الموضوع: اش رايكم في فندق ميلينيوم

السلام عليكم و رحمة الله

صباح الفل للكل

عندى طلب من اهل قطر و ان شاء الله ماراح يقصرون اهل الكرم

اول زيارة لي لقطر حتكون ان شاء الله في جانيوري رحلة عمل عند زوجي حق 4 ايام وسؤالي هو

اش رايكم في فندق ميلينيوم فالدوحة حلو وكيف اسعارة لان الكورس تبع زوجي حيكون فية وقال نحجز فيو مرة واحدة

وهل هو قريب من اي مول او مطاعم او اماكن ترفية ؟؟؟؟؟ لان عندي ولدين صغار


واذا تذكرون لي بعض اماكن الترفية والمطاعم اللي اسعارها مناسبة وحلوة اكون لكم ممتنة لاني مااعرف شي عن قطر وودي اتعرف عليها من خلال سفرتي هذة مو بس اجلس بالفندق

بارك الله فيكم انا بانتظاركم

مواضيع عشوائيه ممكن تكون تعجبك اخترناها لك:

• زيارة لقطر إستمرت ساعات فقط
• قطر تستثمر مليار دولار في السياحة حتى
• مسيعيد ممكن يا اخوان احد يفيدني عن هالمنتجع الساحلي
• تجربتي مع جراند ريجنسي الدوحة
• صور سوق واقف في قطر من الماضي الجميل
• وهل انا مجنووون حتى ازور الدوحه
• هذه هي الوجهات الجديدة للخطوط القطرية
• مساعدتكم في رحلة عائلية ل قطر
• مساعده
• طلب لاهل قطر الحبيبة
• اريد زيارة قطر لمدة اسبوع فماذا تنصحون ؟
• عاااجل الله يوفقكم سفرتي بعد ايام
• متى سيفتح فيلاجيو مول ؟
• برج على شكل خارطة قطر
• ابغى مساعداتكم
• قراء ياهوو مكتوب يختارون أمير قطر الأفضل لعام
• محلات بيع الأقمشة الرجالية
• هل يوجد تحويل عملات في مطار قطر ؟ استفسار عن شريحة الهاتف
• لعيون الهلال نبغى موقع ملعب نادي الغرافة
• السفر لقطر بالبطاقه

اول شي الله يحفظ لكم عيالكم ويتربون في عزكم يارب

وثاني شي تروحون وترجعون بالسلامة

الشي الاهم اختيار وقت الدورة جداً موفق وقطر بصفة عامة تعيش اجمل ايامها في الشتاء

الفندق ممتاز قريب من الكورنيش و لو طلعتي من الفندق ورجعتي مع الدور وخليتي الفندق على يدك اليسار
ومشيتو سيدى لايمين ولا يسار راح توصلون لفيلاجيو مول وهو الافضل على الاطلاق في قطر وهذي وجهة نظر شخصية

اذا تبون سوق واقف تمسكون طريق الكورنيش ومن عند الدوار يمين وتمشين سيدى الين ماتشوفين سوق واقف على يدك اليسار بصراحه من ابرز معالم قطر وماراح تتحسفون على زيارته البته وياليت تركزين في كلمة البته
مقابله متحف الفن الاسلامي اذا انتو مهتمين بالاثار وبالتاريخ ، الدوار اللي لفيتو من عنده يمين لو لفيتي يسار بتلقين نفسك في منطقة الابراج وهناك الستي سنتر لاباس فيه ومن هاك المنطقة تقدرين تروحين لجزيرة اللؤ للؤ للجلسات الرومانسية في الليل مع ابوالعيال وبزارينكم معكم
المطاعم يعتمد على نوعية الاكل اللي تحبونه؟
اتمنى اني قدرت اقدم الشي اليسير واكيد خبراء وخبيرات قطر واهل قطر ماراح يقصرون وهذا الشي لمسناه قول وفعل
غريب مواطن سعودي عايش في السعودية

