الموضوع: ايش اقرب اوتيل لفيلاجيو مول؟؟

ايش اقرب اوتيل لفيلاجيو مول ويكون فخم؟!!!!
باسافر بعد بكره مافيه وقت ومحتارين وين نسكن؟؟؟؟

مواضيع عشوائيه ممكن تكون تعجبك اخترناها لك:

• انصحوني بشقق معروفة ونظيفة بالدوحة
• وين القى مشروب ؟؟
• ساعة في الدوحة
• سؤال عن معرض الدوحة للكتاب فندق للسكن
• ملاحظاتي على دولة قطر
• اريد ارخص وافضل شقق مفروشة في الدووحة
• شقق فندقيه في الدوحه
• معرض الأعراس وعروض الأزياء ينطلق مايو
• قد يتم تعييني في قطر أرجو مساعدتكم
• شكرا يالقطريين
• افتتاح أول فرع لمطاعم بيتشه الشهيرة في قطر ضمن جزيرة اللؤلؤةقطر
• مهرجانات قطر
• اول مرة ازور قطر استفسارات هاااامة
• مطلوب عاجل فندق افـتصـادي
• تفضل أسئلة عن قطر
• ممكن مساعده لو سمحتو
• استفسار عن جزيرة اللؤلؤه
• خطط طموحة للطيران القطرية في أوربا
• ساعدوني يااهل قطر
• سؤال بخصوص الإجراءات للمسافرين برأ إلى قطر

نوافي 2005 ربي يسلمك،فيلاجيو مول مافي قريب منها أي فنادق،،
بس عندك مثلاً قريب منطقة السد فندق ملينيوم وجراند ريجنسي وفندق لا سيجال،، وأرشح لك من بينهم فندق ملينيوم لانه حلو ومرتب،، بعدين عندك في منطقة الخليج الغربي فندقيين ماعليهم كلام بصرااحه من ناحية الفخامه والاطلاله وهم فندق الريتز وفندق جراند حياة أنصحك فيهم بقوة بما أنك تتطلع لفندق فخم وهم قريبين جداً من اللولوه والحي الثقافي،،
أي خدمة أخرى أو استفسار حاضرين لك طال عمرك،،

فندق رمادا قريب من فيلاجيو

المشاركة الأصلية كتبت بواسطة النوريq
http://www.arabtravelersforum.com/tr...0/#post4807950

فندق رمادا قريب من فيلاجيو



كيف مستوى الفندق؟؟

المشاركة الأصلية كتبت بواسطة نوافي2005
http://www.arabtravelersforum.com/tr...0/#post4808360

يعطيك العافيه

طيب احنا جايين سياحه لقطر واول مره وبنجلس اربعة ايام بس بصراحه ما عندنا معلومات كافيه عنها
احنا عائله نبي نكون قريبين من الاسواق والسينما والمطاعم!!

بالنسبه لمنطقة السد و منطقة الخليج العربي ايش افضل؟؟؟
وايش هو اللؤلؤه؟؟والحي الثقافي؟؟ ايش فيه؟؟
ياليت تشرحون لي بليز انا قريت مواضيع كثيره بس ماتوصلت لشيء واضح؟؟
فيلاجيو مول فيه سينما؟؟ومستواه قريب للامارت مول اللي بدبي او اصغر؟؟
ويعطيكم العافيه




اللؤلؤة جزيرة صناعية تشبه جزيرة النخله اللي في الامارات

والحي الثقافي مكان حلو روحوا شوفوه فيه قهاوي ومطاعم ومسارح وأشياء كثيره

فيلاجيو ماله خص في الامارات مول لانه تصميمه مختلف تماماً وهو مستوحى من مجمع شبيه له في لاس فيغاس

وفيه 11 سينما

وأستغرب يانوافي شلون بتزور قطر وانت ماعندك فكره عن أهم معالمها ؟؟

المشاركة الأصلية كتبت بواسطة نوافي2005
http://www.arabtravelersforum.com/tr...4/#post4808364

كيف مستوى الفندق؟؟



الفندق حلو وهذي صورته من برا





ولو تلاحظ الصورة تحتوي فندقين يشبهون بعض وكلهم ترى اسمهم رمادا

بس انت لازم تسكن في الفندق اليديد لانه أحلى وأفخم وتوهم فاتحينه

بس طبعا لو تبي الفخامه بتضطر تسكن في في منطقة الأبراج

وذيج الحزه قول لي علشان نرشح لك فنادق ثانية

لانه ترى قطر صغيره وتوصل الأماكن كلها في ربع ساعه

يعني مب لازم تدور لك فنادق قريبه من فيلاجيو

حتى رمادا مب قريب وايد من فيلاجيو بس يعتبر قريب

لو تقعد في منطقة الأبراج أفضل لك من عدة نواحي

أول شي المنطقة حلوه وراقيه وتطل على الكورنيش والبحر

ثاني شي الفنادق فخمة وراقية

ثالث شي جمبك سوق واقف والمتحف الاسلامي لو كنت تحب تزور المتاحف

رابع شي بتكون قريب من أكبر مجمع في قطر وهو سيتي سنتر

خامس شي بتكون أقرب من الأماكن السياحيه المفتوحه مثل جزيرة اللؤلؤة والحي الثقافي

يعني كل شي بيكون قريب حذاك

علشان جذي أقول لك لاتخلي كل هالأشياء وتقتصر رحلتك على فيلاجيو وتدور لك فندق قريب حذاه

