الموضوع: ابا اسألكم عن بينانج

السلام عليكم
انا حاجزة نروح ماليزيا بعد3اسابيع
بنجلس في كوالالمبور 3ايام
بعدين جزيرة بينانج بنروح فابا اسأل
في باصات او قطارات تنقل من العاصمة للجزيرة؟وكم المدة تحتاج؟ وناويين نحجز في فلامينجو ايش رايكم فيه هل هو قريب من المناطق السياحية؟

وبعد الجزر بنرجع العاصمة ايش الفنادق اللي زينة وقريبة من مناطق التسوق وشارع العرب؟

مواضيع عشوائيه ممكن تكون تعجبك اخترناها لك:

• مساعدتكم بخصوص جدول الزيارات ضروري
• مساعدة بحجز الطيران ؟ الرجاء الدخول
• نداء عاجل الى خبرا ء ماليزيا مسافر جديد الى ماليزيا
• أرجو المساااعدة
• استفسار
• فندق فرنجباني ام هوليدي فيﻻ بلنكاوي
• رأيكم جدول رحلة شهر العسل صيف
• خبراء ارجوا دخول
• فزعتكم لاخوكم ل
• الفيزه في يدي والحجز حالياً بس استفسار بسيط عن الفنادق
• مره اخرى عن ماليزيا ؟
• استفسار عن غرف الفنااااادق
• استفسار عاجل حول موعد الخروج للمطار
• لانكاوي بين التكاسي واستئجار سيارة
• ايهما افضل الراجحي او
• شهر عسل من عرعر الى جده الى كوالا لمبور اول مدينه سيلانجور
• ضروري تكفون باقي فندق لنكاوي ، أبي كوخ وما عرفت الفندق له أكثر من عنوان
• إستشاره قبل عيدية ماليزيا لخبراء ماليزيا
• اخوكم اول مرة يزور ماليزيا ارجو المساعدة في خطة شهر العسل
• لنكاوي ويستن او برجايا او فرنجي او بيلانجي الوقت يداهمني

أهلا ( الطيف ) ...

من كوالا إلى بينانغ ... الأفضل باص ( نايس أو إيرولاين ) والمسافة أربع ساعات ..

الباص تحجزوه من محطة ( كي أل سنترال ) بوسط كوالا ... والأفضل تحجزون الباص قبل الرحلة بيومين

وفي كوالا ... أرشح لكم ( ماريوت ) أو ( رويال شولان ) أو ( جراند ملينيوم ) ...

http://img525.imageshack.us/i/26481010.png/

تسلم واي ع الرد
بس في بينانج وش رايك ف فندق فيلامينجو؟؟؟؟

هلا والله ...

فندق ( فلامنجو ) نظيف ورائع وموقعه مميز ... على الشاطيء مباشرة

أنا سكنت فيه ( ثلاثة أيام ) ... وأعجبني جدآ ...

يمكن عيبه الوحيد ... أنه يبعد عن ( باتوفرينجي ) عشر دقايق بالتاكسي ...

طبعا إذا الميزانية مفتوحة ... أرشح لكم في بينانغ ( قولدن ساندس أو بارك رويال ) ..

http://img525.imageshack.us/i/26481010.png/

طيب
اش رايك في هذا سعره حلو بس ابا اطمن اكثر
Copthorne Orchid Hotel Penang

او هذا

Hydro Hotel Penang

كيف مواقعهم بالنسبة للشواطئ ومراكز المدينة

أهلا بالطيف ...

الفندقين المذكورة ماأنصحكم بها ...

أنصحك بالبارك رويال أو هوليدي إن ...

وإذا بغيتوا فنادق أقتصادية ... الفلامنجو أو باي فيو بيتش ...

http://img812.imageshack.us/i/84499932.png/

لا انصحك بتسكن بهذا الفندق Copthorne Orchid Hotel Penang
عاااااااادي ولا يوجد عندهم شاطئ

مشكورين عالنصايح

يا جماعة اش رايكم في منطقة جورج تاون في بينانج مناسبة للسكن والسياحة
ولا الافضل نروح جهة الشواطئ
بغيت احجز بس احترنا وين الاماكن الافضل
اش ميزة السكن فيهم

المشاركة الأصلية كتبت بواسطة الطيف2006
http://www.arabtravelersforum.com/tr...3/#post6993593

يا جماعة اش رايكم في منطقة جورج تاون في بينانج مناسبة للسكن والسياحة
ولا الافضل نروح جهة الشواطئ
بغيت احجز بس احترنا وين الاماكن الافضل
اش ميزة السكن فيهم




نصيحه لو مابتسكن في شاطئ الباتوفرنجي فلاتروح لبينانق

الميزه انها جزيرة والسكن علي الشاطئ افضل ليش اسكن وسط المدينه و انا بجزيره

لو بتسكن و سط المدينه فكوالالمبور افضل و ارقي

شو رايكم في فندق باي فيو اللي في جورج تاون
شكله حلو ومطل عالبحر

أهلآ أختنا الكريمة ..