وفقك الله يااخ غريب وييسر لك كل ماتتمناه وجزاك الله الجنة على تفاعلك وسرعة ردك

وبانتظار الاخوة والاخوات الباقين

من ناحية اهتمامنا بالاكل عادي مافي شيء محدد مشاوي مثلا عادي ناكل اكل صيني ونحبه واليومين هذه ادمان على ابل بيز وفرايديز الله يستر

فهل مثل هالمطاعم متوفرة بسهولة وهل الاسعار نفس السعودية او؟؟؟؟

المشاركة الأصلية كتبت بواسطة sponge pop
http://www.arabtravelersforum.com/tr...6/#post4585896

وفقك الله يااخ غريب وييسر لك كل ماتتمناه وجزاك الله الجنة على تفاعلك وسرعة ردك

وبانتظار الاخوة والاخوات الباقين

من ناحية اهتمامنا بالاكل عادي مافي شيء محدد مشاوي مثلا عادي ناكل اكل صيني ونحبه واليومين هذه ادمان على ابل بيز وفرايديز الله يستر

فهل مثل هالمطاعم متوفرة بسهولة وهل الاسعار نفس السعودية او؟؟؟؟

انا اشوف انك تعملين حسابك على او
انسي اسعار السعودية وفي قطر اعتبريها ضرب من ضروب الخيال

انا شخصياً احب مطعم مشاوي سوري في شارع السد اسمه الدمشقي نظيف جداً

اكله لذيذ بحكم انكم شخصين وبزرين اعتقد بيكون السعر متوسط طبعاً لو في السعودية ممكن الفاتورة

تطلع لها من 90 الى 120 بس في اقطر بتكون ازود الفطور انا احب افطر في مطعم اسمه صباح ومسا فرع فلاجيو

وله فرع في طريق سلوي بس ناسي اسم المجمع بجنب سوق واقف فيه مطعم هندي اكلة جنان وسعره في متناول يدكم
الا وش رايك تزورين ها الرابط اذا مايضايقك
http://www.arabtravelersforum.com/travel417263/

او تشوفين المعلومات اللي في ها الرابط برضو اذا ماكان عليكي كلافه
http://www.arabtravelersforum.com/travel449354/

هلا اختي وحياج الله

فندق ملينيوم حلو وموقعه زين لانه في وسط البلد

جمب الفندق في مجمع اسمه الاصمخ مول ، مجمع صغير بس فيه صالة ألعاب لو تبين عيالج يلعبون هناك

ومثل ماذكر اخونا غريب الاه مجمع فيلاجيو أفضل مجمع في قطر وفيه 13 سينما ومدينة ترفيهيه كبيره للكبار والصغار

وعندكم بعد مجمع السيتي سنتر أكبر مجمع تجاري في قطر وفيه 14 سينما ومدينة ترفيهيه للأطفال

وأيضاً مجمع اللاندمارك حلو أنصحكم بزيارته

ولاتنسين تزورين جزيرة اللؤلؤة وسوق واقف لان لو مازرتيهم ماكأنج رحتي قطر

اللؤلؤة فيها محلات ومطاعم وقهاوي وتطل على البحر من كل الجهات

وأرشح لج أيضاً ( الحي الثقافي ) جمب اللؤلؤة ويطل على البحر ووايد حلوه القعده هناك

ياأما انكم تروحون للحي العصر علشان تشوفون المكان في السفر

أو انكم تروحون له في الليل عقب ماتفتح المطاعم

والحي فيه مطعم اسمه ( زعفران ) هندي رووووعه وفيه مطعم ( خان فاروق ) مصري ، والمطعم الثالث ( سكر باشا ) تركي

