليقك وطلتك ... يشرفنا متابعتك ... دمة بكامل صحتك ...

أسعد الله صباحك

بإنتظارك