وحتى لو قعدت في منطقة الأبراج بسهولة تقدر توصل لفيلاجيو

الدوحه مثل ماقلت لك صغيرة

اخوي كم يوم بتقعدون في قطر ؟

وايش الأماكن اللي قررتوا تزورونها ؟

تفضل أخوي هالصور علشان أعطيك صورة واضحة عن فيلاجيو


هذا هو المجمع اللي موجود في لاس فيغاس أمريكا














وهذا فيلاجيو في قطر









ومثل ماتشوف المجمعين متشابهين

يعطيك الف عافيه على هالمعلومات القيمه

احنا وصولنا الاربعاء الساعه خمس ونص المغرب

أخووي نووافي،، مميزتنا دووم مميزة كفت ووفت وما قصرت، بالنسبة للسكن أنا أنصحك في منطقة الابراج الي هي المنطقة الدبلوماسية والخليج الغربي،،
إنشاء الله توصلون بالسلامه يوم الاربعاء واول ماتوصلون تروحون الفندق،، بعدها تقضون وقتكم في سوق واقف تمشايه وتتعشون هناك (أنصحكم بمطعم بيروت عليهم فول وحمص مكس ماعليه كلاام هههههههه)،،
ثاني يوم عندكم الصباح تزورون المتحف الاسلامي اعتقد تكفيكم ساعتين (مبنى المتحف روعه وخيال وهو على البحر وانصح بزيارته وبشده)،، بعدها تطلعون على الستي سنتر تتغدوون هناااك وتاخذون لكم كم لفه وفره،، وممكن تحجزون لكم فلم حق في الليل لانه الخميس بصرااحه السينما تكون عليها زحمه (وخذ الكراسي الي فوق هي مخصصه للعوائل)،،
طبعاً بعد الستي تمر على الحي الثقافي قريب من فندق الانتركونتنتال، بعدها جزيرة اللولؤة ويكون جذي يومكم الثاني خلص،،
انزين اليوم الثالث وين ترووح ياحبيب ائلبي، طبعاً أنا الي راح بقولك،،
اليوم الثالث يوم الجمعه الله يسلمك المحلات ما تفتح الا بعد صلاة الجمعه،، طبعاً الظهر تشيل كشك وتمر على فيلاجيو موول وتفتر وتتغدى وترجع تفتر وبعد تفتر (هههههههه)،، لو كان عندك يهاال فهناك قريب فيلاجيو عندك حياة بلازا فيها جنغل زون للاطفاال، وعندك حديقة اسباااير حديقة ضخمه تتميز بالفخامه والاشجار الرائعه،،
اليوم الرابع الله يسلمك مادري شلوون يكون وضعكم شكلكم بترجعون بس قولي متى رجوعكم وراح أفيدك بشنو تسوي،،
هذا رأي أخوك الصغير والبقية على مميزة بوابتنا النووري،،ِ

عاد لاتنسى اخوي نوافي تقول لنا عقب ماترجع رايك وانطباعك عن قطر ووين رحت وشسويت فيها

راح أسوي لك جدول مشابه شوي لجدول أخونا عبدالله منصوري وباضيف بعض الأماكن :

اليوم الأول بتوصلون متأخر روحوا الفندق وحطوا شناطكم ( أفضّل يكون فندق الشيراتون ) بس شوفوا سعره كم

وعقب روحوا سوق واقف وتمشوا وتعشوا وتفرجوا عليه

وثاني يوم روحوا سيتي سنتر الضحى وتسوقوا وتغدوا وادخلوا السينما .. بس ماادري متى تفتح السينما بالضبط

خصوصا انه بيكون يوم الخميس يعني الأفلام اليديده بتكون توها نازله اليوم

لو افترضنا انكم بتقعدون في المجمع أربع ساعات ( ساعه للتسوق وساعتين للفيلم وساعه للغدا ) وعقب إذا طلعتوا ولقيتوا الجو حلو تقدرون تتمشون في الكورنيش اللي عندنا

وبعدين المغرب روحوا اللؤلؤة وتمشوا فيها وتسوقوا وتعشوا

مع ملاحظة انكم عقب ماتخلصون من الكورنيش تقدرون ترجعون الفندق ترتاحون ساعه أو ساعتين وتصلون

لانه بتتعبون لو طلعتكم كانت متواصله من الصبح لين الليل

وفي اليوم الثاني : روحوا عقب صلاة الجمعة فيلاجيو واقعدوا فيه كم ساعه وعقب روحوا حديقة اسباير زون اللي جمب فيلاجيو بالضبط

الحديقة حلوه والكل يمدحها بس انا للأسف مازرتها

وعقب بالليل روحوا الحي الثقافي ( كتارا ) ,,, فيه مطاعم كثيره وقهاوي ومسارح ويطل على البحر

ويوم السبت تقدرون تروحون المتحف الإسلامي اللي ذبحنا عليه عبدالله منصوري

المتحف وايد حلو وتصميمه روعه وحاطينه على جزيرة خاصه

خصوصاً في هالجو الحلو بتكون الرحلة حلوه

وهالمتحف يعتبر من أجمل المتاحف في العالم

وإذا خلصتوا منه روحوا مجمع اللاند مارك وتغدوا هناك

المجمع حلو وهادي الصبح



وبعدين بترجعون بلادكم بالليل والا بتكملون اليوم في قطر ؟؟؟