وطبعا اخونا غريب الاه معذور لانه مازار هالمكان علشان جذي ماذكره لج

بالنسبة للمطاعم اللي ذكرتيها فوق فهي متواجدة بكثرة في قطر

مجمع فيلاجيو فيه مطعم فرايديز

سيتي سنتر فيه ابل بيز وشيليز

اللاند مارك فيه فرايديز

المول فيه شيليز

غير طبعا فروعهم الرئيسيه في شارع سحيم بن حمد

وهالشارع كله مطاعم وقهاوي وهو قريب جداً من فندقكم

بالنسبة للمطعم الدمشقي اللي ذكره اخونا غريب الاه فأنا ماأرشحه لج

صحيح الديكور حلو والخدمه زينه لكن الاكل مب حلو كأنه معلب

في مطاعم أحلى منه مثل مطعم البيت الشامي

والبيت الشامي له فرعين ، واحد في شارع سحيم بن حمد اللي ذكرته لج فوق

وواحد جمب قطر للديكور وهو قريب ايضاً من فندقكم

وأنا انصحكم تروحون اللي جمب قطر للديكور لانه فرع جديد وكبير وايد وديكوره حلو

وفي مطعم هندي اسمه رويال تندور في شارع السد وايد حلو لازم تجربونه


أتمنى أكون أفدتج

ولو عندج أي استفسار أنا حاضره

ماقصرت اخوي غريب يعطيك العافية مااااااقصرت


واختي النوري الله يسعدك حمستيني اروووح يمممي هذا كلة بقطر ماشاءالله تسلمين والله الله يوفقك وييسر لك اللي في بالك

ماادري ودي اسأل اش افضل نستاجر سيارة او تكاسي اش افضل وارخص وهل اللي عندة خريطة للدوحة عشان لو استاجرنا مانضيع

مرة رحنا دبي واستاجرنا ويااااااااليتنا ماستاجرنا سيارة مانعرف شي نروح نفر نفر ونرجع الفندق نبغى منتزهات ملاهي مانعرف عشان كذا مانبغى الكرة تنعاد

وكيف اسعار اجار السيارات والمواقف ياخون عليها رسوم ؟؟

مشكورين الله يجزاكم خير وكلامكم راح اطبعة عشان مانساة

و"من فرج على مؤمن كربة فرج الله علية كربة يوم القيامة"

المشاركة الأصلية كتبت بواسطة sponge pop
http://www.arabtravelersforum.com/tr...4/#post4587294

ماقصرت اخوي غريب يعطيك العافية مااااااقصرت


واختي النوري الله يسعدك حمستيني اروووح يمممي هذا كلة بقطر ماشاءالله تسلمين والله الله يوفقك وييسر لك اللي في بالك

ماادري ودي اسأل اش افضل نستاجر سيارة او تكاسي اش افضل وارخص وهل اللي عندة خريطة للدوحة عشان لو استاجرنا مانضيع

مرة رحنا دبي واستاجرنا ويااااااااليتنا ماستاجرنا سيارة مانعرف شي نروح نفر نفر ونرجع الفندق نبغى منتزهات ملاهي مانعرف عشان كذا مانبغى الكرة تنعاد

وكيف اسعار اجار السيارات والمواقف ياخون عليها رسوم ؟؟

مشكورين الله يجزاكم خير وكلامكم راح اطبعة عشان مانساة

و"من فرج على مؤمن كربة فرج الله علية كربة يوم القيامة"



الله يسلمج اختي

بالنسبة للمواصلات شوارع قطر ماتضيّع

يعني لو رحتوا المكان أول مره ماتضيعون مره ثانيه

بس بعض الاماكن تحتاج تاكسي

انا اقول لو تاخذون تاكسي احسن لكم علشان ماتضيعون وتتلتهون في الشوارع

ولو حسبتيها بتطلع كروة السيارة نفس كروة التاكسي

وعلى العموم المواقف عندنا ماعليها رسوم

بس سوق واقف اذا دخلتوا تدفعون مبلغ رمزي يمكن ألف ريال مثل ماتعرفين قطر غاليه

وزين انج بتطبعين الكلام علشان تمشين عليه واذا احتجتي أي شي قولي لي

اختي الفندق ممتاز فخامه وموقعه حلوو هو صاير في النص مابين جهة الدفنه وجهة فيلاجيو الخ ...