بصراحة ماأنصحك بفندق ( باي فيو ) جورج تاون

لأنه بعيد عالبحر ... موقعه مزعج جدآ ... في حي كله صينيين ...

أنصحك بالسكن في ( هوليدي إن أو باي فيو بيتش ريسورت أو بارك رويال )

http://img855.imageshack.us/i/64620349.png/

تسلم اخي وافي ما قصرت

اذا ما تسكن في فندق قولدن ساندس فانت ضيعت الكثير من المتعه في بينانق
الفندق مستواه عالي جداً هذي المره الثانية الي اسكن في هال فندق وكل مره اجمل من الثانية..
الفندق فخم جداً هو صحيح اربع نجوم ولكن تصنيفه يفوق ذلك بمراحل..
فعاليات الشاطئ وقربه من السوق الليلي تجعل الفندق خيار ممتاز للسكن فيه..
وبالنسبة التنقلات من الفندق للجورج داون تاون الفندق يوفر خدمة باصات الشتل يوميا وبعدد أربع او خمس مرات رحلات مجانا ذهاب وعوده..
وغير ذلك عندك الباصات النقل العام جميلة جداً وحديثة شبيهه بباصات لندن ورخيصة جداً للتنقل داخل بينانق أغلى رحله من الفندق الى المطار الشخص 4 رنقت
ومن الفندق "الباتوفرنجي" الى الجورج تاون ب 2.70 رنقت..
لذلك لا تفوت السكن في منطقة الباتوفرنجي يوجد بها اكثر من فندق لكن ارشح لك شانغرلا قولدن ساندس وبقوه..

المشاركة الأصلية كتبت بواسطة الطيف2006
http://www.arabtravelersforum.com/tr...9/#post6994759

تسلم اخي وافي ما قصرت

العفو ... وبالتوفيق لكم يارب

المشاركة الأصلية كتبت بواسطة الطيف2006
http://www.arabtravelersforum.com/tr...9/#post6993819

شو رايكم في فندق باي فيو اللي في جورج تاون
شكله حلو ومطل عالبحر



هذا الفندق سكنته مع عائلتي
رووووعه وعلي الشاطي علي طوووول وقريب جدا من اماكن اسواق متناثره ( نسيت اسمها )
وبجانب مطاعم كثيره

بصراحه هالفندق حلووووو وسعره مناسب وفيها جلسات حديقه قبل لا توصل للشاطي ( العاب وتاجير جيتي سكي وحجز رحلات بحريه )
وفيه ايضا حضانه اخلي عيالي الصغار يلعبون فيها تحت اشراف معلمه

واتذكر بالليل نجيب عشاء من برا ونقعد بالحديقه مقابل الشاطئ ونسهر

بصراحه مكان روووووعه

ترا اقصد بي فيو بيتش اللي عالشاطي

واذا تبي فندق بكواللمبور وقريب من شارع العرب ماريوت وفيه ايضا فندق استانا حلوو وارخص بس مشي 5 دقايق لشارع العرب

وفيه فندق روووعه سكنته وقريب نوعا ما من شارع العرب اسمه برجايا تايم سكوير
فيه غرف وشقق انا سكنت بشقه غرفتين
الرسيبشن بالدور الرابع عشر واللي فوقه كله غرف وشقق
وجميع الادوار اللي تحت الرسيبشن كله اسواق ومحلات وعروض نسائيه ( بنت تلبس فستان وتمشي في بست
وناس وصحافه يصورونها نفس اللي نشوفه بالتلفزيون خخخخخخخ )
وفيه بعد دور خاص بالمطاعم ودورين كلها العاب اطفال


كنت ماشيل هم التسوق والالعاب
اخلي المدام تضغط علي الاسانسير وتنزل تحت وعندها 10 ادوار كلها تسوق
وكذلك الاطفال اللي يبي يلعب ينزل واذا شبع يرجع للشقه ( يحطون لزقه علي اليد عشان 24 ساعه تلعب )

شكرا اخ كويتي
ماشاءالله كفيت وويت
واشكر الجميع عالمرور الطيب
ان شاءالله بخلص حجوزاتي وبرجع اشاوركم في البرامج اليومية