السلام عليكم ورحمة الله وبركاته,بعد التحية والأحترام /
راح أطرح في هالموضوع مايحتاجه المسافر العربي إلى الصين من تنبيهات وكلمات صينية وبعض الأرقام المهمة .. اللي ممكن تفيدك في الصين /
- شيء مهم لا بد إن يكون كل أهتمامك قبل خروك من إي مكان وهو إن تتوكل على الله .
- كلنا نعرف إن "المال السايب يعلم السرقة" لذلك أحذر على أمورك المهمة .. خصوصاً في المناطق المزدحمة زي المتور .. ألخ,لإن تكثر فيها عمليات السرقة.
- جوانزوا,ولأن أكثر المسافرين العرب يروحون لهالديرة .. أنتبهوا من بعض الصينين هناك
وبالنسبة لي أعتبرهم من أسوء الصينين تعامل هم أهل جوانزوا ,
وفي جوانزوا كذلك .. أحذر بعض الأفارقة وبعض العرب ... عموماً في هالديرة خلك حذر بزيادة ما أبّي أخوفكم بس هالديرة مقارنة بباقي مناطق الصين,تُعتبر سيئة بالنسبة لي ع الاقل.
- أحذر تبديل العملة,بحيث يكون معك .. 100 كواي ع سبيل المثال .. وتعطيها راعي البقالة وتأخذ منه غرض .. وفي سهوة منك ممكن يحول الـ 100 كواي حقتك .. إلى 100 كواي مزورة عنده ويقول لك فلوسك مزورة .. لذلك خلك ع بينه من إن يصير لك هالشيء .. وإذا صار لك هالموقف أطلب الشرطة ولا عليك فيهم خصوصاً إذا كنت واثق من فلوسك ,لإن الشرطة الصينية متعاونة مع الأجانب ورقم الشرطة /110
ولا تتوقع إن الصينين المتواجديين حول المكان راح يفزعون لك .. لإن الشعب الصيني بطبعه شعب مايحب يقروش نفسه .. لذلك إذا حصلت لك مشكلة ولا شيء وطلب الشرطي عنوانك .. أبحث عن إي شخص لا يعلم عن المشكلة وعطه الجوال وخله يوصف لهم .. وممكن تحصل رفض لكن حاول في كذا واحد .
- بالنسبة لتحويل الفلوس .. إذا بتحول دولار أنصحك بالتحويل من أحد بنوك الصين مثل بنك أو تشاينا ألخ ... لإنها أضمن وأفضل لك .
- في التاكسي .. كن حريص ع أخذ الأيصال بعد الخروج من التاكسي .. لإن الأيصال مهم لك ويفيدك خصوصاً إذا نسيت شيء في التاكسي .. لا تكون مستعجل وأحرص ع الأيصال,وحتى تكون على بينه بالمبلغ المطلوب منك .. لإن بعضهم وقليل هم يحاول يستغفلك كسائح وينتف ريشك .. وحسابك يكون 50 كواي يقولك 100 .. لذلك أحرص ع الأيصال .
- الصينيين بشكل عام شعب محترم,وبحكم معاشرتي لهم شفت هالشيء .. بس أحرص ع الابتسامة معهم,خصوصاً من يستحقها .
وحاب أعرفكم ع التحية الصينية وهي / ني هاو .. وردها يكون ني هاو كذلك
وإذا عملك حاجة حلوة الصيني .. حاول تشكره .. وشكراً باللغة الصينية تكون / شيشيا ني xiexie ni
... إذا فيه إي أضافة تطري علي راح أضيفها,وأتمنى من بقية الأعضاء الخبراء في الصين مساعدتي في هالجانب
وتحيتي للجميع .مواضيع عشوائيه ممكن تكون تعجبك اخترناها لك:
- ممكن مساعده
- استفسار عن مصانع الالعاب
- الممنوعات في الصين
- هاااااااااام لذوي الاختصاص
- زيارتي لمطعم فينيسيا الرااائع
- بخصوص البلاك بيري
- حد جرب يصنع فكره في باله في الصين
- الفيـــزا الصــينــيـه والدخول الـى هـونـج كـونـج استفسار عاجل
- شكر خاص الى الاخت سارونه من الصين
- سؤال مهم لكل شخص بيروح الصين
- مترجم صيني إحذروا هذين الرجلين عند ذهابكم إلى جوانزو
- ياجماعه ارجوووو المساعده
- استفسار عن كوانزو
- مسافر الى هونق كونق ومكاو وشينزن وابغى مشورتكم يالغاليين
- بالنسبه للفيز ضروري
- هل تصلح الصين للأطفال؟؟؟؟
- خبراء الصين احتاج مساعدتكم
- نصايحكم ابغي اثث فيلا العمر من كوانزو واول مره اسافر لها ومافي وقت
- تصنيع الزل
- الكتالوج الصيني باللغة العربية مارايكم فيه
المفضلات