الافضل جهة فيلاجيو لسبب يوجد هناك فيلاجيو مول : يتضمن 13 سينما و 1 سينما اي ماكس وعندهم اضخم مدينة ترفيههي مغلقه في قطر روععه وجمب فيلاجيو مول بالضبط في مجمع ثاني اسمه حياة بلازا والي يميز هل مول المدينة الترفيهي مناسبة للاطفال ممن عمر 3 سنين الى 13 سنه رووعهه ومناسبه للاطفال اكثر من فيلاجيو فيلاجيو اغلبها للكبار مافوق 10 سنين او اكثر وفي ايضا بين هل مجمعين حديقه اسمها اسباير زون المنظر روعه خصوصا النهر وبرج الشعله ولا كانك في بلاد عربي كانك زاير اوربا ومع الاشجار الغريبه ,, وايضا هناك حديقة الحيوان زوروها واايد حلوه
ـــــــــــــــــــــــــــــــ
اما جهة الكورنيش والدفنه هذي مناسبه للتمشي لسبب هناك سوق اسمه سوق واقف رووعه وكل الخليجين والعالم يحبونه وفي ايضا اكبر مول في قطر اسمه سيتي سنتر طبعا على قدمه يعتبر فخم افتتح سنة 1999 فيه 14 سينما وفيه مدينة العالب ومطاعم الخ .. وعندكم ايضا جزيرة الؤلؤه افخم مشروع في قطر وحاصل على افضل مشروع العالم سنة 2010 صج يعني لما تروح منظر ماينوصف الصراحه بس روحي في الويك اند عشان الزحمه لانه بدون زحمه ماتنفع
وفي ابضا الحي الثقافي فيه مطاعم حلوه وحلو حق التمشي ولاتنسون في الاخير الكورنيش هذا روحوله فلليل شربو عصير وتمشو وتاملو في الابراج الضخمه

اي مساعده انا حاظر واتمنى اني ماقصرت

الله يجزاكم خير والله ماقصرتو حقين فزعات الله يجزاكم الجنة يااارب


بغيت اسال كيف الاجواء في جانيوري تقريبا باردة , معتدلة ,باردة جدا يعني زي الخبر والرياض هالايام او اخف

لازم جاكيتات وهاي نك او بس قطني كم طويل؟؟؟؟

هذا موقع الفندق ..
http://www.tvtrip.co.uk/doha-hotels/...uagePopin=true

وكل اللي ذكرتيه موجود .. بخصوص الطعام يشاهد مطعم الفندق من الخارج ومنذ فترة كان هناك عرض خاص للأكلات العربية وكان لفترة محدودة .. عموماً المنطقة المحيطة بالفندق تفي باحتياجاتك كلها إن شاء الله فهناك تجدية المطاعم المتنوعة وأماكن لألعاب الأطفال تجديها في المجمع المحاذي للفندق وهو (الأصمخ مول) وفيه العديد من مطاعم الوجبات السريعة والكوفي .. ناهيك عن المطاعم القريبة من المجمع مباشرة وهو مطعم إيراني اسمه (الشاطر عباس) ومطعم عربي متنوع اسمه (فنيسيا) وهم من أشهر المطاعم في تلك المنطقة .. منطقة السد .. وكل هذا تستطيعين أن تذهبي إليه سيراً على الأقدام .. أما إذا بالسيارة فأنك ستجدي ضالتك .. فهناك مطعم أبل بيز وبورجر كينج وهارديز تجدينهم عند خروجك من شارع السد من جهة وكالة الفردان للسيارات جهة اليمين مجموعة مطاعم أيضاً ترضي جميع الأذواق إن شاء الله .

تحياتي

المشاركة الأصلية كتبت بواسطة sponge pop
http://www.arabtravelersforum.com/tr...8/#post4588118

الله يجزاكم خير والله ماقصرتو حقين فزعات الله يجزاكم الجنة يااارب


بغيت اسال كيف الاجواء في جانيوري تقريبا باردة , معتدلة ,باردة جدا يعني زي الخبر والرياض هالايام او اخف

لازم جاكيتات وهاي نك او بس قطني كم طويل؟؟؟؟



جونا عادي مثلكم مابينا وبينكم الا أربع ساعات

انتي رايحة قطر مب لندن ياحبيبتي

المشاركة الأصلية كتبت بواسطة sponge pop
http://www.arabtravelersforum.com/tr...4/#post4587294

