الموضوع: استفسارات عن فندق وعن بعض المطاعم قبل السفر بليززز

مرحبا اخواني واخواتي

اول مره اروح لندن


وتابعت العديد من التقارير والشكر موصول لكم


انا نويت احجز في فندق the montcalm ومتردد بينه وبين thistle marble arch و the cumberland شرايكم؟
وحبيت اسالكم اخواني فندق the montcalm هل منطقته امنه في الليل؟؟؟؟ واعتقد انه المسافه مو بعيده بينه وبين الفندقين الثانيين اتوقع 200 متر؟
والشيء الثاني بالنسبه للمطاعم الحلال الهنديه والعربية
ابيكم ترشحون لي المطاعم الهنديه الحلوه وافضل المطاعم العربية في شارع العرب
وانا سمعت انه سكاليني ايطالي وبيلا حلوه هل في اضافات؟
وفي النهايه ابي محلات اشتري منها من لندن تكون مميزه بلندن ومش موجوده بالخليج مثل هارودز وسلفردج وبيرمارك هل في اضافات؟؟؟
والشكر موصول للجميع مقدما

مواضيع عشوائيه ممكن تكون تعجبك اخترناها لك:

• مخطط سفرتنا بمساعدة الاخوان جزاهم الله خير وأخص اخوي القطري اللي ادوشناه وتعبناه
• أرجو المساعدة ، رحلة عمل إلى لندن غداً
• نظام المطارات في بريطانيا و الرحلات الداخلية مثل امريكا؟
• تكفون فنادق او شقق فندقية لاهنتم
• زيارتي الاولى لمدينة لندن، نصائحكم
• رحلتي الى
• جدول سياحي لمدة يوم في بريطانيا
• فيزة لندن كم يوم وتطلع؟؟
• استفسار عن تعبئة البيانات في حجز الموعد
• انا واختي ، نلتقي بالمطار والا لا؟
• ممكن سوال
• سؤال عن فندق الله يعافيكم
• استفسااااار هام وعاجل للفيزا
• اليوم رحلتي واريد ان اضع النقاط على الحروف
• تكفى يا اهل ايرلندا اللي قد سافر ايرلند وله خبرة عن ايرلند طلبتكم رحلتي قريبة
• مساعدة ايام لندن؟
• مساعدة في التخطيط فديتكم
• لكل من زار بريطانيا أرجو الدخول ..
• يوم واحد بلندن
• استفسار عن الشقق في لندن

فنادق ينصح بها في لندن

1-Thistle Marble Arch طبعا هذا الفندق بالسنتر أوسع الغرف

2- Cumberland وهذا الفندق فى غرف وسيعه اللى على الزاويه بالسنتر

3- Hilton Metropole وهذا فى شارع أجورود بعيد عن الكسفورد

4- Royal Lancasterمقابل هايد بارك وحدائق كنسينغتون 4 نجوم


5- Millennium Mayfair في منطقة المايفير ويبعد عن الاكسفورد 500 متر 4 نجوم


6- Coruse Hyde Parkفندق مقابل الهايد بارك 4 نجوم


7- Indigoقريب من محطة Paddington وشارع العرب


8- Churchill Regency Hyattفندق 5 نجوم قريب من الاكسفورد


9- Radisson SAS Portmanفندق بين الاجول رود والاكسفورد 4 نجوم


10- TheMontcalmالفندق با جنب فندق الكمبرلاند بس هاذا افخم منه يعتبر 5 نجوم والكمبرلاند 4 نجوم

11- Shaftesbury Metropolis London Hyde Parkيبعد عن الاجول رود 3 دقائق مشي ومكيف
12 Best Western Mostyn hotelقريب من الاكسفورد

الفندق من تجربه ممتارز من ناحية الخدمه والطاقم جدا ودود ومتعاون واخلاق وكل ابوش
كنت حاجزه في الكمبرلاند بس كان الفرق بينهم بسيط والمونتكالم فيه واي فاي وبالنسبه لي تعتبر ميزه

المطاعم بالنسبه لي في الاجواررود مطعم سرايا اول الشارع من عند اكسفورد مافيه خرابيط المطاعم العربيه ولا شيشه وميزه لي بعد

