+ الرد على الموضوع
النتائج 1 إلى 19 من 19

الموضوع: محتاج مشورتكم في اختيار فندق مناسب لليلة واحدة او اثنتين على حسب البرنامج

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    محتاج مشورتكم في اختيار فندق مناسب لليلة واحدة او اثنتين على حسب البرنامج


    السلام عليكم

    اخواني محتاج فندق ممتاز ونظيف وخدماته ممتازة ويكون من فئة اربع نجوم قريب من الخمس نجوم او فندق من فئة خمس نجوم ويكون سعره مناسب..... واهم شي الموقع يكون يا على الكورنيش او قريب سوق واقف.....

    هناك فنادق لقيتها في البوكينج مثل برج الموفنبيك
    وفيه فندق ما عندي عنه معلومات ابد وما حصلته في البوكينج وهو فندق بسم الله والي اعرفه عنه انه في سوق واقف....

    اذا فيه خيارات انسب ياليت تلوني عنها وعن اسعارها....

    السكن شخصين وطفل عمره سنتين ونصف....

    واذا فيه طريقة حجز افضل من البوكينج.كوم ياليت تنورونا فيها.....

    واذا عندكم برنامج حلو يناسب يوم وليلة تكونون خدمتوني كثير....

    كل البرنامج اللي عندي هو سوق واقف ونصحت بزيارته نهاراً وزيارة اخرى مساءً
    وكذلك فيلاجيو مول و اللؤلؤة مول....

    والزيارة راح تكون في تاريخ 6 فبراير

    أعتذر لكم كثرت كلام وبشكل غير مرتب

    دمتم بكل الود

    اخوكم خالد

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    بحط قريبا جدول حلو لزيارة الاماكن السياحيه

    ام الفندق او شقه عندك
    هوليدي فيلا

    ممتاز

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    يعطيكم العافية على التعقيب والمشورة

    عندي سؤال وش رايكم في فندق ريتاج الدوحة هو خمس نجوم ويمدحونه كثير....

    والنسبة لجدول زيارة مبسط على افتراض اني راح اكون بالدوحة باذن الله في الساعة 12 بعد الظهر...

    ناوي ازور فيلاجيو عشانه في البداية وناوي اتغدا فيه وبعدها بطلع كتارا وفي الليل بطلع سوق واقف على المغرب تقريباً وراح اتعشى هناك....

    وبعدها على الفندق وفي الصباح ما ادري وين اروح هههه بس من ضمن البرنامج زيارة سوق واقف في الظهر عشان اتغدى هناك وبعدها راح اكون في اللؤلؤة مول باذن الله وفي بالي اروح حديقة الحيوان لكني اني عارف افضل وقت لزيارتها..... وفي نهاية اليوم راح العودة للأحساء....

    اتمنى منكم ترتبون لي البرنامج اللي فوق مع اضافة اي مكان مناسب حاب استقل كل ساعة في خلال زيارتي للدوحة الغالية.....

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    فندق رتاج خمس نجوم ومب غالي

    أعتقد بيعجبكم

    وأشوفك ياخالد دايما مركز على سوق واقف

    ترى في أماكن كثيره تستحق الزياره في الدوحه

    وسوق واقف مجرد مكان واحد من هالأماكن

    ومن رآيي تمددون في الرحلة شوي لانه يوم واحد مايكفي

    بس لو بتقعدون ليلة وحده مثل ماقررت تقدرون تمشون على نفس الجدول اللي انت اقترحته بس باحاول أفصله لك أكثر وأضيف أماكن يديدة :

    أول شي تروحون فيلاجيو الظهر وتتمشون وتتغدون فيه وتدخلون فيلم لو تبون ( الوقت من الساعه 12 لين الساعه 4 )

    وعقب العصر تتمشون في حديقة اسباير اللي جمب فيلاجيو ( من الساعه 4 لين خمس )

    والمغرب تمرون على الكورنيش بالسياره وانتوا رايحين الحي الثقافي وتتفرجون عليه وتشربون كرك ( من 5 ونص لين الساعه سبع ونص ) وتقدرون تقعدون في كوفي شوب أو تزيدون الوقت لو عجبكم المكان

    وعقب بالليل تروحون سوق واقف وتتعشون ( من الساعه ثمان لين الساعه 10 ) وحط في بالك انكم بتتمشون وبتتفرجون على السوق

    وعقب روحوا الفندق وارقدوا نص يوم

    علشان يطلع منكم تعب السفر

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة النسر المهاجر
    http://www.arabtravelersforum.com/tr...6/#post4803786

    يعطيكم العافية على التعقيب والمشورة

    عندي سؤال وش رايكم في فندق ريتاج الدوحة هو خمس نجوم ويمدحونه كثير....