ماقصرت اخوي غريب يعطيك العافية مااااااقصرت


واختي النوري الله يسعدك حمستيني اروووح يمممي هذا كلة بقطر ماشاءالله تسلمين والله الله يوفقك وييسر لك اللي في بالك

ماادري ودي اسأل اش افضل نستاجر سيارة او تكاسي اش افضل وارخص وهل اللي عندة خريطة للدوحة عشان لو استاجرنا مانضيع

مرة رحنا دبي واستاجرنا ويااااااااليتنا ماستاجرنا سيارة مانعرف شي نروح نفر نفر ونرجع الفندق نبغى منتزهات ملاهي مانعرف عشان كذا مانبغى الكرة تنعاد

وكيف اسعار اجار السيارات والمواقف ياخون عليها رسوم ؟؟

مشكورين الله يجزاكم خير وكلامكم راح اطبعة عشان مانساة

و"من فرج على مؤمن كربة فرج الله علية كربة يوم القيامة"



بالتأكيد شوارع دبي معقدة وصعبة أنا جربت استأجرت سيارة ما قدرت حتى أرجع الفندق مع إني أشوفه أمامي !!........... الدوحة شوارعها سهله ولكن يعيبها الزحمة ووجود بعض الشوارع المغلقة ولكن يمكن التغلب علىذلك في هذه الفترة حيث تقل الأعمال في الشوارع .. والزحمة لها فترات معينة تزيد وتقل .. تزيد طبعاً في الصباح و وقت الظهيرة ما بين الساعة الـ 7 صباحاً وتقل في الساعة 8 صباحاً .. وتعود للزيادة مابين الساعة 12:30 و 2:00 مساءاً .. أما بخصوص أسعار السيارات فقد تجدي سيارة مثل كامري بـ 150 ريال في اليوم واستئجار السيارة اقتصادياً أفضل بكثير من سيارات الأجرة .. نسأل الله لك التوفيق

المشاركة الأصلية كتبت بواسطة sponge pop
http://www.arabtravelersforum.com/tr...8/#post4588118

الله يجزاكم خير والله ماقصرتو حقين فزعات الله يجزاكم الجنة يااارب


بغيت اسال كيف الاجواء في جانيوري تقريبا باردة , معتدلة ,باردة جدا يعني زي الخبر والرياض هالايام او اخف

لازم جاكيتات وهاي نك او بس قطني كم طويل؟؟؟؟




الأجواء تقريباً تعادل درجة حرارة الغرفة بمكيف سبيلت محفوظ بالريموت على حرارة 22.. لا تفكري في الجو فهو ممتاز إن شاء الله بس بالنسبة للأطفال تحتاجين مثل ما قلتي ملابس كم طويل وشي خفيف يغطي الراس ويغطي الأذن من باب الاحتياط فقط.

مشكووووورين ماقصرتو وبالذات نورس الدوحة يعطيك الف الف عافية

كفيت ووفيت تسلم جزاك الله الف خير

فندق الملينيوم روووعه
من كل النواحي انا من شهر كنت فيه
وكل شي قريب يمج اختى
لاتحاتين
وقطر روووعه

المشاركة الأصلية كتبت بواسطة sponge pop
http://www.arabtravelersforum.com/tr...4/#post4587294

ماقصرت اخوي غريب يعطيك العافية مااااااقصرت




و"من فرج على مؤمن كربة فرج الله علية كربة يوم القيامة"

عن نفسي ماسويت الا الواجب
بس مدري ليه وانا اقراء عبارتك اللي باللون الاحمر جاني شعور
انك منتي جالسه بمنتدي حسيت انك جالسه عند مسجد
يوخيتي احنا هنا في خدمة كل عضو وكل الاعضاء هذا هو هدفهم
يعني لا تحرجينا الله يسعدك

المشاركة الأصلية كتبت بواسطة النوريq
http://www.arabtravelersforum.com/tr...0/#post4587170

