الموضوع: عطلة نهاية اسبوع في قطر

السلام عليكم احبائي و اهلي في قطر عندي شورت بريك في قطر ويك اند شو تقترحون عليه مع العلم اني من محبي السباحة و البحر و التسوق و خصوصا العطور و الشوكولا

مواضيع عشوائيه ممكن تكون تعجبك اخترناها لك:

• ضروري يا أهل قطر مركز الخزامي للتوحد ؟
• ياناس دلوني؟
• استفسار عاجل لأحبابي أهل قطر
• سؤال حول أقرب الفنادق لجامعة قطر
• ارتفاع اسعار الخطوط الجوية القطرية
• ممكن مساعده لو سمحتو
• افضل شقق فندقية وافضل شالية
• سؤال عن موقع مركز الدوحه للمعارض
• أخواني في قطر الحبيبة
• رحلة سريعة لـ قطر
• اللي عنده خبر يفيدني
• سؤال لاهل قطر بخصوص الفنادق في قطر
• القطرية نقلت ألف راكب في الموسم الماضي من المغرب
• ضيفكم من الكويت يحتاج إلى أهم معالم قطر الحبيبة
• فنااااادق قطر تكفون يا الخبراااااء
• استفسار عن فندق شرق و سؤال عن فندق بسويت
• صــور من مـطــار الدوحـــه الجـديـد
• اريد زيارة قطر لمدة اسبوع فماذا تنصحون ؟
• كيوتل بالاشتراك مع الخطوط الجوية القطرية
• أستفسار بسيط

حدد موقفه سباحه وتسوق اممممممم ههههه لا اتغشمر معاك اخوي

طبعا تبي احسن بحر من ناحية النظافه عندك بحر الوكره وبحر الخور
احسن بحر من ناحية المنضر يعني تسبح وقدامك ابراج كانك في نيويورك هذا بحر الدفنه وفي بحرين الاول هو غزير ومايصلح للسباحه الاطفال اكثر ناس اسكوترات فيه اما البحر الثاني ليس غزير ونظيف ووحلو للسباحه
ــــــــــــــــــــــــــــ
تسوق احسن ثلاث مولات للتسوق راح ارتبلك من افضل
1 - فيلاجيو مول ( اكشخ مول وثاني اكبر مول )
2 - سيتي سنتر ( اكبر مول في قطر )
3 - لاندمارك ( ثالث اكبر مول في قطر )
ــــــــــــــــــــــــ
تبي ترفيه خبرنا وان شاء الله ماراح اقصر معاك

اذا كنت تبغي تتزلج على البحر في اماكن تقدر تخليك تتزلج على البحر بالبرشوت او بدون طبعا في اللولوه وعندك الحي الثقافي ايضا بحره عجيب ولكن دخول الشاطى ب 100 ريال وتقدر تاخد جوله في يخت صغير حول مدينة الدوحه لمدة 3 ساعات ب 1200 ويوفرون لك كل ادوات الصيد لو حبيت تصيد وتقدر تسال عن مكتب اليخوت في اللولوة ايضا

تحياتي لك

السلام عليكم ورحمة الله وبركاته،،
يعطيك العااافية أخوووي، الربع ما قصروا معااك بصرااحة عطووك المعلومات
وأزيد عليهم بعد عندك مسيعيد (بحر سيلين) تقدر تسبح وتركب البااانشيات وتشوف الاستعراض يوم الجمعة الخاص في الشباب وهم يضربون الطعوس بالبانشيات ومواترهم وتقدر تزور الخيمة الشعبية الي توفر لك الاكلات الشعبية ولو عندك يهال راح يستانسون في النطاطيات الموجودة في الخيمة الشعبية ولو حبيت تشوف تجربة التطعيس وتدخل داخل لين العديد ممكن ترتبها مع احدى شركات السياحة الي تلاقي بروشراتها موجودة في الفنادق هل الشركات تاخذك في رحلة سفاري وتخليك تجرب التطعيس وبعدها تاخذ على المخيم الخاص بها ويكون في حفلة باربكيو وممكن تسبح في الشاطىء الموجود عند مخيم الشركة، وهذا كله راح يكلفك من 250 إلى 300 ريال فقط.
أتمنى أني أكون أفدك أخوووي،،،

أنا أقول لك اسكن في فندق يطل على البحر

مثل الريتز أو الشيراتون أو الماريوت

كلها فخمه وتطل على البحر

بس أفخمها الريتز

بالنسبة للمجمعات التجارية عندك السيتي سنتر وفيلاجيو واللاند مارك

وبالنسبة للأماكن السياحيه عندك الكورنيش وسوق واقف وكتارا ( الحي الثقافي ) وجزيرة اللؤلؤة

