بسم الله الرحمن الرحيم
وكل عام وانتم بخير . والله يسعد كل من يمر على هاذا الوضوع . وتحيه عطره الى اعضاء وزار المنتدى
اولا اخوي سديراوي اذا كنت لوحدك لاتسكن النخيل لانك بتطفش وتكون المواصلات عائق كبير لانه
التاكسيات برا المنتجع وتكون اغلى واذا استأجرت سياره المسافات بعيده شوي عن وسط المدينه
فأنصحك بفندق والفندق اللي تقول عليه موقعه ممتاز لاكن ماسكنته ولا شفته من الداخل لاكن عنوانه
جيليز الشارع اللبناني
ومراكش حلوه لاكن ابي اعطيك معلومه ترى الاسعار في راس السنه ترتفع وتكون غاليه شوي اعمل
حسابك
بالنسبه للسكن عندك فندق البرج حلو وسكنته وخمس نجوم واسعاره من 800 الى 1100 درهم وانت
واسلوبك وموقعه يعتبر في المنطقه الراقيه في مراكش
والنخيل عندك مكتبين الدرقاوي وتقدر تكاسرهم على الاسعار بالنسبه للشقه وعندك من 1000 الى 1200
وحسب المده
المكتب الثاني الجولف بالاس واسعارهم ثابته اقل من ثلاث ايام 1350 اكثر من كذا 1260 درهم
اما بالنسبه لأخوي فانت انت وعائلتك نهائيا لاتسكن النخيل واذا سكنت ياويلك مني ولا تسألني عن
الاسباب انصحك تسكن في فندق اسمه رياض موكادور خذ سويت لك انت ولمدام وغرفه للاولاد ويكون سعر
السويت والغرفه مايتجاوز 1000درهم فندق محافض وبعد الساعه 12 بالليل يسكرون الباب ومايدخل الا نزلاء
الفندق وتروح للاماكن التاليه
جامع الفنا وتروحله قبل غياب الشمس بساعه
تروح الى علي بن الفلاح الفلكلور المرابطي القديم تراثهم قبل
تروح الى اوكيمدن منطقة عاليه تبعد ساعه بالسياره فيها ثلج وتزلج
تروح الى جيليز تمشيه في النهار
تروح الى شارع فرنسا تمشيه ومقاهي في الليل او العصر على غياب الشمس
تروح المناره ومو ضروري لأنها ماعجبتني بس شفها يمكن تعجبك
تروح تتعشى بمطعم افريقياء على طريق كازا تشوف مجتمعه فيه وبتستانس على مسؤليتي
ملاحضه اذا جيت جامع الفنا فيه الساحه وفيه اسواق شعبيه لاتنسى تمرها
ونصيحه مني لك مادام انت وعائلتك استأجر سياره افضل وارخص والبلد سهله ماتضيع فيها
واذا فيه اسئله انا حاضر واتمنى اوقات سعيده للجميع تقبلوا تحياتي
واذا فيه مجال ارجو دعواتكم
.
المفضلات