وطبعا اخونا غريب الاه معذور لانه مازار هالمكان علشان جذي ماذكره لج






بالنسبة للمطعم الدمشقي اللي ذكره اخونا غريب الاه فأنا ماأرشحه لج

صحيح الديكور حلو والخدمه زينه لكن الاكل مب حلو كأنه معلب

فعلاً مازرت المكان واذا عرف السبب بطل العجب قبل ما اروح قطر مافي احد في المنتدى وفي المنتديات المجاوره مادرى اني بروح قطر وصوتي يسمعه اللي في اخر المنتدى لكن مااقول غير قدر الله ومشاء فعل

وبخصوص المطعم عليا الملازيم غير ارشحه لو وش مايصير على رقبتي مرشحه يعني مرشحه لو الاخ عيد يبعدني عن البوابة بعد

المشاركة الأصلية كتبت بواسطة غريب الاه
http://www.arabtravelersforum.com/tr...8/#post4591258

فعلاً مازرت المكان واذا عرف السبب بطل العجب قبل ما اروح قطر مافي احد في المنتدى وفي المنتديات المجاوره مادرى اني بروح قطر وصوتي يسمعه اللي في اخر المنتدى لكن مااقول غير قدر الله ومشاء فعل

وبخصوص المطعم عليا الملازيم غير ارشحه لو وش مايصير على رقبتي مرشحه يعني مرشحه لو الاخ عيد يبعدني عن البوابة بعد

انت رشح وانا بارشح وبنشوف من اللي بيفوز

المشاركة الأصلية كتبت بواسطة غريب الاه
http://www.arabtravelersforum.com/tr...4/#post4591214

عن نفسي ماسويت الا الواجب

بس مدري ليه وانا اقراء عبارتك اللي باللون الاحمر جاني شعور
انك منتي جالسه بمنتدي حسيت انك جالسه عند مسجد
يوخيتي احنا هنا في خدمة كل عضو وكل الاعضاء هذا هو هدفهم

يعني لا تحرجينا الله يسعدك

هههههههههههههههههههههههههههههههههههههه الله ياخذ ابليسك ضحكتني وين جالسة عند مسجد لاوالله ياخوي بس انتم حقين فزعات الله يجزاكم خير وانا كتبت الحديث عشان الوحد يحتسب الاجر وهو يكتب اي مساعدة للي يحتاجها
وانا ترى مجربة في منتدى ثاني سألتهم عن سفرة كانت لي قبل هة كلللللللش مااعطوني وجه الله يهديهم كاني اطرهم وكل اللي ابغاة معلومات احتاجها مو فلوس

المشاركة الأصلية كتبت بواسطة MiSS DoHa
http://www.arabtravelersforum.com/tr...0/#post4588850

فندق الملينيوم روووعه
من كل النواحي انا من شهر كنت فيه
وكل شي قريب يمج اختى
لاتحاتين
وقطر روووعه




تسلمين اختي ماااقصرتي يعطيك العافية كلك ذوووووق

المشاركة الأصلية كتبت بواسطة غريب الاه
http://www.arabtravelersforum.com/tr...8/#post4591258

فعلاً مازرت المكان

وبخصوص المطعم عليا الملازيم غير ارشحه لو وش مايصير على رقبتي مرشحه يعني مرشحه لو الاخ عيد يبعدني عن البوابة بعد

افا عليك اخوي غريب الاه , أن ماشالك المكان انشيلك في عيونا .

المشاركة الأصلية كتبت بواسطة النوريq
http://www.arabtravelersforum.com/tr...4/#post4592264

انت رشح وانا بارشح وبنشوف من اللي بيفوز

منتظرين رأي الأخت اسبونج بوب .

اسبونج بوب , زوري المطعمين واعملي لنا تقرير عنهم و انطباعك عنهم ومن أحلى

المشاركة الأصلية كتبت بواسطة النوريq
http://www.arabtravelersforum.com/tr...4/#post4592264

انت رشح وانا بارشح وبنشوف من اللي بيفوز

ايه برشح عيل بقعد اتفرج
بعدين ترى نعرف اسلوب البنات مب ترسلين رسالة للاخت
sponge pop
وتقولين لها صوتي لمطعمي
لا عيوني لا ترى نعرف ها السوالف مب علينا ها الحكي

المشاركة الأصلية كتبت بواسطة عيد824
http://www.arabtravelersforum.com/tr...2/#post4592832

افا عليك اخوي غريب الاه , أن ماشالك المكان انشيلك في عيونا .