هالاماكن وايد حلوه ولازم تزورها اذا جيت

بس لان انت ماعندك الا ليلتين علشان جذي لازم تنظم الجدول وتختصر الوقت

مثلاً روح للكورنيش وسوق واقف في نفس اليوم لانهم في نفس المنطقه

واليوم الثاني روح الحي الثقافي وجزيرة اللؤلؤة لانهم جمب بعض

وبالنسبة للشوكولا عندك مقهى اسمه شوكلت بار في اللؤلؤة شكله حلو بس انا ماجربته لاني مااحب الشوكولا

وبالنسبة للعطورات اللي عندنا نفس اللي عندكم بس عندك عطورات الجزيرة حلوه وموجود هالمحل في المجمعات التجاريه

هلا اخوي .. الأخوان ما قصروا بس فيه بعض الملاحظات عندي أستخلصها من آراءهم ..

في البداية أنا مستغرب من إنك ممكن تسبح في مثل هالجو البارد !! .. هالأيام الجو كلماله ويبرد يعني أفضل إنك تسكن في فندق مثل الرتز متوفره فيه بركة سباحة وأعتقد إن فيها تدفئة (مجرد استنتاج) ..

بالنسبة لبحر الوكرة .. صعب عليك لأن هناك أعمال بناء وتحديث للشاطئ .. وكذلك الخور فيه بعض الصعوبات للوصول هناك أو أنه غير مهيئ للسباحة ولكن قبله تقع منطقة (سميسمة) تقع على شاطئ جميل يحظره الكثير من الناس في نهاية الأسبوع ولكن ليس لدي علم عما إذا كان يصلح للسباحة!.. وعلى كل حال تعتبر جميع المناطق التي ذكرتها هي مناطق بعيدة عن مدينة الدوحة وسوف تجد بعض الصعوبات في الوصول إليها .

وإذا كان ولا بد من البحث عن شاطئ آمن وهادئ فأقترح عليك أن تسكن لبضعة أيام في (شاليهات سلين) وهناك تجد كل ما تريد من نزهة وترويح عن النفس وممارسة السباحة بشكل آمن ومريح حيث الشاطئ بالقرب من الشاليه مباشرة ويوجد في الشاليه أيضاً بركة سباحة مستقلة .. يعيب المكان أنه بعيد عن مدينة الدوحة فقد تستغرق العودة إلى مدينة الدوحة (نصف ساعة) أو أكثر بقليل .

أما بالنسبة للحلويات والشوكلاته فهي متوفرة في أغلب المجمعات التجارية مثل (المول) (اللاند مارك) (فيلاجيو) (السيتي سنتر) ... الخ .

الى اخواني الكرام نورس الدوحة النوري عبدالله منصوري بوسعد و the rook مشكورين و ما قصرتو قدرت اجمع فكرة عن احلى الاماكن و انا افضل اكون في الدوحة لاني ما اعرف وايد عن قطر و اظني بسمع شور الاخ نوري اظن ايناسبني و اخي نورس الدوحة لا تستغرب اتعودنا السباحة في عز البرد عادي و بعدين وقت الظهر ايكون الجو معتدل وايد يصلح للسباحة و انا اخوك

المشاركة الأصلية كتبت بواسطة هونتلار
http://www.arabtravelersforum.com/tr...6/#post4657226

الى اخواني الكرام نورس الدوحة النوري عبدالله منصوري بوسعد و the rook مشكورين و ما قصرتو قدرت اجمع فكرة عن احلى الاماكن و انا افضل اكون في الدوحة لاني ما اعرف وايد عن قطر و اظني بسمع شور الاخ نوري اظن ايناسبني و اخي نورس الدوحة لا تستغرب اتعودنا السباحة في عز البرد عادي و بعدين وقت الظهر ايكون الجو معتدل وايد يصلح للسباحة و انا اخوك




أصلا قطر مافيها غير الدوحه

وأي إستفسار عندك أنا حاضره

على العموووم حيااااك الله أخوووي،،
النوري شكلك عااايش في المريخ مب في قطر خخخخخخخخ
شلون قطر مافيها غير الدوحه، شكلك ماتروح صوب الخوور وفندق السلطان الموجود هناك، وعندك الاستراحات مليانه في منطقة الشماااال،، شكلك يبغي لك جدول ننظمه لك النووري عشان تزور قطر خخخخخخخخخخخخخخخ

صحيح افضل فندق انا انصح فيه الفور سيزن

لان السبا يكفيك انك تقعد بالفندق يوم كامل ولا اتحس بالوقت