    والنسبة لجدول زيارة مبسط على افتراض اني راح اكون بالدوحة باذن الله في الساعة 12 بعد الظهر...

    ناوي ازور فيلاجيو عشانه في البداية وناوي اتغدا فيه وبعدها بطلع كتارا وفي الليل بطلع سوق واقف على المغرب تقريباً وراح اتعشى هناك....

    وبعدها على الفندق وفي الصباح ما ادري وين اروح هههه بس من ضمن البرنامج زيارة سوق واقف في الظهر عشان اتغدى هناك وبعدها راح اكون في اللؤلؤة مول باذن الله وفي بالي اروح حديقة الحيوان لكني اني عارف افضل وقت لزيارتها..... وفي نهاية اليوم راح العودة للأحساء....

    اتمنى منكم ترتبون لي البرنامج اللي فوق مع اضافة اي مكان مناسب حاب استقل كل ساعة في خلال زيارتي للدوحة الغالية.....




    على فكره مافي شي إسمه اللؤلؤة مول

    عندنا جزيرة اللؤلؤة وعندنا مجمع اللولو

    لو سألت حد عن مجمع اللولو بتلقى نفسك في جمعية كبيره وكلها هنود على مدار الساعه وعلى مدار السنة

    علشان جذي المكان اللي انت تبيه هو جزيرة اللؤلؤة وليس اللولو مول

    بس حبيت أنبهك على هالشي علشان ماتتوهق إذا رحت

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    مشكور يالغالي كفيت ووفيت

    ملاحظات حلوة وبرنامج أحلى...

    وشكل المقصود جزيرة اللؤلؤه بس أنا ماجمعت كثير....

    ويقولون أهل مكة أدرى بشعابها ,,, وانا أقول أهل الدوحة أدرى بدريتهم,,, لذلك راح أتبع نصيحتك يالغالي وبخلي سوق واقف زيارة وحدة فقط وأذا كانت حديقة الحيوان قريبة وحلوة راح أعوضها بدال الزيارة الثانية لسوق واقف....

    لكن وش أنسب وقت,,, لأني بخليها عشان ولدي الصغير يحب يشوف الحيوانات ويوسع صدره أشوي....

    وبالنسبة للتقرير أبشر يالغالي مع اني من تقرير أسبانيا وأنا موقف التقارير بسبب التعب اللي شفته من كتابة التقرير....

    لكن قطر تستاهل الطيب وراح أخليه تقرير مفصل ومهدى لك ....

    دمت بكل الود يالغالي....

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة النسر المهاجر
    http://www.arabtravelersforum.com/tr...0/#post4804580

    مشكور يالغالي كفيت ووفيت

    ملاحظات حلوة وبرنامج أحلى...

    وشكل المقصود جزيرة اللؤلؤه بس أنا ماجمعت كثير....

    ويقولون أهل مكة أدرى بشعابها ,,, وانا أقول أهل الدوحة أدرى بدريتهم,,, لذلك راح أتبع نصيحتك يالغالي وبخلي سوق واقف زيارة وحدة فقط وأذا كانت حديقة الحيوان قريبة وحلوة راح أعوضها بدال الزيارة الثانية لسوق واقف....

    لكن وش أنسب وقت,,, لأني بخليها عشان ولدي الصغير يحب يشوف الحيوانات ويوسع صدره أشوي....

    وبالنسبة للتقرير أبشر يالغالي مع اني من تقرير أسبانيا وأنا موقف التقارير بسبب التعب اللي شفته من كتابة التقرير....

    لكن قطر تستاهل الطيب وراح أخليه تقرير مفصل ومهدى لك ....

    دمت بكل الود يالغالي....