منتظرين رأي الأخت اسبونج بوب .

اسبونج بوب , زوري المطعمين واعملي لنا تقرير عنهم و انطباعك عنهم ومن أحلى

تسلم عيونك
يابعد قلبي والله ي عيد824 الله يرفع قدرك
مافيكم شك ولا فيكم قصور ي اهل قطر وهذي كلها سوالف بوابات على الاقل
نخلي البوبات الثانية يشوفون ان في بوابتنا فسحه وحرية في الكلام والغشمرة بين الاعضاء
احيك اخوي عيد824 على رقي اخلاقك

المشاركة الأصلية كتبت بواسطة sponge pop
http://www.arabtravelersforum.com/tr...6/#post4592576

[/CENTER]

هههههههههههههههههههههههههههههههههههههه الله ياخذ ابليسك ضحكتني وين جالسة عند مسجد لاوالله ياخوي بس انتم حقين فزعات الله يجزاكم خير وانا كتبت الحديث عشان الوحد يحتسب الاجر وهو يكتب اي مساعدة للي يحتاجها
وانا ترى مجربة في منتدى ثاني سألتهم عن سفرة كانت لي قبل هة كلللللللش مااعطوني وجه الله يهديهم كاني اطرهم وكل اللي ابغاة معلومات احتاجها مو فلوس

sponge pop
لو تسمحين لا تغلطين على ابليسي انا اللي تكلمت عليكي ماهو ابليسي

ياطويلت العمر الله يحيكي بين اخونك واهلك وكلنا في خدمة بعض

مايربطنا في ها المنتدى الا الاخوة والاحترام والتقدير لبعض

طبعاً لابد يتخللها غشمره وتعليق عشان الواحد لايمل ويروح ماعاد يرجع

المشاركة الأصلية كتبت بواسطة غريب الاه
http://www.arabtravelersforum.com/tr...4/#post4594764

ايه برشح عيل بقعد اتفرج

بعدين ترى نعرف اسلوب البنات مب ترسلين رسالة للاخت
sponge pop
وتقولين لها صوتي لمطعمي

لا عيوني لا ترى نعرف ها السوالف مب علينا ها الحكي

مايحتاي أطرش لها رسالة

باوديها المطعم على حسابي اذا جات

موجة البرد تجتاح قطر .. أختنا الفاضلة صاحبة الموضوع جهزي الملابس الشتوية الثقيلة لك ولأطفالك .. سجلت درجة الحرارة الصغرى اليوم الثلاثاء الموافق 14/12/2010 -- 17 درجة مئوية مع وجود رياح باردة مصحوبة بغبار خفيف !.

المشاركة الأصلية كتبت بواسطة النوريq
http://www.arabtravelersforum.com/tr...8/#post4596708

مايحتاي أطرش لها رسالة

باوديها المطعم على حسابي اذا جات

كفو والله

تقولين وتفعلين

عيل عيد الاضحى الجاي ان الله احينا واحياكي اعزمي زوجتي

السلام عليكم اخواني ان شاء الله الكل بخير وكيفكم مع البرررد

[size="5"][color="darkorchid"][b]عموما بس حبيت اسألكم الله يعافيكم معليش بس زوجي المحترم اهم شرط

هلا والله

أقرب فندق للملينيوم هو جراند ريجنسي

والفندق حلو بس اللوبي صغير غير عن الشيراتون والريتز لان هالفنادق منتجعات وفيها كل شي

بس جراند ريجسني فندق في وسط البلاد علشان جذي ماراح تلقين فيه مميزات الفنادق اللي في الدوحه الحديثه واللي تطل على البحر

على العموم الفندق زين وفيه قسمين ، قسم قديم وقسم يديد

القسم اليديد أفضل من القسم القديم ، انا شفت الغرف حلوه وواسعه وراقيه

"جراند ريجنسي" .... هو الأقرب للميلينيوم بس مع المشي يمكن الواحد ياخذ وقت لي يوصله يعني الميلينيوم في بداية الشارع والجراند ريجنسي في نهية الشارع .