المحلات مثل ماتفضلت بس ترى بريمارك سيء وبضاعته عاديه جدا
فيه في الاكسفورد هاوس نسيت الباقي مثل السليفردج
وفيه الماركات الفرنسيه بعد
ولاتنسى شارع الريجنت فيه بعض الماركات مثل مايكل كورس وتومي كوست وغيره

يعطيكم العافيه

واختي عشقي السفر شاكر لك التوضيح بس لو تكرمي وتقولي لي الموقع مو بعيد صح عن محطة ماربل ارتش؟ وشلون المنطقه امنه في الليل ولا لا؟؟
وننتظر الباااااقين ومشاركتهم

موقع ايش بالضبط
ومنطقه الاكسفورد وشارع العرب امنه كنت اطلع الصبح او في الليل بالحالي
بس حرص على اغراضك يعني لاتخلي الجوال على طاوله مثلا في كوفي او البوك
بس محد يحتك فيك
والمطاعم فيه عند قاب على الاكسفور ادخل يسار فيه مطعم بيتزا اكسبريس ومطعم تركي نسيت اسمه
وفيه في الاكسفورد على اليمين فتحه فيها مطعم ستيك 2 جمب بعض
والمطاعم اللي مقابله للهارودز
ومقهى وانت طالع من المونتكالم متجه للكسفورد على اليسار وفيه بعد الكمبرلاند مقهي

مشكوووووره اختي

السلام عليكم ورحمة الله وبركاته

هلا وغلا الغالي

حاليا ساكن في فندق مونت كولم وقبلها كنت ساكن في الكمبرلاند

ماراح أزيد على كلام خبرتنا عشقي سفر

الفرق بينهم كبير

المنطقه امنه فليل وكل شي حولك ولا اتحاتي

وأي خدمه إحنا تحت أمرك الغالي

وفعلا خدمة الواير لس حلوه لدرجة شابك الايباد والأيفون نفس الوقت لان بعض الفنادق يعطيك يوزر واحد وتضطر تشبك الايفون او الايباد

ووشلون الجو الحين في لندن بحكم انك فيها ؟؟؟ انا انشالله جاي على نهايه هالاسبوع هل اللبس تنصح يكون شتوي؟ ولا كيف

مرحبا ..

مثل ما قالولك بظبط وكلها في نفس المكان واختيار ممتاز ..

بخصوص مطعم سلوى هذه له قصه .. كان يشتغل طباخ عند احد الاقرباء وفي ثمانينات راحو لندن ودو معهم طباخ يطبخ لهم .. واخر يوم شرد طباخ ..
ومرت السنين الين فتح هالمطعم وصار تاجر عقب مكان طباخ
بس المطعم عادي جدا وماشوفه ينفع الاكل فيه وخاصه للعوائل .. الا بتعزم وبتسوي غدى او عشى وبتخليه يطبخ لكم في شقه او الفندق ..
تحياتي

هههههههههههههههههه

اشهد انه رامز مهب برايمارك

انت تامر الغالي

مطعم سلوى تعشينا فيه اليوم

المطعم مش 5 نجوم ترا شعبي وأخوك من جمهور المطاعم الشعبيه

مكانه طال عمرك أتخلي ماكدونالز الي في شارع أدجول رود على يمينك وأول لفه يمين أتلف منها وبتلاقي المطعم على يمينك

الحلو فيه عنده قسم للعوائل فوق وخصوصا المنقبات راح يرتاحون فيه

الجو حلو وبارد وعاده اللبس قميص نص كم وفوقه جاكيت وما ابي أقولك ترا نزل علينا أبردي اليوم

الهدايا عندك شبربوش حلو

وأي خدمة إحنا تحت أمرك الغالي

البرستيج كله ههههههه ارزاقوشاكر ومقدر حبيبي
القطري انا ما احب اطلع بعيد ابي شيء قريب مني ابي محلات رخيصه شنو تنصحني فيه لانه ماتسوى اطق مشوار لشبربوش
وادري ثقلت عليك بس المسامحه