    هلا أخوي

    حديقة الحيوان ماأشوف لها وقت مناسب في الجدول خصوصاً إنكم بتقعدون يوم واحد بس

    يعني لو قعدتوا يومين على الأقل بتلقون لكم وقت علشان تزورون أماكن ثانية

    بس لو إنت مصر ّ تروح حديقة الحيوان لازم تكنسل سيتي سنتر وتروحون بداله الحديقة

    ويكون هالشي الصبح يعني الساعه عشر تقريبا

    ولو الحديقة تفتح قبل هالوقت يكون أحسن

    على الأقل تروحون قبل لاتحمى الشمس عليكم

    وعقب الظهر روحوا سيتي سنتر .. مكان مكيف على الأقل

    وتغدوا فيه وتمشوا ,, فيه مطاعم كثيره

    ومعظمها في الدور الثالث

    تتركز معظم المطاعم صوب السينمات وصوب الألعاب وفي الوسط مطاعم وكوفيهات

    والعصر تقدرون تزورون اللؤلؤة

    وطبعا التقرير مايحتاي تسويه لو بتتعب واحنا مانبي نتعبك معانا

    حتى لو تسوي لنا تقرير مجرد كتابه بيكفينا هالشي

    ولو عندك أي إستفسار ثاني أنا حاضره

    أختك النووووري

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    أحم أحم دووم النوري وأخوي ذا رووك في الواجهه موجودين ومايقصرون،،
    ربي يعطيج العااافيه أختي النوري على المساعده لأخونا الغااالي،،
    المهم طبعاً لازم شوية لقافه واقترااحات من أخوكم عبدالله (ههههه)،،
    شوف أخووي ترتيب الأخت النوري عال العااال ما عليه كلااام ومرتبه الاماكن صح،، بس اليوم الثاني أنا عندي لك اقتراح بسيط والسكن بعد عندي لك اقتراح بسيط،،
    شوف مثل مافهمت من جدولك والوقت الضيق الي بتكون فيه عندنا الفندق ماراح تحتاجه لغير النوم،، فأنا أنصحك كالتالي أسكن في فندق موفنبيك القديم أو فندق سيف الدوجه الجديد أو فندق المروب الجديد وهذوله كلهم في منطقة الاسواق (وهي حذفة حصاه من الكورنيش وسوق واااقف ههههه)، بعدين عندك خيار ثاني فندق ملينيوم في منطقة السد بعد حلو لكنه بعيد شوووي،، شوف فندق رتاج أنا سكنته حلو لكن مانصح فيه قوة الا بشرط واحد لوكنت محصل فيه على عرض أو سعر حلوو وأرخص من الفنادق الي ذكرتها لك فأسكن فيه أو مالك حااجه،،
    أما بخصوص ثاني يوم الصبح أنا أنصحك لو بتسكن في الفنادق الي ذكرتها لك أول شيء فهي راح تكون قريبه جداً من المتحف الاسلامي فأنصحك تزوره فهو شيء جميل ومبنى أجمل منه مافي يطل على البحر والتحف والاثار الي فيه تستحق الزيارة، بعدها تطلع على السيتي سنتر عندك المطاعم المتنوعه فيها تاخذ لك غدا وبعدين فيها منطقة الالعاااب بعد،، عقبها تنزل من الستي على طول ناحية اللولوه تقضي لك شوية وقت هناااك مع التمشايه،، مع أني أنصحك انك تخليها مع زيارتك للحي الثقافي لانهم جنب بعض فما راح تحتاج تنزل للمنطقة نفسها مره ثانيه،،
    أنزين شوف أنا بعطيك خيار آخر وفي النهاية هو شيء راجع لك وأسمحلي على الاطالة،،
    أول يوم توصل فيه تروح الستي سنتر بعدها تطلع على الحي الثقافي واللولوه وبعدها سوق واقف تتعشى هناااك،،
    ثاني يوم تزور المتحف الاسلامي (لازم تزروه لانه حاجه ماتتفوت) بعدها ترجع للفندق تعمل التشيك أوت بعدها تتجه ناحية الفيلاجيو مول وتتغدى هناااك وفي منطقة العاااب وااايد حلوه ممكن تتسلون هناااك، بعدها تتمشى شوي في اسباير وتطلع ناحية حديقة الحيوان لانه جنب الفيلاجيو واسباااير على طول،، بعدها تمسك خطك ناحية ديارك الحلوه (الاحساء) لانه كله طريق وااحد وبهذا الشكل تكون زرت كل الي في خاطرك وانت مرتااح (بس بتكون تعبااان شووي)،،
    أي خدمة أخرى حاضرين لك طال عمرك وأسف على الاطاله،،

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    والله أحرجتوني ياجماعة على مشورتكم وفزعتكم.....