تسلمووون ماقصرتم الله يجزاكم خييير
بس بسأل هل البريكفست حق جراند ريجنسي حلو وطعم؟ او؟


موفقين الله يوفقكم

المشاركة الأصلية كتبت بواسطة sponge pop
http://www.arabtravelersforum.com/tr...4/#post4668584

تسلمووون ماقصرتم الله يجزاكم خييير
بس بسأل هل البريكفست حق جراند ريجنسي حلو وطعم؟ او؟


موفقين الله يوفقكم



مادري ماجربناه

احنا جربنا بوفيهات الفنادق العدله مثل الشيراتون والريتز وفريج شرق

أما هذا الفندق يتهيأ لي انه حتى ماعندهم مطعم

بالعكس أنا سمعت إن العشا عندهم ممتاز .. بس باتأكد لك أكثر بكرة إن شاء الله لأن واحد من الربع قالي هالكلام كان محتفل بعيد ميلاد زوجته هناك .

ماجربته لاكن اهلي حربوه ويمدحونه بس ماعتقد كام بوفيه ؟!!

السلام عليكم،، صبحكم الله بالخير ياجماعة الخير،،
بصراااحه الفندق هذا ما أنصحج فيه لانه هو أكثر شيء للناس الي جايين ترانزيت،، ما أشجعج عليه،، بس أنصحج في الريتز والشيراتوون وريجنسي الي عند الريتز، مواقعهم وااايد حلووه وهي خمس نجووم بمعنى الكلمه وريوووق الريتز والشيراتوون ترى ماعليهم كلااام يجنن، هو الريتز أشجعج بقووه عليه صج انه بعيد ربع ساعه عن الستي وسوق واقف وباقي المجمعات بس فندق بمعنى الفخااامة، وعندج الشيراتون حدث ولا حرج بصراااحه، وريجنسي الي عند الريتز بعد واايد حلووو، فشووي خلي زوجج يفكر في هل الفنادق أحسن هي معروووفه عالمياً وما عليها كلااام،،

http://www.herosh.com


http://www.herosh.com


http://www.herosh.com


http://www.herosh.com


http://www.herosh.com


http://www.herosh.com


http://www.herosh.com


http://www.herosh.com

http://www.herosh.com

http://www.herosh.com



يضم فندق Millenium Hotel Doh موقفاً مجانيا للسيارات بالقرب من مركز Centre Point Shopping للتسوق، كما تم تزيين المنتجع الصحي بديكورات حميمة مع بركة سباحة داخلية وحوض جاكوزي وساونا وحمام البخار.
تم تزيين غرف وأجنحة فندق The Millenium Doh بالأقمشة الفاخرة والحمامات العصرية، وهي تضم أدوات تحضير الشاي والقهوة وأجهزة تلفاز بشاشات مسطحة وطاولات للعمل.
يقدم مقهى The Atrium أجواءً لطيفة لتناول شراب أثناء الاستماع إلى عزف القيثارة العذب وموسيقى البيانو، وبالإضافة إلى الحلويات والكوكتيلات فإنه ينظم سهرات بأسلوب إيطالي ومكسيكي وأسلوب مدينة هامبورغ.


ويمكن للنزلاء الاستفادة من صحيفة يومية مجانية ومكتب استقبال يفتح على مدار 24 ساعة وترّاس في الهواء الطلق يستخدم أثناء الطقس المشمس، وتوفر غرفة اللياقة البدنية أجواء عصرية لممارسة التمارين

يبعد فندق The Millenium حوالي 6.5 كيلومتراً عن المسرح الوطني. كما يمكنك الوصول إلى حديقة الدوحة للحيوانات خلال 8 دقائق بواسطة السيارة.
غرف الفندق: 226


منقول لفائدة فقط