الموضوع: فزعتكم يا اهل قطر طلب المسافة

السلام عليكم ورحمة الله وبركاته

انا جاي بكرة قطر بالطيارة صد ورد يعني احضر المباراة وارجع

ابي منكم خدمة الطريق من المطار الى ملعب الريان كم يستغرق وقت بالكثير

وبالنسبة للعودة للمطار من الملعب كم الوقت بعد في عز الزحمة رحلتي بعد المبارة 9.30 والمباراة تبدأ 4.15

هل يمديني مع العلم ان الشيك ان قبل الرحلة بساعتين

تكفون ردو بسرعة ولكم الشكر

مواضيع عشوائيه ممكن تكون تعجبك اخترناها لك:

• ياحلوين صحيح ان سينما سيتي سنتر اقفلت
• ابي فندق نظيف وجيد في الدوحة
• اطلب معلومات بسيطه عن قطر
• ليلة خميس
• هل يمكن للنساء الإعتماد على الحافلات العمومية في الدوحة ؟
• فندق بالدوحه جاكوزي بالغرفه
• فـي قطــر
• × ، من تصويري ، ×
• الدوحة تتجمل لاستضافة آسياد
• سؤال عن الجو
• تم الحجز وابي آرائكم لاهنتوا
• فندق موفنبـ ـيــك الدوحـة
• إلى أهل قطر الاعزاء
• مسيعيد ممكن يا اخوان احد يفيدني عن هالمنتجع الساحلي
• قررنا زيارتكم لكن
• أبغى منكم طلب يالنشاما يا أهل قطرر
• قــــلاع قـطــر حـصـــون لـلـحـمـايـــــــة
• محتار فندق كورال الدوحه او باست وسترن او امبريال سويس
• التاشيره والسفر الى قطر من اجل ملتقى علمي
• يا اهل قطر الكرام ابي افضل الشاليهات العائلية

الساعه كم بتوصل قطر ؟


والمباراة كم مساحتها الزمنية ؟

بوصل بدري مو مشكلة الساعة 11 الظهر

بس اهم شي عندي العودة الى المطار المباراة تخلص 6.15 تقريبا

ان شاء الله يكفيك الوقت

بس حط في بالك ان اذا خلصت المباراة بتكون الشوارع زحمة يعني يمكن توصل متأخر وتروح عليك الطيارة

علشان جذي اذا خلصت نص المباراة وانتوا خسرانين خذ جوازك بسرعة وروح المطار

وعليكم السلام ورحمة الله وبركاته
ترى اشقائنا القطريين فرحانين بالفوز الاول للخليج بالبطولة ولهم العذر بالتأخير بالرد
بالتوفيق اخوي العزيز لك .

انا بقولك شغله اخي ان كان المنتخب السعودي مستواه كعادته متذبذب انصحك قبل نهاية المباراة على الاقل بنصف ساعة عليك بالخروج من ملعب الريان للتوجه للمطار وعلى فكرة لا تنسى بعد وصولك الساعة 11 وانت بالمطار حاول انك تأخذ البوردينغ كارد لانه بيخليك تكسب وقت اكثر لان مادام معاك ورقة صعود الطائرة يكسبك وقت اكثر وفيه شغله مهمه ما تطرقة لها وهي وصولك لملعب المباراة هل هو بسيارة ايجار ام تاكسي وهل بتحصل تاكسي بالملعب ؟ هنا السوال المهم
وكان الله بعونك لانك بتكون على اعصابك تفكير بالنتيجة وتفكير بوقت صعود الطائرة
واخيرا ان حصلت رحلة اخرى متأخرة او صباح الغد الجمعة احسن لك ترى من هالشحططه لانك احتمال تلاقي وقت وصولك لقطر هناك خيارات اكثر ان شاء الله لك.

ومع العلم انني كنت ناوي اجي للمباراة بالسيارة ولاكن استخرت لاني اتوقع ان النشاما بيسوونها فينا ويفوزون رغم النقص والاصابات المتعددة لديهم وما كل تغيير بيجيب نتيجة ايجابية حتى لو كان تاريخ السعودية السابق نجحت معه التغييرات .

توصل بالسلامة سالم وغانم ويا ليتك ما تتعنا عشان الصنقور الخضر اقصد الصقور الخضر .
نسيت اقولك شي وهو اوقات الطيران بتلحق على الطيارة بمجرد وصولك قبل ساعة وليس اكثر ان شاء الله بس الله يستر عليك من زحمة جماهير السعودية لانها بتكون اكبر حضور لمباريات البطولة وهناك تسجيل للحضور ينتهي الساعة العاشرة بملعب الدمام الليلة للباصات القادمة

ألروحه مو مشكله بس من بعد 5 الى 7 الشوارع موت بس لاتخاف اذا انت من الرياض ولا جده زحمتنا بالنسبه لكم ولا شي

الله يعطيكم العافية بس ما احد قال لي كم المسافة بالكيلو والساعات

أنا أشوف إن الوقت كافي جداً يعني وصولك بيكون الساعة 11 .. و الإقلاع بيكون الساعة 9:30 مساءاً يعني تكون في المطار قبل الإقلاع بساعتين يعني الساعة 7:00م أو 7:30م تكون في المطار ماعندك مشكلة إن شاء الله..

المباراة تبدأ الساعة 4:00م وتنتهي الساعة 6:00 م .. والمسافة بين ملعب الريان والمطار ممكن تاخذ منك ساعة مع الزحمة أو ساعة وربع بالكثير .. يعني بعد إنتهاء المباراة قد تسلك طرق مختصرة إن شاء الله مع سائق التاكسي الذي قد تجده بالقرب من البوابة بإذن الله وتصل المطار في تمام الساعة السابعة أو السابعة والنصف بالكثير يعني بتكون في المطار قبل الإقلاع بساعتين كما هو مطلوب منك.. وأمورك سهالات إن شاء الله .

بشر !

شصار ؟

المشاركة الأصلية كتبت بواسطة نورس الدوحة
http://www.arabtravelersforum.com/tr...0/#post4726630

يامرحبابك بين أهلك وأحبابك .. وهاردلك تعوضونها في مناسبات ثانية إن شاء الله باقي لكم مباراة مع اليابان نتمنى لكم الفوز فيها لاثبات أنكم لازلتم كما عهدناكم (الأخضر لي لعب بركان يتفجر غضب ) .. وبالتوفيق إن شاء الله .



عاد الحين لو يفوزون 10 - صفر

مافي أمل يتوفقون ويتأهلون

التشمت مب زين لا يبلينا الله مثل ما بلاهم .. وبعدين يعني من زين لعب منتخبنا ترى آخر فوز له كان مجرد حماس اللعب الصج مع الكويت والباقيين .. ومطلوب من المنتخب يفوز في كل المبارايات وهذا من وجهة نظري مستحيل !!.

ياما منتخبات ما فازت ويوم لعبت في بلادها خذت الكاس يعني جات على قطر ؟؟.. عندك الإمارات فازت بكاس الخليج في بلادها .. وعمان عمرها ما فازت بكاس الخليج ويوم جات الدوره في بلادها فازت بالكاس .. وكذلك قطر .. عموماً .. عموماً الله يوفق العنابي في مهمته الصعبة جداً .. ويعوض أهل السعودية خسارتهم ويتوفقون في بطولة ثانية والله ينصرنا مع الكويت، اللهم آمين.