    وهالشي يدل على أنكم شعب مضياف ويتشرف الواحد بوجوده بينكم....


    آسف يا أختي النوري والله ماكنت مركز على الاسم كثير لذا أعتذر لك يا أختي النوري وماقصرتي وبيض الله وجهك أنتي والشباب اللي ماقصروا باقتراحهم....

    لكن عندي سؤال ياليت أعرف اي فندق موفنبيك القديم الله تقصده ياخوي عبدالله المنصوري....

    ولو عندك الرابط حق الفندق من موقع بوكينج لأني شفت أكثر من فندق....

    وإذا شفت السعر حلو خليت السفرة يومين....

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    من حيث الأسعار أشوف فندق مروب لكني ما أدري عن موقعه وهل هو نفس الصور او لا سعره 635 غير مشمول الافطار ويمكن إضافة 130 للشخصين بحيث يكون المجموع 765 أي الفرق بينه وبين ريتاج 35 ريال فقط
    وكذلك ريتاج الريان وسعره 800 مشمول الفطور
    وفندق ميركور جراند وسعره 520 غير مشمول الافطار

    الإفطار ما يهمني كثير لكن الأهم النظافة وأن يكون الفندق أثاثه ممتاز كثير لأن الغرفة عندي مهمه حتى لو كان وجودي في الفندق حق نوم فقط....


    كثرت عليكم الكلام وأسف والليلة راح أحجز إن شاء الله....

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة النسر المهاجر
    http://www.arabtravelersforum.com/tr...6/#post4809336

    هذي روابط فنادق حصلتها صنفوا لي القرب من الكورنيش وكذلك الموقع ورايكم في هالفنادق

    أجنحة وريزيدنس كمبينسكي


    http://www.booking.com/hotel/qa/kemp...C1&aid=1329869


    فندق أجنحة وأبراج موفنبيك


    http://www.booking.com/hotel/qa/moev...C2&aid=1329869


    فندق مروب, وسط المدينة


    http://www.booking.com/hotel/qa/merw...C3&aid=1329869


    فندق رتاج الريان

    http://www.booking.com/hotel/qa/reta...10&aid=1329869


    Mövenpick Hotel Doha


    http://www.booking.com/hotel/qa/moev...12&aid=1329869



    Mercure Grand Hotel

    http://www.booking.com/hotel/qa/merc...13&aid=1329869





    أول رابط حطيته عن كمبنسكي عبارة عن شقق فخمة خمس نجوم

    وهي تعتبر أفخم شقق في الدوحه وموقعها استراتيجي لانها في منطقة الابراج

    وأعتقد انها تطل على الكورنيش

    وقريبه من السيتي سنتر وباقي الأماكن السياحيه مثل سوق واقف وجزيرة اللؤلؤة والحي الثقافي

    وبالنسبة للرابط الثاني فهو عن فندق موفنبيك

    وهو فندق خمس نجوم لكن مافيه الفخامة اللي نلقاها في فنادق الخمس نجوم

    وهالكلام نفسه ينطبق على فندق رتاج الريان

    وعلى العموم موفنبيك ورتاج الريان جمب بعض وموقعهم هو نفسه موقع شقق كمبنسكي

    وبالنسبة لفندق موفنبيك الثاني فأنا ماأنصحك تسكن فيه

    لانه قديم ومب ذاك الزود

    يعني لو تسكن في موفنبيك اليديد أبرك لك من موفنبيك القديم

    كفايه ان اليديد خمس نجوم والقديم أربع نجوم

    أما بالنسبة لفندق مروب والفندق الآخير mercure

    فأنا ماأعرف عنهم شي

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    المشكلة كل فندق والثاني الفرق بينهم مهب عالي

    يعني الفندق اللي سعره 800 بتقول مو فرق كبير لو اسكن فندق سعره 900 وهكذا .....

    أنا أشوف سعر الريتاج مهب شين خاصة وأن معاه أفطار لكن وش وضع الفندق ما ادري هل يستاهل هالقيمة أو لا.....

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    إذا أنت مستعد تدفع 900 ريال عيل انا أقول لك اسكن في فندق الشيراتون

    فندق خمس نجوم وأفخم من كل الفنادق اللي انت ذكرتها

    وموقعه روعه ويطل على البحر وغرفة واسعه وراقية واللوبي ماله فخم ويرد الروح

    طبعا الكلام غير عن الصور والصور غير عن الحقيقة

    وعلى العموم هذا تقريري عن فندق الشيراتون تقدر تشوفه وماراح ياخذ من وقتك شي

    http://www.arabtravelersforum.com/travel483126/

    وعلى فكرة الشيراتون موقعه في نهاية الكورنيش يعني جمب موفنبيك ورتاج وكمبنسكي وهالاماكن

    يعني قريب من كل شي

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    اقتراحكم على راسي والله....

    لكن الشيراتون حصلت الليلة ب 1450 واللحين مافيه في التاريخ الي انا اخترته....

    الريتز حصلته ب 2500 لذلك سعرهم مرتفع كثير....

    طبعاً التاريخ 6 / فبراير قد يكون موسم عند هالفنادق او محجوزين بالكامل عشان يكون السعر مرتفع كذا....

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    المشاركة الأصلية كتبت بواسطة النسر المهاجر
    http://www.arabtravelersforum.com/tr...6/#post4811076

    اقتراحكم على راسي والله....

    لكن الشيراتون حصلت الليلة ب 1450 واللحين مافيه في التاريخ الي انا اخترته....

    الريتز حصلته ب 2500 لذلك سعرهم مرتفع كثير....

    طبعاً التاريخ 6 / فبراير قد يكون موسم عند هالفنادق او محجوزين بالكامل عشان يكون السعر مرتفع كذا....



    موقع بوكنج كذابين ماعليك منهم

    أنا كنت مكلمه فندق الريتز في موسم عيد الفطر والسعر كان 750 ريال

    بس انت خلاص لازم تحجز من الحين حتى لو بتروح رتاج أو غيره

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    تم الحجز في فندق ريتاج الريان وبسعر أراه جداً ممتاز 690 ريال سعودي شامل الافطار

    ومن موقع otel.com

    وبفارق 110 ريال عن موقع بوكينج

    ماقصرتي أختي النوري على مشورتك ومتابعتك للموضوع بانتظام,,, فأنتي تستحقين وسام التميز في هذا المنتدى الراقي....

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    ^
    ^
    اخوي عبدالله يعطيك العافيه ماقصرت الصراحه بردك ماشاء الله ردودك قامت تتناثر مثل الورد في البوابه والله يدوم هل شي

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    أحم أحم الروووك مشكوور فديت خشمك وحااااضرين لبوابتنا العزيزة،،
    بس تصدق ياخي راعي الموضوع لازم كان يشكر بس طقع لي ياخي،، وكأنه ولاني موجود
    هههههه المهم يارجاااال الاستفاده والافاااده للغير،،
    يعطيك العااافيه ووحشتنا يالروووك وين الغيبه؟؟

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    هههههههههههههههه

    لك الحشيمة ياخوي عبدالله وأنت على العين والراس ماقصرت

    شيك ياعبدالله في الصفحة الثانية أكيد راح تلاقي شكر....

    وراح أكرر مشكور يا عبدالله المنصوري وبيض الله وجهك أنت وكل واحد عقب على الموضوع....

    فنادق عطلات


+ الرد على الموضوع

المواضيع المتشابهه

  1. شقة فندقية لليلة واحدة بنات الكويتابي السوق ساعدوني
    بواسطة Robot في المنتدى بوابة السفر إلى الكويت Kuwait
    مشاركات: 7
    آخر مشاركة: 02-03-2015, 04:02 AM
  2. محتاج مشورتكم قبل الشراء قي اختيار الكام المناسب
    بواسطة Robot في المنتدى بوابة الكاميرات و معالجة الصور
    مشاركات: 7
    آخر مشاركة: 02-03-2015, 02:58 AM
  3. بشأن اختيار فندق مناسب للسكن في ميونخ من بين مجموعة فنادق أفيدوني
    بواسطة Robot في المنتدى بوابة السفر إلى المانيا | ميونخ | برلين
    مشاركات: 2
    آخر مشاركة: 02-01-2015, 02:38 PM
  4. مشاركات: 6
    آخر مشاركة: 01-16-2015, 10:44 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X